النيسان صني هاتموتني بجد

[FBIAhmed]

انا مش عارف اقولكوا ايه و مش عارف ابتدي منين

انا عربيتي بترشح زيت فتيس و هي لسه عامله 1600 كيلو بس فيها عيب صناعه

روحت التوكيل السبع و مشكورين فكو الفتيس و لحمو السليكون الي ما بين فارغتين الفتيس و ركبوه تاني و فجأه

الفتيس بعد 48 ساعه جاب زيت تاني بعد التصليح ؟؟؟؟؟؟؟!!!!!!!!!!!!

العربيه عامله 1640 كيلو و المهندس محمد عبد المنعم المحترم مدير الصيانه كلمته قالي هاتهالي يوم السبت و هنعمل تقرير فني للمصنع انه اتصلح و بعد 48 ساعه ظهر العيب تاني عشان نغير الفتيس كله هل ممكن المصنع يرفض تغييره؟؟؟

و لو حد ليه دلال على الناس دي يوصي عليا لاني بكتبلكوا و انا في المستشفى لاني بعاني من ضغط عصبي و لما شفت الزيت ضغطي علي جامد بقى 190 /110 و دخلت طوارئ و انا تحت الملاحظه بس بحاول ارفه عن نفسي و مليش حد اكلمه
ا
العربيه هاتموتني

[Rahman]

ألف سلامة عليك وخلي بالك أهم حاجة صحتك العربيات بتروح وتيجي
وان شاء الله خير والأمور هتتظبط بمشيئة الرحمن
والحمد لله انت لسة في بداية الضمان يعني متقلقشي كدة واهدي
بس اقولي هي بترشح علي الفتيس جوة العربية يعني الزيت بيدخل جوة العربية ولا ايه؟

[FBIAhmed]

جسم الفتيس نفسه بينزل زيت ما بين الحلتين الداخليتين بتوعه كان فيه خرم

[FBIAhmed]

انا عربيتي مانيوال الفتيس مانيوال

[Rahman]

ان شاء الله يغيروهولك لان دة عيب صناعة العربية لسة زيرو
متقلقشي
توكيل نيسان توكيل محترم جدا
ودة اللي خلاني اشتري العربية دي
حتي اذا الواحد غير بعد كدة اعتقد هجيب نيسان بردة

[FBIAhmed]

انا مبئتش عاوز العربيه كلها

[د.محمود صلاح]

لا تقلق لان شاء الله يتصلح او يتغير ,,ةقدر الله وما شاء فعل

[fady_anis]

معلش يا باشا عادى انك تلاقى فى عربيه عيب صناعه مهياش عربيه نازله من السما يعنى
ده البى ام والمرسيدس بيبقى فى فى بعض العربيات عيوب صناعه ولكنها بتتحل وبترجع العربيه كويسه وزى الفل
واشكر ربنا انت لسه فى الضمان والعربيه لسه جديده
ومتشلش هم كده وخفف عن نفسك مفيش حاجه تستاهل اهم حاجه صحتك

[goudamahdy]

الف مليون سلامة عليك يا اخي الكريم
ولا يهمك كلو بيتصلح والصحة هي اللي ممكن تجيب العربية لكن لا يمكن العربية ترجعك سليم صحيح معافي
وقول زي ما علمنا سيدنا النبي " اللهم أأجرني في مصيبتي واخلفني خيرا منها"
وبعدين دا عييييييييييييييب صناعة والله لان انا نفسي وعضو تاني هنا ف المنتدي برضو حصلت معانا نفس المشكلة وكانت في الاولسيه بتاع الكوبلن والفتيس والله كان سلييييييييييم بس كان تشخيصهم المبدئي ف التوكيل بتاع السبع انه الفتيس زي حضرتك كده وده كان غلط
ثانيا وهو الأهم العربية لسه ف الضمان يعني يغيرولك الفتيس وانت زي الباشا حاطط رجل علي رجل
وباكرر الف تريليون سلامة عليك

[FBIAhmed]

اللهم اجرني في مصيبتي و اخلفتي خير منها
و الاولسيلين اتغيروا المره الي فاتت غير فك الفتيس نفسه
يااااااااا رب
ربي اني لا اسئلك رد القضاء و لكني اسئلك اللطف فيه

[goudamahdy]

كده تبقي ميه ميه
وربنا يخلف عليك خير

[aboamr]

ان شاء الله يتغير الفتيس والامور تبقى تمام
احمد ربنا والعين جت فى الفتيس
وهون على نفسك وعلى صحتك
ونطمن غليك ان شاء الله

[Bishoy.Girgis]

يا عم 100 طظ في العربية .. انت هتموت نفسك كده علي الفاضي علي فكرة
يا ابني يا حبيبي احنا معانا وكيل فوق المحترم و متقلقش لأنهم لو شايفين ان الفتيس يتغير .. هيتغير فورا بدون مقدمات و لو في عيب صناعة في العربية نفسها .. هيغيرولك العربية كلها

خاف علي نفسك و متقلقش كله هيبقي في التمام و الف و الوف سلامة عليك

[Youssef.Awad]

يا زعيم هدى اعصابك وروق كده
مافيش حاجة تستاهل والله
قدر الله وما شاء فعل
طيب دى اخف ولا انك لا قدر الله مليون مرة تنزل تلاقيها مخبوطة فى الشارع وهى مركونة وزيرو وتغير وترش وتروح فرحتك
قضى اخف من قضى
وزى ما الرجالة بتقولك طالما زيرو وفى الضمان ان شالله تتغير من اولها لآخرها ايه المشكلة
عيب صناعة ولا عيب تقفيل ما تقلقش
ده نصيبك ولازم ترضى بيه وتهدى كده

[samsong]

لاتقلق انت معاك ضمان وهو ده وقته وفائدته
وان شاء الله النهارده تقولنا عملت ايه...