كاوتش نيسان صني

[amir_said7]

يا جماعة, انا معي nissan sunny super saloon 2009, عاملة 48000 Km, و عاوز اغير الكاوتش بتاعها.
سألت في توكيل السبع قالولي أجيب bridgestone بس اعرض الكاوتش شوية
هيا بينزل معاها Bridgestone 185/65 R15 88H
أنا محتار مش عارف أعرض الكامتش أصلا ولا لأ... دي حاجة و الحاجة التانية مش عارف أجيب Bridgestone ولا Michelin مع العلم ان المقاس الاكبر هو 195/60 R15
ارجو الافادة سريعا يا شباب,,, ايهما احسن

[mohamednagib]

والله انا لو عارف ... عمري ما اتاخر عليك ....

يكفينا شرفا انك تكتب اول مشاركة ليك في قسم النيسان ... من اكتر من سنتين هيا عمر اشتراكك في المنتدى العظيم ده :)))))

بس ما تقلقش .. الاعضاء المحترمين هنا اكيد هيفيدوك و يفيدوني انا كمان :))))))))

ما تقلقش

[watzmann]

طيب ليه مسألتهمش عايزنك تعرض الكاوتش ليه ؟

وكمان خليهم يقولك بالظبط تجيب ايه فى بريدجستون , متجبش حاجه على مزاجك انتا

[WalidAdel]

ياباشا هات اللي انت عاوزه مش هاتفرق و التعريض ده سنتي واحد بس مش هايفرق حاجه
حتي توكيل بريدجستون لما كنت بغير قولتلهم عايز الاعرض كنت هاركب 205 قالي لأ هو حلو اوي 195 عليها علشان العفشه و مش هاركبلك علي العربيه 205 وش كده يعني من الاخر روح ركبهم بره
في 3 انواع في المقاس ده ليسه سأل عليهم من اسبوعين
بس هو انا الراجل قعد يشرحلي بس انا مش فاكر الكلام اوي
هتلاقي نوع ب 445 تقريبا و دا العادي و نوع ب 550 تقريبا و دا كان النقشه بتاعته شجره (شكلها شيك علي فكره) و خصوصا لو علي جنت و نوع تالت ب 600 تقريبا و دا بيزود الثبات في المناورات علي سرعات حاجه كده
اختار اي نوع منهم و ركبهم و اتكل علي الله لا تقلق من شئ انا ماجربتش ميشلان خالص لان بردجستون واخد Rate كويس علي النت فانا علطول بغير بردجستون

[tamermagdi]

متابع بإهتمام

[FBIAhmed]

تعريض الكاوتش هدفه تزويد الثبات على السرعات العاليه

و ده لينك يخليك تقدر تختار نوع الاطار المناسب لعربيتك من بريدجستون مصر و تعرف رقمه و نوعه بالظبط و موجود و لا لأ

Fit & Fix

[amir_said7]

اشكر جميع الاعضاء اللي ردوا عليا و أنتظر اراء الاخرين ... شكرا

[amir_said7]

ياباشا هات اللي انت عاوزه مش هاتفرق و التعريض ده سنتي واحد بس مش هايفرق حاجه
حتي توكيل بريدجستون لما كنت بغير قولتلهم عايز الاعرض كنت هاركب 205 قالي لأ هو حلو اوي 195 عليها علشان العفشه و مش هاركبلك علي العربيه 205 وش كده يعني من الاخر روح ركبهم بره
في 3 انواع في المقاس ده ليسه سأل عليهم من اسبوعين
بس هو انا الراجل قعد يشرحلي بس انا مش فاكر الكلام اوي
هتلاقي نوع ب 445 تقريبا و دا العادي و نوع ب 550 تقريبا و دا كان النقشه بتاعته شجره (شكلها شيك علي فكره) و خصوصا لو علي جنت و نوع تالت ب 600 تقريبا و دا بيزود الثبات في المناورات علي سرعات حاجه كده
اختار اي نوع منهم و ركبهم و اتكل علي الله لا تقلق من شئ انا ماجربتش ميشلان خالص لان بردجستون واخد Rate كويس علي النت فانا علطول بغير بردجستون


شكرا للرد لكن,, هل هناك فرق بين 088V و 088 H؟؟؟؟

[watzmann]

انا عندى سؤال هنا

العجله اللى ورا من ناحية السواق مجنانى كل اسبوع الاقيها ناقصه , الموضوع دا بقاله فتره المهم اروح اشكف عليها تطلع مفهاش اى حاجه

و نفس المشكله بتحصل و كشفت عليها اكتر من 3 مرات و دايما تطلع سليمه , ولسا قدامها شويا لغاية ماغيرها فانا بفكر اركب الأستبن و اعتبر العجلة الزباله دى هيا الأستبن لغاية ما اغير العجل كله


ايه رايكم , هل فى خطورة من انى امشى على الأستبن كتيير خصوصا انى مستعملتهاش غير مرة و احده من سنه و نص ؟

[WalidAdel]

شكرا للرد لكن,, هل هناك فرق بين 088v و 088 h؟؟؟؟

والله ماعرفش دا ايه للاسف بس حضرتك ممكن وانت هناك تسالهم هما هايجاوبوك لانهم فهمين اوي في الكاوتش اللي بيبعوه يعني

[mff_629]

والله انا لو عارف ... عمري ما اتاخر عليك ....

يكفينا شرفا انك تكتب اول مشاركة ليك في قسم النيسان ... من اكتر من سنتين هيا عمر اشتراكك في المنتدى العظيم ده :)))))

بس ما تقلقش .. الاعضاء المحترمين هنا اكيد هيفيدوك و يفيدوني انا كمان :))))))))

ما تقلقش

ملحوظة جميلة قوي قوي يا محمد

[amir_said7]

ملحوظة جميلة قوي قوي يا محمد

يا جماعة انا عارف اني قليل المشاركة لكن ذلك لداعي العمل و السفر...
ارجو تقبل اعتذاري

[mohamednagib]

ملحوظة جميلة قوي قوي يا محمد

ما تكثفنيس بقا يا ابو رقية ......

يا جماعة انا عارف اني قليل المشاركة لكن ذلك لداعي العمل و السفر...
ارجو تقبل اعتذاري

يا فاندم كل همنا اننا نكون مع بعض اسرة واحدة في المنتدى و بنعمق المعنى ده في مقابلاتنا الدورية .... و بجد .. الواحد قابل ناس عن طريق المنتدى قمة في الزوق و الاخلاق و الاحترام ... و نحسبهم كلهم على خير ....

و الجو دا ما بيكملش الا بان الجميع يشارك و يبدي رايه و يقول على الحلول اللي لقاها ...

و الموضوع دا زاد اكتر و اكتر بافتتاح كافيه المنتدى ... اللي فيه بنتجمع و نحكي في اي حاجة خلاف السيارات ...

من الاخر .... هتلاقي النيسان .... عالم اخر :))))) .... لكن بمشاركات كل الناس ....

[zeznia]

بالنسبه للh v
h احسن لان ده كاوتش سرعات
تحياتي