بسم الله الرحمن الرحيم
تم بحمد الله صيانة نيسان صني 2009 في السبعفي الاول انا كنت بقول عن السبع مركز صيانه جيد جدا
بس يوم السبت16-4 اعدت تقيمي للمركز الي مقبول
التفاصيل:
رحت يوم السبت 4-16 بدون حجز لعمل صيانة ال45000 ودخلت لمكتب الاستقبال الانيق وحصلت علي رقم ومانتظرتش كتير وطلع معايه المهندس غالي (رجل محترم جدا)وكل مره بستني هو اللي يستلم العربيه مني
باختصار قلتله الصيانه العاديه بالاضافه لملحوظه واحده بس ان الفبره اللي علي القايم الشمال امام السائق مجتاجه لتثبت وكمان الفبره اللي وره الناحيه التانيه علشان في المطبات بيزيقوا
وهي دي الاخطاء اللي انا عملتها
1 اوعه تروح اي مركز صيانه يوم السبت سواء بحجز او بدون زحام شديد (انتظار من 10:30 الي 12:00 حتي دخول العربيه بس)
2 الواد الميكانيكي انا شايفه من الزجاج اللي في الاستراحه بعد ماخلص شغل في العربيه راح يشتغل في صالون العربيه بدون مايغسل ايده حتي ولوث اثاث العربيه كله وشوهه
طبعا خلصوا بسرعه ورحت ادفع واستنيت اكتر من تلت ساعه لما الفاتوره اطبعت ودفعت فقط 27 جنيه بعد خصم 50 جنيه
وطلعت استلم لافاجأ بمدي قذات العربيه من جوه
طبعا انا اتصدمت لاني في النضافه ماعنديش يما ارحاميني
رحت للمهندس وفرجته عالمنظر وقلتله انا مسلمك العربيه نظيفه دابدل ماتغسلهالي يارتني ماقلتلك علي موضوع القوايم ده
كنت منفعل شويه وهو كان بيعتذر وبقلي عندي دي واحنا اسفين ووووو
ماعلينا خدوا العربيه جوه تاني ونظفوا مكان الاتساخ فقط طلعوها تاني
ورحت واخدها وماشي وانا مدايق جدا حتي ماحولتش ابص علي اي حاجه
بعد كدا اكتشفت ان الغبي معلي الفرامل الخلفيه لدرجة ان فرامل اليد جامده جدا والجنوط اللي ورا بتسخن من شدت الاحتكاك والعربيه كانت متكلبشه ومبتسحبش شويه
اتخنقت اكتر واكتر ومرضتشي ارجع تاني وحسابي مع المهندس غالي ان شاء الله في الصيانه الجايه
اسف للاطاله ومنتظر تعليقاتكم

Comment