قدر الله وما شاء فعل يا جماعة الفانوس اتكسر والشنطة

[mem]

السلام عليكم ورحمه الله وبركاته

يا اخوتى الافاضل الفانوس عندى اتكسر
الوش الخارجى لكن الوش الداخلى سليم
هل الوش الخارجى بيباع لوحده وهل بيكون اصلى
ارجو الافاده من حضراتكم
ولكم جزيل الشكر

[SeaShark]

مبدئيا طالما الوش اتكسر غير الفانوس كله

عشان هتجيب وش بس و هيتلزق بسيليكون و عمره ما بيطلع شكله كويس ابدا و بيكون جودة الوش سيئة جدا و بيكلح من الشمس و مش هيعجبك شكله. أنصحك تشيل موضوع تغيير الوش ده من دماغك حتي لو ده فانوس العربية الاصلي.

تغيير الفانوس ادامك 3 اختيارات

جديد و اصلي من التوكيل (أعتقد يعمل 600 جنيه)
جديد و مش اصلي ماركة (ديبو) من شارع دمشق (حوالي 300 جنيه)
إستيراد من الحرفيين (من 200 الي 300 جنيه)

بالنسبة للشنطة حاول فيها عند سمكري كويس و ممكن تتعمل علي البارد و يكون شكلها كويس أفضل بدل ما تدخل نفسك في سمكرة و دوكو.

[mem]

اولا اشكرك على زوق حضرتك واهتمامك

بس انا سمعت ان فيه وش خارجى بيباع واصلى هل ده صحيح
لان الفانوس ده الاصلى
وسعر الفانوس الاصلى فى التوكيل 600 جنية سالت عليه ومن غير الضريبة والتركيب فحرام وممكن يتكسر تانى
ويارترى لو جبت فانوس جديد حضرتك تعرف الفانوس اللى الاضاءه بتاعته لدات
تعرف بيباع فين

[BassamHafez]

قدر الله وما شار فعل

ده مين ابن الحلال اللي عمل كده في العربيه

[SeaShark]

اولا اشكرك على زوق حضرتك واهتمامك

بس انا سمعت ان فيه وش خارجى بيباع واصلى هل ده صحيح
لان الفانوس ده الاصلى
وسعر الفانوس الاصلى فى التوكيل 600 جنية سالت عليه ومن غير الضريبة والتركيب فحرام وممكن يتكسر تانى
ويارترى لو جبت فانوس جديد حضرتك تعرف الفانوس اللى الاضاءه بتاعته لدات
تعرف بيباع فين

العفو علي ايه مفيش اي حاجة.

مفيش وش أصلي بيتباع لوحده الفانوس كله علي بعضه بيتباع أصلي. انا عمري ما شوفت فانوس بيتباعله وش اصلي. و في كل الاحوال برضه تركيب الوش مش هيكون كويس.

الفانوس اللي بيتباع ليدات انا شوفته قبل كده موجود عن محل مشهور اسمه go car accessories
عنوانه: 15 شارع احمد خليفة متفرع من شارع حسين كامل (جنب محطة السوبر جيت اللي في الماظة)

الفانوسين كان سعرهم 1000 جنيه

[egypt0777]

ربنا يستر طريقك

الوش عموما لن يقل عن 60 ج

وتركيب 40 ج



يبقى 100 ج

وحيبقى شكله وحش جدا كبيره 3 شهور و تغير الوش لانه اجرب وتركب واحد جديد ب 100 ج


هات التيلندى ب 250ج

مافيش فرق

[mem]

الحمد لله قدر الله وما شاء فعل
والحمد لله انها جت على قد كده
سواق ميكروباص ربنا يسامحه
كنت راكن وكان جى بسرعة من بعيد
وبيضرب فرامل ما وقفتوش ام دخل فيا لم نفسه على قد ما قدر وام دخل فى الفانوس
وخبت جزء من الشنطة انا سمعت صوت الخبطة قلت ده بوز العربية من ورا خالص
بس الحمد لله على كل شى

[mem]

العفو علي ايه مفيش اي حاجة.

