سؤال هام عن النيسان صنى 2011

[zion]

سؤال هام جدا
انا استلمت نيسان صنى 2011
ex صالون اتوماتيك فيها abs full option
هل صحيح العربية مافيها انذار
مع العلم انى قرات فى المانويل الخاص بالسيارة ان فيها انذار بشتغل فقط فى حالة اذا حاول احد فتح الباب او باب الشنطة
هل ممكن يتركب انذار فى التوكيل ....؟
حاجة ثانية مافيهاش وحدة رفع مع العلم ان العربية اللى كانت معايا قبل كدة كانت 128 وكان فيها وحدة رفع
سؤال اخر انا عايز اركب جنوط للعربية هل اى جنوط تمشى ولا لازم حاجة معينة..

[م/محمد]

سؤال هام جدا
انا استلمت نيسان صنى 2011
مبروك
ex صالون اتوماتيك فيها abs full option
هل صحيح العربية مافيها انذار
لا فيها و يعمل علي كلاكس السياره عند محاوله فتح الباب بطريقه غير شرعيه كما يتم ايقاف الكونتاكت
مع العلم انى قرات فى المانويل الخاص بالسيارة ان فيها انذار بشتغل فقط فى حالة اذا حاول احد فتح الباب او باب الشنطة
تمام
هل ممكن يتركب انذار فى التوكيل ....؟
الانذار اللي في دماغك ممكن يتركب في التوكيل و يعمل علي ريموت السياره و يعطي صوت من سرينه منفرده و زقطط يا عم
حاجة ثانية مافيهاش وحدة رفع مع العلم ان العربية اللى كانت معايا قبل كدة كانت 128 وكان فيها وحدة رفع
ده ايه معناه ان شاء الله
عايز تقول ان ال 128 نازله فابريقه بوحده رفع و النيسان لا
حضرتك ممكن تركب وحده رفع في التوكيل او بره و ممكن تركب باركنج سنسور كمان وده مكنش موجود اكيد في ال128 وممكن تركب اي حاجه انت عاوزها
سؤال اخر انا عايز اركب جنوط للعربية هل اى جنوط تمشى ولا لازم حاجة معينة..

حاول تجيبها 15 ايضا كالفابريقه كما يوجد بالتوكيل جنوط اصلي

بالتوفيق

[atefadel]

اولا مبروك العربية
ثانيا مفيهاش وحدة رفع بيركب في التوكيل في حدود 300 وانا شايف انة مهم
الجنوط ممكن تركب في التوكيل بتوع السوبر صالون
ثالثا جهاز لانزار لفتح وغلق السيارة
ولو حد كسر الزجاج فقط
لكن مش بيعمل صوت لوحد قرب منها يعني اعتقادي لو حد رفع العربية وفك فردة كاوتش
مفيش صوت هيحصل
ممكن تركب جهاز انزار في التوكيل وبيتم برمجة الجهاز علي الريموت الاصلي

[Youssef.Awad]

مبرووووووووووووك يا باشا على العربية
نفس الاجابات للسادة الزملاء فى المنتدى واضيف فى نقطة الجنوط دى كان فيه طقم صينى شبه اللى بينزل فى السوبر صالون فى السبع تمنه كان عامل 3000ج

[iz3aaaaaag]

حضرتك ممكن تركب وحده رفع في التوكيل او بره و ممكن تركب باركنج سنسور كمان وده مكنش موجود اكيد في ال128 وممكن تركب اي حاجه انت عاوزها

اختلف معاك في الموضوع ده يا باشا ... مش من السهل إنك تركبهم جوه التوكيل علشان الضمان مابالك بره التوكيل ؟؟؟
الكلام ده من على لسان ال Service-Engineer اللي في السبع ومن الCall-Center ... قاللي هو بيخرج بره الضمان بس احنا بنضمن تركيبه ... ولما سألته على الحاجة اللي مابتخرجش من الضمان قاللي الSensor-Parking وبالنسبة لوحدة الرفع والإنذار بيخرجوا بره الضمان علشان بيلعبـ في الضفيرة ... بس هو بيضمنه علشان هو اللي بيركبوا ... وبالنسبة لل Call-Center قالتلي لأ يا فندم مفيش تركيب وحدة رفع علشان الضمان ... يبقى إزاي بقى ينفع يركب جوه وبره ؟؟؟

[Sehsss]

أنا مركب إنذار على نفس الريموت في توكيل مودرن أبورواش وسألت المهندس على موضوع الخروج بره الضمان قاللي لو ركبته بره الكهرباء تخرج لكن في التوكيل لا

[م/محمد]

اختلف معاك في الموضوع ده يا باشا ... مش من السهل إنك تركبهم جوه التوكيل علشان الضمان مابالك بره التوكيل ؟؟؟
الكلام ده من على لسان ال service-engineer اللي في السبع ومن الcall-center ... قاللي هو بيخرج بره الضمان بس احنا بنضمن تركيبه ... ولما سألته على الحاجة اللي مابتخرجش من الضمان قاللي الsensor-parking وبالنسبة لوحدة الرفع والإنذار بيخرجوا بره الضمان علشان بيلعبـ في الضفيرة ... بس هو بيضمنه علشان هو اللي بيركبوا ... وبالنسبة لل call-center قالتلي لأ يا فندم مفيش تركيب وحدة رفع علشان الضمان ... يبقى إزاي بقى ينفع يركب جوه وبره ؟؟؟

