مشكلة فى ظفيرة الكهربة

[msalah191281]

السلام عليكم
كان عندى استفسار صغير علشان انا نويت اشترى صنى مستعمل ان شاء الله
انا كنت جبت لانسر بس ما ريحتنيش فا بعتها و نويت على النيسان انا و اخويا ان شاء الله
انا سمعت كتير عن موضوع مشكلة ضفيرة الكهربة الى الناس بتشتكى منها و ان دى بتبقى من عيوب الصناعة فى الصنى فا كنت عاوز اعرف ازاى و انا بشترى العربية اعرف اذا كانت ضفيرة الكهرباء بتعتها فيها مشكلة ولا لا يعنى مثلا لما العربية الضفيرة بتاعتها بتبقى فيها مشكلة اية الى بيحصل و بيتعرف ازاى و المشكلة كمان انى هشترى من السوق فا مش هعرف اكشف عليها فى التوكيل علشان هيكون يوم جمعة بس هكشف عليها فى بنزينة كويسة جنب نادى المقاولون
بس كنت عاوز اعرف اذاى اتاكد ان العربية الضفيرة بتعتها سليمة ولة بايظة

وشكرا ليكم

[WalidAdel]

اولا مشكلة الضفيره مش هاتبقي ظاهره في العربيه كعيب باين بظروفها يعني و لو حتي ظهرت و دي كانت بتظهر في السوبر صالون اكثر حاجه بتروح تغيرها في التوكيل عادي او بتبان في استهلاك الينزين لو بتستهلك بنزين تحت ال 150 كيلوا في الصفيحه تقريبا بتغيرها بردوا وو التوكيل ماشاء الله متفاهم اوي و مش زي اي توكيل يقعد يأوح و يناهد معاك ان العيب مش من عندهم لا علطول في عيب بيتعمل وقتي
ثانيا بالنسبه للشري بقي حضرتك لازم تكشف عليها في التوكيل ماحدش بيشتري عربيه و يخلصها في نفس اليوم علشان لازم استخراج شهادة مخالفات و بعض الاوراق حضرتك عجبتك عربيه بتديه عربوون اذا كان كبير بتاخد العربيه و الباقي عند استكمال الاوراق او لو كان صغير مش هتاخد العربيه بس حضرتك تشترط انك تكشف عليها في التوكيل عادي يعني انت هاتشتري عربيه مش أقل حاجه 75 الف فلازم تبقي مطمن من كله و حقك

ارجوا اكون افدتك

[SonaSteel]

اولا مشكلة الضفيره مش هاتبقي ظاهره في العربيه كعيب باين بظروفها يعني و لو حتي ظهرت و دي كانت بتظهر في السوبر صالون اكثر حاجه بتروح تغيرها في التوكيل عادي او بتبان في استهلاك الينزين لو بتستهلك بنزين تحت ال 150 كيلوا في الصفيحه تقريبا بتغيرها بردوا وو التوكيل ماشاء الله متفاهم اوي و مش زي اي توكيل يقعد يأوح و يناهد معاك ان العيب مش من عندهم لا علطول في عيب بيتعمل وقتي
ثانيا بالنسبه للشري بقي حضرتك لازم تكشف عليها في التوكيل ماحدش بيشتري عربيه و يخلصها في نفس اليوم علشان لازم استخراج شهادة مخالفات و بعض الاوراق حضرتك عجبتك عربيه بتديه عربوون اذا كان كبير بتاخد العربيه و الباقي عند استكمال الاوراق او لو كان صغير مش هتاخد العربيه بس حضرتك تشترط انك تكشف عليها في التوكيل عادي يعني انت هاتشتري عربيه مش أقل حاجه 75 الف فلازم تبقي مطمن من كله و حقك

