مودرن موتورز .. صيانة و لم تتم .. لكن .. !!!

[Bishoy.Girgis]

أحبائي اعضاء قسم نيسان

احب اني اعرض عليكم تجربتي في موردن موتورز ابورواش امبارح و عايز اعرف أرائكم و اللي انا عملتوا ده ايه رأيكوا فيه.

روحت امبارح مركز مودرن ابورواش عشان عندي شوية مشاكل في العربية و قولت بالمرة اعمل صيانة 25000 رغم اني كنت شايف انها مش مهمة اوي لكن قولت مفيش مشكلة.

طبعا كالعادة لما اكون رايح المركز بكون مجمع المشاكل اللي موجهاني في العربية و بكتبها علي ورقة بالكمبيوتر و اخلي نسخة معايا و نسخة مع المهندس المسئول

و كانت المشاكل :

1- يوجد خبط تركات بالمساعدين الاماميين و خصوصا عند المطبات
2- خبط بالفرامل الخلفية عند رفع الارجل من علي دواسة الفرامل
3- الهاندبريك خفيف عند رفعه مع عدد تكات اكتر
4- الباب الامامي يمين لم يغلق بسهولة و ارجح رفعه قليلا ً

المهم روحت للمهندس و بقوله علي المشاكل ديه لأقيته بيقولي انك كده هتدفع ثمن مصنعية المشاكل ديه لأنها خارج الصيانة و المفروض انك بتعمل الحاجات ديه في صيانة العشرات
فطبعا ساعتها اتدايقت جدا و قولتله ازاي يبقي عندي مشكلة في العربية و ان داخل الضمان و ادفع كمان مصنعية انا دفعتها قبل كده في صيانة العشرين الف
المهم من هنا و من هنا قولتله خلاص الغي صيانة الـ 25000 انا مش هعمها و كمان انا هروح السبع و هناك بيحلوا كل المشاكل ديه في اي وقت انما كده انا مش هدفع حاجه و انا في الضمان

طبعا الموضوع اتصعد بفضل اخويا الحبيب احمد مصطفي اللي دايما بصماته الجميلة بتكون معانا في اي مكان و دايما بتعبه معايا في كل حاجه كده خاصة بالعربية

جه المهندس الجميل الذوق عبدالجواد اللي بشكره علي محبته الواسعه

قام بدوره و صعده مدير الشركة و قاله اني ادفع المصنعيه بخصم كويس علشان ده سيستم التوكيل
فبكده اصبح مصنعية النقطه رقم "1" بتاعة المساعدين 50 جنيه لأنهم بيفكوهم و بيشوفوا فيهم ايه و فعلا المهندس قال انهم كانوا محتاجين صنفرة في مكان معين عشان الاستهلاك و فعلا المساعدين بقوا افضل كتير
و بالنسبة للنقطة رقم "2" و رقم "3" بتاعة الفرامل تم فك الطنابير و تم تشحيم كامل للفرامل و بكد الصوت مبقاش موجود خالص و بعد الخصم كلف 80 جنيه

بالنسبة للنقطة "4" المهندس رفع الباب بإيده شوية و بقي بيقفل عادي بدون مشاكل

طبعا انا من بره القاهرة خالص و كده يعتبر دفعت مصنعيات 130 جنيه .. انا حسبتها بصراحة و قولت اني لو كنت عملت الصيانة كانت هتكلف 75 جنيه و لو كنت سيبت التوكيل و حجزت ميعاد في السبع كان هيكلفني مشاويير و اجازات و بنزين .. فقولت كأني روحت السبع و حصل كل ده بـ 55 جنيه

فأنا كنت مبسوط و قولت مفيش مشكلة و برده اهوه الواحد مش بيتعلم ببلاش

ركبت هناك بقي قوجات تايواني عاملة 700 جنيه بصراحة يا جماعة الفوجات هي الاصلي بالظبط و خطيرة و ده لأن في فوج صيني عندي اتكسر و لما ركبت التايواني في التوكيل فرق شاسع جدا جدا جدا بين الاتنين و نوره مفروش علي الارض و قوي كمان لدرجة اني منورتش كتير النور العادي في الطريق و انا راجع

دي كانت تجربتي في مودرن ابورواش امبارح و مستني ارائكم ....

