Nats مش شغال عندى

[wardet]

انا عندى مشكلة
اول ما جبت العربية كان نظام الانذار nats شغال
يعنى لما كنت ببقى جوه العربية واقفلها بالريموت واجى افتح من الباب
الكلكس بيشتغل متواصل زى ما كلو عارف نظام الصنى
من يومين بجرب واتطمن الانذار شغال ولا لأ
بفتح ؟؟ لقيت مفيش حاجة حصلت وجربت مرة واتنين وعشرة
مش عارف المشكلة ممكن تكون منين

[samsong]

السلام عليكم
ارجع الي كتالوج العربيه وفي جزئية nats هتلاقي شرح
اكد ان كله تمام وساعات بيبقي من الريموت نفسه بالضغط علي زرار الفتح والقفل وساعات reset
حتي يفيدك الخبراء ان شاء الله

[ahmed_hanafi]

متابع باهتمام

[EhabVet]

انا عندى مشكلة
اول ما جبت العربية كان نظام الانذار nats شغال
يعنى لما كنت ببقى جوه العربية واقفلها بالريموت واجى افتح من الباب
الكلكس بيشتغل متواصل زى ما كلو عارف نظام الصنى
من يومين بجرب واتطمن الانذار شغال ولا لأ
بفتح ؟؟ لقيت مفيش حاجة حصلت وجربت مرة واتنين وعشرة
مش عارف المشكلة ممكن تكون منين

عندي نفس الحكاية في التيدا
لما بانزل واسيب الزجاج مفتوح وأقفل بالريموت واستنى فترة -نص ساعة مثلا -وافتح المسوجر من فتحة الزجاج وافتح الباب .. ولا بيحصل أي حاجة
وبالنسبة للكتالوج ماذكرش إن الكلاكس بيشتغل إلا في حالة الضغط على الزرار الأحمر بتاع الريموت ضغطة طويلة .. قال إيه مسميه "منبه الرعب" عشان لو حد هاجم العربية قدام عينيك وانت مش جواها وخايف منه .. تضغط على الزرار الأحمر عشان تعمل فضيحة والناس يتلموا .. شوف ازاي!!! فيلم هندي يعني
فهل ده الطبيعي بتاع التيدا ولا إيه؟

[wardet]

لا انا عندى كان بيشتغل بغض النظر عن انك تستنى نص ساعة ولا حاجة
يعنى لو نزلت من العربية وعملتها على طول كان بيشتغل
دلوقت مش بيشتغل خالص
وفى الكتالوج عندى بيقول ان الزرار الاحمر فايدته تنبيه الناس للسائق
يعنى لو انت فى العربية وحسيت بتعب تضغط على الزرار عشان الناس تيجي تشوف مالك

[EhabVet]

لا انا عندى كان بيشتغل بغض النظر عن انك تستنى نص ساعة ولا حاجة
يعنى لو نزلت من العربية وعملتها على طول كان بيشتغل
دلوقت مش بيشتغل خالص
وفى الكتالوج عندى بيقول ان الزرار الاحمر فايدته تنبيه الناس للسائق
يعنى لو انت فى العربية وحسيت بتعب تضغط على الزرار عشان الناس تيجي تشوف مالك

جديدة دي ..
يعني نيسان عايزة تقنعنا إنه لو واحد في العربية تعبان وبيموت
هيسيب الكلاكس اللي قدامه .. ويقعد يدور عالريموت

[samsong]

جديدة دي ..
يعني نيسان عايزة تقنعنا إنه لو واحد في العربية تعبان وبيموت
هيسيب الكلاكس اللي قدامه .. ويقعد يدور عالريموت

والله ياايهاب انت زي العسل ...ربنا يكرمك
هو الاحمر سموه panic وسابو كل واحد يستخدمه زي مايحتاجه المهم انه للفت النظر...

[samsong]

الصوره الي فوق لو عايز تلغي او ترجع الصوت وهاجرب ونشوف وفي انتظار الرد

[Bishoy.Girgis]

جرب حضرتك تعمل ريستارت للعربية و ان شاء الله يشتغل

[EhabVet]

والله ياايهاب انت زي العسل ...ربنا يكرمك
هو الاحمر سموه panic وسابو كل واحد يستخدمه زي مايحتاجه المهم انه للفت النظر...

نزلت اجرب .. وبردو عادي
ولا حيــــــاة .. لمن تنــادي

[EhabVet]

جرب حضرتك تعمل ريستارت للعربية و ان شاء الله يشتغل

أعمل ريستارت ازاي؟ .. ياريت توضح
مع العلم إنه في التوكيل كانوا فصلوا البطارية خالص وركبوها تاني
على فكرة لو حلتولي الموضوع ده .. هيبقى في مفاجأة بإذن الله

[wardet]

.يعنى ايه ريستارت للعربية؟

[Bishoy.Girgis]

كيفية عمل ريستارت للعربية

في البداية احب انوه انك تكون قافل زجاج العربية عشان تسمع كويس اللي هيحصل جوا العربية :

هنحط مفتاح العربية في الكونتاكت و ندور المفتاح للوضع on بس مندورش العربية لغاية ما لمبة الاوفر درايف تنور و اول ما تفصل علي طول نقوم نلف مفتاح العربية علي وضع off و نستني حوالي 5 ثواني لغاية اما نسمع صوت تكة من الناحية اليمين للطابلوه و بعدين نقوم عاملين الخطوة اللي فاتت تاني ندور المفتاح للوضع on بس مندورش العربية لغاية ما لمبة الاوفر درايف تنور و اول ما تفصل علي طول نقوم نلف مفتاح العربية علي وضع off و نستني حوالي 5 ثواني لغاية اما نسمع صوت تكة من الناحية اليمين للطابلوه و بعدين نقوم مدورين العربية عادي جدا

في هذه الحالة تم عمل ريستارت للعربية
ملحوظة هامه : اوعي و انت بتعمل الموضوع ده تكون دايس علي اي دواسة من الدواسات و خصوصا دواسة البنزين لأن و الريستارت بيحصل بيظبط حساسات و حاجات كتير في العربية منها TPS

ارجوا اكون افادتكم

[wardet]

مشكرين يا باشا
هجرب واقولك النتيجة

[Rahman]

NATS: Nissan Anti Thief System
ملاحظة هامة لو انت بعد لما بتطفي العربية وتمشي اذا كانت اللمبة الحمرا الصغيرة اللي ادام الزجاج الامامي ادام الدريكسيون علي طول بتعمل فلاشات(بتنور وتتطفي ) يبقي النظام المانع للسرقة شغال تمام .