إعـــــــلان

Collapse

.

,
See more
See less

تقرير بعد الاستلام .. عن انطباعى عن التيدا المكسيكى اعلى فئة بفتحة سقف

Collapse
X
 
  • Filter
  • الوقت
  • Show
Clear All
new posts

  • تقرير بعد الاستلام .. عن انطباعى عن التيدا المكسيكى اعلى فئة بفتحة سقف

    انا فعلا آسف يا جماعة لكل اللى طلب منى صور التيدا من جوة وبره بس انا حاوت اكتر من مرة ارفعها على المنتدى وبيقولى خطأ فى التحميل ومش عارف أعمل ايه يا ريت حد يفيدنى !!!!

    أما بالنسبة لتجرية القيادة وآداء السيارة ف اللى حاسس بيه كالآتى :: بس انا هقارن الأداء بالبومة 2006 لأن دى اللى معانا هيا والتيدا هاتشباك بلس بفتحة سقف وجميع الكماليات فمش هقدر اقارن بحاجة تانية :::

    1-بالنسبة لشكل السيارة ::
    فالتيدا شكلها شيك جدا وخصوصا مع فتحة السقف وخلفية السيارة بتصميم الأنوار المتميز ومن الأمام فاللى هيبص للتيدا هيحس انها عربية - كنزة زى ما بيقولوا وشكلها بايخ ومش ظريف وضيقة من جوة - فأنا أقول الآتى السيارة ممتازة واكتر من ممتازة .
    2-بالنسبة للراحة الداخلية ::
    العربية مريحة جدا جدا جدا واريح من البوما بمراحل ومش ضيقة زى ما الناس بتقول عليها ومنحكمش عليها من الشكل الخارجى .. وبالنسبة لحجم الشنطة فهو عادى من وجهة نظرى ولا كبير ولا صغير وهناك ايضا الميزة فى امكانية تحريك الكنبة الخلفية للأمام والخلف حيث انها تحتوى على جرارات زى المقاعد الأمامية بالضبط وحتى مع رجوعها للخلف او تحريكها للأمام فلا تأثير على حجم الشنطة أو الراحة الداخلية .. أما بالنسبة للمقاعد الأمامية فهى مريحة جدا للظهر وغير متعبة فى المسافات الطويلة ..
    3-بالنسبة لنظام التعليق ::
    العربية مبتحسش فيها بأى حاجة على الطريق او أى صوت خارجى وده يفرق بمراحل عن البوما اللى كانت معذبانى بقلة جودة العازل الأمامى عن صوت الموتور او نظام التعليق اللى بتحس بأى حاجة عى الطريق حتى لو كانت نملة ... العربية ممتازة ممتازة وعاليه عن الأرض ومبتحكش فى المطبات وثايته جدا على السرعات العالية ... والطارة فعلا باور كهربا بس يتقل جدا على السرعات العالية واول احساس بتقل الطارة لما توصل لسرعة 40 على ما اعتقد فتقوم العربية قافلة الأبواب وبتبدأ تحس بتقل الطارة ..
    4-بالنسبة لوسائل الأمان :::
    العربية مزودة بأثنين اير باج فى الأمام + فرامل abs + نظام ebd لتوزيع قوة الفرامل على العجلات الأربعة ... العربية بقفل على سرعة معينة اعتقد انها 40 ومتقدش تفتح الأبواب بعدها إلا بطريقيتن :: انك تشيل المقتاح من السيارة أو عن طريق مفتاح زودت به السيارة فى باب السائق الأمامى بجانب مفاتيح الزجاج لازم تدوس عليه علشان الأبواب تفتح وده طبعا ينطبق على الشنطة الخلفية اللى بتفتح مع الأبواب ..
    جهاز الانذار ايضا مميز جدا فهو مرتبط بصوت الكلاكس ومزعج جدا لأى حرامى ابن تيييييييييييت ... اول ما بتفتح السيارة غير انك مبتحسش بصوت الدوارة او بعد كده متقدش تعرف اذا كانت شغالة او لأ بسبب العزل طبعا فيوجد لمبة تشيك فى التابلوة بتعمل تشيك على الطارة الكهربا علشان تمشى وانت مطمأن ولو حصل حاجة وانت ماشى بتنور علشان تنذرك ..
    5-بالنسبة الفتيس ::
