فلتر الهواء بتاع التكييف

[WalidAdel]

هل يوجد فلتر هوااء في الصالون للتكييف ولا ايه

كان في عضو بيقول انه مش موجود لذلك التكييف بيفصل بسرعه
لما رحت اعمل الصيانه في التوكيل من كام يوم سألت المهندس ولاء قال ان فلتر الهواء بتاع العربيه مش موجود خلف درج التابلوه زي بقيت العربيات انما موجود خلف التابلوه و للوصول اليه لابد من فك بعض اجزاء التابلوه
انهارده قولت لازم اخد قرار في الموضوع لان الفتي بتاع الشعب ده مش حيجيب ولا حيودي
فكيت درج التبلوه بنفسي لقيت علبه بيضاء كده و في باب صغير علي شكل مستطيل
"push"
المهم فكيت الباب ده و قع علي الارض اذا بمكان فارغ ليس به شيء و به فتحات من الناحيه الاخري ده ايه دا بقي و هل ده فعلاً مكان لفلتر الهواء
بحثت في كتاب الصيانه ملقتش اي حاجه عن فلتر التكييف دا خالص و لا حتي اذا كان موجود اقوم بتنظيفه ازاي
ارجو المشاركه من الاعضاء للوصول للحل
حاجه تانيه التكييف كويس بس المشكله في الكام يوم الحر اللي فاتوا دول كان وحش اوي و بيفصل بسرعه و بيطلع هواء سخن و كده لكن دلوقتي كويس مش عارف بقي لما الحر يرجع ايه اللي حييحصل و بعدين ان ببحث في الموضوع من دلوقتي علشان ابويا راجل كبير و مش بيستحمل الحر و بعدين شغلنا سفر و بتاع و لو سفرت في يوم حر بدون تكييف ممكن ابويا يحصلوا حاجه
ارجوا من الاعضاء البحث في الموضوع و ابداء الاراء
معلش طولت عليكم بس مشكلة و لازم انشاء الله احلها

[walaa_samra]

انا اللي قلت ان فلتر الهواء مش موجود
مهندس الصيانة بيقول انه ورا التابلوه طب ازاي المفروض انه يكون في مكان سهل الوصول اليه علشان لما احتاج انضفه او اغيره ولا كل مرة افك التابلوه
علي فكرة البولو و الجولف و الاوبل مكان الفلتر ورا درج التابلوه اليمين
ولما هو موجود في مكان معين خلف التابلوه ليه كتاب الصيانة مقلش كدة و كان حدد امتي وازاي يتنضف و كمان كان ايه لازمة العلبة البيضاء اللي فيها باب صغير علي شكل مستطيل
انا شايف انك مش هتخسر حاجة لو ركبت فلتر و ياريت تراجع ضغط الفريون لانه هيحسن الاداء

[WalidAdel]

حلو الكلام بتاع حضرتك ده بس السؤال بقي هل شكل الفلتر بتاع الاوبل اللي جبتو نفس المواصفات دي يعني يخش من الباب ده ولا لأ ده المقصود
و علي فكره اللانوس كمان الفلتر بتاعها ورا الدرج اليمين بردوا
انا إن شاء الله حروح لواحد بتاع تكييف لان زي ما قولت انهم في التوكيل قالولي كله تمام و التكييف زي الفل و الكلام الحمصي بتاعهم ده
فحشوف كده إن شاء الله

[ahmoda]

هو انا لما بشغل التكييف بيبقى سحب العربيه وحش اوى يا ترى الفلتلر اللى بتقولو عليه ده هو السبب؟

[WalidAdel]

لأ او ممكن اقولك معرفش بس مفتكرش اصل الفلتر ده بتاع التكييف من جوه العربيه ياثر علي كمية الهواء اللي طالعه بس مش اكتر من كده
هي موديل كام اصل انا شايف الصوره للموديل اللي هوه 1300 مش ال 1600
صح ولا ايه
و هل الموضوع ده جديد ولا من زمان اصل لو هوه جديد يبقي جد جديد في العربيه او حصل حاجه خلاها كده لكن لو هيا من زمان يبقي ده طبيعي علشان 1300
أرجو اكون افدتك

[kshahin]

الموضوع ده مهم جدا ياجماعة وعاوزين اخونا سبعاوى يفدنا فيه لانى اعتقد انه يهم كل مالكى الصنى .

[WalidAdel]

اخر اخبار بعد الكشف الدقيق علي التكييف
عدم وجود فلتر الهواء اللي في الصالون خاف الدرج و هو وظيفته لو شغلت التكييف علي الوضع الخارجي (يعني ياخذ الهواء من خارج السياره)يقوم بفلترة الهواء فقط و ليس اي شئ اخر
حكاية فصل الكمبريسور دي سببها شحن التكييف و اللي ممكن يكون اتشحن لما اقولتلهم في الصيانه يكشفوا عليه لان الشحن كان كويس لما تم قياسه بالجهاز

نزلت شارع دمشق علشان ادور علي الفلتر لم يوجد له اثر في محلات قطع الغيار الفلتر بتاع الاوبل زي ما العضو بيقول طويل اوي اوي و لازم تقيس المسافه و تقص منه حته و ده مش حل

