عندي مشكلة في التيدا

[Tiida2009]

[OVERLINE]
أنا معايا تيدا 2009 عامله 18000km بس بتستهلك بنزين كتير أوي. العربية بتعمل حوالي 160km لكل 20 لتر جوه البلد في الزحمة مع العلم إن معظم مشاويري جوه مدينة نصر. ووديتها لواحد ميكانيكي حاطها على الجهاز ألي مفيش حاجة. وال avg fuel consumption 13.3 . أرجو المساعدة ضروري وشكرا.
[/OVERLINE]

[egypt0777]

وديها التوكيل تتجط على الجهاز الاول يكشفلك على حرق البنزين و حسساسات البنزين

بعدين اكشف على البوجيهات

وغير البنزينة

[BassamHafez]

هي اصلا كانت كده ولا الموضوع ده جديد بالنسبه لك

[Tiida2009]

لأ مكنتش أوي كدا

[DarkMagician]

بص اللي انا متوقعو حسب رايي البنزين ممكن ميكونش نضيف او مونت كذا مرة بنزين مش نضيف فعندك شوائب كتير وبالتالي حتحط السائل اللي بينضف التنك
وممكن انت بتقرص على العربية كتير ولو بتركب ناس معاك اوزان برضو دي حتفرق

انا بقا اقولك فكرة بس يارب تعجبك اطلع بيها مشوار طويل كده وامشي على 90 وشوف التنك حيقضيك كم كيلو لو لقيت الاستهلاك نفسو يبقى في مشكلة وممكن تكون زي ما قلتلك ان في شوائب كتير في التنيك
لو قضاك بقا يبقى انت تعاملك مع دواسة البنزين هو السبب في الاستهلاك

[BassamHafez]

بص اللي انا متوقعو حسب رايي البنزين ممكن ميكونش نضيف او مونت كذا مرة بنزين مش نضيف فعندك شوائب كتير وبالتالي حتحط السائل اللي بينضف التنك
وممكن انت بتقرص على العربية كتير ولو بتركب ناس معاك اوزان برضو دي حتفرق

انا بقا اقولك فكرة بس يارب تعجبك اطلع بيها مشوار طويل كده وامشي على 90 وشوف التنك حيقضيك كم كيلو لو لقيت الاستهلاك نفسو يبقى في مشكلة وممكن تكون زي ما قلتلك ان في شوائب كتير في التنيك
لو قضاك بقا يبقى انت تعاملك مع دواسة البنزين هو السبب في الاستهلاك

+111

لازم تجرب تحسبها في السواقه العاديه وتستنضف محطه بنزين تمون منها

[Tiida2009]

أنا بمون من mobil أو caltex وبحط 92

[Bishoy.Girgis]

أنا بمون من mobil أو caltex وبحط 92

ايه ده لألألألألأ يا باشا يبقي كده فعلا ده موضوع بنزين مش مشكلة في العربية
حضرتك البنزينات اللي في رأيي انها كويسة و بنزينها نظيف و تحط 92 منها بالترتيب كده :

امارات مصر
وطنية
شيل

و لو روحت شيل عندهم منظف للشوائب اشتريه و بينظف دورة البنزين كاملة و انت بتمون من عندهم المرة ديه بس و تفول العربية في نفس الوقت

و ان شاء الله خير متقلقش

[BassamHafez]

ايه ده لألألألألأ يا باشا يبقي كده فعلا ده موضوع بنزين مش مشكلة في العربية
حضرتك البنزينات اللي في رأيي انها كويسة و بنزينها نظيف و تحط 92 منها بالترتيب كده :

امارات مصر
وطنية
شيل

و لو روحت شيل عندهم منظف للشوائب اشتريه و بينظف دورة البنزين كاملة و انت بتمون من عندهم المرة ديه بس و تفول العربية في نفس الوقت

و ان شاء الله خير متقلقش

كلام سليم

[Ahmed.TV]

الاول فول العربية على الاخر , من بنزينة محترمة , واطلع بعدها على طريق طوالى سفر , ومتعديش سرعة ال100 كيلو ابدا
وبعد ما توصل الى 200 كيلو , فول تانى , وشوف عامل البنزين قالك حط كام , لو طلع استهلاك لسه عالى
يبقا عليك وعلى اقرب مركز صيانة ,مش ميكانيكى ولا بنزينة

[Tiida2009]

شكرآ يا جماعة على النصيحة وهجرب و هقولكوا. بس في واحد ميكانيكي كان شغال في توكيل نيسان قالي أعمل حاجة اسمها معدلة idle أو حاجة زي كداز مش عارف أعمل ايه.