مفيش وش أصلي بيتباع لوحده الفانوس كله علي بعضه بيتباع أصلي. انا عمري ما شوفت فانوس بيتباعله وش اصلي. و في كل الاحوال برضه تركيب الوش مش هيكون كويس.

الفانوس اللي بيتباع ليدات انا شوفته قبل كده موجود عن محل مشهور اسمه go car accessories
عنوانه: 15 شارع احمد خليفة متفرع من شارع حسين كامل (جنب محطة السوبر جيت اللي في الماظة)

الفانوسين كان سعرهم 1000 جنيه

بجد مش عارف اقولك ايه غير جزاك الله كل خير اخى الفاضل

[mem]

ربنا يستر طريقك

الوش عموما لن يقل عن 60 ج

وتركيب 40 ج



يبقى 100 ج

وحيبقى شكله وحش جدا كبيره 3 شهور و تغير الوش لانه اجرب وتركب واحد جديد ب 100 ج


هات التيلندى ب 250ج

مافيش فرق

طيب لو عملته وفيمت الفانوسيين ها يكون باين بردك

وبالنسبة للتيلاندى مش بيغير لونة لو جبته مع الوقت ويعمل فرق فى الشكل بعد كده بين الفانوسيين
وشكرا لزوق حضرتك

[egypt0777]

طيب لو عملته وفيمت الفانوسيين ها يكون باين بردك

وبالنسبة للتيلاندى مش بيغير لونة لو جبته مع الوقت ويعمل فرق فى الشكل بعد كده بين الفانوسيين

وشكرا لزوق حضرتك

لا طبعا التفييم مش حيبين خالص

والتايلندى جيد جدا

بس طبعا مش حيجى بخامه الاصلى

[Bishoy.Girgis]

يا باشا انا لو منك انزل الحرفيين و اشتري واحد استيراد اصلي افضل كتير من اي حل تاني و هيكون بتاع العربية و هو هو اللي متركب الناحية التانيه

[mem]

لا طبعا التفييم مش حيبين خالص

والتايلندى جيد جدا

بس طبعا مش حيجى بخامه الاصلى

اكيد مش ها يكون زى الاصلى طبعا
بس طالما مقارب يبقى كويس
طيب بعد اذن حضرتك
بيباع فين الوش اللى ب60
والفانوس التايلاندى الاقيه فين
واعتذر على تعب حضرتك معى اخى الكريم

[mem]

يا باشا انا لو منك انزل الحرفيين و اشتري واحد استيراد اصلي افضل كتير من اي حل تاني و هيكون بتاع العربية و هو هو اللي متركب الناحية التانيه

طب ممكن اعرف فين مكان الحرفيين لانى مش اعرفها وتقريبا سعره كام
واكيد ده يكون افضل طبعا لانه الاصلى بتاعها
ولك منى جزيل الشكر والتقدير اخى الفاضل

[Bishoy.Girgis]

طب ممكن اعرف فين مكان الحرفيين لانى مش اعرفها وتقريبا سعره كام

واكيد ده يكون افضل طبعا لانه الاصلى بتاعها

ولك منى جزيل الشكر والتقدير اخى الفاضل

طيب حضرتك منين يمكن يكون عندك اماكن بيع استيراد و متخش المشوار

[kamatsho]

معتقدش ان فيه وشوش اصلى بتتباع ..

انا لسه من شهر جايب وش للفانوس الخلفى عندى فى الفيرنا بـ 25ج من التوفيقيه من محل مخصوص للفوانيس والوشوش

بصراحه زهقنى جداً وانا بلزقه انا وصاحبى .. لأن الوش ده ليه مجري بيدخل فى الفانوس نفسه .. وبعدين بتلزق

مكان المجرى داخل الفانوس مكنش فارغ .. كان بواقى الوش القديم ماليه مكان المجرى ده وبالتالى زهقنى جداً فى تركيبه

للعلم .. انا لزقته بسيليكون ... وفك .. بعدها بـ يومين ... رجعت حطيت امير بين السيليكون والوش ولزقته كويس

أسف للأطاله ... بالتوفيق ان شاء الله