    الفتيس انا مش متعود عليه اوى وبحب شكل بتاع البوما اكتر بس هنا فى التيدا الفتيس نزود بحاجات تانية :: عندك زرار زى بتاع ds فى البوما وغير كده فى كمان زرار بيحرر الفتيس يعنى ممكن لو العربية وقفت وطلع العيب من شحن البطارية ممكن تدور كده على شباب حلوة يزقوها معاك يعنى طلعت زى المانيوال وده ميزة .
    فتيس البومة cvt وبتاع التيدا مش عارف اوتوماتيك ايه ؟؟؟ بس بتاع البومة انا شايفة اريح للسيارة وللسائق يعنى العداد مش بيطلع وياخد نقلته وبعدين يرجع تانى وهكذا دواليك فى كل نقلة زى اللى فى التيدا ومعظم السيارات .
    بس عامة الفتيس مريح ومش وحش ... بس كان ممكن يبقى تصميمه احلى كده زى بتاع الانترا ولا حاجة وبتقنية زى بتاع الفولكس او اللانسر فيبقى ده سوووووووووووبر ..
    6-بالنسبة لكماليات السيارة :::
    فتحة السقف حلوة ومكان الأنوار القراءة الأمامية كويسة ومكان للنظارة كويس وعندك فى الشماستين الأماميتين ففيهم نور بيفتح مع فتح المراية بالنسبة للنساء اللى بيحبوا الحاجات دى وكمان مفيدة لو الواحد دخل فى سنانه حاجة يعرف يطلعها !!!!!!!!!! ... درج التابلوه بحررررررررررررررررررررررررر ممكن احط فيه مقرر كامل ومجموعة مراجع كمان وآمن لأنه ممكن تقفله بمفتاح العربية ودى حاجة لصالح أمان السيارة أيضا .. السيارة مزودة بمخدع امامى ومخدع خلفى بس شكل الكونسوله الأمامية مش عاجبنى ومكان وضع المشروبات مش متظبط اوى واتمنى انهم كانوا يعملوها زى الفولكس او الاسكودا ..
    7-نظام الصوت ::
    الكاسيت سى دى ممتازة وبوجود مدخل aux يديله رونق وحلاوة وسهوله الاختيار والاستخدام ... الراديو قوى جدا .. السماعات صوتها كويس جدا ... هناك تحكم فى الكاسيت من الطارة تتمثل فى الآتى ::
    زرار باور للكاسيت + زرار source تغير منه بين الكاسيت والراديو وaux + تعلى وتطوى الصوت + اقلب الأغانى فوق وتحت ..
    8- ملاحظات عامة ::
    -مخارج التكييف كتيرة ونظام تشغيل التكييف متطور وقوى جدا زى اليابانى كالعادة والنسيان خاصة ..
    -زرار الانتظار فى مكان سهل الوصول اليه على عكس البوما بعيد ..
    -الزجاج سريع جدا فى الفتح والقفل ..

    انا عارف انى معرفتش اعرض الموضوع كويس بس لو حد عنده سؤال انا ممكن اجاوبه عليه ...وفى انتظار حد يشرحلى ازاى ارفع الصور وبكده ممكن بقه اعمل موضوع احسن ..

    نصيحة اخوية :: العربية تمنها 131500 من عند السبع وبصراحة عربية يابانى وتقفيل مكسيكى زى دى بالامكانيات والكماليات دى فه ده احسن اخيار ولا تقولى كورى ولا صينى .وبصراحة انا مدفعش 140000 فى عربية محققة اعلى معدلات فى الحوادث وبتقلب هيا بالناس اللى جواها ومش ثابته ودى طبعا هتبقى كورى علشان بس العربية شكل التابلوة بتاعها حلو ولا عربية تانية كنت رايح اسأل واحد صاحب معرض فقالى خد كذا ........ قلتله مش دى اللى بتفصل وهيا ماشية واول ما باخدها بروح اغير البطارية فى التوكيل وده كلام انا قرأته عنها فى المنتدى هنا ومش الراجل يقولى لأ أو بكدبنى فيقوم ضاحك ههههههههه طب يا ابن التيت انت عارف الكلام ده بتكدب على الناس الىل متعرفش ليه وده شكر للمنتدى فى دوره فى التوعية ... فنصيحة العربية ممتازة واكتر من ذلك ...
    [CENTER][FONT=Comic Sans MS][SIZE=3][B]c'est la vie[/B][/SIZE][/FONT][/CENTER]

