عربيتى فيها حاجتين هيجننونى دبرياج وتابلوه

[AMRTOTI]

الدبرياج عندى تقيل وبعيد اوى ولازم اتحرك جامد علشان اوصل للاخر ياما احس ان العربية هتطفى منى
هى صنى 2007
الحاجة التانية يمن تكون مشكلتى لوحدى
انا مصممم معمارى وافهم فى معاير التصميم وليا تجارب فى تصميم السيارات لايمكن باى حال من الاحوال التابلوه بتاع الصنى ده هو احلى طبعا من تابلوهات كتير بس فيه عيوب قاتلة شكل التكييف كارثة والكاسيت البارز ده والمشكلة انه لسة بينزل كدة لحد النهاردة
انا مرة شفت حد مغير شكل زراير التكييف عاملها زى الانسر الشارك والمازدا والحجات المحترمة د ى بس مش عارف ازاى هل فى وش بيتشال وينفع نركب وش غيرة وده الاقيه فين فى مصر
كمان فى نقطة الكاسيت عندى شرايط وطبعا الحوار ده فاكس من زمان هل فى حد ممكن يشترى منى الكاسيت الاصلى بتاعها الشرايط ويدينى الاصلى الجديد ال سى دى


انا اللى محببنى فى العربية بتاعتى المنتددى ده
لانى جربت عربيات كتير فى مشاكل كتير بينى وبين الصنى
لكم جزيل الشكر

[WalidAdel]

الدبرياج عندى تقيل وبعيد اوى ولازم اتحرك جامد علشان اوصل للاخر ياما احس ان العربية هتطفى منى
هى صنى 2007

دا اسطوانه و ديسك عايزين يتغيروا كفايه عليهم كده

كمان فى نقطة الكاسيت عندى شرايط وطبعا الحوار ده فاكس من زمان هل فى حد ممكن يشترى منى الكاسيت الاصلى بتاعها الشرايط ويدينى الاصلى الجديد ال سى دى

الكاسيت بتاع العربيه مش اوريجينال هو متركب في توكيل كينود عادي و مش جاي من اليابان و بيني و بينك مش اد كده روح ادريان او اي محل نضبف ركب اي حاجه بايونيير محترمه و جوز سماعات كده 240 وات هايبقوا كويسين

[Bishoy.Girgis]

حضرتك انا مركب الكاسيت ده بس عند واحد محترف بحيث انه ميكونش بارز و فعلا مساوي للطابلوه تمام

و ديه صورة لكاسيت عربيتي بس كانت محطوطة في موضوع تاني







دي بقي صورة لشكل بكر التكييف اللي حضرتك عاوزه و ممكن نلاقيه عند بتوع الاستيراد

[mff_629]

100 100

[Youssef.Awad]

لو مش اعادة ضبط رجلاش الدبرياج يبقى ديسك واسطوانة عالطول

[احمد المصرى]

لو مش اعادة ضبط رجلاش الدبرياج يبقى ديسك واسطوانة عالطول

ودى بتتعمل اذاى اصل عندى نفس المشكلبه فى تقل الدبرياج برضوا

[Youssef.Awad]

ودى بتتعمل اذاى اصل عندى نفس المشكلبه فى تقل الدبرياج برضوا

اى ميكانيكى يعرف يزبطها من مسمار رجلاش كده زى فرامل اليد على كام تكة
انما الدبرياج فبيزبط موقع الدواسة والفصل فى النص ولا فوق ولا تحت قريب من الارضية سواء كان سلك دبرياج ولا زيت هيدروليك

[احمد المصرى]

اى ميكانيكى يعرف يزبطها من مسمار رجلاش كده زى فرامل اليد على كام تكة
انما الدبرياج فبيزبط موقع الدواسة والفصل فى النص ولا فوق ولا تحت قريب من الارضية سواء كان سلك دبرياج ولا زيت هيدروليك

