ظبط كلاكس الصني ........ !!!!

[SonaSteel]

السلام عليكم
ازيكم يا صقووووووور
سؤال سريع بس محتاجه
انا عندي الكلاكس صوته سرسع كده ... تقريبا في فرده منهم وقعت ..... وبعيد عنكم هيبة الصني راحت في الكلاكس ده ومش عارف ارخم علي خلق الله في الشارع او حتي اخنق علي اللي بيخنق عليا وبزمر وانا مكسوف ههههههههه
السؤال بقي
لازم اروح التوكيل ولا ممكن اعمله بنفسي؟؟
واقعدوا بالعافية :))))

[MOK3336]

ازاى وقعت يعني ؟ اتفكت من مكنها ؟ لو كده اربطها يا عم انت هتوجع دمغنا ليه ناقص تيجي تقولنا العربية عليها تراب امسحها ازاى































بهظر معاك يا SonaSteel لو اتفكت من مكنها اربطها تاني و خلاص لو مش هتعرف روح لأى سمكري أو كهربائي سيارات مش مستهلة توكيل
كل سنة و انت طيب

[SonaSteel]

هي ايه ديه؟؟؟؟؟؟
والسمكري ايه دوره البطولي في الموقعة ديه :))))

[Ahmed.TV]

معتقدش انه وقع .. انت بس روح لاى كهربائى سيارات جنب البيت .. خاليه يرجلشه ويظبط الصوت بتاعه ويبصلك عليه

[SonaSteel]

معتقدش انه وقع .. انت بس روح لاى كهربائى سيارات جنب البيت .. خاليه يرجلشه ويظبط الصوت بتاعه ويبصلك عليه

منا مش عايز حد يلعب فيها يابو حميد ...... علشان ميبوظش حاجة :))

[Ahmed.TV]

يا سونة متخلنيش اغضب منك .. ده موضوع سهل جداااااااااااااا .. ومفيش فيه قلق ابدا ولا لعب ولا حد حيبوظ حاجة ولا الكلام ده

ده رجلاش للكلاس عشان يظبط صوته

[FBIAhmed]

يا سونة متخلنيش اغضب منك .. ده موضوع سهل جداااااااااااااا .. ومفيش فيه قلق ابدا ولا لعب ولا حد حيبوظ حاجة ولا الكلام ده

ده رجلاش للكلاس عشان يظبط صوته

يا استاذ احمد مصطفى انت فين عاوزين مقابله قريب

و بخصوص الكلاكس روح السبع مش هياخد 5 دقايق

[Youssef.Awad]

والله انت ابن حلال مصفى يا حسين
اليومين دول حصلت معايا برضه يظهر من الهواء الشديد فى مقدمة العربية واستعمالها الكتير مع البنى آدمين اللى سايقين
المهم حصلتلى مرتين
الاولى روحت لكهربائى لقى فردة فاصلة فعلا المهم قعد يلعب فى الجاك اللى داخلها ما نفعتش وغيرها ودفعت 5 جنيه ونسى يركب الكاوتشة اللى كانت مغطية الجاك ده وتحميه من المياه عند الغسيل
التانية كانت فى صيانة ال30 الف فى السبع والمهندس بيستلمها منى بيجربه معجبوش قالى هاشوفهالك وغير نفس الجزء فى الفردة التانية ب50 قرش بس قطع غيار
ودلوقت بتلعب فى الصوت وما بقتش ترن زى الاول ومكسل اروح اعملها بصراحة

[م/محمد]

يا حسين لو فرده وقعت هتسمع صوت معزه مش سرسعه خالص
احلق لحد الصيانه الجايه طالما شغال
لو مش شغال خالص اخطف رجلك للسبع

[SonaSteel]

تسلم يا يوسف باشا.... جزاك الله خيرا علي الكلمة الطيبة ديه
تسلم يا هندسة... ربنا يعزك ويبارك في عمرك
انا عديت علي واحد صاحبي ميكانيكي وقلتله قالي هاشوفهالك
لقي فعلا فرده اليمين مش شغالة... السلك مقطوع... وغاليا من هوا بتاع غسيل العربية... مع انه فاكز انه مش شغال... قلتله لا شغال بس مسرسع... قالي دوس كده... اتخض من الصوت ههههههه... قالي امال ده ايه.... قلتله امال لو سمعت صوتها ماشاء الله هاتعمل ايه;))))
المهم فعلا شال الكاوتشه ديه وجاب بتاعه صغيرة معدن وغيرها و ركبها واول ما قالي جرب كده.... اتسرع هههههههه ماشاء الله
بس مكانش ينفع استني للصيانة... مش عارف اسيطر في الشارع;)))
تسلموا يا صقور.... ربنا ما يحرمني منكم;)))