[BassamHafez]

طبعا في الاول الف مبروك الفوجات و الحمد لله على سلامه العربيه

طبعا نظرا لظروفك فانت كان اسهل لك قبول عرض تخفيض المصنعيه لكن انا كنت هارفض ادفع اي مبلغ ولوكانوا رفضوا يعملوا الصيانه كنت هاعملها في السبع وكنت هاشتكيهم في مصنع نيسان لان المفروض هم بيمثلوه في الصيانه والمفروض يتبعوا سياسه نيسان العامه مش سياستهم ويعملوا اللي هم عايزينه وخلاص

انا بصراحه اصلي زهت من فهلوة البني ادم المصري اللي دايما يحب يعمل زكي لو عدت خير وبركه لكن لو اللي قدامه فاهم وفقسه يتعدل حاجه تقرف بصراحه

[Elshennawy]

بصراحه من اكتر الفرص السعيده اني قابلتك في التوكيل
ومع انها فرصه مش مرتب ليها بس كنت من اسعد الناس الامس عشان اتعرفت عليك يا استاذ بيشوي
واتمنى تدوم المعرفه و ازدهار اكتر لقسم نيسان اللي عرفنا على ناس بجد اقل ما يقال عنهم فوق الاحترام والتميز

وعلى قد ما كنت انت مستغرب من التعامل هناك بس عملت اللي انت عايزه و الحمد لله العربيه اتظبطت والف مبروك على الفوجات يا باشا
ومقدرش انكر مجهود الاستاذ احمد مصطفى الجبار سواء معايا او مع محمد خطاب او مع احمد فؤاد او معاك
وبقوله قدر الله وما شاء فعل ومش قادر اقول قد ايه اني حاسس بالذنب انه استأذن من شغله وجالنا مخصوص وبعد كده وهو مروح عربيته اتخبطت ربنا يجازيه عنا كل خير والحمدلله على كل حال

محمد علاء

[Bishoy.Girgis]

طبعا في الاول الف مبروك الفوجات و الحمد لله على سلامه العربيه

طبعا نظرا لظروفك فانت كان اسهل لك قبول عرض تخفيض المصنعيه لكن انا كنت هارفض ادفع اي مبلغ ولوكانوا رفضوا يعملوا الصيانه كنت هاعملها في السبع وكنت هاشتكيهم في مصنع نيسان لان المفروض هم بيمثلوه في الصيانه والمفروض يتبعوا سياسه نيسان العامه مش سياستهم ويعملوا اللي هم عايزينه وخلاص

انا بصراحه اصلي زهت من فهلوة البني ادم المصري اللي دايما يحب يعمل زكي لو عدت خير وبركه لكن لو اللي قدامه فاهم وفقسه يتعدل حاجه تقرف بصراحه

الله يبارك فيك يا جميل .. متشكر خالص
زي ما انت شوفت كده يا بسام كان هوا ده الحل الوحيد قدامي خصوصا ً ان المشوار بالنسبة لي صعب جدا جدا بس انا نرفزتي انهم المفروض بيحافظوا علي العميل و عربيته علي الاقل طول ما هي في الضمان .. امال بعد الضمان هيعملوا ايه بقي ؟؟؟ ربنا يستر

بصراحه من اكتر الفرص السعيده اني قابلتك في التوكيل
ومع انها فرصه مش مرتب ليها بس كنت من اسعد الناس الامس عشان اتعرفت عليك يا استاذ بيشوي
واتمنى تدوم المعرفه و ازدهار اكتر لقسم نيسان اللي عرفنا على ناس بجد اقل ما يقال عنهم فوق الاحترام والتميز