  • #2
    والله تقرير محترم جدا ... وانا هاحطلك لينك تعرف ترفع بيه الصور
    وتحاول تعملنا تقرير مميز جدا وياريت لو المقارنة مع البوما ديه تفضل موجوده بس يكون تقرير التيدا لوحده في الاول وبعديها المقارنة بينها وبين البومة
    علشان يبقي موضوع مثبت عن اول تيدا مكسيكي في المنتدي :))))
    وطبعا الكلام التيييييييت العسل اللي تحت ده تقوله برده ... علشان اي حد يقول علي حاجة علي اي عربية تييييييييت احطه اللينك ده :))
    رفع صور
    ولو عايزني اساعدك في التنسيق انا تحت امرك ... خلص التقرير وابعتهولي هلي الميل وانا اظبطهولك :))
    ومبارك عليك وربنا يكفيك شر عيون كل حاسد :))
    اقعد بألف عافية
    [CENTER][COLOR="Blue"][SIZE="5"]أُمـــ الغوالــــــــــــــــي ..... أُسطــــورة لـــــهــــــا تاريـــــخ :F_eyeb1[1]:[/SIZE][/COLOR]
    [CENTER]
    [img3]https://fbcdn-sphotos-g-a.akamaihd.net/hphotos-ak-prn1/524144_516916281678719_387980934_n.jpg[/img3]
    [/CENTER]
    [CENTER][SIZE="5"][COLOR="DarkRed"][marq="4;right;2;scroll"]Eng.Hussein GaMal[/marq][/COLOR][/SIZE]
    [SIZE="5"][COLOR="Blue"][marq="4;left;2;scroll"]Mob. +20111 960-9399[/marq][/COLOR][/SIZE][/CENTER][/CENTER]

    Comment


    • #3
      مبروك عليك التيدا الجميله
      [CENTER][mtohg=null]http://www.nileup.com//uploads/images/domain-478250bb9a.jpg[/mtohg][/CENTER]

      Comment


      • #4
        الف مبروك يا غالي و يارب تكون خير عليك وربنا يديك من خيرها ويحفظك من شرها
        DarkMagician

        Comment


        • #5
          بقولك كنت عاوزك تكلمنا شوية عن الثبات عشان فى ناس بتقول بحد ال 160 لا يوجد ثبات وكمان التسارع هى الاسرع ام البوما ام السيراتو ... التقفيل احسن فى 2009 ام المكسيكى وشكرااااااااااااااا
          [img3]http://www.nileup.com/uploads/13469775921.jpg[/img3]

          Comment


          • #6
            المشاركة الأصلية كتبت بواسطة masterzmind مشاهدة المشاركة
            بقولك كنت عاوزك تكلمنا شوية عن الثبات عشان فى ناس بتقول بحد ال 160 لا يوجد ثبات وكمان التسارع هى الاسرع ام البوما ام السيراتو ... التقفيل احسن فى 2009 ام المكسيكى وشكرااااااااااااااا
            معلش هو حضرتك بتسأل عن الثبات على سرعة 160 كم فى الساعه !!! هو حد جربها بعد السرعه دى ... هو احنا فين ... فى هاى واى امريكا ؟؟
            [CENTER][mtohg=null]http://www.nileup.com//uploads/images/domain-478250bb9a.jpg[/mtohg][/CENTER]

