إعـــــــلان

Collapse

.

,
See more
See less

قررت اجيب صنى بأذن الله وعاوز اسالكم فى كام حاجة كدة

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    قررت اجيب صنى بأذن الله وعاوز اسالكم فى كام حاجة كدة

    بسم الله الرحمن الرحيم


    السلام عليكم يا رجالة

    انا ان شاء الله قررت اجيب صنى
    وكنت عاوز اعرف الفرق بين السوبر صالون والهاى لاين
    ودية بكام ودية بكام
    وهل فعلا العفشة الاسبور بتفرق عن العادية
    والموضوع يستحق ان الواحد يجيب سوبر صالون او هاى لاين


    وانا النهاردة روحت ابو رواش بصراحة المنظر معجبنيش خالص
    ولا فى الصيانة ولا فى البيع
    مفيش غير مهندس واحد فى الصيانة
    والورش اللى جنب مكان الصيانة سيئة جدا والعملية حسيت انها سايبة هناك

    كذلك المبيعات الراجل قالى الهاى لاين ب 102000
    والمكان شكلة مكان حكومى صرف مش شركة مفروض تهتم بالمنظر
    دة رايى المتواضع بصراحة


    وعاوز اسال معلش حاجة تانية
    الهاى لاين بيجى معاها انذار ولا لا



    واية احسن مكان تنصحونى اشترى من العربية



    شكرا مقدما يا رجالة
    وانا عارف انهم 100 سوال فى بعض :)


    --------------

    تنبيه للعضو بعدم استخدام اللون الاحمر , لان اللون الاحمر مخصص للمداخلات الادارية

    يرجى مراجعة قوانين وقواعد المنتدى

    مشرف القسم

    15ب
    الكلمات الدلالية (Tags): اجيب, اسالكم, الله, بأذن, حادث, صنى, قررت, كام, كدة, وعاوز
  • #2
    1. الهاي لاين تزيد عن السوبر صالون في الزجاج الخلفي و الجانبي الخلفي فيميه و الفوانيس الامامية و الخلفية فيميه يعني مش شفافة زي السوبر صالون و الشبكة الامامية مختلفة.

    2. السوبر صالون بتكون من 101000 الف جنيه او 102000 و تزيد عنها الهاي لاين الف او الفين جنيه (الاسعار تختلف من مكان لأخر).

    3. العفشة السبور تفرق عن العادية في انها اكثر ثبات علي السرعات العالية و ناشفة اكتر و ده بيكون متعب في شوارع مصر.

    4. الموضوع يستاهل حضرتك تجيب السوبر صالون او لا دي ترجع ليك المفروض حضرتك ناوي تشتري تكون شوفت الاسعار و الاوبشنز في كل الموديلات. شوف الاوبشنز الزيادة في السوبر صالون مهمة و لا لا بالنسبالك و ممكن انك تدفع الفرق ده ولا لا ف بالنسبة للموضوع ده يرجع ليك انت.

    5.مفيش ولا موديل نيسان صني بينزل معاه انذار بس بيكون في نظام مانع للسرقة بس.
    [aldl]https://imageshack.com/scaled/medium/841/8w88.jpg[/aldl]

    Comment

    • #3
      شكرا لردك يا استاذ شارك
      بس يعنى افهم من كلام حضرتك ان العفشة العادية انسب فى شوراع مصر
      وهل الرخصة فى الهاى لاين بيتكتب فيها ان الزجاج ملون كلة ولا خلفى بس
      وشكرا لردك مرة تانية

      Comment

      • #4
        ومعلش هل ينفع انى اطلب انذار قبل ماستلم العربية
        عشان استملها مرة واحدة كاملة
        وبكام الانذار بعد اذنك
        وانا على فكرة مشوفتش الفرق فى الكماليات
        حدور هنا على موضوع فية الكماليات واقارن ان شاء الله