وعلى قد ما كنت انت مستغرب من التعامل هناك بس عملت اللي انت عايزه و الحمد لله العربيه اتظبطت والف مبروك على الفوجات يا باشا
ومقدرش انكر مجهود الاستاذ احمد مصطفى الجبار سواء معايا او مع محمد خطاب او مع احمد فؤاد او معاك
وبقوله قدر الله وما شاء فعل ومش قادر اقول قد ايه اني حاسس بالذنب انه استأذن من شغله وجالنا مخصوص وبعد كده وهو مروح عربيته اتخبطت ربنا يجازيه عنا كل خير والحمدلله على كل حال

محمد علاء

انت متعرفش انا اللي سعيد اد ايه يا استاذ محمد اني اتعرفت علي انسان ذوق و محترم زي حضرتك و كمان اتعرفت علي الاستاذ محمد خطاب و كمان مقابلتي التانيه في نفس الاسبوع لـ أحمد فؤاد بصراحة كلكم ناس محترمين و محبين و الواحد ميزهقش من القاعدة معاكم لكن بصراحة اللي دايقني بجد بجد في اليوم ده الخبطة اللي حصلت لـ أحمد مصطفي فعلا حاجه تغيظ .. ربنا معاك يا احمد و متقلقش كل هيبقي تمام
متشكر يا جميل علي مشاركتك الجميلة ديه اللي اتشرفت بيها و طبعا يا استاذ محمد مش عايزك تتأخر علينا في القسم و نشوفك علي طول علي خير دايما ً

[mohamednagib]

بيشو .... مبروك الفوجات .... و فعلا انت عملت الصح انك قبلت بالتخفيض ( مع استنكاري لسياستهم ) و ما كلفتش نفسك مشوار تاني للسبع ...

و عقبال صيانة 2500000 كم :)))))))

[Elshennawy]

بس عايز اسئلك سؤال يا بيشوي !!!!!
ناوي تعمل صيانه عندهم تاني ولا ايه النظام ؟؟

بصراحه انا كان عندي مشكله في العربيه من ساعه استلام غربله بعد 90 في العجله اليمين قدام
اشتكيت منها في صيانه الالف في السبع والغربله والاهتزاز هدي شويه
اشتكيت منها في صيانه 5 الاف في السبع وفضلت موجوده ولم يتغير شئ
في صيانه العشره اللي اتشرفت وقابلتك فيها قلت على المشكله وتم حلها تماما وبصراحه كنت اتعودت على المشكله خلاص ومش متخيل انها تتظبط غير بره ( ترصيص موتوسيكل في توكيل بريدجستون من الاخر )
بس مودرن ابو رواش حلو المشكله مع العلم ان تكلفه حلها الى حد ما غاليه بس مش مشكله طالما اتحلت

في السبع زهراء المعادي في الفاتوره كان الترصيص ب 40 جنيه
( عملت ترصيص مرتين عندهم في صيانتين مختلفين)
في مودرن ابو رواش الترصيص ب 120 جنيه.... ايوه 120 بس
الفني اسمه عبد الحميد وقالي بنفس اللفظ هتيجي تشكرني في الصيانه اللي جايه ... فعلا هاشكره

و احب اوجه شكر خاص للاستاذ عبد الجواد مسؤول الاكسسوارات هناك
( عمل معايا الصح بفضل ربنا ثم احمد مصطفى)

وعلى قد ماخرجت وانا حاسس اني المركز ملخبط او تحس بتعامل غريب بس بصراحه
الصيانات والعمليات الفنيه تمام والعربيه حسيت انها فاقت فعلا
وبشكرك مره تانيه على ذوقك معايا والى الامام دائما (بس مش على طريقه القذافي ههههه)

[Bishoy.Girgis]

بيشو .... مبروك الفوجات .... و فعلا انت عملت الصح انك قبلت بالتخفيض ( مع استنكاري لسياستهم ) و ما كلفتش نفسك مشوار تاني للسبع ...

