تكييف الصنى تبريده ضعيف ,ايه السبب

[witty]

بصراحة ياجماعة انا مش عارف دى مشكلة عامة ولا حالة خاصة بس تكييف العربية وحشى ودرجة السقعية مش الى هية انا موش عارف ريكم ايه فى الموضوع ده وهل حد عندة تجربة مع تكيف الصنى قبل كده ياريت المشورة من الخبراء لان حاسس ده مش ممكن يكون تكييف يابانى خالص على العمو هيى مو اخر 2010 سوبر صالون ومش بركبها كتير علشان بسافر 20 يو م فى الشهر ولسه حعمل صيانه 5000 بس معتقدش ده السبب لانة كان عندة عربية لانوس وكنت بسافر برده بالعشرين يوم وبرجع الاقى تكيفها ثلاثجة

[SonaSteel]

السلام عليكم
هو ممكن اصلا يكون التكييف مكانش مشحون من ساعه ما استلمت العربية
يعني انا كنت ماشي بيه كتير وكنت مبسوط بيه اووي ... بس سفرت مرة اسكندرية وقاعد ساعتين زي الفل وبعد كده فصل ومش بيشتغل الا لو طفيته حبة وشغلته تاني
قلتلهم عليه في صيانة ال5000 .... وانا بستلم قلتلهم التكييف كان ماله ؟؟؟؟؟؟؟
قالولي انت كنت ماشي بيه ازاي .... شحنه ضعيف جدا
قلتلهم ده انا كنت بتلج و شحنه ضعيف!!!
بعد كده اختلف خاااااااااالص ماشاء الله وبقي علي التاني اخره معايا.
انت تقولهم عليه في التوكيل ... ولو مش مركب فلتر التكييف ركبه لو عندك ريحية التكييف اللي بتطلع اول ما بتشغله ده
هاتروح نهائي بعد الفلتر.
واقعد بالعافية :)))

[witty]

شكرا جزيلا على الرد والاهتمام بس ممكن اعرف اسم مركز الخدمة ولك جزيل الشكر

[SonaSteel]

السبع ...... زهراء المعادي

[Youssef.Awad]

ممممممممممم
عليك وعلى اقرب وحدة صحية ... قصدى مركز خدمة نيسان
هناك هتلاقى الكل فى انتظارك ويعملولك اللازم باذن الله ويشحنولك التكييف ويجيلك برد كمان
ما تقلقش

[Youssef.Awad]

هو ممكن اصلا يكون التكييف مكانش مشحون من ساعه ما استلمت العربية
... ولو مش مركب فلتر التكييف ركبه لو عندك ريحية التكييف اللي بتطلع اول ما بتشغله ده
هاتروح نهائي بعد الفلتر.
واقعد بالعافية :)))

صح الكلام فعلا ريحة التكييف بدون فلتر اختفت تماما وكمان درجة تبريده بقت ممتازة معايا بعد تركيب الفلتر لدرجة ان الوالدة لاحظت الفرق فى اليومين الحر اللى فاتوا واخرى رقم 2 او 3 اول ما باتحرك 5 دقايق لحد اما يدور الهواء السخن بعد الركن فى الشمس وفتح الازاز شوية

[FBIAhmed]

برررررررررررررررد هايجيلك برد و تغير فلتر المناخير و هاتبقى مشكلتك انت مع البرد مش مع العربيه نصيحه اشحنته في السبع المعادي ناس جامده بجد و بيدوا كل عربيه حقها

[fady_anis]

معلش الكلام بأسلوب العاميه شويه بس جرب تعمل اللى مكتوب الأول وبعد كده لو مفيش فايده روح اقرب مركز صيانه كويس

أتأكد حضرتك الاول ان البكره بتاعت الهوا السخن والساقع اللى فيها اللونين الازرق والاحمر على الازرق علشان تجيب هوا ساقع والبكره التانيه على العلامه اللى فيها رسمة شخص والسهم على فوق على وش الواحد الاول وكمان فى زى مؤشر فى النص كده هاته فى النص برضه علشان يسقع الهوا اللى جو العربيه وشغل الزرار المكتوب عليه a/c اللى بتنور فيه لمبه خضرا صغيره وخلى الهوايات متوجهه كويس نحيتك

