سؤال مهم أرجو المساعدة

[kabara]

إخوتي الكرام
إن شاء الله أنا هسافر لمدة 40 يوم و هسيب العربية في الجراج و لي بعض الإستفسارات :-
1- أعمل إيه في البطارية ( هل ستؤثر هذه المدة علي البطارية و خاصة إن مفيش حد ممكن يدور العربية خلال هذه الفترة ) هل أفرغ مياه البطارية بعد فصل الكابلات و ألا أسيبها زي ما هي ( و في جميع الأحوال هل ستتأثر لبطارية و كفاءتها سواء أفرغت أم لم أفرغ المياه )
2- بعد هذه الفترة أدور العربية علطول و ألا أشحن البطارية الأول علي التونجر
3- هل ستتأثر الكاوتشات بهذه المدة ( يعني الكاوتشات ممكن تريح ) أو ستتأثر بالوقوف الطويل علي ثبات واحد
4- إيه وضع الفرامل بعد هذه الفترة
( عربيتي القديمة أما كنت بسيبها لمدة شهر و بعد التدوير كنت ما بلاقيش فرامل و كنت بروح للميكانيكي يطرد هوا و يظبط الفرامل تاني )
و أخيرا :- البطارية 9 شهور السيارة صني إستلام شهر 8 موديل 2010

[egypt0777]

إخوتي الكرام
إن شاء الله أنا هسافر لمدة 40 يوم و هسيب العربية في الجراج و لي بعض الإستفسارات :-
1- أعمل إيه في البطارية ( هل ستؤثر هذه المدة علي البطارية و خاصة إن مفيش حد ممكن يدور العربية خلال هذه الفترة ) هل أفرغ مياه البطارية بعد فصل الكابلات و ألا أسيبها زي ما هي ( و في جميع الأحوال هل ستتأثر لبطارية و كفاءتها سواء أفرغت أم لم أفرغ المياه )
2- بعد هذه الفترة أدور العربية علطول و ألا أشحن البطارية الأول علي التونجر
3- هل ستتأثر الكاوتشات بهذه المدة ( يعني الكاوتشات ممكن تريح ) أو ستتأثر بالوقوف الطويل علي ثبات واحد
4- إيه وضع الفرامل بعد هذه الفترة
( عربيتي القديمة أما كنت بسيبها لمدة شهر و بعد التدوير كنت ما بلاقيش فرامل و كنت بروح للميكانيكي يطرد هوا و يظبط الفرامل تاني )
و أخيرا :- البطارية 9 شهور السيارة صني إستلام شهر 8 موديل 2010

يا راجل انا افاتكرتك بتتكلم على عربية قديمة مش مو 2010

روح و تعالى بالسلامة

ال 40 يوم دول مش اربعين سنة

انت بس غطى العربية و خلاص

لاتفصل كابل ولا كوتش و لا اى حاجة خالص

[WalidAdel]

( عربيتي القديمة أما كنت بسيبها لمدة شهر و بعد التدوير كنت ما بلاقيش فرامل و كنت بروح للميكانيكي يطرد هوا و يظبط الفرامل تاني )
و أخيرا :- البطارية 9 شهور السيارة صني إستلام شهر 8 موديل 2010

اخر جملتين دول فيهم الافاده و الاجابه في نفس الوقت
عربية حضرتك القديك لكن دي عربيه ياباني و جديده ماشاء الله
و البطاريه 9 شهور يعني مافتكرش ان 40 يوم هاتنام و الا تبقي كده البطاريه بايظه
الكاوتش ممكن يريح دا امر طبيعي دا لو ريح
حضرتك ممكن ترفعها علي روافع حديد بتتاع في شارع الجمهوريه او لو مش عاوز براحتك بس عادي لو رجعت لاقيت فرده مريحه حبه او نايمه امر طبيعي
ارجوا ان اكون افدتك

[kabara]

و الله أنا بحسد نفسي لأني ضمن الكوكبة الجميلة دي
وبشكر الظروف لأني إشتريت الصني عشان أكون وسطكم

[Ahmed.TV]

توكل على الله واركنها عادى ده شهر ونص مفيش فيها مشكلة

[kabara]

إزيك يا أستاذ أحمد
أخبار سيادتك إيه ؟

[Bishoy.Girgis]

انا لي راي ان البطارية تديها لحد قريبك يشغلك البطارية الفترة ديه لأنها اكيد هتتاثر حتي لو نامت و حطيتها علي الجهاز و شحنتها و اشتغلت .. اكيد هتاثر علي عمرها الافتراضي
انا عربيتي قعدت البطارية فيها سنتين بالظبط و لما حصلت الثورة سيبت العربية في الجراج اسبوع فقط و بعدين لاقيت البطارية نايمة و روحت اشتريت بطارية جديدة رغم ان الراجل قالي انها ممكن تتحط علي الجهاز و تشتغل فترة لكن العربية اوتوماتيك و اخاف تعملها في مكان مينفعش اعرف اتصرف فيه
و اي خدمة