هام .. حد سمع عن صنى اتسرقت ؟؟؟؟؟؟؟

[Bishoy.Girgis]

حبيت اعرف منكم يا جماعة ؟

الايام ديه السرقات شغالة زي الفل بصراحة و الحرامية مش عاتقة لدرجة انهم مش بيسرقوا حاجه من العربية و يمشوا .. دول بياخدوا العربية بحالها و يمشوا و سمعت كمان من ناس انهم بيشتروا الجهاز اللي بيفك الشفرة بتاعة المفاتيح المشفرة و الجهاز بيقولوا ثمنه 40000 جنيه

جاري معاه مرسيدس و لسة شاريها جديدة و مكملتش معاه شهر و اتخدت بحالها و صاحبي معاه لانسر بومه و برده اتاخدت بحالها و كتير اوي هيونداي النترا و هكذا ....

السؤال الذي يطرح نفسه ...

هل حد سمع او عارف حد معاه نيسان صني بتاعته اتسرقت بحالها قبل كده او في خلال الفترة ديه ؟؟؟؟ و برده نسأل علي التيدا بالمرة يالا بقي ...

ولا نظام السيكيورتي بتاع العربية عالي لدرجة ان الحرامي يخاف يقربلها :)

[mohamednagib]

متابع ...

متابع جدا .....

[SonaSteel]

حسبي الله ونعم الوكيل
ربنا يسترها ..... ومفيش أمن من انك تستودعها الله
ما باليد حيلة

[mohamedbook]

ربنا يستر

[WalidAdel]

هو بص لو المرسيدس دي فعلا اتسرقت مع اني اشك ان في حد ممكن يسرقها يبقي اكيد اكيد اكيد الصني مش هاتطلع نظام السيكيورتي فيها جامد اوي الناصحه اوي اللي هايحافظوا بيه علي عربيه ب 100 عن الناس اللي يحافطوا علي عربيه ب 300 الف اذا كان كده يبقي يلا السلامه بقي
انا شخصيا ماسمعتش عن صني بصراحه اتسرقت كله لانسر و سيراتوا و الينترا و البقيه تأتي

[Bishoy.Girgis]

علي فكرة يا جماعة عايز اطمنكم علي المرسيدس .. لسة صاحب العربية مقابلني دلوقتي حالا و قال لي ان العربية رجعت عن طريق اللجان الشعبية اللي علي الطريق و مسكوا اللي كانوا سارقين العربية
الحمدلله .. جاري ده راجل محترم اصلا و يستاهل كل خير

[harizy]

علي فكرة يا جماعة عايز اطمنكم علي المرسيدس .. لسة صاحب العربية مقابلني دلوقتي حالا و قال لي ان العربية رجعت عن طريق اللجان الشعبية اللي علي الطريق و مسكوا اللي كانوا سارقين العربية
الحمدلله .. جاري ده راجل محترم اصلا و يستاهل كل خير

ياريت تكمل جميلك وتقول لنا هى اتسرقت إزاى يعنى كان سايب المفتاح للبواب، ولا نساها مفتوحة، ولا تغلبوا على نظام الأمان فيها ........ يعنى شوية معلومات كده تؤكد أو تنفى القلق اللى إحنا فيه

[mahamedaraby]

بالنسبه للتيدا فهى فيها خبر مش حلو للاسف وهو انى قبل كده نسيت المفتاح جوه العربيه و كلمت التوكيل بعتولى واحد فتح العربيه فى خلال 3 دقائق والعربيه فيها ايموليزر بس انا مش مقتنع بفعليته اوى لان العربيه برضوا بتسرق وهو فيها

[WalidAdel]

والله بص ياباشا العفريت قصدي الحرامي لو جهه و بص للعربيه و كان ناوي عليها هايشغلها هايشغلها حتي لو كان فيها كلب حراسه كمان بس احنا بنقول ايه اعقلها و توكل
و استودعهعا عند الله الذي لاتضيع ودائعه ....بس كده
كان في موضوع في المنتدي الاجتماعي بيقولوا ان الحرميه بيجيبوا الونش يشيل العربيه كلها من قدام و شكرا علي كده بالسلامه بقي و كل ماحد يقول حل يطلع بحركه الحرامي ممكن يمعلها للتغلب علي الحل دا لحد مانا دخلت اقترحت عليهم نربط العربيه في العمود بجنزير زي الفيلم بتاع احمد مظهر و سعاد حسني لما اخوها كان بيربط العربيه في الشجره علشان تقف فمالهاش حل من وجهة نظري يعني