            Comment


            • #7
              المشاركة الأصلية كتبت بواسطة masterzmind مشاهدة المشاركة
              بقولك كنت عاوزك تكلمنا شوية عن الثبات عشان فى ناس بتقول بحد ال 160 لا يوجد ثبات وكمان التسارع هى الاسرع ام البوما ام السيراتو ... التقفيل احسن فى 2009 ام المكسيكى وشكرااااااااااااااا
              تقفيل سنة 2009 انا معرفش عنه حاجة ومقدر احكم لأنى مركبتش العربية دى الا 2011 ولما بقول التقفيل المكسيكى 2011 بتكلم انه ممتاز علشان بقارنه بتقفيل عربيات تانية فى معظم الدول المصدرة لمصر .. فا انت ممكن تلاحظ ان تقفيل التيدا مشابه للجيتا على اساس انهم طالعين من بلد واحدة ونفس اليد العاملة فيعنى مش هتلاقى حاجة ممكن تاخدها عليهم كملاحظة مهمة اوى ....

              بالنسبة للثبات فأعتقد ان المصرى او العربية داخل مصر آخرها 120 فى طرق الدلتا والقاهرة والصعيد إما على طرق اسكندرية والساحل ومرسى مطروح فبتزيد وممكن توصل لغاية 140-150 زى ما عملت ناس اصحابى بس الموضوع ده مبيستمرش الا غير اقل من خمس دقايق لعدم ملائمة الطريق للسرعة ... فلما نسأل عن الثبات على السرعات العالية نسأل عن ثباتها على ال 120 لفترة وعن ده أقدر اقولك انها كويسة بسبب الآيرودايناميكس بتاعتها .

              بالنسبة عامة للسرعة فحضرتك إذا كنت تقصد - التسارع - لأ طبعا فأى عربية غير فتس cvt اللى موجود فى البوما هتبقى فى التسارع احسن مع العلم بوجود ds فى البوما ..
              أما بالنسبة للسرعة فطبعا فتيس cvt بيحقق راحة الموتور وتسارع أقل ولكن سرعة عاليه ممتازة وثبات معتدل لأنى جربت اجيب بالبومة 160 بالبومة بالتكييف على الدولى الساحلى وجابت وكات ممكن تجيب كمان على الرغم من انها بتتسحل من 2006 ..
              وياريت لو انا غلطان ! حد يصححلى ..
              [CENTER][FONT=Comic Sans MS][SIZE=3][B]c'est la vie[/B][/SIZE][/FONT][/CENTER]

              Comment


              • #8
                الف مبروك يا غالي وانتم السابقون ونحن الاحقون ان شاء الله انت كده كلامك بعد كلام الاستاذةحسين الله يباركله خلاني هتجنن وانزل عشان اشتريها ادعولي

                Comment


                • #9
                  الف مبروك والتيدا عربية رائعة
                  اخبار استهلاك البنزين ايه ؟
                  وهل صوت الطريق والكاوتش مسموع وانت على سرعات عالية ؟خلى بالك صوت الطريق مش صوت الموتور ورربنا يباركلك فيها

                  Comment


                  • #10
                    مبروك عليك

                    Comment


                    • #11
                      معلش هو حضرتك بتسأل عن الثبات على سرعة 160 كم فى الساعه !!! هو حد جربها بعد السرعه دى ... هو احنا فين ... فى هاى واى امريكا ؟؟
                      ايوة فى ناس بتجيب 160 و190 فى مصر وخوش على ال youtube وشوف

                      تقفيل سنة 2009 انا معرفش عنه حاجة ومقدر احكم لأنى مركبتش العربية دى الا 2011 ولما بقول التقفيل المكسيكى 2011 بتكلم انه ممتاز علشان بقارنه بتقفيل عربيات تانية فى معظم الدول المصدرة لمصر .. فا انت ممكن تلاحظ ان تقفيل التيدا مشابه للجيتا على اساس انهم طالعين من بلد واحدة ونفس اليد العاملة فيعنى مش هتلاقى حاجة ممكن تاخدها عليهم كملاحظة مهمة اوى ....

