Tweet
السلام عليكم و رحمة الله و بركاتة
الحمد لله استلمت الصني بتاعتي امبارح من العوض جروب
وهي 2008 مانيوال EX Saloon
و طبعا انا ها انتهز الفرصة دي و اشكر كل اعضاء المنتدي من اول الاستاذ-سبعاوي لحد اجدد مشترك لدورهم الكبير جدا في اني اخترت اشتري العربية دي.
بس الحمد لله ك اول انطباعاتي ع العربية:
- التقفيل بصراحة ممتاز
- العربية تقليلة و راسية و دي ميز بالنسبه لي .
- انا كراجل و اخد ع ركوب العربيات الياباني لحد دلوقتي ما حستش ان في مشكلة ف التقفيل المصري.
- كمليات كتيره و الرجاله ما تحسش انهم موافرين فيها ك مصري.
-فخمة جدا من جوة و شيك و ما تحسش انك راكب اقل من الكورولا الشكل القديم طبعا2007
-هي كبيرة او ضخمة شوية من برة بس متهيألي ها اتعود عليها.
-العربية مش صغيرة من جوة و هي طبعا اوسع من اللانسر بس اللانسر اوسع ك كطول يعني لو السواق رجع الكرسي للاخر الراجل ال ورا مش ها يتزنق اوي عكس الصني بصراحة بص الصني اوسع من ناحية بعد السقف عن دماغك و بعد الدرج عن رجليك.
-اهم حجة بصراحة و دي حستها ع طول ان الناس لما بتشوفني فيها بتحس بالفخامة و بتديها اهمية كبيرة انك جايب عربية جامدة و نضيفة و يجو يقولولي و دا ف يومين بس(يمكن عشان مش منتشرة اوي).
-حاجة غلسة شوية انهم بيدوك رموت واحده و مفتاحين و لو عايز رموت زيادة بـ 600 جوند تقريبا.
-العربية عالية و ارتفاعها حلو اخدت كام مطب عاليين و محكتش لحد دلوقت.
- موضوع العفشة لحد دلوقتي ما حستش ان فية اي مشكلة بالنسبه لي و ها اكلمكو عنو لما اجرب اكتر.
-موضوع الثبات حلوة لحد دلوقت بس طبعا انا ف التللين و مش بعدي ال 90 .
-بتستلم العربية طبعا بالاستبن و اربع طسات و كوريك الاصلي المثلث و شنطة عدة بس.
- لازم ما تنساش(علبة وش الكاسيت-ضمان الكاسيت-كتالوج الكاسيت-ضمان البطارية-كتالوج العربية)
- العربية فيها كاست كلاريون محترم جدا بصراحة و معاه الريموت بتاعة.
-تابلوة العربية اول الكونسل الامامي فية الكاست - التكييف- الولاعة-زرار تسخين الزجاج الخلفي-حامل الاكواب-مكان فاضي كدة من تحت و مفتوح ممكن تحط فية سي دي بلاير او تستخدمو تحط فية الموبايل او اي حاجة.
من فوق ف التابلوة طبعا فية درج تخزين مكانو لذيذ تحط فية النضارة او اي حاجة.
- طبعا في درج ادام الراكب ال جنبك.
- عندك ايرباج واحدة بس ف الدركسيون
-ع شمال الدركسون ف زرار تظبيط المرايتين الجانبيتين بالكهرباء- ما فيش طي ليهم في الفئة دي طبعا
-في كمان جانبو زرار يفتح الشنكة
- تحت كرسي السواق شداد يفتح التانك
-انضف حاجة هي وجود شداد لترجيع و تقديم ظهر الكرسي زي العربيات النضيفة و لست البكرة الفاشلة الموجودة ف اغلب العربيات دلوقت.
-الكرسي طبعا بيجي ورا و قدام بسهولة بواسطة زراع سهل الوصول اليةع اليمن.
-الدركسيون بيعلي و يوطي ع مزاجك(زي العربيات النضيفة).