انا عندى موقع الدواسه كويس مش محتاج تظبيط بس المشكله ان الدبرياج نفسه تقيل شويه ودا بيكون متعب جدا فى الزحمه ودا من الاسباب انى ببيع عربيتى

[Youssef.Awad]

انا عندى موقع الدواسه كويس مش محتاج تظبيط بس المشكله ان الدبرياج نفسه تقيل شويه ودا بيكون متعب جدا فى الزحمه ودا من الاسباب انى ببيع عربيتى

تمام يا احمد باشا
بس هل من اول ما جبت العربية وهو كده ولا زاد مع الاستعمال يعنى
اصلى اول ما ركبتها زيرو وانا جايبها من المعرض والدبرياج تقيل والدركسيون ولا كأنه باور وده بسبب انى كنت نازل من نيو اكسنت باور كهرباء ودبرياج ملبن بس مع الوقت اتعودت خلاص وبقيت الف الدركسيون بايد واحدة

[احمد المصرى]

تمام يا احمد باشا
بس هل من اول ما جبت العربية وهو كده ولا زاد مع الاستعمال يعنى
اصلى اول ما ركبتها زيرو وانا جايبها من المعرض والدبرياج تقيل والدركسيون ولا كأنه باور وده بسبب انى كنت نازل من نيو اكسنت باور كهرباء ودبرياج ملبن :e_braces[1]: بس مع الوقت اتعودت خلاص وبقيت الف الدركسيون بايد واحدة

لا من اول ما ركبتها يا باشا وخليت واحد تانى يركبها قالى ان كل النيسان كدا


بس تعالالى هنا انت ايه رايك فى الباور الكهرباء طبعا اخف كتير من الباور بتاع الصنى بس هل فعلا خطير فى السرعات العاليه ولا التحكم فيه سهل برضوا وانت ايه رايك الافضل الباور الكهرباء ولا الذيت يعنى عايزين مقارنه صغيره من واحد مجرب الاتنين


وشكرا مقدما يا باشا

[Youssef.Awad]

لا من اول ما ركبتها يا باشا وخليت واحد تانى يركبها قالى ان كل النيسان كدا


بس تعالالى هنا انت ايه رايك فى الباور الكهرباء طبعا اخف كتير من الباور بتاع الصنى بس هل فعلا خطير فى السرعات العاليه ولا التحكم فيه سهل برضوا وانت ايه رايك الافضل الباور الكهرباء ولا الذيت يعنى عايزين مقارنه صغيره من واحد مجرب الاتنين


وشكرا مقدما يا باشا

طالما من اول ما جبتها يا ريس يبقى عربيتك زى الفل وما تلعبش فيها

اما موضوع الباور ده مفيش مقارنة بين الكهرباء والزيت
اول ما غيرت للصنى ومع اول اسبوع سواقة اكتافى ودراعاتى وجعونى شوية من تقل الطارة خاصة ان حجم الطارة فى النيو اكسنت اصغر حجما كمان
الميزة الوحيدة فى الكهرباء الركن امتع واسرع واحلى عكس الزيت امان ع السريع والطارة تقيلة فى ايدك وما تحسش بخوف ابدااااااااا
ايام الاكسنت استحالة اسوق بايد واحدة الا فى الركن
انما فى الصنى يادوب باسند الطارة ببطن ايدى اليمين وكوعى الشمال على الباب ولامسها بصوابعى كده على خفيف من غير خوف من السرعة ولا من الطريق
ناهيك على اعطال الكهرباء الكتير كان فيه عربيات مع زمايلى كانت ساعات بتفصل منهم كتير اوى ويبطل ويدور تانى عشان يفعل الباور الكهرباء
الخلاصة الكهرباء فى الركن وبس
الزيت فى السواقة والامان ع السريع

على فكرة فيات حلت الموضوع ده بزرار extra power بتدوس عليه لما تيجى تركن بيلف الطارة من اقصى اليمين للشمال فى لفة ونص عشان تركن بسهولة اووووووووووى