                      بالنسبة للثبات فأعتقد ان المصرى او العربية داخل مصر آخرها 120 فى طرق الدلتا والقاهرة والصعيد إما على طرق اسكندرية والساحل ومرسى مطروح فبتزيد وممكن توصل لغاية 140-150 زى ما عملت ناس اصحابى بس الموضوع ده مبيستمرش الا غير اقل من خمس دقايق لعدم ملائمة الطريق للسرعة ... فلما نسأل عن الثبات على السرعات العالية نسأل عن ثباتها على ال 120 لفترة وعن ده أقدر اقولك انها كويسة بسبب الآيرودايناميكس بتاعتها .

                      بالنسبة عامة للسرعة فحضرتك إذا كنت تقصد - التسارع - لأ طبعا فأى عربية غير فتس cvt اللى موجود فى البوما هتبقى فى التسارع احسن مع العلم بوجود ds فى البوما ..
                      أما بالنسبة للسرعة فطبعا فتيس cvt بيحقق راحة الموتور وتسارع أقل ولكن سرعة عاليه ممتازة وثبات معتدل لأنى جربت اجيب بالبومة 160 بالبومة بالتكييف على الدولى الساحلى وجابت وكات ممكن تجيب كمان على الرغم من انها بتتسحل من 2006 ..
                      وياريت لو انا غلطان ! حد يصححلى ..

                      شكرااا جداا اصل انا منت بقرنها بى سيراتو كوبية او هوندا سيفيك مستعملة
                      [img3]http://www.nileup.com/uploads/13469775921.jpg[/img3]

                      Comment


                      • #12
                        الف الف مبروك يا باشا علي العربية الجميلة ديه و تقرير بصراحة فوق الرائع ..
                        [CENTER][FONT=Tahoma][SIZE=5][COLOR=blue][COLOR=blue][IMG]http://img560.imageshack.us/img560/9168/featurew.jpg[/IMG] PeaceMan[/COLOR] [COLOR=sienna]@[/COLOR] [COLOR=green]Nissan[/COLOR] NileMotors [IMG]http://img560.imageshack.us/img560/9168/featurew.jpg[/IMG][/COLOR][/SIZE][/FONT][/CENTER]

                        [CENTER][URL="http://www.nilemotors.net/Nile/226179-a.html"][IMG]http://img194.imageshack.us/img194/2737/presvj.png[/IMG][/URL][/CENTER]

                        Comment


                        • #13
                          الف مبروك وانتظر الصور

                          Comment


                          • #14
                            المشاركة الأصلية كتبت بواسطة mohaismail مشاهدة المشاركة
                            الف مبروك والتيدا عربية رائعة
                            اخبار استهلاك البنزين ايه ؟
                            وهل صوت الطريق والكاوتش مسموع وانت على سرعات عالية ؟خلى بالك صوت الطريق مش صوت الموتور ورربنا يباركلك فيها

                            والله يا باشا بالنسبة لاستهلاك البنزين فأنا مقدرش احكم دلوقتى الا لما تعدى 1000 كم بس من اللى انا شايفة العربية استهلاكها اقل من البوما لغاية دلوقتى .....
                            وبالنسبة لصوت الطريق أو الكاوتش فهو لغاية دلوقتى مش مسموع خالص الا طبعا لو دخلت زلطة صغيرة فى الكاوتش فا انت ساعتها هتعرف انك ماشى على الطريق ... وده بفضل نظام التعليق الممتاز والعزل الجيد ..
                            [CENTER][FONT=Comic Sans MS][SIZE=3][B]c'est la vie[/B][/SIZE][/FONT][/CENTER]

                            Comment


                            • #15
                              بسم الله ما شاء الله - ألف مبروك
                              وربنا يبارك فيها وفيك - وبجد بجد تقرير ممتاز جدا
                              بس عندي إستفسار صغير على النقطة دي:
                              المشاركة الأصلية كتبت بواسطة krooota مشاهدة المشاركة
                              عندك زرار زى بتاع ds فى البوما وغير كده فى كمان زرار بيحرر الفتيس يعنى ممكن لو العربية وقفت وطلع العيب من شحن البطارية ممكن تدور كده على شباب حلوة يزقوها معاك يعنى طلعت زى المانيوال وده ميزة .
                              هل في حد جرب الموضوع ده - لان الموضوع ده لو صح .... تبأى حركة جامدة جدا !!

                              Comment

                              Working...
                              X