و عقبال صيانة 2500000 كم :)))))))

الله يبارك فيك يا جميل .. عامل ايه وحشتني يا عم من يوم المقابلة
شكرا لمرورك الكريم و علي رأيك الغالي

[Bishoy.Girgis]

بس عايز اسئلك سؤال يا بيشوي !!!!!
ناوي تعمل صيانه عندهم تاني ولا ايه النظام ؟؟

بصراحه انا كان عندي مشكله في العربيه من ساعه استلام غربله بعد 90 في العجله اليمين قدام
اشتكيت منها في صيانه الالف في السبع والغربله والاهتزاز هدي شويه
اشتكيت منها في صيانه 5 الاف في السبع وفضلت موجوده ولم يتغير شئ
في صيانه العشره اللي اتشرفت وقابلتك فيها قلت على المشكله وتم حلها تماما وبصراحه كنت اتعودت على المشكله خلاص ومش متخيل انها تتظبط غير بره ( ترصيص موتوسيكل في توكيل بريدجستون من الاخر )
بس مودرن ابو رواش حلو المشكله مع العلم ان تكلفه حلها الى حد ما غاليه بس مش مشكله طالما اتحلت

في السبع زهراء المعادي في الفاتوره كان الترصيص ب 40 جنيه
( عملت ترصيص مرتين عندهم في صيانتين مختلفين)
في مودرن ابو رواش الترصيص ب 120 جنيه.... ايوه 120 بس
الفني اسمه عبد الحميد وقالي بنفس اللفظ هتيجي تشكرني في الصيانه اللي جايه ... فعلا هاشكره

و احب اوجه شكر خاص للاستاذ عبد الجواد مسؤول الاكسسوارات هناك
( عمل معايا الصح بفضل ربنا ثم احمد مصطفى)

وعلى قد ماخرجت وانا حاسس اني المركز ملخبط او تحس بتعامل غريب بس بصراحه
الصيانات والعمليات الفنيه تمام والعربيه حسيت انها فاقت فعلا
وبشكرك مره تانيه على ذوقك معايا والى الامام دائما (بس مش على طريقه القذافي ههههه)

بص يا جميل لو مكانتش الصيانة اللي جاية اخر صيانة هتتعمل داخل الضمان .. كنت ممكن "افكر" اني اعملها في مودرن لكن الصيانة اللي جاية مهمة جدا و هي صيانة الـ 30000 و لازم اكون مشرف بعيني عليها لأن العربية خلاص يناير اللي جاي تكمل 3 سنين و هتكون ديه اخر صيانة فهكون متابعها افضل عند السبع من اللوح الزجاجي بالصالة و علي فكرة ياما لحقتهم في حاجات كانوا هيعملوها زي تغيير الزيت و انا كنت حاطط زيت 10000 فلازم الصيانة اللي جاية اشوفها بنفسي انما مودرن موتورز المشكلة انك مش بتشوف حاجه خالص و متعرفش ايه اللي بيحصل بالظبط و لولا اننا اتعرفنا علي المهندس المحترم عبدالجواد في مودرن اعتقد ان مكانش هيكون في اهتمام منهم زي ما كنا قاعدين و شايفين الناس اد ايه بيشتكوا داخل المركز و لما قالوا و احنا قاعدين " المركز مهتم بالناس اللي ليهم معارف " مش حصل ده قدامنا :))))) . بيني و بينك الكلمة دايقتني عشان فعلا المفروض ان المركز يهتم بكل العملاء سواء.
فده رأيي .
و برده علي فكرة التوكيل زي ما قولنا له طريقة في الكلام .. يعني لو كنت قولتلهم ان العربية فيها غربلة من ساعة ما استلمتها .. مكنتش انت دفعت الـ 200 جنيه بتوع الترصيص في السبع و مودرن .. بس زي ما انا قولت من الاول الواحد مش بيتعلم ببلاش
و انا اللي محظوظ اني اتعرفت علي انسان جميل زيك و الي الامام "بس برده مش بتاعة القزافي ههههههههه"

[SonaSteel]

