مقبل على شراء صني 99 وعايز نصيحتكم

[zago]

بسم الله الرحمن الرحيم
ايها الاخوه والاخوات
وشكرا

هههههههه



بأختصار
الميكانيكي بتاعي جايب صني 99 وعارضها للبيع
انا ركبتها النهارده وحسيتها كويسه
معرفش هي اي اكس ولا سوبر صالون
المهم
بما اني ماليش في الياباني بشكل عام والنيسان بشكل خاص والصني بشكل أخص
ومش عايز اتخم في العربيه
فعايز كام نصيحه ذهبيه كده
اكشف على ايه واخلي بالي من ايه ؟
وايه عيوب الموديل ده ؟
ولو العربيه على سنجه عشره المفروض تعمل كام علشان اعرف فاصل معاه واخدها بكام لاني متكلمتش في السعر لسه

عايز اللي عنده معلومه يقول
واللي سمع حاجه يقول
واللي عايز يطلع اشاعه يتفضل
واللي معاه قطه فطسانه للعربيه يوريهالي بعدين ندفن القطه
كده يعني ...
تفاصيل يا شباب الله يخليكم
ورأيكم لو اتوكل على الله ولا اتوكل على الله برضو وبلاش منها ؟؟

[aboamr]

اول حاجه تعمل استخاره
الميكانيكى يكون شخص موثوق بيه وماتعتمدش عليه لوكان هو صاحب العربيه
تجيب ميكانيكى وعفشجى وبويجى يفلو العربيه ويدوك تقرير عنها
كيلوات العربيه لاتتعدى 110 الف كيلو
تتاكد كويس ان العداد ماتلعبش فيه
حالة العربيه الخارجيه تكون ممتازه يعنى صاج العربيه سليم
دواخل العربيه تكون فابريقه والعربيه فيها علامات معينه وفواصل تقدر تعرف دواخلها عامله ايه
سقف العربيه والشنطه والكبوت من الافضل الا يكون تم رشهم
شنطة العربيه من الداخل تكون سليمه وكامله بالكوريك والاستبن وارفع خرطوم الداير وشوف حواف الشنطه واكشف موكيت الاجناب واتفرج على الصاج من الداخل وهل فيه سمكره
اتفرج على باب الشنطه من الداخل وهل فيه شغل سمكره ولا سليمه
من فوق الاكصدام الخلفى تتفرج على دواخل الشنطه وفيها تنيات معينه صعب اللعب فيها
تتفرج على الصالون وتتأكد ان الصالون بحالته ولم يتم فكه وارضية العربيه سليمه والموكيت لم يفك والتابلوه يكون كامل وكل حاجه فيه شغاله وسليم
تجاليد الابواب تكون سليمه وتتأكد من عمل السنتر ورفع الزجاج وكذلك السقف من الداخل يكون جديدوبحالته
موتور العربيه ناعم جدا وليس له صوت قم بتدويره وشغل التكييف وشوف كفاءة التكييف فى دقيقتين بيكون تلاجه على رقم 2
قبل تدوير الموتور تأكد من قياس مستوى زيت الموتور وشوف قربة المايه ناقصه ولامظبوطه
شغل الموتور وارجع ورا عند الشكمان وشم ريحة العادم يعن ايدك ورا الشكمان مباشرة لو فيه ريحه للبنزين يبقى فيه مشكله فى الاحتراقبالموتور ولاحظ لون العادم وتأكد ان الموتور سليم وخللى حد يزود البنزين وانت جنب الموتور وتأكد من صوته
عموما تأكد من اهتمام صاحب العربيه بيها ولاكانت متهانه يعنى شوف مثلا تيل الفرامل متغير امتى وبكام لو لقيته رخيص جرب العربيه وشوف فيه صفره مع الفرامل ولا ايه
لازم تسوق العربيه وتكسر الدركسيون يمين وشمال على الاخر وتشوف فيه صوت ولا لا
ومدى ثبات واتزان العربيه وسحبها وعفشتها العربيه معاك لغاية 130 زى الفل وثابته
السعر بيختلف تبع حالة العربيه العامه بالاضافه للكماليات والكاوتش والبطاريه
فى رايى من 41 الى 45
لو حسيت ان العربيه فيها شغل او متهانه يبقى سلامو عليكم من غير كلام

العربيه ex 1300 مافيش منها سوبر صالون
لو العربيه سليمه حتتبسط منها جدا وحاجتها متوفره وعديمة المشاكل واقتصاديه جدا





ا

[samsong]

موفق ان شاء الله في اختيارك
1-لازم تكشف علي العربيه في التوكيل او مركز خدمه مضمون وتشوف التقرير بتاع الموتور والعفشه والشاسيه وكل حاجه
2-شوف الاساسيات من بره والدهان
3-شوف حاله العربيه من الداخل وجه يبين طريقه التعامل معاها
4-لو الفتيس اتوماتيك افحصه جيدا جيدا
عموما الصني من العربيات المعمره وبتحط قطعة الغيار فيها وتنساها
ولو في سوال محدد تحت امرك
وفي انتظار اراء اخواني....
وموفق باذن الله