[MOK3336]

الحمد لله يا SonaSteel
شوفت بقي اهو ميكانيكى ايلي عملهالك اهه يعنى السمكري كان ينفع برضة :)
الحمد لله انها بسيطة

[SonaSteel]

الحمد لله يا sonasteel
شوفت بقي اهو ميكانيكى ايلي عملهالك اهه يعنى السمكري كان ينفع برضة :)
الحمد لله انها بسيطة

ههههههههههههههه ..... حلوة
تسلم ياموك .... شاكر مرورك الطيب :))))

[Youssef.Awad]

تسلم يا يوسف باشا.... جزاك الله خيرا علي الكلمة الطيبة ديه
تسلم يا هندسة... ربنا يعزك ويبارك في عمرك
انا عديت علي واحد صاحبي ميكانيكي وقلتله قالي هاشوفهالك
لقي فعلا فرده اليمين مش شغالة... السلك مقطوع... وغاليا من هوا بتاع غسيل العربية... مع انه فاكز انه مش شغال... قلتله لا شغال بس مسرسع... قالي دوس كده... اتخض من الصوت ههههههه... قالي امال ده ايه.... قلتله امال لو سمعت صوتها ماشاء الله هاتعمل ايه;))))
المهم فعلا شال الكاوتشه ديه وجاب بتاعه صغيرة معدن وغيرها و ركبها واول ما قالي جرب كده.... اتسرع هههههههه ماشاء الله
بس مكانش ينفع استني للصيانة... مش عارف اسيطر في الشارع;)))
تسلموا يا صقور.... ربنا ما يحرمني منكم;)))

ههههههههههههههههه
ماشى ياعم السيطرة خد منك كام بدل سرعة

[WalidAdel]

تصدق و تؤمن بالله ياحسين اني نسيت اكلمك انهارده و الحمد لله اني نسيت دي جت من عند ربنا والله العظيم علشان لوكان لاقدر الله حصل و كلمتك او رديت عليك ساعتها و قولتلي علي موضوع الكلاكس دا كنت هاسمعك احلي كلاكس يييييييه قصدي كلام وانت فاهم وانا فاهم ...... عموما قدر الله و ماشاء فعل
قال و يقولك حاول تحسن من نفسك ياوليد .. يابني باللي انت كنت هاتقولوا ده ياسحس هاخسن من نفسي ازاي بقي مانت مش مديني فرصه خالص خالص خالص ماتقوله حاجه ياحمد ينفع كده

[SonaSteel]

ههههههههههههههههه
ماشى ياعم السيطرة خد منك كام بدل سرعة :e_braces[1]:

هو انا اديت للصنايعي 5 جنيه بحالهم ... قطعهم من قوتي وقوت عيالي علشان الكلاكس ههههههههه
مش عارف الحاجة بقيت غالية ناااااااااااااااااار :)))
تسلم يا يوسف ..... شاكر مرورك يا عمدة :))

تصدق و تؤمن بالله ياحسين اني نسيت اكلمك انهارده و الحمد لله اني نسيت دي جت من عند ربنا والله العظيم علشان لوكان لاقدر الله حصل و كلمتك او رديت عليك ساعتها و قولتلي علي موضوع الكلاكس دا كنت هاسمعك احلي كلاكس يييييييه قصدي كلام وانت فاهم وانا فاهم ...... عموما قدر الله و ماشاء فعل
قال و يقولك حاول تحسن من نفسك ياوليد .. يابني باللي انت كنت هاتقولوا ده ياسحس هاخسن من نفسي ازاي بقي مانت مش مديني فرصه خالص خالص خالص ماتقوله حاجه ياحمد ينفع كده

هههههههههههه ... خالص خالص خالص
فينه ..... وحشني
خلاص ياعم وليد ربنا يغنينا بالحلال ياعم الحاج ..... وايووووووون كنت هاكلمك علشان الكلاكس واقولك ياوليد هاعمل فيه اييييييييييه .؟؟ .
وكويس انك مرديتش علشان متخنقش عليا :)))