        Comment

        • #5
          + cd Changer
          تابلوه ابانوس
          [CENTER][FONT=Comic Sans MS][SIZE=5][COLOR=Blue][/COLOR][/SIZE][/FONT][SIZE=5][COLOR=DarkRed]قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

          -- اللهم ارزقنيها --
          [/COLOR][/SIZE][/CENTER]

          Comment

          • #6
            بالنسبة للهاي لاين ... الفاميه بيثبت على الرخصة
            [CENTER][aldl]http://www.sarkosa.com/vb/imgcache/36351.imgcache.gif[/aldl][/CENTER]

            Comment

            • #7
              اخى الكريم .. طالما دخلت كذا نقطة فى استفسارك .. بخصوص مكان الصيانة والسيارة واشياء كثيرة .. فاسمحلى اجاوب على جزئية الصيانة


              خالينى اوضحلك نقطة مهمة غايبة عنك , عشان حضرتك مش بتروح باستمرار هناك , ومش عارف المناظر اللى شوفتها هناك دى ليه

              وانا بروح باستمرار هناك بحكم بجيب عروض للاعضاء وعارف كل خبايا المكان وكان مفروض فى تقرير حنزلهم لمودرن ومصوره , بس منزلش وظهر للنور بسبب لسه فى تفاوض معهم فى موردرن انى منزلوش الا لما اتفق على بعض الخصومات للاعضاء على الصيانات الميكانيكية

              المهم : ودى بعض المعلومات من التقرير اللى كنت بعده وبجهزه


              مودرن ابو رواش


              اكبر مركز خدمة كبير فى منطقة ابو رواش وكمان بالاخص فى الشرق الاوسط , مفروض انه مبنى على مساحة 55 الف متر , والمساحة المغطاه مستخدم منهم حوالى 3500 متر وبعد التوسعات حتوصل الى 10 الاف

              استيعاب المكان للسيارات


              يستوعب المكان حوالى 250 عربية بعد التوسع و90 عربية فى اليوم حاليا وكل ذلك لاعمال الميكانيكا والكهرباء
              والسمكرة 38 عربية تحت التشغيل وبعد التوسع 70 عربية فى التشغيل



              تفصيلا وشرح للمكان


              - زمان كان المفروض فى عنبر للصيانة السيارات الشانا ونيسان وسوزكى وعنبر للدوكو والسمكرة


              - حاليا المنظر اللى حضرتك شوفته مكسر ده عشان بيقوموا بالتوسيع عشان يعمل العنبر اللى مكسر ده يكون لنيسان لصيانتها فقط



              وهناك عنبر اخر لسوزوكى والشانا , وعنبر للسمكرة لوحده وعنبر للدوكو لوحده كمان ,

              صورة العنابر اللى بيتم فيها التوسع واللى حضرتك شوفته



              وده مكان اللى بيتعمل فيه مكان الصيانة للسيارات حاليا


              ده حيكون عنبر للسمكرة لوحده1




              وكمان فى عنبر بمساحة كبيرة لقطع الغيار , وعلى فكرة دى حقيقة مودرن ابورواش فيها اكبر مخزن لقطع الغيار حوالى 3000 متر



              وبعدين اللى يهمنا اننا نعمل الصيانات ومالناش دعوة بالمنظر, وان كان المنظر مش سيئ , ولو سيى ده لظروف ومن اجل التوسعات ومصلحة لينا طبعا , فاطمن اخى الكريم


              - بخصوص ان مفيش غير مهندس للصيانة , لا فى اتنين , وبعدين دول بيستلموا منك فقط العربية , لكن فى عنبر كبير ومصورة ماليان عمال كتير جدا وممنوع حد يتواجد فيه , مش زى اى مركز خدمة اخر


              - وبردوا بخصوص المبيعات , نادرا ان حد بيروح يتشرى من ابو رواش فى اخر الدنيا وهما عارفين كدا ,

