نيسان تيدا 2011 كسر زيرو

[zamalek26]

السلام عليكم معروض عليا تيدا كسر زيرو اللى هى الدرجه العاديه الاتوماتيك

ممكن اعرف منكم كم سعرها فى السوق مش مكربه نمر لسا....


-راى حضراتكم فى التقفيل المكسيكى .......

وهل اشوف حاجة يابانى كامل افضل ؟

وايه المميزات اللى ف ىالعربيه والعيوب ايضا عشن الواحد يبقى ملم بيها .


وكنت عاوز اسال هو معدل استهلال البنزين فى العربيات ال1600 سى سى بيعتمد على ايه ؟وهى بتستهلك كم فى الصفيحه؟


هو فعلا فيه عربيه من الجداد دول بيمشول الصفيحه 350 كيلو؟؟؟(انا مش بتكلم عن النيسان فى النقطه دة )بقصد الهايونداى الجديد كله كدة ولا انا غلطان؟


-العفشه ايه اخبارها ؟

-قطع الغيار اخبارها ايه ؟

-هل فيه عربيه فى رينج من 100 الى 130 الف جنيه افضل من النيسان مع اختلاف الماركات من هايونداى(النترا-اكسنت ار بى)-كيا(كارينز-سيراتو)-ميتسوبيشى.





واشكركم

[zamalek26]

متابع ومنتظر الردود

[egypt0777]

فى انتظار رد و حوش التيدا

بس فى موضوع انا كنت عملته ممكن ينفعك

http://www.nilemotors.net/Nile/191951-a.html

[zamalek26]

.................................................. ................




----------------------


تنبيه على العضو بمخالفة القاعجة رقم (4) من قواعد المنتدى

يرجى مراجعة قواعد المنتدى

مشرف القسم

15ب

[BassamHafez]

وعليكم السلام ورحمه الله وبركاته

التيدا حاليا ياباني تجميع ميكسيكي اخر موديل ياباني بالكامل كان 2010

الهاتش في منها ثلاث فئات والسيدان فئتين وكلهم اوتوماتيك لا يوجد من التيدا مانيوال

الفئه الولى في الهاتش باك والسيدان : تكييف مانيوال - 2 ايرباج - فوج لايت - مرايات كهرباء - 4 زجاج كهرباء

الفئه الثانيه في الهاتش باك والسيدان يزيد عن ماقبله : تكييف تاتش - جنوط سبور - وحده اضاءه للقراءه مع جراب نظارة - الكنبه قابله للطي - مسند يد امامي وخلفي

الفئه الثالثه من الهاتش باك تزيد عن ما قبلها : فتحه سقف كهرباء

بالنبه لقطع الغيار تعتبر احسن اسعار بالنسبه للماركات الياباني

طبعا هي احسن من الصني

بس بصراحه انا لا اعرف هل الميكسيكي الموجوده حاليا احسن من سابقتها الياباني ولا لا لأن انا معيا الياباني

بس اقدر اقول لك الختلاف بين الياباني والميكسيكي السيدان ثاني فئه :

شكل التكييف التاتش اتغير - شالو من الميكسيكي السي دي ال 6 اسطوانات وحطوا سي دي اسطوانه واحده - الفرش كان جلد و قماش واصبح شامواه وقماش - الدرج اللي فوق السي دي بقى اصغر - مروحه الريداتير بقت واحده بسرعتين بدل مروحتين في الياباني

بصراحه هو ده اللي انا فاكرة

ولو عايز نصيحتي استنى لاخر السنه لان واضح ان في موديلت جديده نازله من هيونداي زي الالنترا الشكل الجديد والله اعلم نيسان ها تنزل التيدا الجديده ولا لا واحتمال كيا تنزل الاسبورتيدج ال 1600

وكمان ممكن تبص على النيسان القاشقاي هي لسه نازله مصر 1600 مانيوال ولا يوجد منها اوتوماتيك وسعرها 160 الف وتجميعها انجليزي

اعتقد لو الشركات ناويه تنزل حاجه جديده على اخر السنه ممكن تنزل في معرض اوتوماك القادم

ارجو اكون افادتك

[zamalek26]

.................................................. ................




----------------------


تنبيه على العضو بمخالفة القاعجة رقم (4) من قواعد المنتدى

يرجى مراجعة قواعد المنتدى

مشرف القسم

15ب

معلش فكرنى ايه الخطاء لانى مش فاكر انى عملت حاجة مخالفه لقواعد المنتدى.

اشكرك مقدما.

[zamalek26]

كسر الزيرو يا جماعه من التيدا 2011 يعمل كم اللى هى الدرجه الفل ابوشن - مش البلس -

العربيه لسا مركبتش نمر -صاحبها كسبها من نيسان وعاوز يبيعها اخدها منه على كم ؟؟؟؟

ماشيه 300 كيلو بس انا شوفت تحت 300 مكتوب 2850 مش عارف دة العداد الاساسى وال 300 دة عداد رحله ولا ايه مش عارف ممكن الناس الل ىعندهم التيدا يقوللولنا عداد العربيه بيتكتب فين فوق ولا تحت ؟ ف ىالناحيه اليمين؟؟؟
واشكركم مرة اخرى

[Elsayed]

حضرتك لو شفت رقم 2850 على شاشة العداد يبقى ده الاصلى ويكون ال300ك ده عداد رحله لان العداد الاصلى لا يصفر ولكن عدادات الرحلات يمكن تصفيرها.

