عايز اخد رايكم فى حاجه مهمه جداااااااااااااااااااااااااا

[احمد المصرى]

السلام عليكم


ذى ما انتم عارفين يا شباب انا معايا صنى 2007 اى اكس صالون وحاليا واحد عارض عليا انى ابدل معاه فى عربيه اى اكس صالون 2008 ولكن اتوماتيك وانا بصراحه حابب اركب اتوماتيك ولكن حسب كلام الراجل ان العربيه كويسه انا لسه مشفتهاش بصراحه بس تقريبا فرق الفلوس هيكون كام طبعا انا عارف ان كلامى ناقص معلومات كتير عن العربيتين ولكن لو قلنا ان العربيه التانيه فى نفس مستوى عربيتى وعربيتى عامله 35 الف كيلو وراششها من بره وصارف عليها 5 الاف جنيه وفيها فرش جلد ومركبلها زينون


اولا :- فرق الفلوس تقريبا قد ايه يا شباب لو قلنا العربيتين فى نفس الجوده

ثانيا :- هل اغير من اساسه ولا اخلينى فى عربيتى وخلاص وال اعرفه احسن من ال معرفوش

نسيت اقول انى كنت جايب العربيه ب 60 الف وصارف عليها حوالى 5 يعنى صارف عليها 65 الف تقريبا والكلام دا فى شهر يناير 2011

[WalidAdel]

اولا سيبك من اللي انت صارفهع علي العربيه علاشن ساعة الجد الكلام ده مش هايبفرق كتير خااااالص
ثانيا هو عايز يغير ليه و بنفس العربيه بس موديل اقل يعني احتمال يكون عايز يخلص منها و خلاص ولا هو متحاج فرق الفلوس ده
ثالثا و هو الاهم لازم تكشف عليها كشف دقيق في التوكيل
بيني و بينك الموضوع مش مريح بيع عربيتك فلوس احسن و اشتري الاوتوماتيك براحتك بعد كده
لكن هاتدخل دي في دي و تدفع فرق العربيات اسعارها بتوه و بيبقي الكلام علي الفرق بس و مش هايذكر ال خمس الاف اللي حضرتك صارفهم عليها بمعني مش هايتقصهم من الفرق دا اللي اقصده

[Ahmed.TV]

بص يا بوحميد , انا حاسس بيك , والبلد فى زحمتها عاوزة اتوماتيك فعلا , المانيول انتهى عصره جوة البلد الا يوم الجمعة بالنهار والسبت , عشان تقدر تجرى وتمشى براحتك , غير كدا عذاب فى سواقته فى البلد بجد

واغلب الناس اللى جابت مانيول , لو جه عليهم الاختيار تانى , كانوا رجعوا فى قرارهم واختاروا اتوماتيك

بص بقا, انا معرفش الراجل ده انت ضمنه ولالا , فرق المانيول والاى اكس اعتقد مش حيكون كبير فى السعر ممكن تكون العربية مثلا فى حدود 70 الف بالكتير اكتر من كدا قوله خاليها , لان اكتر من كدا ممكن تجيب سوبر صالون
وطبعا لو قدرت تنزل الى 68 الف مثلا يبقا فل , بس اعتقد انه حيقولك 70 الف
وياسلام عربيتك لو تبيعها فى حدود 65 الف يبقا تمام
المهم حاول تدفع فرق فى حدود بالكتير 7 الاف او 8الاف جنيه

ولو العربية ممتازة وحالتها المكيانيكية ممتازة وبيعمل صيانته فى التوكيل , ومهتم بيها , وانت ضامن الراجل جداا , توكل على الله لو حابب تغير , ومش فارق معاك الفرق

اولا مكسب ليك موديل سنة ازيد من اللى معاك , ثانيا عربية اتوماتيك , ثالثا الكليوهات اقل من اللى معاك يعتبر العربية جديدة بردوا , ورابعا العربية هو مدلعها بردوا زى ما بتقول , ويبقا نقصك بس طقم جنوط

بس الحكاية دى والسناريو ده لو انت ضامن الراجل ومفيش منه قلق

وطمنا

[احمد المصرى]

