تركيب سنسور + وحدة رفع

[eyadmorsy]

الأخوة الأعضاء.. الحمدلله ركبت سنسور + وحدة الرفع فى مودرت ابو رواش وطبعا قبل ما اروح اتصلت بيهم للحجز والسؤال عن عرض 440 سارى ام لا .. المهم قالولى هنتصل بيك 10 دقائق اغاية ما زهقت واتصلت مرة تانية قلتلهم احجز ردوا المهم تيجى قبل 5 مساء ، رحت 2 ظهرا وسلمت المهندس الرخصة واتفقنا على 440 ومن الساعة 2 الى الساعة 6 مساء وانا فى مماطلة ورايح جاى من القلق والأخر دخلت الورشة عرفت السبب.. أتارى العربية مرمية محدش معبرها .. ده كان الساعة 5 م طبعا رحت للمهندس ازاى وليه قاللى انت جاى تزعق بقى ( مع انى بجد كنت رايح اركب السنسور مش عشان ازعق) ويا سلام بقى افتكرت وانا بتحايل على الولاد يلا بينا نروح رحلة التوكيل نقضى وقت ظريف ،والحمدلله الولاد طلعوا انصح منى مرضوش ييجوا ، ويا سلام افتكرت انى فى مركز السبع قلتلهم هو فين البووووفيييه قالولى داخل الورشة !!!! المهم محدش عبرنى طلعت فىالصخراء ادور على كباية كانز لغاية ما ريقى نشف رجعت المركز ايد ورا وايد قدام جارر ازيال الخيبة والأخر رضيت بكباية مياه من الكولدير ..المهم نسيتونى ادخل فى الموضوع السنسور والوحدة صينى ، السنسور تجربة يومين الى الأن يعمل بكفاءة (2 عدسة عشان العربية 2010 ) لكن اذا كان الرصيف واطى شوية اما يقرب يبطل يحس بيه ، وحده الرفع تجربة يومين ترفع شباك شباك وعملتها معايا وانا بستعرض عضلاتى قدام المدام والأولاد وجات فى اخر شباك وعلقت المهم كررت المحاولة مرة واتنين لغاية ما اشتغل تانى ...الدرس المستفاد انى لازم اقعد بكرسى بشمسية جنب العربية لغاية ما تقفل ال4 شبابيك ليه يا ولاد .. ايوة شاطرين عشان جبت الصينى بس هوده اللى كان موجود عندهم .. بالنسبة للتقفيل الصراحة 100/100 طبعا بالنسبة للتقفيل الخارجى اما الداخلى معرفش عنه حاجة، ان شاء الله يكون 100/100 واعذرونى طولت عليكم

[mff_629]

مبرووك
كنت عايز أنبهك لحاجة لو في مرة نسيت الزرار بتاع الـ Lock بتاع الزجاج (اللي هو بيمنع الناس اللي راكبة معاك في العربية من أنهم يقفلوا أو يفتحوا الزجاج بتاعهم) هتلاقي وحدات الرفع مش شغالة

[Bishoy.Girgis]

الف الف مبروك ياباشا

[aboamr]

الف مبروك ياباشا

[MOK3336]

الدرس المستفاد انى لازم اقعد بكرسى بشمسية جنب العربية لغاية ما تقفل ال4 شبابيك ليه يا ولاد .. ايوة شاطرين عشان جبت الصينى

جامدة الجتة دي هاههاهاه
و ده ايلي مخليني مركبش اى حاجة من دي غير لما فترة الضمان تعدي عشان في حجات كتير جدا برة التوكيل بتبقي انضف و كفاءة احسن لكن هما بيجبروا الناس تشتري من الأنواع ايلي هما بيشتغلوا فيها و ده طبعا غلط و كلمتهم فيالموضوع ده اكتر من مرة سواء مركز الخدمة او البنت ايلي بتتصل تسئل عن مستوى الخدمة بعد كل صيانة

[mohamedbook]

اعتقد ان انا مركب التيواني مش صيني
وان الايطالي كان بيرفع 2 زجاج مع بعض بس كان تمنة اغلي من التيواني وكان ضمانة 3 سنوات مش سنة زي التيواني
اعتقد ان مودرن بدات تستهبل وتحط حجات رديئة