-المفتاح الاسود بيفتح اي حاجة في العربية و المفتاح النبيتي ما بيفتحش الشنطة ممكن تسيبو مع السايس زيي.
- طبعا لو ها تعمل كدة لازم تقلب الدراع الصغير ال ف الشنطة من جوة ف جسم العربية بحيس الشنطة ما تتفتحش من الزرار ال جوة ولا بالمفتاح النبيتي طبعا و بكدة تقدر تحط حجاتك المهمة ف الشنطة و انت مطمن .
- الشنطة بتفتح من الريموت ليها زرار مخصوص بتدوس علية فترة يفتح الشنطة(حركة معلم).
-طبعا في لمبة فرامل ف الزجاج الخلفي و ماوافروش فيه.
-اربع سمعات اتنين وارا و اتنين قدام بيقولو انهم كلاريون الاربعة بس الله اعلم.
-مافيش مسند ف الكنبة ال ورا ف الفئة دي.
-الفرش الاصلي بتاع العربية نضيف و مش وحش اطلاقا مش زي بتاع اللانوس مثلا مع احترامي.
-خامة التابلوة مش وحشة .
- طبعا تابلوة العداد فية: rpm-عداد سرعة طبعا-ساعة ديجيتال-شاشة كيلومترات ديجيتال-موشر بنزين عادي-مؤشر حرارة عادي - و شوية اللمض المعروفة بتاعة الاشارات و فرامل اليد و الخ.
-طبعا الزجاج اربعه كهربا تتحكم فيهم من شمال (باب السواق) من الاخر زي بتاع الكورولا وباقي العربيات.
-طبعا مسحات زجاج امامي
-مفيش فوانيش شبورة ف الفئة دي
- جلد صدمات الابواب الجانبية بلون السيارة من ميتالك زي السوبرصالون.
- عيب صغير ان كان عيب باب الكبوت لما تيجي تقفلو لازم ترفعوا و ترمية من نص متر عشان يقفل و طبعا بتسمع( الدااااااااااب) لان لو جيت قفلتو بحنية و يجي بقي تتك علية بقي عشان القفل يلقط مش ها يقفل و لو اصريت ها تطبق العربية و مش ها يقفل ( هو مصمم كدة).
-تحت الكبوت الماتور الاسد طبعا بس احلي حاجة ان الدنيا واسعة وواضحة وكل حاجة باينة وانت واقف مكانك ومش محتاج غير تحرك عنيك بس لدرجة ان الارض تحت العربية باينة.
-الشنطة و اسعة وحلوة.
-طبعا التقفيل تحت الكبوت (ك ماتور و اجزاؤة) عادي جدا من فخيم مش زي الكورولا او العربيات العالية او حتي التيدة بس ف مستوي اللانسر ان ما كانش انضف.
-علبة الفيوزات شمال السواق من تحت بس قريبة.
-لمبة صالون داخلية.
-لما تجي تفتح السنتر بتاع العربية لمة الصالون بتنور(حركة العربيات النضيفة بس)
-طبعا كونسول اوسط او نقول مسند او نقول عليبة شرايط بين الكرسيين ال قدام (حركة العربيات النضيفة بس).
-حزامات امان حلوة بس مش فاكر ف للركاب ال ورا و لا لاء.
-عيب فيها طبعا انك لو نسخت المفتاح عند بلية بتاع المفاتيح ها يدور الماتور ومش ها يقول لاء(حركه استرخاص).
-اخر التابلوة ال قدام ع الشمال في لمبة انزار ف التابوة نفسه شكلها شيك مش لمبه (لد) تلاقيها مزنوقة عند الباب زي جيرانا الهيونداي.
-المسأله ال انا محتار فيها بجد و لحد دلوقتي ما حدش افادني فيها هي ان الناس قالتي ان فيها انزار طبعا اللمبة و الرموت بتقولوا كدة بس لما سألت الواد بتاع الجراج ف الوكيل ال سلمني قالي لا دا مش انزار دا بس زرار ف الرموت لما بدوس عليه مستمر بيشغل سرينة بالكلاكس طبعا و مهمتة انك لوراكن و مش عارف فين عربيتك بالظبت تسمعهما بس دا مش انزار طبعا انا بالمت لما قالي كدة و قولت دا بالتأكيد مش فاهم حاجة ف ال يعرف يفيدني يا جماعة و يقولي لو في انزار فعلا بيشتغل ازاي.
