نيسان صنى 2012

[mohamed_edp]

حد عنده فكرة اذا كان النيسان صنى هينزل منها شكل جديد فى موديلات 2012 وطبعا الموديلات الجديدة بتنزل فى شهر 10 لو هينزل الشكل الجديد ممكن يكون سعره كام
انا بسال كده علشان انا نويت انشاء الله اشترى النيسان الصنى بس خايف بعد ما اشتريها الاقى شكل جديد نزل بعد كام شهر
على فكرة انا عملت بحت على النت ولاقيت فعلا صور ليها بس مش قادر اعرف اذا كان الشكل ده هو اللى هينزل مصر ولا لاء
معلش محتاج بجد مساعده منكو يا خبراء النيسان

[sedyrohy]

الشكل الحالي حيستمر بنسبه 95 %
اشتري و توكل على الله

[mememsaid]

انا اعتقد انه نفس الشكل القديم

[Ahmed.TV]

صنى 2012 اللى حضرتك شوفت شكلها فى الصين دى لسه مش دلوقتى حتنزل ابدا مش اقل من 2013 فى اولها

وكمان اعتقد بنسبة كبيرة اذا نزلت هنا لسه اكيد حيدرسوا تقفليها هنا

لان العربية لو نزلت بنفسة المواصفات اللى فيها سعرها حيكون مش اقل من 130 الف او اكتر , وحيحصل تضارب بينها وبين موديلات اخرى فى نيسان ,

وكمان الصنى اللى مخليها تحقق مبيعات كبيرة فى مصر هنا سعرها اللى مش بيزيد عن 100 الف , وده حيخليهم يفضلوا ينتجوا منها لفترة كبيرة , وعشان كدا انسى الشكل الحالى ده لفترة كبيرة

[mohamed_edp]

شكرا يا شباب على دودكوا و انا انشاء الله نويت انى اتكل على الله و اشتريها

[sab3aawy]

المشكلة يا صديقى اننا مش قادرين نعرف بلدنا مصر نفسها هينزل منها شكل جديد فى 2012 وللا هتفضل بشكلها الحالى وللا حتى هترجع لشكل 2010
وبالتالى محدش يقدر يخمن سياسات التسويق بتاعت الشركات المختلفة هتكون عاملة ازاى لأنها هتكون مبنية على جاحات كتير لها علاقة بسياسة البلد ككل
لكن فى الأغلب ان محدش هيغامر بطرح منتجات جديدة علىالمدى القصير خاصة فى ظل وجود منتج ناحج وله سوق لذلك فالأغلب ان محدش هينزل اشكال جديدة مصنعة محليا، او حى مستوردة لو فيه استمرارية لتصنيع الشكل القديم فى الشركة الأم ، لحين استقرار الأوضاع وتحسن القوى الشرائية