[Ahmed.TV]

الف مبروك تركيب السنسور ووحدة الرفع .. واذا كان فيهم مشكلة فى اى وقت عندك عليهم ضمان لمدة سنة , واى حاجة تحصل فيهم عليهم على طول ,, حتى لو قصروا على حاجة فى العربية لقدر الله

وموضوع المشروبات هما عشان بيوسعوا مكان للورش الجديدة الدنيا ملخبطة عندهم , وفى راجل كبير بيجى الاستراحة عشان بيجيب مشروبات .. ولو مجاش وسالت على مكانها هما نقلينها جوة الورشة وبتدخل عادى تطلب اللى انت عايزه

وبعدين لو حضرتك قرات الموضوع بتاع الاكسسورات انا منبه على الناس .. اللى حيروح يقولى عشان اكلم الناس هناك واوصيهم
عشان ميحصلش اى لخبطة او ازعاج لحضرتك ,, لان كنت حقولك تروح لمين هناك عشان يخلصلك امورك على خير زى ما حصل مع الاعضاء اللى راحوا وركبوا ,, وكلهم خرجوا مبسوطين

قدر الله ماشء فعل ,, والحمد لله انك ركبت حاجتك على خير ,, وزى ما قولتلك انت معاك ضمان على الحاجات اللى تركبت ,, بس حافظ على الفاتورة

تحياتى

[eyadmorsy]

مبرووك
كنت عايز أنبهك لحاجة لو في مرة نسيت الزرار بتاع الـ Lock بتاع الزجاج (اللي هو بيمنع الناس اللي راكبة معاك في العربية من أنهم يقفلوا أو يفتحوا الزجاج بتاعهم) هتلاقي وحدات الرفع مش شغالة

متشكر يا جميل.

[eyadmorsy]

الله يبارك فيكم يا جماعة.

[eyadmorsy]

الف مبروك تركيب السنسور ووحدة الرفع .. واذا كان فيهم مشكلة فى اى وقت عندك عليهم ضمان لمدة سنة , واى حاجة تحصل فيهم عليهم على طول ,, حتى لو قصروا على حاجة فى العربية لقدر الله

وموضوع المشروبات هما عشان بيوسعوا مكان للورش الجديدة الدنيا ملخبطة عندهم , وفى راجل كبير بيجى الاستراحة عشان بيجيب مشروبات .. ولو مجاش وسالت على مكانها هما نقلينها جوة الورشة وبتدخل عادى تطلب اللى انت عايزه

وبعدين لو حضرتك قرات الموضوع بتاع الاكسسورات انا منبه على الناس .. اللى حيروح يقولى عشان اكلم الناس هناك واوصيهم
عشان ميحصلش اى لخبطة او ازعاج لحضرتك ,, لان كنت حقولك تروح لمين هناك عشان يخلصلك امورك على خير زى ما حصل مع الاعضاء اللى راحوا وركبوا ,, وكلهم خرجوا مبسوطين

قدر الله ماشء فعل ,, والحمد لله انك ركبت حاجتك على خير ,, وزى ما قولتلك انت معاك ضمان على الحاجات اللى تركبت ,, بس حافظ على الفاتورة

تحياتى

استاذ أحمد المحترم.. اولا شاكر مجهودك المميز ، الصراحة كنت عارف بس مرضتيش اتقل عليك واكتفيت بذكر اسمك لسامر وهو كان عارفك طبعا.. الصراحة انا مش مضايق من وحدة الرفع الصينى قد ما مضايق من انتظار 4 ساعات بعد الأتصال بهم مسبقا وكمان المركز كان فاضى (يوم الثلاثاء) عبارة عن 4 او 5 عملاء بالكتير ، كمان انا مذكرتش وانا بسئل الموظف عن البوفيه هو يجيبلى شاى بس من عامل عندهم بس موصلش..

[samsong]

المهم مبروك التركيب ويارين لما تجرب السنسور اكتر تقول لينا رايك ايه
شكرا ومبروك