خبطة من مجهول

[Youssef.Awad]

النهاردة يا اخوانى رجعت البيت الساعة 3 العصر وركنت العربية تحت العمارة ونزلت الساعة 5:30 لقيت الشنطة مخبوووووووووطة
والخبطة فى مكان يجنن لأن الصاج مفعوص من الحتة اللى بين المسطرتين النيكل جهة كلمة Ex saloon
طبعا مش محتاج اقولكم شكلها عامل ازاى وكل اما افتح الشنطة ولا اقفلها اتعكنن ومتضايق عشان صاج الشنطة بومبيه واى تدخل من اى سمكرى مش هايكون كويس ابداااااااا
مش عارف مين اللى خبطها وغالبا واحد كان عاوز يركن وما عرفش والادهى انها مش عربية سيدان ولا ملاكى
اكيد عربية عالية عن الارض لأن الخبطة مش باينة الا فى نص الشنطة ولا اثر على الاكصدام او الرفرف ولا مأثرة على فتح وقفل الشنطة

يلا الحمد لله على كل شىء وقدر الله وما شاء فعل

بس اسوأ حاجة تغيظ فى الدنيا ان العربية تتخبط وهى مركونة عالاقل وانا ماشى هاغلط نفسى او الوم غيرى

[HOSSAM99]

قدر الله و ما شاء فعل
و متحاولش تستعدلها بنفسك علشان متعضعضش
خلي سمكري يشوفها لو هي في صاج حنين هايردها علي البارد و لو هي في عضم أو سوك سيبها شويه

[Youssef.Awad]

قدر الله و ما شاء فعل
و متحاولش تستعدلها بنفسك علشان متعضعضش
خلي سمكري يشوفها لو هي في صاج حنين هايردها علي البارد و لو هي في عضم أو سوك سيبها شويه

شكرا يا حسام باشا
انا اصلا خايف اروح بيها لأى سمكرى مهما كان شاطر من كلام الناس لأنهم كلهم فتايين وما هايصدقوا وشكلها هايبقى معضعض ومقرف واحتمال البوية تقشر وتحتاج معجون وبعدين تترش وده مش فى خططى بصراحة عشان الفابريقة
غالبا هاسيبها واهى تاخد العين اللى صابتنى

[FBIAhmed]

معلش قدر الله ما شاء فعل

انا العربيه عارف عندي عامله 4000 كيلو و واحد بحاجه بتخربش مخربشهالي في حتت غلسه زي الباب الشمال ورا و يمين و شمال الشنطه و فوقها
و عادي ما هو مش معقول احطها في فاترينا

بس تفتكر ده بسبب بتاع الزوايا

[HOSSAM99]

شكرا يا حسام باشا
انا اصلا خايف اروح بيها لأى سمكرى مهما كان شاطر من كلام الناس لأنهم كلهم فتايين وما هايصدقوا وشكلها هايبقى معضعض ومقرف واحتمال البوية تقشر وتحتاج معجون وبعدين تترش وده مش فى خططى بصراحة عشان الفابريقة
غالبا هاسيبها واهى تاخد العين اللى صابتنى

العفو يا فندم لا شكر علي واجب
لا متقلقش لو سمكري و واخد لقب سمكري هايرجعها و يلمعها أما لو كهربائي و متخفي في عباءة سمكري ممكن يعك الدنيا هههههههه

و مترشش في العربيه حاجه خالص
و برضه صدقني مهما حصل مفيش حاجه بتحمي من العين غير المولي عز وجل

ربنا يحميك و يبعد عنك كل شر

[Osama_I]

النهاردة يا اخوانى رجعت البيت الساعة 3 العصر وركنت العربية تحت العمارة ونزلت الساعة 5:30 لقيت الشنطة مخبوووووووووطة
والخبطة فى مكان يجنن لأن الصاج مفعوص من الحتة اللى بين المسطرتين النيكل جهة كلمة ex saloon
طبعا مش محتاج اقولكم شكلها عامل ازاى وكل اما افتح الشنطة ولا اقفلها اتعكنن ومتضايق عشان صاج الشنطة بومبيه واى تدخل من اى سمكرى مش هايكون كويس ابداااااااا
مش عارف مين اللى خبطها وغالبا واحد كان عاوز يركن وما عرفش والادهى انها مش عربية سيدان ولا ملاكى
اكيد عربية عالية عن الارض لأن الخبطة مش باينة الا فى نص الشنطة ولا اثر على الاكصدام او الرفرف ولا مأثرة على فتح وقفل الشنطة