- انا طبعا جايب العربية من جوة بيج عشان اشيك جدا من الاسود بس طبعا عيبو ما بيستحملس زي الاسود.
- العربية وصلت دلوقتي 87000 جوند ناهيك انو مبلغ كبير طبعا بس بالنسبة للسوق العربية دي انضف و احسن عربية ف الفئة السعريه دي وحتي تصل 90000(في رايي).
- ع فكرة العربية غليت 1000 جنية من 1 ابريل الي فات و متوقع تغلي تاني.
- الوكيل: العوض جروب ناس محترمين و مش زحمة و انا شوفت تسلمهم عربيات بعد الصيانة بيهتمو بالعربية من جوة بيحطو اكياس ع الكراسي و بيغلفو الدركسيون انما الصيانة نفسها سمعت انهم كويسين برضة.
- طبعا انا عملت تأمين تبع الجمعية التعاونية بس عن طريق الوكيل يعني لا قدر الله تروح تصلح عندهم ع طول و مالكش دعوه بالجمعية خالص بـ2%.
- ها تستلم العربية اول ما تدفع.
- ورق العربية ها تخدو تاني يوم اخر النهارع بال ما يجبيوة من المصنع.
- لو ها تأمن ها تاخد البوليصة بعد ما ترخص.
-دا ال انا فاكرة دلوقتي يتبقالي معاكم وصف اداء العربية دا ف الحلقة الجاية اما الين الماتور ان شاء الله.
- معلش طولت بس يا ريت ما اكونش رخمت.
ربنا يديني خيرها و يبعد عني شرها و ادعوا لي لو عجبكم التقري او ما عجبكمش:) .
شكرا ليكم
مهندس-أسامة
مهندس اتصالات
الحمد لله استلمت الصني بتاعتي امبارح من العوض جروب
وهي 2008 مانيوال EX Saloon
و طبعا انا ها انتهز الفرصة دي و اشكر كل اعضاء المنتدي من اول الاستاذ-سبعاوي لحد اجدد مشترك لدورهم الكبير جدا في اني اخترت اشتري العربية دي.
بس الحمد لله ك اول انطباعاتي ع العربية:
- التقفيل بصراحة ممتاز
- العربية تقليلة و راسية و دي ميز بالنسبه لي .
- انا كراجل و اخد ع ركوب العربيات الياباني لحد دلوقتي ما حستش ان في مشكلة ف التقفيل المصري.
- كمليات كتيره و الرجاله ما تحسش انهم موافرين فيها ك مصري.
-فخمة جدا من جوة و شيك و ما تحسش انك راكب اقل من الكورولا الشكل القديم طبعا2007
-هي كبيرة او ضخمة شوية من برة بس متهيألي ها اتعود عليها.
-العربية مش صغيرة من جوة و هي طبعا اوسع من اللانسر بس اللانسر اوسع ك كطول يعني لو السواق رجع الكرسي للاخر الراجل ال ورا مش ها يتزنق اوي عكس الصني بصراحة بص الصني اوسع من ناحية بعد السقف عن دماغك و بعد الدرج عن رجليك.
-اهم حجة بصراحة و دي حستها ع طول ان الناس لما بتشوفني فيها بتحس بالفخامة و بتديها اهمية كبيرة انك جايب عربية جامدة و نضيفة و يجو يقولولي و دا ف يومين بس(يمكن عشان مش منتشرة اوي).
-حاجة غلسة شوية انهم بيدوك رموت واحده و مفتاحين و لو عايز رموت زيادة بـ 600 جوند تقريبا.
-العربية عالية و ارتفاعها حلو اخدت كام مطب عاليين و محكتش لحد دلوقت.
