Tweet
السلام عليكم
الحكاية بدأت في شهر 5/ 2011 لما بعت عربيتي القديمة وروحت سوق الجمعة قلت أتفرج يمكن حاجة تعجبني ولو ملقيتش هشتري تيجو زيرو
وعلى فكرة مكنش في حاجة معينة مركز عليها وبصراحة التيدا ماجتش في بالي خالص مع إني بحترمها لكن كنت مستغليها ومش متخيل إني ممكن أجيبها
يعني كنت بسأل على الانسر والكرولا والمازدا والرينو والصني .. وعجبتني قوي عربيتين كنت خلاص هشتري واحدة منهم رينو سينيك وبيجو 307 sw بس محصلش نصيب
وشوفت تيدا 2009 بس كان عايز 95 ألف
وبعد لف من الساعة 9 صباحا حتى قرب المغرب وبدون أكل لأن الجو كان واخدني جدا تعبت أنا وصاحبي اللي معايا وقررنا نروح بلدنا طنطا أم الدنيا مع حزني الشديد لأني ماشتريتش حاجة وكمان لغيت فكرة التيجو نهائيا لما اتفرجت على العربيات الجامدة في السوق
يعني هاقعد كمان أسبوع من غير عربية .. مشكلة
واحنا مروحين ولسه في السوق طبعا الطريق كان شبه واقف بسب العربيات المعروضة على الصفين وكانت عينيا بتقلب في العربيات دي يمكن تعجبني حاجة
لحد ما عيني وقعت عالتيدا .. قلت لصاحبي هنزل أسأل ماحنا سألنا على ألف عربية خليهم ألف وواحد
س: موديل كام ؟
ج: 2009
س: العداد عامل كام ؟
ج: 48 ألف
س: في خبطات ولا حاجة ؟
ج: الاكصدامين مرشوشين والرفرف اللي ورا يمين مرشوش من برة
س: وهو الأهم .. مطلوب كام ؟
ج: من الآخر عشان عايز أروح 77 ألف؟
وكان هو صاحب العربية والرخصة باسمه ومفيش توكيلات .. والعربية كانت سيدان فول أوبشن بلس
طبعا مصدقت وقلتله تعالى نكشف عالعربية في أي بنزينة .. بصراحة حبيت أبعده عن السوق لأن الناس اتلمت لما سمعوا السعر
المهم قلتله عايزين نجرب التكييف
قام مشغله على أول درجتين بس وأنا كنت قاعد جمبه واحنا رايحين البنزينة ولمدة حوالي 10 دقائق
اللي عمله التكييف فيا إني خدت برد وقعدت أكح لمدة أسبوع بعدها .. بس أنا اللي أستاهل لأني مقرأتش مواضيع التيدا عشان أعرف إن تكييفها جبار كده .. بس بصراحة أحلى دور برد خدته في حياتي
المهم كشفنا على العربية طلعت زي الفل ومفهاش غير اللي قاله عنها .. والموتور والسحب والفتيس ... كله تمام
ولحد انهارده بحمد ربنا إنه كرمني بالتيدا دي .. والله عربية ممتازة في موتورها وسحبها ونعومتها ووسعها وتقفيلها و "تكييفها" اللي ربنا يسامحه على اللي عمله فيا
الحكاية بدأت في شهر 5/ 2011 لما بعت عربيتي القديمة وروحت سوق الجمعة قلت أتفرج يمكن حاجة تعجبني ولو ملقيتش هشتري تيجو زيرو
وعلى فكرة مكنش في حاجة معينة مركز عليها وبصراحة التيدا ماجتش في بالي خالص مع إني بحترمها لكن كنت مستغليها ومش متخيل إني ممكن أجيبها
يعني كنت بسأل على الانسر والكرولا والمازدا والرينو والصني .. وعجبتني قوي عربيتين كنت خلاص هشتري واحدة منهم رينو سينيك وبيجو 307 sw بس محصلش نصيب
وشوفت تيدا 2009 بس كان عايز 95 ألف
وبعد لف من الساعة 9 صباحا حتى قرب المغرب وبدون أكل لأن الجو كان واخدني جدا تعبت أنا وصاحبي اللي معايا وقررنا نروح بلدنا طنطا أم الدنيا مع حزني الشديد لأني ماشتريتش حاجة وكمان لغيت فكرة التيجو نهائيا لما اتفرجت على العربيات الجامدة في السوق
يعني هاقعد كمان أسبوع من غير عربية .. مشكلة
واحنا مروحين ولسه في السوق طبعا الطريق كان شبه واقف بسب العربيات المعروضة على الصفين وكانت عينيا بتقلب في العربيات دي يمكن تعجبني حاجة
لحد ما عيني وقعت عالتيدا .. قلت لصاحبي هنزل أسأل ماحنا سألنا على ألف عربية خليهم ألف وواحد
س: موديل كام ؟
ج: 2009
س: العداد عامل كام ؟
ج: 48 ألف
س: في خبطات ولا حاجة ؟
ج: الاكصدامين مرشوشين والرفرف اللي ورا يمين مرشوش من برة
س: وهو الأهم .. مطلوب كام ؟
ج: من الآخر عشان عايز أروح 77 ألف؟
وكان هو صاحب العربية والرخصة باسمه ومفيش توكيلات .. والعربية كانت سيدان فول أوبشن بلس
طبعا مصدقت وقلتله تعالى نكشف عالعربية في أي بنزينة .. بصراحة حبيت أبعده عن السوق لأن الناس اتلمت لما سمعوا السعر
المهم قلتله عايزين نجرب التكييف
قام مشغله على أول درجتين بس وأنا كنت قاعد جمبه واحنا رايحين البنزينة ولمدة حوالي 10 دقائق
اللي عمله التكييف فيا إني خدت برد وقعدت أكح لمدة أسبوع بعدها .. بس أنا اللي أستاهل لأني مقرأتش مواضيع التيدا عشان أعرف إن تكييفها جبار كده .. بس بصراحة أحلى دور برد خدته في حياتي
المهم كشفنا على العربية طلعت زي الفل ومفهاش غير اللي قاله عنها .. والموتور والسحب والفتيس ... كله تمام
ولحد انهارده بحمد ربنا إنه كرمني بالتيدا دي .. والله عربية ممتازة في موتورها وسحبها ونعومتها ووسعها وتقفيلها و "تكييفها" اللي ربنا يسامحه على اللي عمله فيا
Comment