[sadangel_6306]

رغم قرائتى للموضوع ب اهتمام حبيت اسيب ملحوظتى الخاصة او ملا حظات يمكن تهمكوا جميعا لانى عاشق هذا المنتدى المحترم فى عندنا كام حاجة كدة انا عن تجربتى الشخصية هقول بكل صراحة لعلكم تستفيدوا من خبرتى
1- ممكن تفصل كابل البطارية قبل ما تطلع دة لو الحرامى بيفكر يدورها ودة مش محبذ على شان كود الكاسيت وتوليفة جهاز الانذار
2- ممكن تخلى الكهربائى يعمل مفتاح فى الشنطة يفصل كهرباء العربية بمعنى ان لو حرامى دخل العربية ونجح فى منع ازعاج الكلاكس او سارينة الانزار والعربية قعد يدور فيها هيسمع صوت المارش ولكن بدون دوارة وموت يا حمار وممكن تخلى المفتاح فى الشنطة او فى التابلوة ولانة حرامى فمش فاضى يلعب بمفاتيح التابلوة على شان يوصل اشارة التدوير كاملة
3- ممكن تجيبوا عصاية الدريكسيون مع مسوجرة الدريكسيون
انا الثلاث حجات جربتهم بصراحة فى موديلات كانت معاية
128
دوجان
كيا بيكانتو 2006 خليجى
وعقبال النيسان يارب ادينى بسعى فيها ادعولنا يا رجالة وعلى فكرة سبب غلو النيسان صنى ال السوبر صالون حوالى 1000ج غقط لا غير بسبب نزول الزجاج الخلفى والجناب فامية مثبوت ع الرخصة وشوية لعب ف الفوانيس بس بصراحة تحفة تحفة وارجوا ان تكون اى حاجة من اللى كتبتها افادتكم

[Elsayed]

والله شوية افكار ميه ميه وكل واحد حسب منطقته يعنى فى القاهره ممكن يكون معاهم فعلا الجهاز ده ودى فعلا مشكله ولو فى اماكن تانيه ممكن فعلا يستخدموا الونش لرفعها من الامام وكده يبقى بالسلامه
زى ماقال الاخ الكريم اعمل اللى عليك واعقلها وتوكل ولكن الله هو الستار وهو الحافظ وان شاء الله يرجع الامن للشارع المصرى من جديد ويكون احسن لانه فى الاخر سرقة العربيات ارحم بكتير من سرقه النساء والبنات من الشوارع وربنا يستر

[احمد المصرى]

حسبي الله ونعم الوكيل
ربنا يسترها ..... ومفيش أمن من انك تستودعها الله
ما باليد حيلة

+1111111111111111111111111111111111

[WalidAdel]

يعنى فى القاهره ممكن يكون معاهم فعلا الجهاز ده

توضيح بسيط بس معلش يعني

الجهاز ده مش هاتقولوا Start Engine هايقولك ماشي و يقوم مدور الموتور

الجهاز ده بيتوصل بالعربيه اه و لازم يكون مفتاح العربيه القديم موجود في كونتاكت العربيه علشان الجهاز يقري الشفره اللي عليه و بعدين يقولك شيل المفتاح القديم و حط المفتاح الجديد يقوم ينقل الشفره اللي سجلها عليه و بعدين هايقولك دور العربيه و لازم يكون المفتاح ده نفس شفرات السلاح المفتاح القديم و الا مش هايخش اصلا في الكونتاكت علشان يشفره الجهاز كل هذه الاشياء هاتتوفر ازاي في حرامي اللي مش لاقي ياكل اصلا