[Youssef.Awad]

........ وكمان فى زى مؤشر فى النص كده هاته فى النص برضه علشان يسقع الهوا اللى جو العربيه

ازاى فى النص ؟
هو يمين بيسحب ويدور الهواء من جوة الصالون
وشمال بيجيب هوا جديد من برة العربية
فى النص يعنى نص كده ونص كده !!!!!
اصلى فوجئت بواحد صاحبى لما ركبت معاه لقيته عامل كده وزعقتله طبعا
يا جوة يا برة عشان الهوايات تفتح او تقفل

[SonaSteel]

ازاى فى النص ؟
هو يمين بيسحب ويدور الهواء من جوة الصالون
وشمال بيجيب هوا جديد من برة العربية
فى النص يعنى نص كده ونص كده !!!!!
اصلى فوجئت بواحد صاحبى لما ركبت معاه لقيته عامل كده وزعقتله طبعا
يا جوة يا برة عشان الهوايات تفتح او تقفل

سؤال كويس جدا ........ في انتظار الاجابة :)))))

[FBIAhmed]

سؤال كويس جدا ........ في انتظار الاجابة :)))))

مفيهوش غير وضعين يا مفتوح يا مقفول

[goudamahdy]

الله عليك يا استاذ احمد وعلى رسوماتك التوضيحية ......
ازيك بقى وازي صحتك بقى والجميلة نيسان يا ريت تطمنا عليها....

[SeaShark]

اللي لاحظته في تكييف الصني ان الفتحتين اللي في نص التابلوه بيطلعوا هواء اسقع من الفتحتين اللي علي الجنبين.

مش عارف حد لاحظ الموضوع ده ولا عندي انا بس اللي كده.

[Youssef.Awad]

اللي لاحظته في تكييف الصني ان الفتحتين اللي في نص التابلوه بيطلعوا هواء اسقع من الفتحتين اللي علي الجنبين.

مش عارف حد لاحظ الموضوع ده ولا عندي انا بس اللي كده.

الحقيقة انا كمان ملاحظ كده بس ده له تفسير عندى ممكن يكون صحيح
ان توجيه الفتحتين اللى فى النص ع السواق والراكب الامامى مباشر اكتر من الفتحات الجانبية وخاصة ناحية السواق فده بيدى ايحاء انهم ابرد انما لو حطيت ايديك قصاد الفتحتين وقارنت هتلاقيهم نفس درجة البرودة
وعلى فكرة بشهادة كتير اعرفهم توزيع الهوايات فى صالون الصنى احسن كتييييييييييير من عربيات تانية فى السوق ويمكن ده اللى محسس اى حد يركب الصنى ان تكييفها قوى

[SonaSteel]

الحقيقة انا كمان ملاحظ كده بس ده له تفسير عندى ممكن يكون صحيح
ان توجيه الفتحتين اللى فى النص ع السواق والراكب الامامى مباشر اكتر من الفتحات الجانبية وخاصة ناحية السواق فده بيدى ايحاء انهم ابرد انما لو حطيت ايديك قصاد الفتحتين وقارنت هتلاقيهم نفس درجة البرودة :e_braces[1]:
وعلى فكرة بشهادة كتير اعرفهم توزيع الهوايات فى صالون الصنى احسن كتييييييييييير من عربيات تانية فى السوق ويمكن ده اللى محسس اى حد يركب الصنى ان تكييفها قوى

+1111111111111111111111
بس بالنسبة للركاب الخلفيين ....... احسن توجيه للريش ديه يكون فين علشان يوصلهم الهوا أسرع
لأنه بيتأخر في التبريد للكنبة الخلفية .
وديه ملحظتهاش الا من بعد ما سقت القشقاي ههههههههههههههههه ..... أحمد شغل التكييف الهوا كان داخل في هدومي :)))