الاير باجز -- نيسان صنى

[egypt0777]

كنت عاوز استفسر عن الاير باج بتاع النيسان صنى

فى معظم العربيات بيبقى فيه مفتاح بتلغى بيه عمل الاير باجز وبيكون جنب الطبلوه ناحية قايم الباب

هل الموضوع ده موجود فى الصنى.

ولاقدر الله لو الايرباج فتح --- هل يتم تغير الطارة بالكامل و الطبلوه بالكامل ( عشن ايرباج اللى جنب السائق ) ولا بس فى قطعة معينة بس هى اللى تتغير فى الطارة وفى الطابلوه.


وربنا يستر طريقكم

[SeaShark]

مفيش زرار او حاجة في الصني بتلغي الايرباجز

ممكن تشيل الفيوز.

بس أنصحك دايما تخليها شغالة عشان الامان امال انت جايب عربية فيها ايرباجز ليه

مش عارف ممكن تلغي اللي جنب السواق لوحدها ولا لا بس برضه بلاش ممكن حد يركب جنبك يهمك و تنسي تركبه او تكسل و محدش يضمن ظروف الطريق و ربنا يسترها معاك

الخلاصة سيبهم زي ما هما كده افضل.

[egypt0777]

مفيش زرار او حاجة في الصني بتلغي الايرباجز

ممكن تشيل الفيوز.

بس أنصحك دايما تخليها شغالة عشان الامان امال انت جايب عربية فيها ايرباجز ليه

مش عارف ممكن تلغي اللي جنب السواق لوحدها ولا لا بس برضه بلاش ممكن حد يركب جنبك يهمك و تنسي تركبه او تكسل و محدش يضمن ظروف الطريق و ربنا يسترها معاك

الخلاصة سيبهم زي ما هما كده افضل.

شكرا على النصيحة

لا طبعا انا مش جايب عربية بالايرباج عشان الغيه

انا سبب سؤالى انى شفت فى عربية ةاحد صحبى الموضوع ده و دورت عليه عندى ملقتهوش خالص عموما مش ده المهم

المهم السؤال التانى هلى لازم الواحد يغير طارة وطبلوه لاقدر الله لو فتحوا

لانى شفت عربية سوبر صالون لازق مكان الفتحات ده بغراء وشكلهم اتفتحو قبل كده وبصراحة شكل الطارة و الطابلوه سيى

فكنت بسال نفسى هما بيتباعوا لوحدهم ولا لازم تغير الكونسول بالكامل

مجرد سؤال جه فى راسى حبيت اعرف اجابته منكم

فكنت بسال يا ترى هما ما بيتباعوش لوحدهم

[Bishoy.Girgis]

متابع باهتمام

[mem]

انا واحد صحبى الاير باج ضرب اللى فى التاره كان عمل حادث
ولما راح التوكيل غيروا له الدريكسيون كله خلعوا القديم وركبوا واحد تانى
وكان تقريبا التكلفة 4500 على ما اتذكر

[SeaShark]

الايرباجز غالية جدا لانها مش بالونة و خلاص ده بيغير الحساسات و الايرباج نفسها و في حاجة كمان اللي بتنفخ الايرباج دي غالية جدا برضه و كل ده بيتغير.

يعني قطع غيارها غالية و كمان مصنعية التركيب

عشان كده حتي شركات التأمين بتحمل العميل نسبة من تكلفة الايرباجز

التابلوه مش بيتغير كله بس بوابات الايرباجز اللي جنب السواق (الفيبرة) و غطا تارة الدركسيون (بس الزميل mem بيقول ان صاحبة غيرو التارة كلها)

ده اللي انا اعرفه عن الايرباج و يمكن يكون في حاجة تانية احنا مش عارفنها

[egypt0777]

انا قربت على صيانة ال 5 الف كمان اسبوعين

ان شاء الله حسال عندهم للمعرفة فقط و حبلغكم

ولو فى حد رايح قريب التوكيل ياريت يستفسر هناك للعلم ان شاء الله

ربنا يستر طريقكم

[Ahmed.TV]

مش عايز الايرباجز يا ابوعبدالله يتفتح , مرتبطش حزام الامان , لانه مفروض بيشتغل على حزام الامان , ده اللى اعرفه
واللى اعرفه لو ايرباجز بتاع السائق فى الدريكسيون بتغير الطارة والدريكسيون

وطبعا بتاع الطابلوه لقدر الله بتاع الراكب الامامى اتفتح و حتغير طابلوه وربنا يسترلنا طريقنا

[egypt0777]

مش عايز الايرباجز يا ابوعبدالله يتفتح , مرتبطش حزام الامان , لانه مفروض بيشتغل على حزام الامان , ده اللى اعرفه
واللى اعرفه لو ايرباجز بتاع السائق فى الدريكسيون بتغير الطارة والدريكسيون

وطبعا بتاع الطابلوه لقدر الله بتاع الراكب الامامى اتفتح و حتغير طابلوه وربنا يسترلنا طريقنا

شكرا استاذ احمد

على الرد

ربنا يستر طريقنا جميعا

[tarekmomo]

موضوع جمييل بس متهيالى الحزام مالوش علاق بالاير باج

[م/محمد]

عجيب امركم ايها المصريون
انت خايف لتغير الطابلوه ومش خايف من اللي هيجرالك لو الايرباج فتح نتيجه حادث لا قدر الله
غالبا ممكن ساعتها تغير عربيه جديده بطابلوه جديد
وربنا يسترها معانا ومعاك

[mem]

ربنا يسترها علينا جميعا
والايرباج مالوش علاقة بالحزام لان عند صحبى اشتغل وكان مش لابس الحزام