[AbuHusam]

[mark=#fffee5]أنا عندي نفس الموديل ونفس المشكلة من ساعة ما جبت العربية.. هي ماشية لغاية دلوقتي 13 ألف كيلو ورحت بيها للتوكيل 5 مرات (3 مرات الصيانة الدورية ومرتين مخصوص علشان استهلاك البنزين) وده في مركز سبع المعادي
وكل مرة يحطوها على الجهاز والنتيجة مفيش حاجة والعربية زي الفل.. وفي مرة منهم المهندس وائل هناك طلع معايا وشاف سواقتي إزاي.. ومرة تانية المهندس محمد عمر طلع هو بيها وشاف معدل الاستهلاك على الشاشة وهو سايق وقال في المعقول.. فكرت أروح بيها المصنع نفسه وأحاول أعرضها على اليابانيين نفسهم يشوفوا إيه الحكاية.. لكن مش بالاقي وقت أعمل كدة.. لغاية ما زهقت وبطلت أشتكي من المسألة دي..
طبعا ده بعد ما جربت كل القياسات وتغيير المحظات ومواعيد التفويل كمان (يعني بقيت باروح المحطة بالليل علشان كثافة البنزين والبرودة بتساعد في تقليل الاستهلاك) وحاولت كمان أغير طريقة القيادة بتخفيف ضغطة قدمي على دواسة البنزين قدر الإمكان.. لكن مفيش فايدة.. آخر قياس كان من يومين والمعدل 150 ك/ صفيحة بالتكييف معظم الوقت وكان في الشتا 160 بدون تكييف..
في السفر كانت ممتازة بتعمل من 260-300 ك/ صفيحة.. علشان كدة كنت باقول لنفسي أكيد المشكلة في وسط البلد والاشارات وسواقة الواحد يمكن بتبقى عصبية زيادة في الزحمة.. لكن من أسبوعين كنت في اسكندرية وعملت على الصحراوي 180 بالتكييف و 200 بدون وعملت 150 داخل اسكندرية.. فما بقتش عارف المشكلة فيا ولا في العربية ولا في إيه بالظبط
بعض الزملاء في قسم نيسان عارفين الموضوع ده من زمان وأخونا أحمد مصطفى نصح إني أسيب العربية في التوكيل كام يوم يجربوها بنفسهم.. لكن للأسف مش عارف استغنى عنها.. يعني عايز أقولك انك مش لوحدك اللي بتشتكي.. وقبلنا كمان كان فيه اثنين تانيين اشتكوا من استهلاك البنزين في التيدا.. لكن بقية ملاكها بيقولوا إنها رائعة في الاستهلاك..
الحقيقة انا ما جربتش منظف دورة البنزين.. فلو حد جربه وواثق منه ياريت يقولنا وهل هو موجود في محطات شل فقط وفيه أنواع ولا هو نوع واحد؟
أنا أول مرة أسمع عن معدل الـ Idle فياريت لو تسأل الميكانيكي اللي قالك عليها بالتفصيل علشان في الحالة دي ممكن نروح التوكيل ونخليهم يشوفوه.. وهل ده حاجة مختلفة عن الـ TPS؟
معلش أنا طولت الظاهر أنا ما باصدق الاقي فرصة افضفض فيها لما الاقي حد عنده نفس المشكلة..تحياتي[/mark]

[BassamHafez]

