تركيب فرش لسيارتى الصنى عند "جينز كار"

[afaali]

شكرا جزيلا لكل امانيكم الطيبة و جزاكم الله خيرا,اما بالنسبة للتكلفة فهى بتختلف حسب الخامات المختارة و نوع الخياطة و حجم العربية و هو بيتم بالاتفاق مع المهندس احمد, عنوانهم 6 شارع عمر زعفان من شارع الطيران مدينة نصر بجوار بنزينة شل الطيران امام مسجد نورى خطاب تليفون:0127423977-0199999753-22616675

[wardet]

ياباشا فاهمين والله كل الكلام دا
احنا عاوزين نعرف الفرش اللى حضرتك ركبته بكاااااااااااااااااااام

[modisallam]

يعنى برده عايزين نعرف الفرش ده بالأخص إتكلف كام بحق ربنا

ونكون شاكرين

[Bishoy.Girgis]

معلش يا جماعة بعد اذن اخونا العضو صاحب الموضوع ارد في نقطة سعر الفرش :

بالنسبة لموضوع السعر يا جماعة بيختلف تماما من فرش لأخر و مش الفرش بس بل شكل الخياطات و الخامات المستخدمة في الفرش

ليه بقي :

لأن ممكن حضراتكوا تعملوا نفس الفرش ده بالظبط عند جينزكار لكن بخامات اقل او بخامات اعلي
فالسعر هنا مش هيفرق معرفته لحد خالص لأن بنفس شكل الفرش ده ممكن نعمله بجلد سميك او جلد رفيع و بيكون نفس اللون
و الخياطات ممكن تكون مخفية و ممكن تكون خيط واحد و ممكن يكون خيطين موازيين

فنرجوا عدم الضغط علي صاحب الموضوع في معرفة السعر لأن اكيد برده جينزكار طلب ده لأن الاسعار في الاسواق دلوقتي اصبحت متضاربة و السوق مش ثابت علي سعر معين في موضوع الجلد او المنتاجات عامة

فاللي عايز ركب فرش عند جينزكار لأنك ممكن تختار زوق تاني خالص لما تلاقي المعروض هناك


و اللينكات ديه ممكن تساعدكوا اكتر :

http://www.nilemotors.net/Nile/204172-a.html


http://www.nilemotors.net/Nile/212111-a.html

ارجوا ان تكون وضحة وجهة نظري للجميع ..

شكرا

[wardet]

اوك مفيش مشاكل
بس انا مثلاًَ عاوز اعمل فرش زى ده بالظبط
المفروض ابقى عارف هيتعمل بكام برضه
عشان اشوف اذا كان الموضوع كويس من ناحية السعر ولا لأ

[Bishoy.Girgis]

اوك مفيش مشاكل
بس انا مثلاًَ عاوز اعمل فرش زى ده بالظبط
المفروض ابقى عارف هيتعمل بكام برضه
عشان اشوف اذا كان الموضوع كويس من ناحية السعر ولا لأ

حضرتك الاسعار موجودة في الموضوع ده :

http://www.nilemotors.net/Nile/203522-a.html

[khaled_yassin]

مبروك شغل نضيف جدا ربنا يباركلك فيه

[aboamr]

الف مبروك وعلى فكره عملت فرش لاوكتافيا عند جينز كار من يومين وقابلت الباشمهندس احمد راجل قمه فى الذوق والاحترام وعمره مازعل زبون لاحظت كدا بصراحه من اسلوبه بالنسبه للشغل رائع ولايختلف عن الفرش الاصلى فى شىء ومش خساره ابدا تكلفته وبالنسبه للاسعار بتختلف حسب الخامه ونوع الخياطه والراجل بيقوم بالواجب مع اعضاء المنتدى بصراحه .شخصيا كل ماانزل مدينة نصر لازم اعدى عليه بصراحه ممكن يكون صديق قبل اى شىء

[modisallam]

التمسك بعدم ذكر السعر حول الموضوع لموضوع دعاية بيور
لإنى لو حابب أشارك إخوانى على المنتدى وأفدهم هقولهم أنا عملت الفرش ده بكذا , وأخدت تخفيض كذا وتفاصيله كذا . إنما كده وضحت

وشكرا للدعاية لجينز كار

[aboamr]

التمسك بعدم ذكر السعر حول الموضوع لموضوع دعاية بيور
لإنى لو حابب أشارك إخوانى على المنتدى وأفدهم هقولهم أنا عملت الفرش ده بكذا , وأخدت تخفيض كذا وتفاصيله كذا . إنما كده وضحت