اولا سيبك من اللي انت صارفهع علي العربيه علاشن ساعة الجد الكلام ده مش هايبفرق كتير خااااالص
ثانيا هو عايز يغير ليه و بنفس العربيه بس موديل اقل يعني احتمال يكون عايز يخلص منها و خلاص ولا هو متحاج فرق الفلوس ده
ثالثا و هو الاهم لازم تكشف عليها كشف دقيق في التوكيل
بيني و بينك الموضوع مش مريح بيع عربيتك فلوس احسن و اشتري الاوتوماتيك براحتك بعد كده
لكن هاتدخل دي في دي و تدفع فرق العربيات اسعارها بتوه و بيبقي الكلام علي الفرق بس و مش هايذكر ال خمس الاف اللي حضرتك صارفهم عليها بمعني مش هايتقصهم من الفرق دا اللي اقصده

والله يا باشا انا مش عارف هو عايز يغير ليه وهينزل ل 2007 وكمان مانيوال بس حسب كلام الراجل ان العربيه نظيفه جدا انا لسه مشفتهاش واكيد لازم اكشف عليها كويس جدااااااااااااااا جداااااااااااااااااااا انا شخصيا حاظظ تقريبا 5 الاف جنيه فرق لو العربيه فعلا ممتازه بس ان خوفنى انها عامله 70 الف كيلو وانا عامل 35 الف كيلو


ربنا يسهل ان شاء الله

[احمد المصرى]

بص يا بوحميد , انا حاسس بيك , والبلد فى زحمتها عاوزة اتوماتيك فعلا , المانيول انتهى عصره جوة البلد الا يوم الجمعة بالنهار والسبت , عشان تقدر تجرى وتمشى براحتك , غير كدا عذاب فى سواقته فى البلد بجد

واغلب الناس اللى جابت مانيول , لو جه عليهم الاختيار تانى , كانوا رجعوا فى قرارهم واختاروا اتوماتيك

بص بقا, انا معرفش الراجل ده انت ضمنه ولالا , فرق المانيول والاى اكس اعتقد مش حيكون كبير فى السعر ممكن تكون العربية مثلا فى حدود 70 الف بالكتير اكتر من كدا قوله خاليها , لان اكتر من كدا ممكن تجيب سوبر صالون
وطبعا لو قدرت تنزل الى 68 الف مثلا يبقا فل , بس اعتقد انه حيقولك 70 الف
وياسلام عربيتك لو تبيعها فى حدود 65 الف يبقا تمام
المهم حاول تدفع فرق فى حدود بالكتير 7 الاف او 8الاف جنيه

ولو العربية ممتازة وحالتها المكيانيكية ممتازة وبيعمل صيانته فى التوكيل , ومهتم بيها , وانت ضامن الراجل جداا , توكل على الله لو حابب تغير , ومش فارق معاك الفرق

اولا مكسب ليك موديل سنة ازيد من اللى معاك , ثانيا عربية اتوماتيك , ثالثا الكليوهات اقل من اللى معاك يعتبر العربية جديدة بردوا , ورابعا العربية هو مدلعها بردوا زى ما بتقول , ويبقا نقصك بس طقم جنوط

بس الحكاية دى والسناريو ده لو انت ضامن الراجل ومفيش منه قلق

وطمنا

باشا اخبارك ايه يا باشا والف مبروك مره ثانيه على التكريم فعلا دا اقل تقدير ليك التكريم دا


المشكله ان فعلا انا هكسب سنه وهكسب الاتوماتيك بس هحسر فرق الكيلو متر علشان هيا عامله 70 الف وانا عامل 35 الف كيلو بس هو لو الفرق بسيط ممكن افكر بصراحه يعنى انا قلت 5 الاف فرق الاتوماتيك وهنزل منهم الف مثلا علشان فرق الكيلو متر مش عارف تقييمى كدا صح ولا بعيد عن الواقع يعنى انا قلت 4 الاف جنيه لو حالتها كويسه طبعا



الواحد لسه هيفكر فى وجع القلب دا دا كان ارتاح من البحث عن العربيات والفحص والكلام دا


حاجه محيره صح ولا ايه

[د.أحمد السعيد]

لو العربية عامله 70 الف يبقى سيبك منها
عربيتك مش وحشه و هو عايز يبيع ليه !!!