[mark=#fffee5]أنا عندي نفس الموديل ونفس المشكلة من ساعة ما جبت العربية.. هي ماشية لغاية دلوقتي 13 ألف كيلو ورحت بيها للتوكيل 5 مرات (3 مرات الصيانة الدورية ومرتين مخصوص علشان استهلاك البنزين) وده في مركز سبع المعادي
وكل مرة يحطوها على الجهاز والنتيجة مفيش حاجة والعربية زي الفل.. وفي مرة منهم المهندس وائل هناك طلع معايا وشاف سواقتي إزاي.. ومرة تانية المهندس محمد عمر طلع هو بيها وشاف معدل الاستهلاك على الشاشة وهو سايق وقال في المعقول.. فكرت أروح بيها المصنع نفسه وأحاول أعرضها على اليابانيين نفسهم يشوفوا إيه الحكاية.. لكن مش بالاقي وقت أعمل كدة.. لغاية ما زهقت وبطلت أشتكي من المسألة دي..
طبعا ده بعد ما جربت كل القياسات وتغيير المحظات ومواعيد التفويل كمان (يعني بقيت باروح المحطة بالليل علشان كثافة البنزين والبرودة بتساعد في تقليل الاستهلاك) وحاولت كمان أغير طريقة القيادة بتخفيف ضغطة قدمي على دواسة البنزين قدر الإمكان.. لكن مفيش فايدة.. آخر قياس كان من يومين والمعدل 150 ك/ صفيحة بالتكييف معظم الوقت وكان في الشتا 160 بدون تكييف..
في السفر كانت ممتازة بتعمل من 260-300 ك/ صفيحة.. علشان كدة كنت باقول لنفسي أكيد المشكلة في وسط البلد والاشارات وسواقة الواحد يمكن بتبقى عصبية زيادة في الزحمة.. لكن من أسبوعين كنت في اسكندرية وعملت على الصحراوي 180 بالتكييف و 200 بدون وعملت 150 داخل اسكندرية.. فما بقتش عارف المشكلة فيا ولا في العربية ولا في إيه بالظبط :_alshmokh11:
بعض الزملاء في قسم نيسان عارفين الموضوع ده من زمان وأخونا أحمد مصطفى نصح إني أسيب العربية في التوكيل كام يوم يجربوها بنفسهم.. لكن للأسف مش عارف استغنى عنها.. يعني عايز أقولك انك مش لوحدك اللي بتشتكي.. وقبلنا كمان كان فيه اثنين تانيين اشتكوا من استهلاك البنزين في التيدا.. لكن بقية ملاكها بيقولوا إنها رائعة في الاستهلاك..
الحقيقة انا ما جربتش منظف دورة البنزين.. فلو حد جربه وواثق منه ياريت يقولنا وهل هو موجود في محطات شل فقط وفيه أنواع ولا هو نوع واحد؟
أنا أول مرة أسمع عن معدل الـ idle فياريت لو تسأل الميكانيكي اللي قالك عليها بالتفصيل علشان في الحالة دي ممكن نروح التوكيل ونخليهم يشوفوه.. وهل ده حاجة مختلفة عن الـ tps؟
معلش أنا طولت الظاهر أنا ما باصدق الاقي فرصة افضفض فيها لما الاقي حد عنده نفس المشكلة..تحياتي[/mark]

قلبي معاك والله

بس على فكرة هي استهلاكها عوما مش رائع قوي يعني

يعني انا معايا سواقتي كلها على الدائري مش بنزل وسط البلد خالص وبتعمل معايا 220 في الصفيحه مع سواقه عاديه جدا وبدون حرق نهائي

ولما بقرص عليها شويه بتعمل 200 او 210 في الصفيحه

على فكرة الاوتوماتيك الميللي في دوسه البنزين بتفرق جامد في الاستهلاك

يعني انا ممكن اكون ماشي سرحان مش مركز مع عداد الاستهلاك اللحظي ولما ايص الاقيه على 10 وساعات 12 ولما اخف رجلي شويه وانا على نفس السرعه بينزل ل 8 وساعات 6.5

انا من وجهه نظري العربيه لو عملت معاك 200 كيلو في الصفيحه جوة البلد يبقى كويس

[AbuHusam]

انا من وجهه نظري العربيه لو عملت معاك 200 كيلو في الصفيحه جوة البلد يبقى كويس

[mark=#fffee8]ياريت.. ربنا يسمع منك.. ده أنا باحلم برقم 200 حتى لو من غير تكييف.. بس مشوار بعيد قوي الـ 200 من 150.. ربنا يصلح الحال[/mark]

[Tiida2009]

ازيك يا باشا؟ معلش اتأخرت عليكز أنا كمان بعاني من نفس المشكلة زيك بالظبط والموضوع مدي~ني جدا عشان آخر مرة عملت 140km بس ومش عارف اعمل ايه. بس انشاء الله لو وصلت لحل هبلغ حضرتك. وهسأل علآ الidle وهقولك. وياريت لو في جديد عندك تبلغنيز أنا هتصل بالسبع وهشوف هيقولوا ايه.