صديق ليا في شارع دمشق قالي مش حتلاقي روحلهم التوكيل اللي عند ميدان الحجاز و هما حيتصرفوا علشان هما محل بيع قطع غيار و معرض في نفس الوقت و طبعاً كان الوقت اتاخر فغداً إن شاء الله حشوف الموضوع ده
و انهارده كان الجو حر شويه بس التكييف كان حلو يمكن فعلاً حوار الفريون ده الله اعلم

[ashrsy]

اخر اخبار بعد الكشف الدقيق علي التكييف
عدم وجود فلتر الهواء اللي في الصالون خاف الدرج و هو وظيفته لو شغلت التكييف علي الوضع الخارجي (يعني ياخذ الهواء من خارج السياره)يقوم بفلترة الهواء فقط و ليس اي شئ اخر
حكاية فصل الكمبريسور دي سببها شحن التكييف و اللي ممكن يكون اتشحن لما اقولتلهم في الصيانه يكشفوا عليه لان الشحن كان كويس لما تم قياسه بالجهاز

نزلت شارع دمشق علشان ادور علي الفلتر لم يوجد له اثر في محلات قطع الغيار الفلتر بتاع الاوبل زي ما العضو بيقول طويل اوي اوي و لازم تقيس المسافه و تقص منه حته و ده مش حل

صديق ليا في شارع دمشق قالي مش حتلاقي روحلهم التوكيل اللي عند ميدان الحجاز و هما حيتصرفوا علشان هما محل بيع قطع غيار و معرض في نفس الوقت و طبعاً كان الوقت اتاخر فغداً إن شاء الله حشوف الموضوع ده
و انهارده كان الجو حر شويه بس التكييف كان حلو يمكن فعلاً حوار الفريون ده الله اعلم

عموما مستنيين تبلغنا آخر الاخبار وربنا يوفقك
مع تحياتى

[ahmoda]

اشكر الاخ وليد عادل على الاهتمام طبعا اكيد انت خدت بالك ان العربيه منطقه حره عشان كده خمنت انها 1300 وفعلا كلامك صح
انا جايب العربيه بقالى حوالى 6 شهور وكنت راضى ببطئها على اساس انها 1300 لكن سوقت عربيه اختها ولا حظت الفرق العربيه التانيه بتجرى
من ضمن الملاحظات اها ما بتجبش كيك داون بسهوله ساعات وسعات ادوس على البنزين كانى مش دايس خالص معلش لو ان الموضوع خرج عن موضوعكم لكن يا ريت الافاده وشكرا

[WalidAdel]

اشكر الاخ وليد عادل على الاهتمام طبعا اكيد انت خدت بالك ان العربيه منطقه حره عشان كده خمنت انها 1300 وفعلا كلامك صح

انا اصلاً مش شايف النمر اوي لاني شيفها في الصوره الصغيره اللي جنب الاسم لكن الشكل ده كله 1300 :)

و بخصوص الملاحظات بتاعت حضرتك
في حاجات كتير تسبب في الخنقه بتاعت العربيه
1-نظافة عمة الهواء بتاعت الانجكشن
2-نظافة فلاتر البنزين و الهواء
3-هل البنزين 90 ولا 92 علشان حيفرق بردوا
4-ممكن يكون الموتور اصلاً تعب
حاجات كتير مقدرش احدد انهي واحد هوه السبب بس حضرتك من تروح التوكيل و تعرف ايه السبب

[ahmoda]

فى مركز صيانه حضرتك تنصحنى بيه اصل انا من بورسعيد ومعرفش مين الكويس من الوحش

[WalidAdel]

هوه مش عارف بس لو في حيبقي في القاهره بقي
ممكن تيجي اللي في الهايكسب ده قريب من الطريق بتاعك علشان متخشش البلد و تتوه ولا حاجه

[WalidAdel]

انا انهارده روحت المشوار بتاع ميدان الحجاز و بالفعل لقيت محل قطع الغيار داخل المعرض و الحمد لله معندهمش فكره عن القطعه دي اصلاً و لا عرفين اذا كانت موجوده ولا مش موجوده ولا مكانها فين في العربية و لا الفلتر ده نزل عندهم من اول مافتحوا المعرض
قولت الحمد لله فل كده اوي سالته اعمل ايه قالي عليك و علي توكيل ابورواش هما هناك تتفاهم معاهم و تسالهم هل بينزل في العربيه ولا لأ و هل العلبه دي اصلاً يبركب فيها فلتر ولا لأ هما هناك بفيدوك اكتر مني قولتلوا اي توكيل ولا لازم ابورواش ده قالي لأ روح اللي في ابورواش المركز الرئيسي علشان ماتتعبش نفسك علي الفاضي مع باقي التوكيلات

أيه رايكم في الكلام ده يا شباب

[ahmoda]

انا شايف ان مفيش حاجه اسمها فلتر التكييف لان هناك فلتر فى سدر العربيه خارج من السربنتينه خلف الرىداتير هو ده بس اللى اسمه الفلتر بتاع التكييف اما بقى غير كده فى اليابانى ماسمعتش قبل كده
انا كان معايا عربيه تويوتا قعدت معايا عشر سنين غيرت كل حاجه فى التكييف بره و جوه ومكانش فيه الا الفلتر اللى برده خارج من السربنتينه

[WalidAdel]

معرفش صراحه الكلام ده بس انا ركبت لانسر 99 و لانوس 2004 و كان فيهم حكاية الفلتر دي غير كده انا معرفش