مبارك يابيشو علي الفوجات ...... ويكفيك شر ولاد الحرام وعديمي المسئولية
بس انا عايز افهم ايه الحاجات اللي في صيانة 5000 بفلوس وال10000 ببلاش ولا ايه ؟
يعني انا عملت صيانة 1000 في السبع
وعايز اعمل ال5000
وعايزهم يبصولي علي
1- التكييف ....... في الحر الشديد اوي لكنه مش شغال
2- الدريكسيون في زي لقلقة كده وانت واقف عادي وبتجيبه يمين وشمال سنه صغيرة (مش عارف ده طبيعي ولا ايه)
3- في صوت زي حكة كده وانا بدي عزم للعربية علي مطلع لو رملة
4- صةت تريحة (معرفش للعفشة ولا التيل الخلفي) لما يكون حد قاعد ورا يمين وينزل .
الحاجات ديه ظروفها ...... وانت شايف اعملها فين احسن
اقعد بالعافية

[zeznia]

الف مبروك ياباشا علي الصيانه والفجات
بس انااول مره اسمع عن حاجه كده
انا بعمل صيانه في السبع والشهر الجاي اخر شهر في الضمان عندي بالمناسبه
وفي اي صيانه لو عندي اي مشكله من اي نوع باطلب عملها بدون اي مشاكل
وبالمناسبه دي انا عايز اسال سؤال
انا ان شاء الله هاروح اعمل صيانة ال50000 قريب ودي هاتكون اخر صيانه
تفتكروا استغل الموضوع ده احسن استغلال الزاي يعني اخليهم يرجعوا علي ايه في العربيه في اخر صيانه مجانيه ليه
مطلوب النصح يارجاله

[Bishoy.Girgis]

مبارك يابيشو علي الفوجات ...... ويكفيك شر ولاد الحرام وعديمي المسئولية
بس انا عايز افهم ايه الحاجات اللي في صيانة 5000 بفلوس وال10000 ببلاش ولا ايه ؟
صيانة الـ 10000 مش رخيصة ديه بتعدي الـ 200 جنيه
يعني انا عملت صيانة 1000 في السبع
وعايز اعمل ال5000
وعايزهم يبصولي علي
1- التكييف ....... في الحر الشديد اوي لكنه مش شغال
2- الدريكسيون في زي لقلقة كده وانت واقف عادي وبتجيبه يمين وشمال سنه صغيرة (مش عارف ده طبيعي ولا ايه)
3- في صوت زي حكة كده وانا بدي عزم للعربية علي مطلع لو رملة
4- صةت تريحة (معرفش للعفشة ولا التيل الخلفي) لما يكون حد قاعد ورا يمين وينزل .
الحاجات ديه ظروفها ...... وانت شايف اعملها فين احسن
اقعد بالعافية

بص يا جميل صيانة الـ 5000 ديه أخرها هتدفع 75 جنيه بس ثمن الصيانة و بما ان ديه الصيانة الاولي بعد صيانة الـ 1000 يبقي تقول كل المشاكل اللي انت شايفها في العربية و هتتحل فورا لأنها مشاكل محصلش ليها صيانة قبل كده
و نصيحتي ليك تروح السبع اوتوسيرفيس لأن بصراحة انا ثقتي اتهزت شوية في مودرن
بس تكتب ورقة من دلوقتي بكل الملحوظات ديه عشان متنساش حاجه و لو استلمت العربية لاقيت ان في مشكلة من المشاكل لسة موجوده ... عادي جدا ترجع ليهم في نفس الوقت و العربية تدخل التوكيل تاني لغاية لما المشكلة ديه تتحل و نصيحتي تروح يومها الصبح بدري و ميكونش يوم السبت
انما لو هتركب اي """ اكسسوارات """ خلاص ابقي روح مودرن بس بدري جدا جدا لأن المواعيد عندهم ضاربة بمعني الكلمة و تخلي احمد يظبطلك الدنيا هناك عشان اللامبالاه اللي عندهم لأن أحنا مش فاضيين وورانا اشغالنا و مش هنقعد كل يوم سايبيين اشغالنا و نقعد كل يوم في التوكيل عشان مشاكلنا تتحل في عربياتنا
و الله الموفق .... :)
انتهي البيان