وشكرا للدعاية لجينز كار

الموضوع ليس للدعايه ولايحزنون وليس من الائق ان تتهم احد بذلك وسهل جدا انك تراسل احد على الخاص وتسأله وموضوع السعر ليس بذات الاهميه لكل الاعضاء .فيه اعضاء لاتفضل عمل فرش من الاساس وفيه ناس بتفضل يعنى من الكماليات اما الاسعار بتختلف حسب نوع العربيه والخامه والخياطه وممكن حضرتك تريح نفسك وتجيب طقم جاهز من التوفيقيه وتركبه وخلاص طالما انت شايف اننا بنعمل دعايه فى النهايه اذكرك بحديث شريف .الدين النصيحه .ولن اقبل اعمل دعايه لاى شخص غلى حسابى وممكن حضرتك توصل لغاية هناك وتتفرج وتحكم

[modisallam]

الموضوع ليس للدعايه ولايحزنون وليس من الائق ان تتهم احد بذلك وسهل جدا انك تراسل احد على الخاص وتسأله وموضوع السعر ليس بذات الاهميه لكل الاعضاء .فيه اعضاء لاتفضل عمل فرش من الاساس وفيه ناس بتفضل يعنى من الكماليات اما الاسعار بتختلف حسب نوع العربيه والخامه والخياطه وممكن حضرتك تريح نفسك وتجيب طقم جاهز من التوفيقيه وتركبه وخلاص طالما انت شايف اننا بنعمل دعايه فى النهايه اذكرك بحديث شريف .الدين النصيحه .ولن اقبل اعمل دعايه لاى شخص غلى حسابى وممكن حضرتك توصل لغاية هناك وتتفرج وتحكم

أخى الفاضل
انا لازلت غير مقتنع تماما بإنى لما أعرض حاجة انا عملتها ولما الناس تقولى دى بكام ,أقولهم روحوا إتفرجو. لإن هى دى أصول الدعاية للمكان.

وما المانع إن الإخوة يقولوا السعر علشان الدين النصيحة , وانا فى سؤالى عن السعر طلبت مساعدة ونصيحة من أخ وهو لم يجيبنى. أعتقد ان المنتدى لخدمة الأعضاء وليس لخدمة الشركات.

ولازال طريقة العرض وإخفاء السعر تعد أقوى نوع دعاية لجينز كار

[modisallam]

وعلى ما اتذكر فيه احد الأعضاء عرض الفرش بتاعه وقال ده سعره كذا

أعتقد إنه أستاذ أحمد مشرف القسم

انا مش فاكر قوى

[atefadel]

i think the prise different from person to person not from car to car

[aboamr]

وعلى ما اتذكر فيه احد الأعضاء عرض الفرش بتاعه وقال ده سعره كذا

أعتقد إنه أستاذ أحمد مشرف القسم

انا مش فاكر قوى

الموضوع لايستحق كل الضجه حول الاسعار شخصيا ماحدث معى فى اوكتافيا a4 لاسعاركانت بتيدأ من 700 جنيه حتى تصل الى 1500 جنيه واذا اردت عمل خياطه معينه زى الموجوده فى الموضوع بتزيد التكلفه 200 جنيه وفرش الارضيه يبدا من 200 حتى 400 جنيه . بالنسبه ليه اخترت افضل خامه والغرزه الكبيره واخترت لونين فى الجلد وفى الحساب عملنا خصم معقول حوالى 12 فى الميه وزياده على كده المهندس احمد عمل لنا فرش للشنطه زياده والكونسله كمان وهدايا زى 2شماسه وفوط وروايح وواقف معاك لغاية مايسلمك الشغل بنفسه واتنين من العمال يظبطوا العربيه من الداخل لتنظيف الابواب والتابلوه يعنى فعلا بتستلم العربيه صالون زيرو

[afaali]

يا جماعة الموضوع مش مستاهل, اسعار الفرش للصنى بتتراوح بين 700 و 1500 جنيه حسب الخامات و الخياطة بتتكلف 200 جنيه زيادة و تخفيض نايل موتورز حوالى 10 الى 15 % ده غير الهدايا و الموضوع كله واللهى من باب النصيحة علشان مكان كويس فعلا و لا موضوع اعلان و لا غيره و شكرا لجميع السادة الاعضاء المحترمين.