              وده صورة المدخل الرئيسى واعتقد شكله مش سيئ , وكمان المعرض اللى فيه واضح انه مفهوش عربيات كتير



              ومفيش اهتمام بالقصة دى هناك عشان كدا مش حتلاقى عربيات كتيرة هناك , واحيانا صالة العرض مش بيكون فيها عربيات كمان احيانا



              احنا اهم حاجة عندنا حاجيتن :


              الاولى :العربية تتعمل على اكمل وجه ممكن
              الثانية : ان نلاقى استراحة مكيفة محترمة وفيها نت ننتظر فيها , وده موجود فى كل مراكز الخدمة بتاعت نيسان


              وباقى الاسئلة ان شاء الله الاعضاء يفيدوا حضرتك , وفى قسمنا قسم الصقور فى موضوعات فى قمة الروعة ومكررة كتير عن الفروقات فى صفحة 2 - 3 -4 -5 غير المثبت كمان فى موضوع اهم موضوعات الصنى , وكلها غنية بالمعلومات والتقارير اللى الصقور تعبوا فيها واعدوها لينا خير اعداد


              واتمنى حضرتك تستفاد معانا

              واهلا بيك يا فندم

              وبالتوفيق
              [CENTER][COLOR=#ff7700][SIGPIC][/SIGPIC][/COLOR][/CENTER]
              [CENTER][FONT=Tahoma][COLOR=#ff7700]محرر فى دعم اتخاذ القرار بوزارة الاعلام[/COLOR][/FONT][/CENTER]
              [CENTER][FONT=Tahoma][COLOR=darkslategray]قليل المشاركة فى [COLOR=blue]الموضوعات [/COLOR]والرسائل [COLOR=blue]الخاصة[/COLOR] لانشغالى بالعمل[/COLOR][/FONT][/CENTER]
              [CENTER][FONT=Tahoma][COLOR=darkgreen][COLOR=darkred]برجاء الاتصال بى[/COLOR] :[/COLOR][COLOR=navy] [U]01288814049[/U][/COLOR][/FONT][/CENTER]

              Comment

              • #8
                فى البداية
                الف شكر يا شباب على المساعدة
                وشكرا لكل واحد رد فى الموضوع بجد

                Comment

                • #9
                  استاذ احمد شكرا لردك المفصل بصراحة عجبنى اوى الرد وريحتنى وطمتنى بصراحة كمان
                  وانت عندك حق الشكل مش مهم بس اعذرنى انا اول مرة اروح ومش فاهم حاجة ومعرفش حاجة عن نيسان فشوفت المنظر دة اتخضيت
                  بس عامتا انت كدة فهمتنى حضرتك كل حاجة وكلامك كلة مظبوط 100000 %
                  بس ياريت بقى تجاوب على اسئلتى بخصوص السيارة نفسها لان راى حضرتك يهمنى برضة
                  وببساطة لما جمعت شوية معلومات عاوز اسئلك كام سوال بس

                  1- عفشة السبور احسن ولا العادية فى شوارع مصر
                  2- ينفع اركب انذار واستملة مع العربية يعنى عشان يبقى مرة واحدة ادفع تمنة ولما اجى استلم العربية استملة
                  3- هل حضرتك الرخصة بيثبت فيها فامية للزجاج عامتا ولا بيحدد الخلفى عشان لو حبيت افيم مثلا الجنب القدام ماعدا الزجاج الامامى طبعا عشان اشوف