[Bishoy.Girgis]

الف مبروك ياباشا علي الصيانه والفجات
بس انااول مره اسمع عن حاجه كده
انا بعمل صيانه في السبع والشهر الجاي اخر شهر في الضمان عندي بالمناسبه
وفي اي صيانه لو عندي اي مشكله من اي نوع باطلب عملها بدون اي مشاكل
وبالمناسبه دي انا عايز اسال سؤال
انا ان شاء الله هاروح اعمل صيانة ال50000 قريب ودي هاتكون اخر صيانه
تفتكروا استغل الموضوع ده احسن استغلال الزاي يعني اخليهم يرجعوا علي ايه في العربيه في اخر صيانه مجانيه ليه
مطلوب النصح يارجاله

هقول لحضرتك ان الصيانة ديه هتكلفك حوالي 225 جنيه من غير الضريبة علي ما اعتقد غير ثمن الزيت لو انت هتغيره
اللي انت هتعمله بقي دلوقتي :
متسيبش هفوة حاسس انها عمله ليك اي مشكلة في العربية حتي لو كانت بسيطه .. لو في اصوات في العربية لو في اي حاجه .. انما لو العربية مفيهاش مشاكل يبقي خلاص اتكل علي الله و اعمل الصيانة و متقلقش الصيانة ديه تعتبر من الصيانات الهامة اللي هيلف علي العربية يربطها و يشوف السوائل و كمان هيرجلش الفرامل و يظبطها يعني من الصيانات الهامه
اهم حاجه انك تركز في العربية الفترة اللي جاية قبل ما تعمل الصيانة عشان لو فيها اي حاجه يبقي تكتبها ليهم و تعرفها ساعة الصيانة و عايزك كمان تقفل الكاسيت الفترة اللي جاية عشان تركز في العربية لو في تزييق في حتة او المساعدين مثلا بيعملوا صوت غريب و برده لما تستلم العربية من التوكيل اتأكد انها خالية من اي مشاكل و علي فكرة نهاية الضمان مش بأخر صيانة .. نهاية الضمان بنهاية الثلاث سنوات او 100000 كيلو يعني لو عملت الصيانة و حصل مشكلة و لسة انت في فترة الضمان يبقي ممكن تروحلهم في اي وقت و تصلح المشكلة عادي جدا.
و مبروك الصيانة مقدما ً

[zeznia]

هقول لحضرتك ان الصيانة ديه هتكلفك حوالي 225 جنيه من غير الضريبة علي ما اعتقد غير ثمن الزيت لو انت هتغيره
اللي انت هتعمله بقي دلوقتي :
متسيبش هفوة حاسس انها عمله ليك اي مشكلة في العربية حتي لو كانت بسيطه .. لو في اصوات في العربية لو في اي حاجه .. انما لو العربية مفيهاش مشاكل يبقي خلاص اتكل علي الله و اعمل الصيانة و متقلقش الصيانة ديه تعتبر من الصيانات الهامة اللي هيلف علي العربية يربطها و يشوف السوائل و كمان هيرجلش الفرامل و يظبطها يعني من الصيانات الهامه
اهم حاجه انك تركز في العربية الفترة اللي جاية قبل ما تعمل الصيانة عشان لو فيها اي حاجه يبقي تكتبها ليهم و تعرفها ساعة الصيانة و عايزك كمان تقفل الكاسيت الفترة اللي جاية عشان تركز في العربية لو في تزييق في حتة او المساعدين مثلا بيعملوا صوت غريب و برده لما تستلم العربية من التوكيل اتأكد انها خالية من اي مشاكل و علي فكرة نهاية الضمان مش بأخر صيانة .. نهاية الضمان بنهاية الثلاث سنوات او 100000 كيلو يعني لو عملت الصيانة و حصل مشكلة و لسة انت في فترة الضمان يبقي ممكن تروحلهم في اي وقت و تصلح المشكلة عادي جدا.
و مبروك الصيانة مقدما ً