فرق سنه فى الموديل مش اللى هو ... و لو عايز اوتوماتيك يبقى تشوف عربيه مش عاملة أكتر من 40 الف و بالذات الاوتوماتيك يا اما مربيها على ايدك يا اما عارف اللى هتشترى منه


و نصيحة متشتريش اوتوماتيك مستعمل أصلا لان حتى لو عاملة كيلو متر قليل متضمنش استخدام الشخص ليها الا اذا كنت تعرفه كويس جدا و العربيه تحت عينك من زمان

و للاسف كتير من سائقى الاوتوماتيك لا يعلم كيفية الحفاظ على الفتيس فتلاقيه بعد فترة العربية تنتش منه و لا يحس بالنقلات جامده يقوللك بدل ما اتدبس فى فتيس جديد اخلص منها .... و الزبون الجديد يجيب فتيس جديد .....مع ان فى أغلب دول العالم السيارات الاوتوماتيك شغالة كويس علشان اللى بيسوق بيبقى عارف ازاى يحافظ عل الفتيس و ميعملش حركات تبوظه بسرعة


و استخير ربنا و الله الموفق

[Ahmed.TV]

انا كنت فاكر ان العربية عاملة 35 الف كيلو

وطلعت عربيتك هى اللى عاملة 35 الف

يبقا سيبك منها فعلا على طوللللل

ولو فكرت تشترى اتوماتيك ,متزدتش فى الكليوهات عن 50 الف كيلو

اكبر من كدا ممكن يكون فيها قلق , الا لو كانت تبع حد مضمون

وبردوا اى عربية تاخدها ياريت جدا يكون بيعمل صيانته فى التوكيل

وبخصوص الوضع الحالى , اخلع منه على طول

بس خالى بالك عشان تاخد عربية اتوماتيك موديل 2008 او 2007 وعاملة كيلوهات لغاية 50 الف , يبقا مش حيقل تمنها عن 70 الف جنيه ,

وقيم ظروفك وانت ادرى بيها , وربنا يوفقك

[tarekmomo]

خلييك فى عربيتك احسن وانت عارف كل حاجة عنها

[engaass]

انا راى بلاش ولو عايز تغير لاتوماتيك استنى شوية وهات حاجة موديل اعلى وكيلو متر اقل

[احمد المصرى]

لو العربية عامله 70 الف يبقى سيبك منها
عربيتك مش وحشه و هو عايز يبيع ليه !!!

فرق سنه فى الموديل مش اللى هو ... و لو عايز اوتوماتيك يبقى تشوف عربيه مش عاملة أكتر من 40 الف و بالذات الاوتوماتيك يا اما مربيها على ايدك يا اما عارف اللى هتشترى منه


و نصيحة متشتريش اوتوماتيك مستعمل أصلا لان حتى لو عاملة كيلو متر قليل متضمنش استخدام الشخص ليها الا اذا كنت تعرفه كويس جدا و العربيه تحت عينك من زمان

و للاسف كتير من سائقى الاوتوماتيك لا يعلم كيفية الحفاظ على الفتيس فتلاقيه بعد فترة العربية تنتش منه و لا يحس بالنقلات جامده يقوللك بدل ما اتدبس فى فتيس جديد اخلص منها .... و الزبون الجديد يجيب فتيس جديد .....مع ان فى أغلب دول العالم السيارات الاوتوماتيك شغالة كويس علشان اللى بيسوق بيبقى عارف ازاى يحافظ عل الفتيس و ميعملش حركات تبوظه بسرعة


و استخير ربنا و الله الموفق

كلام مقنع بصراحه وجزاك الله كل خير على النصيجه وفعلا انا عارف عربيتى كويس وعارف ال فيها كويس جدااااااااااااااااااا

[احمد المصرى]