[samsong]

معلش ابوعمر كنا بنكتب في نفس الوقت تقريبا
المهم الاستفاده
وبالتوفيق

[aboamr]

معلش ابوعمر كنا بنكتب في نفس الوقت تقريبا
المهم الاستفاده
وبالتوفيق

ولايهمك ياباشا
المهم الاستفاده

[aboamr]

مكن تشوف الموضوع

http://www.nilemotors.net/Nile/221741-1999.html

عن صنى 99

[zago]

الف الف شكر يا شباب
حفصصها واقولكم الاخبار

[Youssef.Awad]

بصراحة الواحد ما يقدرش يقول اى كلمة بعد كلام استاذ عاطف aboamr
وفعلا اتلكك لها على اى غلطة عشان تبقى كويسة معاك وربنا يوفقك

[aboamr]

بصراحة الواحد ما يقدرش يقول اى كلمة بعد كلام استاذ عاطف aboamr
وفعلا اتلكك لها على اى غلطة عشان تبقى كويسة معاك وربنا يوفقك

تمام بادكتور اتلكك على اد ماتقدر
كل ماتتلكك تظبط معاك

[Youssef.Awad]

تمام بادكتور اتلكك على اد ماتقدر
كل ماتتلكك تظبط معاك

اى خدمة اصلى باطبق الطريقة دى فى شراء اى حاجة والله وجايبة نتايج هايلة
ابقى داخل المحل بقرف ومش طايق اتفرج وهوب المح حاجة فى الفاترينة يا اما تقنعنى يا اما لأ
تصدق بالله اخر حاجة كنت باشترى تليفزيون lcd 32" جديد لزوم التجهيز ورايح عامل حسابى على ماركة معينة وجبت ماركة تانية خااالص لمجرد ان البياع اقنعنى بيه وطريقته فى البيع عجبتنى وسعره كان 1900ج وعليه كمان حامل حائط وريسيفر هدية
ارزاق بقى نقول ايه

[samsong]

اى خدمة اصلى باطبق الطريقة دى فى شراء اى حاجة والله وجايبة نتايج هايلة
ابقى داخل المحل بقرف ومش طايق اتفرج وهوب المح حاجة فى الفاترينة يا اما تقنعنى يا اما لأ
تصدق بالله اخر حاجة كنت باشترى تليفزيون lcd 32" جديد لزوم التجهيز ورايح عامل حسابى على ماركة معينة وجبت ماركة تانية خااالص لمجرد ان البياع اقنعنى بيه وطريقته فى البيع عجبتنى وسعره كان 1900ج وعليه كمان حامل حائط وريسيفر هدية
ارزاق بقى نقول ايه

مبروك يازعيم

[M.FOUAD]

اول حاجه تعمل استخاره
الميكانيكى يكون شخص موثوق بيه وماتعتمدش عليه لوكان هو صاحب العربيه
تجيب ميكانيكى وعفشجى وبويجى يفلو العربيه ويدوك تقرير عنها
كيلوات العربيه لاتتعدى 110 الف كيلو
تتاكد كويس ان العداد ماتلعبش فيه
حالة العربيه الخارجيه تكون ممتازه يعنى صاج العربيه سليم
دواخل العربيه تكون فابريقه والعربيه فيها علامات معينه وفواصل تقدر تعرف دواخلها عامله ايه
سقف العربيه والشنطه والكبوت من الافضل الا يكون تم رشهم
شنطة العربيه من الداخل تكون سليمه وكامله بالكوريك والاستبن وارفع خرطوم الداير وشوف حواف الشنطه واكشف موكيت الاجناب واتفرج على الصاج من الداخل وهل فيه سمكره
اتفرج على باب الشنطه من الداخل وهل فيه شغل سمكره ولا سليمه
من فوق الاكصدام الخلفى تتفرج على دواخل الشنطه وفيها تنيات معينه صعب اللعب فيها
تتفرج على الصالون وتتأكد ان الصالون بحالته ولم يتم فكه وارضية العربيه سليمه والموكيت لم يفك والتابلوه يكون كامل وكل حاجه فيه شغاله وسليم
تجاليد الابواب تكون سليمه وتتأكد من عمل السنتر ورفع الزجاج وكذلك السقف من الداخل يكون جديدوبحالته
موتور العربيه ناعم جدا وليس له صوت قم بتدويره وشغل التكييف وشوف كفاءة التكييف فى دقيقتين بيكون تلاجه على رقم 2
قبل تدوير الموتور تأكد من قياس مستوى زيت الموتور وشوف قربة المايه ناقصه ولامظبوطه
شغل الموتور وارجع ورا عند الشكمان وشم ريحة العادم يعن ايدك ورا الشكمان مباشرة لو فيه ريحه للبنزين يبقى فيه مشكله فى الاحتراقبالموتور ولاحظ لون العادم وتأكد ان الموتور سليم وخللى حد يزود البنزين وانت جنب الموتور وتأكد من صوته
عموما تأكد من اهتمام صاحب العربيه بيها ولاكانت متهانه يعنى شوف مثلا تيل الفرامل متغير امتى وبكام لو لقيته رخيص جرب العربيه وشوف فيه صفره مع الفرامل ولا ايه
لازم تسوق العربيه وتكسر الدركسيون يمين وشمال على الاخر وتشوف فيه صوت ولا لا
ومدى ثبات واتزان العربيه وسحبها وعفشتها العربيه معاك لغاية 130 زى الفل وثابته
السعر بيختلف تبع حالة العربيه العامه بالاضافه للكماليات والكاوتش والبطاريه
فى رايى من 41 الى 45
لو حسيت ان العربيه فيها شغل او متهانه يبقى سلامو عليكم من غير كلام