[Ahmed.TV]

انت هنا عشان افهم .. بتتكلم على كل العربيات اللى فيها باور الكهرباء ولا بتتكلم على العربيات الكورى ولا بتتكلم على الاكسنت

اصل انا عندى تيدا .. وباور كهرباء .. وبسوق بايد واحدة على سرعات 140 و150 .. وامان .. ومكلبش فى ايدى

ومفيش فيه اى مشاكل .. وبيفصل على سرعات وبيتقل .. وما شوفتش اى مشاكل او اعطال منه .. فى عربيات تيدا عاملة 300 الف كيلو ومحدش اشتكى من ان باور الكهرباء بتاع التيدا حصله مشكلة .. وده عرفته من كتر المهندسين اللى بقعد معاهم وبسالهم عشان اطمن

بصراحة الباور الكهرباء فى التيدا ممتع ومفيش فيه اى مشكلة ابدا معايا ولا فى عربيات نيسان .. ويمكن لما سوقة الالنترا وسوقة الهوندا سيتى .. لقيت باور الكهرباء بتاع التيدا اتقل منهم كمان


هى بس بتعود مش اكتر عليه .. وقلب جرئ

[Youssef.Awad]

انت هنا عشان افهم .. بتتكلم على كل العربيات اللى فيها باور الكهرباء ولا بتتكلم على العربيات الكورى ولا بتتكلم على الاكسنت

كلامى هنا عن النيو اكسنت عن تجربتى الشخصية لمدة شهر كامل وسواقة 3500 كم ودى كانت خبرتى مع الباور الكهرباء بالاضافة لتجربتى النهاردة للقاشقااااااااااااى لمسافة 5 كم

[Ahmed.TV]

باور التيدا والقاشقاى مفيش فيهم مشاكل من ناحية البور نهائى ..

وعن تجربة فى سواقة التيدا سنة كاملة وعامل معاها 22 الف كيلو

ولا حصل مشكلة فى الباور .. ولا سوقة بايدى الاتنين ابدا .. وبسوق على سرعات عالية .. فوق ال120 كيلو ومع تجارب مع ناس من المنتدى وغرز بايد واحدة .. وكان اخر مرة معايا حسين على طريق المحور بسرعة 130 وغرز يمين وشمال بايد واحدة

انا معرفش باور الاكسنت ومجربتهوش بصراحة .. ولكن واحد صديق ليه اجر عربية هوندا سيتى موديل 2007 وكان ماشى فوق 100 كيلو فى السرعة وكان سايق بايد واحدة بردوا .. والعربية كانت ثابتة معاه

وباور القاشقاى نفس باور التيدا بردوا وبيتقل بعد سرعة 120 كيلو .. لان بعد ال120 فى حساس بيشتغل بيفصل ويخلى الدريكسيون يتقل .. وده بحس بيه جدا

ده غير ان مفيش اى مشاكل خالص نتجت عن الباور الكهرباء فى عربيات نيسان ابدا

وكل ده كلام من مواقع تجربة مع سيارات نيسان اللى فيها باور كهرباء عن واقع تجربة 22 الف كيلو .. ده غير زى ما وضخت ان فى عربيات بتعمل صيانات فى التوكيل عاملة 300 الف كيلو ومحدش اشتكى ابدا من باور الكهرباء

هى بس عاوز تعود وانك تكون مثبت دراعك صح على الدريكسيون وتكون اتعودت عليه

تحياتى

[Youssef.Awad]

هى بس عاوز تعود وانك تكون مثبت دراعك صح على الدريكسيون وتكون اتعودت عليه

تحياتى

ده اللى اقصده فعلا من كلامى مش باعيب فى باور التيدا ولا القاشقاى ابداااااااااا
طبيعى الواحد اول ما يجرب اى عربية او يمتلكها بياخد وقت عليها لحد ما يتعود عليها
دى الخلاصة