ارجوا اكون افدتك

+1111111111111111111111111111111111111111
السلام عليكم
اخي الكريم .... كيف حالك
بص .. انت هاتدفع مبلغ مش قليل والسوق انا اتقرصت منه كتير ... وربنا يرزقك الخير وتقابل واحد عايز يبيع عربيته مش تاجر
بس الحاجة الوحيدة اللي هاتضمنلك العربية ديه .. التوكيل بتاعها ياريت لو تعرف تكشف عليها في التوكيل ولو صاحبها مرضيش يبقي فيها حاجة ... ولو تاجر مش هيرضي طبعا ... واختارها يكون موديلها قريب ومش عاملة كيلومترات كتير علشان تستفيد بالضمان .... ومشكلة الضفيرة كانت في الموديلات القديمة لغاية 2005 تقريبا بعد كده اتحلت ولو موجوده بتبقي حالات فردية اوووي والتوكيل فعلا بيحلها من نفسه ومن غير مشاكل ولا حاجة ماشاء الله
وربنا يرزقك الخير وييسرلك الخير يارب

[msalah191281]

شكرا ليكم على الردود انا ان شاء الله ناوى على 2008/2009 و متكونش ماشية كتير
طاب انا ساكن عند كارفور المعادى ممكن اعرف اقرب فرع للتوكيل فينو بيكونو فتحين يوم السبت ولة لا و لو ممكن سعر الكشف ابقى شاكر ليكم

[MOK3336]

هو انت خلاص شوفت عربية ولا لسة هدور
لو لسة قولي
أنا بفكر ابيع عربيتي

[sedyrohy]

+1111111111111111111111111111111111111111
السلام عليكم
اخي الكريم .... كيف حالك
بص .. انت هاتدفع مبلغ مش قليل والسوق انا اتقرصت منه كتير ... وربنا يرزقك الخير وتقابل واحد عايز يبيع عربيته مش تاجر
بس الحاجة الوحيدة اللي هاتضمنلك العربية ديه .. التوكيل بتاعها ياريت لو تعرف تكشف عليها في التوكيل ولو صاحبها مرضيش يبقي فيها حاجة ... ولو تاجر مش هيرضي طبعا ... واختارها يكون موديلها قريب ومش عاملة كيلومترات كتير علشان تستفيد بالضمان .... ومشكلة الضفيرة كانت في الموديلات القديمة لغاية 2005 تقريبا بعد كده اتحلت ولو موجوده بتبقي حالات فردية اوووي والتوكيل فعلا بيحلها من نفسه ومن غير مشاكل ولا حاجة ماشاء الله
وربنا يرزقك الخير وييسرلك الخير يارب

مظبووووووووووووووووووووووووووووووووط

[mohamedbook]

مركز السبع في زهراء المعادي بعد متخش من جمب كارفور المعادي هتاخدها علي طول موازي لبنزينه شل وهتلاقي اسهم بتدل علي مركز السبع
التليقون ممكن تستفسر عن الي انت عايزة0225162518
والموبيل 0100050700
كلمهم واعرف منهم تكاليف الكشف علي السيارة وياريت تعرفنا هتكلف كام
وربنا يوفقق في الشراء

[arakysolom]

هو انت خلاص شوفت عربية ولا لسة هدور
لو لسة قولي
أنا بفكر ابيع عربيتي

ممكن نعرف سبب البيع و تفاصيل شوية عن العربية
اتوماتيك / مانيوال
كيلوامترات
اللون
الحالة العامة

[dramir1]

متابع لاراء الخبراء

[tiger45]

فعلا الضفيره بتبقي مشكله بس مش منتشره وفعلا انا لاحظت انها اكتر في الاتوماتيك

[Bishoy.Girgis]

يا باشا متقلقش من موضوع الضفيرة لأنها مشاكل فردية و مش كتيرة اصلا يعني هي تعتبر مش عيب في النيسان بالنسبة الكبيرة اللي الناس متصوراها .. حضرتك اشتري العربية و ياريت يكون فيها ضمان لسة بحيث لو استلمتها و بعد كده لاقيت فيها حاجه .. يبقي تأكد ان التوكيل هيكون معاك لغاية ما تتظبط
و الف مبروك مقدما