[BassamHafez]

كسر الزيرو يا جماعه من التيدا 2011 يعمل كم اللى هى الدرجه الفل ابوشن - مش البلس -

العربيه لسا مركبتش نمر -صاحبها كسبها من نيسان وعاوز يبيعها اخدها منه على كم ؟؟؟؟

ماشيه 300 كيلو بس انا شوفت تحت 300 مكتوب 2850 مش عارف دة العداد الاساسى وال 300 دة عداد رحله ولا ايه مش عارف ممكن الناس الل ىعندهم التيدا يقوللولنا عداد العربيه بيتكتب فين فوق ولا تحت ؟ ف ىالناحيه اليمين؟؟؟
واشكركم مرة اخرى

انت قصدك 285 ولا 2850 بس عموما عداد الرحلات بيكون تحت عداد الكيلو متر الكلي للعربيه

وعموما العداد الاكتر في القراءة اكيد هو العداد الكلي اللي بيبين العربيه مشيت قد ايه

بس لو طلع كلامك صح وعداد الرحلات قاري 2850 والعداد الاصلي 300 يبقى الحكايه فيها شك

وعموما اتاكد من القراءات تاني

[party_0000]

يارب نكسب اي حاجه ختا لو بطانيه وانا اهيديها للمنتدي :)

[zamalek26]

طب يا جماعه تيدا موديل 2010 كسر زيرو ماشيه 300 كيلو بكم؟؟؟

[Ahmed.TV]

انت مقولتش العربية سيدان ولا هاتش باك

[zamalek26]

انت مقولتش العربية سيدان ولا هاتش باك

شكرا يا استاذ احمد عىل ردك

العربيه سيدان

لون سيلفر مركونه بقالها 9 شهور

[Ahmed.TV]

بص حقولك على حاجة

ردا على رسايلك على الخاص وموضوعاتك هنا ,, واللى قدرت افهمه من طبيعة دماغك , انك مش بتقعد العربية سنين معاك كتير

حقولك على المفيد

انت بتدور على حاجة تتباع بسرعة ,, وبتدور على عربية قطع غيارها زى الرز ,, وبتدور على حاجة اى حد يشتغل فيها ,, يبقا خاليك فى الالنترا , افضل من الاكسنت الجديدة لانها واسعة


وده مش تقليل من العربيات اليابانى
العربيات الكورى بسبب انتشارها فى مصر بتتباع على طول , واكسسوراتها منتشرة كمان وكل حاجة وخصوصا اعادة البيع

التيدا ليها قطع غيار استيراد وجديد بره التوكيل معقولة اسعارها

وجوة التوكيل غالية , بس طبعا قطع غيار اصلية

لكن اعادة البيع , بترجع للمفهوم المصرى , ان العربية مش منتشرة اوى زى العربيات الكورى فا اعادة بيع بتكون قليلة

وان كنت شايف ان اى عربية بتخسر فى تمنها حتى لو كانت كورى عشان الاستعمال

فمن الاخر خاليك فى العربيات الكورى افضل

وطالما عاوز حاجة اسرية وواسعة خاليك فى الالنترا

تحياتى

[BassamHafez]

بص حقولك على حاجة

ردا على رسايلك على الخاص وموضوعاتك هنا ,, واللى قدرت افهمه من طبيعة دماغك , انك مش بتقعد العربية سنين معاك كتير

حقولك على المفيد

انت بتدور على حاجة تتباع بسرعة ,, وبتدور على عربية قطع غيارها زى الرز ,, وبتدور على حاجة اى حد يشتغل فيها ,, يبقا خاليك فى الالنترا , افضل من الاكسنت الجديدة لانها واسعة


وده مش تقليل من العربيات اليابانى
العربيات الكورى بسبب انتشارها فى مصر بتتباع على طول , واكسسوراتها منتشرة كمان وكل حاجة وخصوصا اعادة البيع

التيدا ليها قطع غيار استيراد وجديد بره التوكيل معقولة اسعارها

وجوة التوكيل غالية , بس طبعا قطع غيار اصلية

لكن اعادة البيع , بترجع للمفهوم المصرى , ان العربية مش منتشرة اوى زى العربيات الكورى فا اعادة بيع بتكون قليلة

وان كنت شايف ان اى عربية بتخسر فى تمنها حتى لو كانت كورى عشان الاستعمال

فمن الاخر خاليك فى العربيات الكورى افضل

وطالما عاوز حاجة اسرية وواسعة خاليك فى الالنترا

تحياتى

كلام جميل

وانا سامع ان الالنترا الجديده نازله هاي لاين ب 155 وفيها اوتو بارك كمان غير الاوبشنز التانيه وده كلام ناس من قسم هيونداي

بس على فكرة انا عايز اقول ان اي عربيه بتتباع بعد سنه او اتنين من موديلها بتخسر كتير جدا لان اللي بيفكر يشتري ممكن يقول ما انا ازود 10000 جنيه واجيبها زيرو احسن

انا قصدي ان موضوع جوده سعر اعاده البيع ده بيفرق بس لو العربيه عدى عليها مش اقل من 6 او 7 سنين او اكتر

يعني مثلا لو ها نتكلم في عربيه ياباني ب 130 الف وكوري ب 130 الف والاتنين معروضين للبيع بعد سنه من الموديل اكيد مش ها شتري الا لو السعر نزل عن الزيرو مش اقل من 15 الف والا انا احط الفرق واجيب زيرو احسن مش كده ولا ايه