دا الجهاز العادي اللي موجود في المحلات





بالنسبه للجهاز التاني بقي لو بتتفرج علي افلام اجنبي انا شوفته في فيلم اجنبي اسمه Gone in Sixty seconds بتاع نيكولاس كيج و دا بيحكي عن الممثل بيجمع مجموعه من الحراميين الكبار علشان بيسرقوا 100 عربيه تقريبا مش فاكر الرقم بالظبط و طبعا بتدور احداث الفيلم كله عن تجميع افراد العصابه العربيات و مراقبتها و اماكنها فين و هاتبقي موجوده فين و امتي و بيجمعوا المعدات بتاعتهم للسرقه و بيسرقوهم فعلا هتلاقي بيستخدموا الجهاز ده في عربيات اه و عربيات لأ فيه كمان كل اساليب سرقه السيارات لو بتفكر تتجهه للموضوع ده و دول بيسرقوا عربيات معديه ال 3 او 4 مليون عربيات فيراري و لامبورجيني و لينكولون و بورشات و موستانج ال جي تي 500
و اصلا اصلا الجهاز دا لو موجود هنا و دا مستبعد اكيد لما يتوصل علي العربيه مش هايرضي يشتغل هايطلعلط رساله يقولك شيلني من التوك التوك اللي انت جايبني علشان اشغله يافاشل

حضرتك في كذا موضوع في المنتدي العام علي كيفية سرقه السيارات السيراتو و عضو بيحكي تجربه قدام عينه علشان الاعضاء ياخدوا بالهم مش عارفين ان لو حرامي قري الموضوع ده هايعمل حاجه عاشره بعيده عن الللي قراه في الموضوع علشان برضوا يسرق العربيه

ارجوا اني اكون وضحتلك الفكره العامه للموضوع

[Ahmed.TV]

بالنسبه للتيدا فهى فيها خبر مش حلو للاسف وهو انى قبل كده نسيت المفتاح جوه العربيه و كلمت التوكيل بعتولى واحد فتح العربيه فى خلال 3 دقائق والعربيه فيها ايموليزر بس انا مش مقتنع بفعليته اوى لان العربيه برضوا بتسرق وهو فيها

موضوع ان التوكيل جه فتحها على طول لان اكيد معاه اكواد التشفير
وكمان موضوع الايموبليزر ده وظيفته عشان لما الزجاج يتكسر , ويجى يدور العربية متدورش مالوش دعوة بانذار العربية



وبخصوص سرقة السيارات عموما طالما فى غياب امنى فى البلد , يبقا لو العربية اتجنزرت بميت قفل من بره حتتسرق بردوا

وبعدين احنا نحاول منروحش اماكن مقطوعة او نسيب حاجة ملفتة للسرقة فى العربية ,
ودايما ننزل من العربية ناخد المفتاح معانا حتى لو صاحبك جنبك فى العربية او مراتك

وبعدين عاوزين نخف كلام عن المواضيع دى , فبلاش نوضح نظام العربيات فيها ايه وهل سهل سرقتها ولالا , لان كدا بنفتح عيون الحرامية وممكن ناس تدخل وتقراء الكلام ده , لما بنقول الصنى سهلة والتيدا سهلة وهكذا , وانا عارف اللى عايز يسرق مش مستنى يقرا , بس بلاش بردوا احتياطى الله يباركلكم

خالى بالكم

وربنا يستر

[SonaSteel]

موضوع ان التوكيل جه فتحها على طول لان اكيد معاه اكواد التشفير
وكمان موضوع الايموبليزر ده وظيفته عشان لما الزجاج يتكسر , ويجى يدور العربية متدورش مالوش دعوة بانذار العربية



وبخصوص سرقة السيارات عموما طالما فى غياب امنى فى البلد , يبقا لو العربية اتجنزرت بميت قفل من بره حتتسرق بردوا

وبعدين احنا نحاول منروحش اماكن مقطوعة او نسيب حاجة ملفتة للسرقة فى العربية ,
ودايما ننزل من العربية ناخد المفتاح معانا حتى لو صاحبك جنبك فى العربية او مراتك

وبعدين عاوزين نخف كلام عن المواضيع دى , فبلاش نوضح نظام العربيات فيها ايه وهل سهل سرقتها ولالا , لان كدا بنفتح عيون الحرامية وممكن ناس تدخل وتقراء الكلام ده , لما بنقول الصنى سهلة والتيدا سهلة وهكذا , وانا عارف اللى عايز يسرق مش مستنى يقرا , بس بلاش بردوا احتياطى الله يباركلكم

خالى بالكم

وربنا يستر

+111111111111111111111
وفعلا ما باليد حيلة وكله بيد الله
بس كله اخذ بالاسباب ........ وربنا يستر
حسبي الله ونعم الوكيل