عفوا يا صديقي
معلوماتك خاطئه و ربما يكون هناك سوء تفاهم
انت ممكن تركب اي حاجه في التوكيل بدون ما تخرج العربيه من الضمان ( انذار , وحده رفع , باركنج سنسور , فوجات , مرايات طياره و ذات اشاره ,..........)
و لعلمك في ناس كتير هنا في المنتدي مركبه الحاجات دي
و بعدين ازاي بيخرج من الضمان بس احنا بنضمن تركيبه؟؟؟؟؟؟؟؟؟؟؟ هذا يؤكد لي سوء التفاهم
كول سينتر بتاع ايه ايه اللي قالك " لا يافندم"؟؟؟

[atefadel]

انا كان لي ملاحظة
انا اول ما اشتريت العربية اتصلت بالسبع علشان حساسات الركن ووحدات الرفع
كان الرد لا يصلح هتخرج برة الضمان
اتصلت بامودرن قالي تعالي اتفضل

[م/محمد]

انا كان لي ملاحظة
انا اول ما اشتريت العربية اتصلت بالسبع علشان حساسات الركن ووحدات الرفع
كان الرد لا يصلح هتخرج برة الضمان
اتصلت بامودرن قالي تعالي اتفضل

تمام
مهو مودرن ده زي الوكيل او مركز خدمه معتمد
الفكره ببساطه ان السبع رغم شطارته الفنيه الا انه فقير في الاكسسوارات او تقريبا معندوش لا وقت ولا مكان ليها
فطبيعي مش هيقولك مش عندي و هيحاول يقنعك بطريقه تانيه
لان ببساطه لو نيسان الام قالت حرام هيتحرم علي الكل مش السبع اه و مودرن لا

[morsi]

مودرن موتورز عندهم عرض لتركيب الباركنج سنسور وعدد 4 ماكينات رفع للزجاج ب 550 جنيه

[iz3aaaaaag]

تمام
مهو مودرن ده زي الوكيل او مركز خدمه معتمد
الفكره ببساطه ان السبع رغم شطارته الفنيه الا انه فقير في الاكسسوارات او تقريبا معندوش لا وقت ولا مكان ليها
فطبيعي مش هيقولك مش عندي و هيحاول يقنعك بطريقه تانيه
لان ببساطه لو نيسان الام قالت حرام هيتحرم علي الكل مش السبع اه و مودرن لا

مع احترامي الشديد ليك يا باشا ,,, السبع عنده الإكسسوارات دي وأنا زي ما قلت قبل كده قاللي أنا اضمنلك التركيب
وكان واقف على موافقتي ,,, بس أنا اللي مرضتش علشان محدش يضمن الظروف ,,, وليه ماتقولش إن السبع بيكلم الناس بكل صراحة وبيعرفهم اللي ليهم واللي عليهم ؟؟؟ مع احترامي الشديد ل أي توكيل تاني

[SonaSteel]

تمام
مهو مودرن ده زي الوكيل او مركز خدمه معتمد
الفكره ببساطه ان السبع رغم شطارته الفنيه الا انه فقير في الاكسسوارات او تقريبا معندوش لا وقت ولا مكان ليها
فطبيعي مش هيقولك مش عندي و هيحاول يقنعك بطريقه تانيه
لان ببساطه لو نيسان الام قالت حرام هيتحرم علي الكل مش السبع اه و مودرن لا

+111111111111111111111111111111
بالظبط كده ....... السبع الاكسسوارات اللي عنده للعرض بس :))))
وفعلا ما عندوش الوقت انه يخش في الكماليات كمان.
ولو حد راحله ولقي عنده اكسسوار معين وهو هو عند مودرن هايركبه علي الضمان.
بس ممكن يكون اللي رد علي التليفون بيستسهل ... ولو رحت هناك وقابلتهم وجها لوجه هايقولوك اي حاجة تركب في اي توكيل لنيسان في الضمان ومتطلعش العربية بره الضمان.
حاجة تاني مهمة:
الcall center في اي مكان في الدنيا مغيبين عن اي حاجة ... عندهم ورق بيقروا منه وخلاص
وده مش في مكان واحد .... كله كده
الا لو الcall center في التوكيل اللي بيتصلح فيه او بيتصين فيه ....... ممكن يبقي كلامه اقرب للصح.

[Eng_Dina]

السلام عليكم

انا روحت مودرن و سألت لو عاوزة ريموت تانى للعربية ........ قالولى يتكلف 600 جنية.

فقررت بدل ما أجيبه أشترى أنذار و أركبه عندهم عشان الضمان ......... و لا هما ممكن يعترضوا على كدة؟؟؟؟

[khodiry]

انا مركب الرفع فى ابو رواش وماخرجتش العربية من الضمان واخدت الباركينج سنسور هدية عند الاستلام من اوتوايجبت بعد مجهودات المشرف المحترم أ/ احمد مصطفى .. فأعتقد ان الكلام دة مش صحيح

[م/محمد]

مع احترامي الشديد ليك يا باشا ,,, السبع عنده الإكسسوارات دي وأنا زي ما قلت قبل كده قاللي أنا اضمنلك التركيب
وكان واقف على موافقتي ,,, بس أنا اللي مرضتش علشان محدش يضمن الظروف ,,, وليه ماتقولش إن السبع بيكلم الناس بكل صراحة وبيعرفهم اللي ليهم واللي عليهم ؟؟؟ مع احترامي الشديد ل أي توكيل تاني

انا شايف انك بتؤيدني
الراجل قالك اضمنلك تركيبه مقالش هتخرج بره الضمان مع اني مش فاهم مستني موافقتك علي ايه اذا كنت انت اللي طالب تركب؟
انا معاك ان السبع محترم وكل حاجه بس ده ميمنعش اني عمري ما شفت اكسسوارات عنده او يمكن انا مسالتش كويس
هايل جدا.......متفقين تماما