شكرا لردك يابشوي
والله يبركلك ياسيدي مقدمااااا
بس الضمان 3 سنين او 100000كلم ايهما اقرب
الحاجه الوحيده اللي قلقان منها تيل الفرامل مغيرتوش من ساعة ماجبت العربيه وكل مره بيقول انه كويس
ويامسهل وميكنش في اي شئ يستاهل المراجعه
وعمتا انا عملت موضوع كامل في القسم علاشان كلنا نستفيد
وتحياتي ياباشا

[Ahmed.TV]

بص يا بيشو .. ثقتك اتهزت فى موردرن عشان موضوع الحساب , الناس حتفهم ان الصيانة مش مظبوطة ,, وانا عارف انك وضحت فى اول الموضوع ,بس فى ناس بتمسك ببعض الكلام
محمد علاء , الراجل راح السبع ومشاكله متحلتش ابدا , الا لما راح وعمل حاجته فى موردن , وبردوا اللى انت طلبته وعملته فى الصيانة , اتعمل والحمد لله ان المشاكل اللى كانت موجودة فى العربية اتحلت
وانا كان ليه مشكلة قبل ما اعرفهم واتحلت بعد ما لفيت على كل مراكز الخدمة وهما اللى عرفوا وحلوهالى

انت بس شايل من المهندس اللى متعملش معاك كويس , وانا لولا الشمس وانى لفيت حوالين نفسى , كنت دخلت اشتكيته
لان شاب صغير , واستقباله مكنش كويس , عن محمد حسن الراجل الكبير اللى عنده خبره فى التعامل مع الناس ,
وطارق ده انا بقالى فترة صغيرة لسه شايفه فالسه جديد .. وده قدم فيه شكوة شخصية


فى ناس بتروح السبع وبتشوف العربية بردوا وبتطلع العربية ناقص فيها حاجات كتير اوى مش بتتعمل , وبردوا لو انت مكنش ليك معرفة فى السبع مكنش حد حيهتم ,, ودى طبعا مشكلة على كل المراكز , ان لازم يكون فى معرفة عشان تظبطلك امورك
ومش فى مجال السيارات بس , ده فى كل حاجة فى البلد

بس على فكرة مش عشان عرفتكم على استاذ عبد الجواد مع انه مالوش دعوة ولا شغلته الصيانة , الا اى حد بيطلبه فى خدمة مش بيتاخر ابدا , وفعلا انسان محترم جداااااا

وزى ما قولتلك وانت عضو فى النايل ومش غريب شوف كمية الشكاوى اللى طلعت من السبع الفترة الاخيرة قد ايه

مش دفاعا عن حد هنا او هنا ,, ولكن فى حاجات بصراحة انا شوفتها بعينى واتعملت مع ناس مثلا فى موردن , فى ماوقف كتير

خالتنى اتمسك فيهم ,, كفاية مشكلتى بتاعت عربيتى التيدا , اللى هما الوحيدين اللى عرفوا حلها بعد ما روحت السبع
والاسبوع الجى بعد 5 شهور انتظار , حروح احلها

وكمان يوم الصيانة المرة اللى فاتت عربية احمد فواد اتغلست , وطلع جربها مع مهندس , ورجع تانى واتغلست ,, يعنى فى حاجات ذوق بيكونوا فيها ,