- موضوع العفشة لحد دلوقتي ما حستش ان فية اي مشكلة بالنسبه لي و ها اكلمكو عنو لما اجرب اكتر.
-موضوع الثبات حلوة لحد دلوقت بس طبعا انا ف التللين و مش بعدي ال 90 .
-بتستلم العربية طبعا بالاستبن و اربع طسات و كوريك الاصلي المثلث و شنطة عدة بس.
- لازم ما تنساش(علبة وش الكاسيت-ضمان الكاسيت-كتالوج الكاسيت-ضمان البطارية-كتالوج العربية)
- العربية فيها كاست كلاريون محترم جدا بصراحة و معاه الريموت بتاعة.
-تابلوة العربية اول الكونسل الامامي فية الكاست - التكييف- الولاعة-زرار تسخين الزجاج الخلفي-حامل الاكواب-مكان فاضي كدة من تحت و مفتوح ممكن تحط فية سي دي بلاير او تستخدمو تحط فية الموبايل او اي حاجة.
من فوق ف التابلوة طبعا فية درج تخزين مكانو لذيذ تحط فية النضارة او اي حاجة.
- طبعا في درج ادام الراكب ال جنبك.
- عندك ايرباج واحدة بس ف الدركسيون
-ع شمال الدركسون ف زرار تظبيط المرايتين الجانبيتين بالكهرباء- ما فيش طي ليهم في الفئة دي طبعا
-في كمان جانبو زرار يفتح الشنكة
- تحت كرسي السواق شداد يفتح التانك
-انضف حاجة هي وجود شداد لترجيع و تقديم ظهر الكرسي زي العربيات النضيفة و لست البكرة الفاشلة الموجودة ف اغلب العربيات دلوقت.
-الكرسي طبعا بيجي ورا و قدام بسهولة بواسطة زراع سهل الوصول اليةع اليمن.
-الدركسيون بيعلي و يوطي ع مزاجك(زي العربيات النضيفة).
-المفتاح الاسود بيفتح اي حاجة في العربية و المفتاح النبيتي ما بيفتحش الشنطة ممكن تسيبو مع السايس زيي.
- طبعا لو ها تعمل كدة لازم تقلب الدراع الصغير ال ف الشنطة من جوة ف جسم العربية بحيس الشنطة ما تتفتحش من الزرار ال جوة ولا بالمفتاح النبيتي طبعا و بكدة تقدر تحط حجاتك المهمة ف الشنطة و انت مطمن .
- الشنطة بتفتح من الريموت ليها زرار مخصوص بتدوس علية فترة يفتح الشنطة(حركة معلم).
-طبعا في لمبة فرامل ف الزجاج الخلفي و ماوافروش فيه.
-اربع سمعات اتنين وارا و اتنين قدام بيقولو انهم كلاريون الاربعة بس الله اعلم.
-مافيش مسند ف الكنبة ال ورا ف الفئة دي.
-الفرش الاصلي بتاع العربية نضيف و مش وحش اطلاقا مش زي بتاع اللانوس مثلا مع احترامي.
-خامة التابلوة مش وحشة .
- طبعا تابلوة العداد فية: rpm-عداد سرعة طبعا-ساعة ديجيتال-شاشة كيلومترات ديجيتال-موشر بنزين عادي-مؤشر حرارة عادي - و شوية اللمض المعروفة بتاعة الاشارات و فرامل اليد و الخ.
-طبعا الزجاج اربعه كهربا تتحكم فيهم من شمال (باب السواق) من الاخر زي بتاع الكورولا وباقي العربيات.
-طبعا مسحات زجاج امامي
-مفيش فوانيش شبورة ف الفئة دي
- جلد صدمات الابواب الجانبية بلون السيارة من ميتالك زي السوبرصالون.
- عيب صغير ان كان عيب باب الكبوت لما تيجي تقفلو لازم ترفعوا و ترمية من نص متر عشان يقفل و طبعا بتسمع( الدااااااااااب) لان لو جيت قفلتو بحنية و يجي بقي تتك علية بقي عشان القفل يلقط مش ها يقفل و لو اصريت ها تطبق العربية و مش ها يقفل ( هو مصمم كدة).