انا كنت فاكر ان العربية عاملة 35 الف كيلو

وطلعت عربيتك هى اللى عاملة 35 الف

يبقا سيبك منها فعلا على طوللللل

ولو فكرت تشترى اتوماتيك ,متزدتش فى الكليوهات عن 50 الف كيلو

اكبر من كدا ممكن يكون فيها قلق , الا لو كانت تبع حد مضمون

وبردوا اى عربية تاخدها ياريت جدا يكون بيعمل صيانته فى التوكيل

وبخصوص الوضع الحالى , اخلع منه على طول

بس خالى بالك عشان تاخد عربية اتوماتيك موديل 2008 او 2007 وعاملة كيلوهات لغاية 50 الف , يبقا مش حيقل تمنها عن 70 الف جنيه ,

وقيم ظروفك وانت ادرى بيها , وربنا يوفقك

فعلا معاك حق يا باشا وشكلى كدا هخلع من العربيه دى بس انا الغلط ال وقعت فيه انى مجبتش عربيه اتوماتيك من الاول بصراحه راحه ما بعدها راحه اكنى بلعب كمبيوتر مش سايق عربيه ولا نقل ولا فتيس ولا دبرياج ولا اى حاجه


ربنا يوفق ونجيب حاجه اتوماتيك قريب ان شاء الله علشان نرتاح من هم المانيوال وفعلا الكيلو متر بتاعها كبير جدااااااااااااا وخاصه انها 2008 يعنى حديثه اوى مش قديمه

[احمد المصرى]

[QUOTE=tarekmomo;3873453623]خلييك فى عربيتك احسن وانت عارف كل حاجة عنها[/
QUOTE]



تقريبا دا ال هيحصل فعلا علشان مش ناقص وجع قلب المستعمل واقعد قلقان لحد لما اتاكد انها كويسه

انا راى بلاش ولو عايز تغير لاتوماتيك استنى شوية وهات حاجة موديل اعلى وكيلو متر اقل

ان شاء الله دا ال هيحصل وربنا يكرمنا ونغيرها قريب ان شاء الله

[Bishoy.Girgis]

بص يا جميل ابعد كل البعد عن الاوتوماتيك مستعمل انما ممكن تشتري مانيوال مستعمل زي ما انت عاوز
انما اوعي في يوم تجازف و تجيب اوتوماتيك يوزد

[احمد المصرى]

بص يا جميل ابعد كل البعد عن الاوتوماتيك مستعمل انما ممكن تشتري مانيوال مستعمل زي ما انت عاوز
انما اوعي في يوم تجازف و تجيب اوتوماتيك يوزد

شكرا طبعا لنصيحه حضرتك بس ارجو التوضيح اكتر يعنى ابعد عن الاتوماتيك مستعمل علشان مش عارف صاحب العربيه القديم كان بيستخدمه اذاى ولا ايه بالظبط


بس تعرفوا يا شباب انا ايقنت ان افضل حاجه فى العربيات هيا العربيات الزرو بجد راحه بال ما بعدها راحه مجرد تختار العربيه والماركه وتنزل تشترى وخلاص ولا فحص ولا وجع قلب

[Bishoy.Girgis]

شكرا طبعا لنصيحه حضرتك بس ارجو التوضيح اكتر يعنى ابعد عن الاتوماتيك مستعمل علشان مش عارف صاحب العربيه القديم كان بيستخدمه اذاى ولا ايه بالظبط

انت عارف يعني ايه واحد صاحبك .. يعني انت راكب معاه طول اليوم و شايف استعماله للعربية و طريقة سواقته .. من هنا الوضع هيختلف تماما و انت الحكم هيكون ليك
يعني لو سواقته رخمة علي العربية يبقي انت اكيد تبعد عن العربية انما لو سواقته هاديه و مش بيحرق علي الفتيس و محافظ علي العربية يبقي انت الكسبان طبعا


بس تعرفوا يا شباب انا ايقنت ان افضل حاجه فى العربيات هيا العربيات الزرو بجد راحه بال ما بعدها راحه مجرد تختار العربيه والماركه وتنزل تشترى وخلاص ولا فحص ولا وجع قلب

كلامك مظبوط و بحبذه بس في ناس بتفكر غيرنا خالص و هو انه يجيب عربيه يوزد و تقعد معاه علي اد ما تقعد و لما يبعها ممكن يكسب و ممكن يخسر فيها لكن معتقدتش انها هتكون عربية العمر زي الزيرو برده