                  شكرا يا استاذ احمد مرة تانية

                  Comment

                  • #10
                    فى انتظار ردكم يا رجالة

                    Comment

                    • #11
                      فى انتظار ردك يا استاذ احمد

                      Comment

                      • #12
                        ثواني يا جماعة .. أنا معايا نيسان صني 2011 أكس صالون واعتقد ان العربية فيها أنذار .. هو أي نعم مش انذار حساس يعني لما تهز العربية يقوم يشتغل بس أنا من خلال قرأتي هنا لمواضيع كتير فهمت ان فيه انذار والانذار بيشتغل لما بيكون الريموت بعيد عن العربية وحد بيحاول يفتح العربية (يعني لو حاولت تجرب الانذار زي مثلاً تفتح شباك أحد الابواب وتقفل العربية بالريموت وبعدين تحاول تمد أيديك جوه العربية وتفتح الباب الانذار مش هيشتغل عشان الريموت قريب من العربية ) . لكن لما بتكون بعيد (الريموت بعيد) وحد يحاول يسرق العربية بأي طريقة ساعتها الانذار بيشتغل بصوت على كلاكس العربية لمدة 30 ثانية وإذا لم يتم إغلاق الصوت بتاع الانذار من الريموت أو بأستخدام المفتاح الاسود لفتح الباب بتاع العربية ساعتها العربية بتعمل Lock لمدة 12 ساعة ومش هتعرف تدور العربية حتى لو معاك مفتاح العربية والريموت ولازم تتصل بالتوكيل عشان تعرف منهم تشغل العربية أزاي ده لو كنت عايز تمشي بيها وقتي أو تستنى لحد ما 12 ساعة يعدوا ودور العربية عادي . ده اللي أنا فهمته من المواضيع اللي أنا قرأتها هنا .

                        أرجوا التوضيح من الاعضاء بخصوص الموضوع ده .

                        للعلم أنا مجربتش أني أجرب الانذار بتاع العربية عشان خوفت لحسن العربية تعمل Lock . بس
                        [CENTER][SIZE=3]أشهد أن لا إله إلاَّ الله وأشهد أن محمد رسول الله
                        سبحان الله وبحمده ... سبحان الله العظيم[/SIZE][/CENTER]

                        Comment

                        • #13
                          شكرا يا باشا على ردك جدا يا استاذ محمد
                          1000 شكر

                          Comment

                          • #14
                            انا بعت لحضرتك رقمى على الخاص عشان تكلمنى

                            وانا كلمت لحضرتك الناس فى ابو رواش عشان لو فى خصم ممكن يتعمل

                            بعد ما حضرتك بعتلى على الخاص وطلبت منى لو اعرف حد هناك عشان المساعدة

                            فحضرتك مكلمتنيش !!!

                            فياريت تقولنا عملت ايه , عشان اعرف بس , واكلم الناس واعتذرلهم
                            [CENTER][COLOR=#ff7700][SIGPIC][/SIGPIC][/COLOR][/CENTER]
                            [CENTER][FONT=Tahoma][COLOR=#ff7700]محرر فى دعم اتخاذ القرار بوزارة الاعلام[/COLOR][/FONT][/CENTER]
                            [CENTER][FONT=Tahoma][COLOR=darkslategray]قليل المشاركة فى [COLOR=blue]الموضوعات [/COLOR]والرسائل [COLOR=blue]الخاصة[/COLOR] لانشغالى بالعمل[/COLOR][/FONT][/CENTER]
                            [CENTER][FONT=Tahoma][COLOR=darkgreen][COLOR=darkred]برجاء الاتصال بى[/COLOR] :[/COLOR][COLOR=navy] [U]01288814049[/U][/COLOR][/FONT][/CENTER]

                            Comment

                            • #15
                              ايه يا جدعان ده
                              فى صنى هاى لاين ؟
                              انا لسه جايب سوبر صالون فى الصيف اللى فات وكانت هى اعلى فئة صراحة 99000
                              مع العلم انها موديل 2010 وفيها ابانوس وعفشة سبورت غير ال EX SALOON

                              ---------------------

                              استخدام الأحرف اللاتينية (الانجليزية) في كتابة اللغة العربية مخالف للقاعدة رقم 6 بند "ب".

                              يرجى مراجعة قواعد المنتدى

                              مشرف القسم

                              15ب

                              Comment

                              السابق 1 2 template التالي
                              Working...
                              X