-تحت الكبوت الماتور الاسد طبعا بس احلي حاجة ان الدنيا واسعة وواضحة وكل حاجة باينة وانت واقف مكانك ومش محتاج غير تحرك عنيك بس لدرجة ان الارض تحت العربية باينة.
-الشنطة و اسعة وحلوة.
-طبعا التقفيل تحت الكبوت (ك ماتور و اجزاؤة) عادي جدا من فخيم مش زي الكورولا او العربيات العالية او حتي التيدة بس ف مستوي اللانسر ان ما كانش انضف.
-علبة الفيوزات شمال السواق من تحت بس قريبة.
-لمبة صالون داخلية.
-لما تجي تفتح السنتر بتاع العربية لمة الصالون بتنور(حركة العربيات النضيفة بس)
-طبعا كونسول اوسط او نقول مسند او نقول عليبة شرايط بين الكرسيين ال قدام (حركة العربيات النضيفة بس).
-حزامات امان حلوة بس مش فاكر ف للركاب ال ورا و لا لاء.
-عيب فيها طبعا انك لو نسخت المفتاح عند بلية بتاع المفاتيح ها يدور الماتور ومش ها يقول لاء(حركه استرخاص).
-اخر التابلوة ال قدام ع الشمال في لمبة انزار ف التابوة نفسه شكلها شيك مش لمبه (لد) تلاقيها مزنوقة عند الباب زي جيرانا الهيونداي.
-المسأله ال انا محتار فيها بجد و لحد دلوقتي ما حدش افادني فيها هي ان الناس قالتي ان فيها انزار طبعا اللمبة و الرموت بتقولوا كدة بس لما سألت الواد بتاع الجراج ف الوكيل ال سلمني قالي لا دا مش انزار دا بس زرار ف الرموت لما بدوس عليه مستمر بيشغل سرينة بالكلاكس طبعا و مهمتة انك لوراكن و مش عارف فين عربيتك بالظبت تسمعهما بس دا مش انزار طبعا انا بالمت لما قالي كدة و قولت دا بالتأكيد مش فاهم حاجة ف ال يعرف يفيدني يا جماعة و يقولي لو في انزار فعلا بيشتغل ازاي.
- انا طبعا جايب العربية من جوة بيج عشان اشيك جدا من الاسود بس طبعا عيبو ما بيستحملس زي الاسود.
- العربية وصلت دلوقتي 87000 جوند ناهيك انو مبلغ كبير طبعا بس بالنسبة للسوق العربية دي انضف و احسن عربية ف الفئة السعريه دي وحتي تصل 90000(في رايي).
- ع فكرة العربية غليت 1000 جنية من 1 ابريل الي فات و متوقع تغلي تاني.
- الوكيل: العوض جروب ناس محترمين و مش زحمة و انا شوفت تسلمهم عربيات بعد الصيانة بيهتمو بالعربية من جوة بيحطو اكياس ع الكراسي و بيغلفو الدركسيون انما الصيانة نفسها سمعت انهم كويسين برضة.
- طبعا انا عملت تأمين تبع الجمعية التعاونية بس عن طريق الوكيل يعني لا قدر الله تروح تصلح عندهم ع طول و مالكش دعوه بالجمعية خالص بـ2%.
- ها تستلم العربية اول ما تدفع.
- ورق العربية ها تخدو تاني يوم اخر النهارع بال ما يجبيوة من المصنع.
- لو ها تأمن ها تاخد البوليصة بعد ما ترخص.
-دا ال انا فاكرة دلوقتي يتبقالي معاكم وصف اداء العربية دا ف الحلقة الجاية اما الين الماتور ان شاء الله.
- معلش طولت بس يا ريت ما اكونش رخمت.
ربنا يديني خيرها و يبعد عني شرها و ادعوا لي لو عجبكم التقري او ما عجبكمش:) .
شكرا ليكم
مهندس-أسامة
مهندس اتصالات
Comment