العربيه ex 1300 مافيش منها سوبر صالون
لو العربيه سليمه حتتبسط منها جدا وحاجتها متوفره وعديمة المشاكل واقتصاديه جدا





ا

اشمعنى 110 الف على اي اساس كدة اللي معاة عربية مستعملة مش هيعرف يبعها
لما عربية بقالها 13 سنة ماشية و عاملة 110 الف بس حوالي 8 الاف في السنة يبقى انا اشتري لية عربية من اساسة و اوجع دماغي في ترخيص و مخالفات و صيانة دة انا لو قضيتها مواصلات اوفرلي
دة مشوار اسكندرية بس بيعدي 500 كيلو
المفروض الرانج الطبيعي للعربية حوالي 20 الف كيلو في السنة انا معاك انك ممكن تلاقي عربية عاملة اقل من 100 الف كمان بس دية في حالات نادرة اوي لو عدادها حقيقي يعني
و التفكير دة على فكرة هو اللي مخلي كل التجار اول ما يشتري عربية يقلب عدادها عشان الزبون يبقى مبسوط و هو بيشتري

[aboamr]

اشمعنى 110 الف على اي اساس كدة اللي معاة عربية مستعملة مش هيعرف يبعها
لما عربية بقالها 13 سنة ماشية و عاملة 110 الف بس حوالي 8 الاف في السنة يبقى انا اشتري لية عربية من اساسة و اوجع دماغي في ترخيص و مخالفات و صيانة دة انا لو قضيتها مواصلات اوفرلي
دة مشوار اسكندرية بس بيعدي 500 كيلو
المفروض الرانج الطبيعي للعربية حوالي 20 الف كيلو في السنة انا معاك انك ممكن تلاقي عربية عاملة اقل من 100 الف كمان بس دية في حالات نادرة اوي لو عدادها حقيقي يعني
و التفكير دة على فكرة هو اللي مخلي كل التجار اول ما يشتري عربية يقلب عدادها عشان الزبون يبقى مبسوط و هو بيشتري

اكيد كل مايكون العداد اقل افضل وحالة العربيه احسن
وفيه عربيات بيتى واستعمال نظيف ولسه بايع عربيتى من شهرين
عامله 116 الف من غير لعب فى عداد ولا دياولو وصاحبى معاه اختها ولسه ماعدتش 100الف وبسم الله فابريكه بره وجوه محاسب بيروح شغله ويرجع والمسافه حوالى 15 كيلو
دا رايى حسب طلب المشوره اما لو رابه هو مش فارقه معاه الكيلوات عادى

[aboamr]

اى خدمة اصلى باطبق الطريقة دى فى شراء اى حاجة والله وجايبة نتايج هايلة
ابقى داخل المحل بقرف ومش طايق اتفرج وهوب المح حاجة فى الفاترينة يا اما تقنعنى يا اما لأ
تصدق بالله اخر حاجة كنت باشترى تليفزيون lcd 32" جديد لزوم التجهيز ورايح عامل حسابى على ماركة معينة وجبت ماركة تانية خااالص لمجرد ان البياع اقنعنى بيه وطريقته فى البيع عجبتنى وسعره كان 1900ج وعليه كمان حامل حائط وريسيفر هدية
ارزاق بقى نقول ايه

افهم يادكتور ان فيه عزومه قريب

[szaalouk]

طبعا انا مش ممكن اقول كلام في الفحص بعد اللي اتقال لأن الصقور بصراحه جابوا من آخر سبع تمن حاجات كده لكن كل اللي اقدر اقوله لك ان العربيه لو سليمة و ربنا وفقك و اخدتها .
يديك و يدينا ربنا طوله العمر و تدوبها لأنها من احلي ما انتجت نيسان و عربيه محترمة جدا جدا جدا و الف مبروك مقدما ,