سؤال بخصوص استهلاك البنزين

[mikeatef]

انا معايا صني 2011 اوتوماتيك abs بقالها معايا 10 ايام يعني في التليين
انا عايز اعرف انا فولت لما اخذت العربية والنهاردة فولت تاني وبالنسبة للاستهلاك البنزين المبدئي 30 لتر مشيو 270 كيلو جوه البلد من غير تكييف طبعا علشان انا لسه بلين العربية هل الاستهلاك ده معقول ولا ايه ؟

[samsong]

مش هيبان الان واول متخلص التلين وتعمل صيانه 1000
تقدر تشوف وتحسب

[م/محمد]

بدايه مبشره و عامه هي مش هتتحسب دلوقتي وكمان مش من مره
يعني تحسب اكتر من مره و تاخد المتوسط وربنا يباركلك فيها

[mohamednagib]

ربنا يبارك لك فيها ....

و ما تقلقش .. بعد التليين هتلاقي كل حاجة تمام ان شاء الله ....

و متوسط الصفيحة ممكن تعمل 255 كم كمان ....

تحياتي

[hanyemad123]

المتوسط كده 180 كم | 20 لتر

مادام جوه البلد يبقى معقول و لسه زى ما انت بتقول السياره فى التليين

[aboamr]

ان شاء الله خير وحتظبط بعد التليين

[soma5252]

يا جماعه هو المعدل ده مع اناره زر الاوفر درايف ولا وهو مطفى لان انا بصراحه مش عارف هو المفروض يبقى منور فالطبلوه ولا مطفى
وشكرااااااااااا

[samsong]

يا جماعه هو المعدل ده مع اناره زر الاوفر درايف ولا وهو مطفى لان انا بصراحه مش عارف هو المفروض يبقى منور فالطبلوه ولا مطفى
وشكرااااااااااا

لما يكون منور في التابلوه بيكون( off (o/d off
وهو لازم يطفي وده هتلاحظه من صوت الموتور وعداد rpm
لو ال rpm بيوصل 3 وفوق ومش بينزل والموتور صوته عالي يبقي off
لو النقل عند rpm 2-2.8 والموتور مرتاح يبقي شغال ومش هتحرق بنزين

[samsong]

وممكن تجرب تمشي علي سرعه 40-50 ودوس عليه واللمبه تنور هتلاقي rpm علي والموتور علي لان كده هتبقي ماشي علي 3 نقلات
وفي انتظار راي الخبراء

[mikeatef]

شكرا يا رجاله علي الردود بجد مش عارف اقول ايه.... انا هتابع استهلاك البنزين وابلغكوا باستمرار علشان نتبادل الخبرات وربنا يدوم المحبة

[wardet]

زرار الاوفر درايف بيخليك تنقل على 3 نقلات بس
ودا لما تكون عايز نحرق او تعدى عربية
ودالا بيبان تأثيره فى السرعات العالية
معتقدش انه هيبان لو ماشي 40-50
وهو المفروض بيكون مطفى ( يعنى لمبته فى التابلوه مطفية والزرار بتاع اللى فى الفتيس لجوه مش لبره)
بالنسبة للاستهلاك فاكيد 9 كيلو فى اللتر مش وحش انا عربيتى ساعات بتعمل معايا كدا
يعنى بيتراوح الاستهلاك بين 9 و 11 كم فى اللتر
واكيد بعد تلت اربع تلاف الاستهلاك بيتحسن

[samsong]

زرار الاوفر درايف بيخليك تنقل على 3 نقلات بس
ودا لما تكون عايز نحرق او تعدى عربية
ودالا بيبان تأثيره فى السرعات العالية
معتقدش انه هيبان لو ماشي 40-50
وهو المفروض بيكون مطفى ( يعنى لمبته فى التابلوه مطفية والزرار بتاع اللى فى الفتيس لجوه مش لبره)
بالنسبة للاستهلاك فاكيد 9 كيلو فى اللتر مش وحش انا عربيتى ساعات بتعمل معايا كدا
يعنى بيتراوح الاستهلاك بين 9 و 11 كم فى اللتر
واكيد بعد تلت اربع تلاف الاستهلاك بيتحسن

+111111
شكرا علي الافاده وانا قصدت ان هو يحس الفرق دون القرص علي العربيه
وشكرا

[samsong]

شكرا يا رجاله علي الردود بجد مش عارف اقول ايه.... انا هتابع استهلاك البنزين وابلغكوا باستمرار علشان نتبادل الخبرات وربنا يدوم المحبة

المحبه دائمه مادام هناك تواصل وحب بين الاعضاء دون اي مصلحه
وفي انتظار اخبارك

[soma5252]

شكرا يا جماعه بس انا بصراحه هتجنن الصفيحه عاندى بتعمل حوالى 140 او 150 بالكتير اوى من غير تكييف وروحت التوكيل اكتر من مره ويقولى كله تمام وبرده مفيش جديد وروحت حمله الصيانه المجانيه بتاعت نيسان وقالولى اها كده على الجهاز مظبوطه فمش عارف بقى المشكله فين قولت يمكن عشان الاوفر درايف مش منور يمكن يكون ده السبب

[samsong]

طيب جرب تروح السبع وشوف الضفيره بتاعت الكهرباء لونها
وان شاء الله خير