انت فى مصر , مش كل حاجة حتاخدها مظبوطة , ووارد انى انا كمان افتح مركز صيانة , واكيد فى وقت حيصلح عليه غلطة , المهم اخد مصلحتى كل مرة على خير , والغلطة اللى اتعملت معاك فى الحساب , هى دى اللى عندك حق فيها , بصراحة الواحد مش عارف ايه اللى بيحاسب عليه وايه اللى لا , لان كل مركز خدمة وشغال بسياسة وبدماغه , وهلى هوى المعرفة , اذا كان عارفك او عارفنى وهكذا
هما ليهم سياتهم , ومفروض انهم يمشوا بسياسة نيسان فعلا , بس ممكن فى اعتقادهم لو اى حد جه وقال ان فى عنده مشكلة وكشفوا ومش لاقوا حاجة عندهم , حيعملوا ايه وقتها , فبيقولوا حتدفع تمن مصنعة على الفاضى , وعشان كدا بيقولوا للعملاء ادخل بند صيانة ال5000 يعنى عشان كدا

وخالى بالك لو روحت السبع ومعرفش حد وقولتله نظف الحساسات وانفع الفلتر بتاع الهوا وهو مش مفروض يعمله حيدفعك حقه

واذا كان مش بيعمل معاك كدا ده عشان خدمة وعارفك جوة ولينا بدل المهندسين 10 جوة

بس يا جميل واى حاجة عندى انا وروق ومتزعلش , ومالكش دعوة بحد كان بيشتكى فى مودرن , , لان كل واحد بيشتكى , ممكن يكون وصل الامور الى قلة ادب وشتيمة على حاجة تافهة , وانا بصراحة لو حد او عميل شتم ووصل الى قلة ادب معايا , استحالة امشيله الشغل حتى لو جالى اوباما نفسه

واى حد عنده مشكلة هناك مش بيمشى الا لما بتتحل لو اتعامل بعقل ,, ازعق واثور لو فى حاجة كبيرة جدا وانا على حق لكن مش بقلة ادب بردوا

والدليل محمد خطاب , لما عربيته اتخربشت قالهم عليها بالعقل ويمكن بهدوء بحسده عليه و دخلوا وعملهاله , ومحدش قاله زى ما بيحصل فى السبع مش من عندنا

ومرة تانية موقف تانى , واحد زميلنا احمد نايل , عربيته فى الدلاية اتقرشت من غيسل المية فى السبع وعمل بيها موضوع , وقالوله مالناش دعوة وحنصورها ونوديها المصنع , والراجل لما راح مودرن وورهلهم عملوا على طول فى ساعتها

السبع فى عيوب ومميزات , وكذالك مودرن

ونصيحة اخيرة , ليس كل ما يشاهد عربيته قدام عنيه , حتكون بالنسباله الوضع حيكون امن وجميل , لان لو عايزين يطلسقوا حيطلقسوا وانت واقف جنبه حتى

ومش بالضرورة ان اللى مش شايف عربيته وهى بتتعمل يبقا قاعد قلقان , وممكن بتتعمل على اكمل وجه

من الاخر , اللى بيفصل فى الموضوع ده ,, ان كل واحد ومهندس لضميره مش اكتر


اسف على الاطالة ,, للتوضيح بس , للاعضاء , ومش دفاع عن حد , انا اعرف ناس سواء فى السبع او مودرن , واعرف اسلك هنا وهنا , ولو كنت فى اليابان نفسه هناك حعرفلكم حد , عشان خاطر عيونكم

بس الفكرة لغاية دلوقتى من كتر ما روحت انا وبعت ناس الى موردن انا شايف ان الصيانات الميكانيكة فى ابورواش بتقوم بالواجب كويس
الله اعلم هل عشان عارفين حد هناك او من ضميرهم ,, المهم ان مفيش حد ببعته هناك وبيشتكى منا لصيانات الميكانيكة

تحياتى للجميع

[Amr2004IBM]

الف مبروك يا بيشو على الفوجات
اما بخصوص الجماعه بتوع مودرن موتورز شغلهم كويس بس لو فى توصيه اما غير كده انته وحظك بس اعتقد ان ده راجع لضغط الى عليهم
علشان كده انا بفكر اروح عند صيانه المحمل الى عند مدخل القاهره من الطريق مصر اسكندريه الزراعى
انا روحتلهم قبل كده بدون حجز ودخلت علطول ودخلت الورشه وتفرجت على العربيه وصيانتها