يلا الحمد لله على كل شىء وقدر الله وما شاء فعل

بس اسوأ حاجة تغيظ فى الدنيا ان العربية تتخبط وهى مركونة عالاقل وانا ماشى هاغلط نفسى او الوم غيرى

قدر الله و ما شاء فعل
عندى نفس الخبطة و على فكرة دى 90% واحد بعجلة اللى بيكون ليها صندوق صغير من قدام "تريسكل"

[moudy99]

‪Car Dent Removal with Hair Dryer and Compressed Air‬‏ - YouTube

حضرتك ممكن تجرب الخطوات ديه
قدر الله و ما شاء فعل

[Youssef.Awad]

معلش قدر الله ما شاء فعل

انا العربيه عارف عندي عامله 4000 كيلو و واحد بحاجه بتخربش مخربشهالي في حتت غلسه زي الباب الشمال ورا و يمين و شمال الشنطه و فوقها
و عادي ما هو مش معقول احطها في فاترينا

بس تفتكر ده بسبب بتاع الزوايا

كتر خيرك يا اخ احمد
بس موضوع الخرابيش ده عادى ومش بازعل عليه
بعد اما استلمتها باسبوع طفل من اطفال الشوارع كان عاوز يمسحها وهى بتلمع اصلا قولتله شكرا وركنت روحت اشترى حاجة ورجعت لقيته حافر بعملة معدنية ع الكبوت فوق الفانوس الشمال شرطة كده
وواحد تانى فى نفس الاسبوع برضه شادد خط حفر تحت كلمة نيسان اللى فى الشنطة
اما الخبطة اللى رفعتلى الضغط برضه لما كنت واقف فى امان الله ولقيتلك واحد راكب موتوسيكل بيكلم واحد ومش واخد باله ساب فرامل ومش عارف يمسكه فضل راجع بضهره وانا ازمرله لحد اما دخل بالشبكة الخلفية فى طبلة الباب الامامى يمين جهة غمازة الاشارة وعمل 3 نغزات فى الصاج
وفى الاخر يقولى معلشششششششش وآسف
حسبى الله ونعم الوكيل
وخد عندك بقى تقشير الدهان من الاكصدامات من الحك نتيجة الركن ويجى اللى قدامك ولا اللى وراك طالع او داخل

[Youssef.Awad]

العفو يا فندم لا شكر علي واجب
لا متقلقش لو سمكري و واخد لقب سمكري هايرجعها و يلمعها أما لو كهربائي و متخفي في عباءة سمكري ممكن يعك الدنيا هههههههه

و مترشش في العربيه حاجه خالص
و برضه صدقني مهما حصل مفيش حاجه بتحمي من العين غير المولي عز وجل

ربنا يحميك و يبعد عنك كل شر

فعلا معاك حق ربك يسترها ع الجميع
وطبعا مش هارش بس مش عاوزها تبان فى نفس الوقت

[Youssef.Awad]

قدر الله و ما شاء فعل
عندى نفس الخبطة و على فكرة دى 90% واحد بعجلة اللى بيكون ليها صندوق صغير من قدام "تريسكل"

احتمال برضه الله اعلم !!!

[Youssef.Awad]

حضرتك ممكن تجرب الخطوات ديه
قدر الله و ما شاء فعل

ده ايه الحل العبقرى ده ؟ !!!
وياترى هو ده الفرد ع الساخن
وكمان الco2 بيتباع فين ؟
وفعلا بترجع لأصلها كده انا تقريبا خبطتى فى نفس المكان اللى فى الفيديو

[HOSSAM99]

لو الخبطه عند حضرتك زي اللي في الفيديو كده عدي علي أي سمكري هايظبطها بأيده رد بأيده مش هايدق فيها حاجه
أما اللي أترش ده علي ما أظن أسمه ثلج جاف (تقريبا) و الموضوع ده قتل بحثا في المنتدي و محدش عرف بيتباع فين و لا بيجي منين

[m_love4me]

لو الخبطه عند حضرتك زي اللي في الفيديو كده عدي علي أي سمكري هايظبطها بأيده رد بأيده مش هايدق فيها حاجه
أما اللي أترش ده علي ما أظن أسمه ثلج جاف (تقريبا) و الموضوع ده قتل بحثا في المنتدي و محدش عرف بيتباع فين و لا بيجي منين

السلام عليكم ورحمه الله وبركاته


الثلج الجاف

من اسهل المواد فى الحصول عليه


من اى انبوبه طفايه حريق

هتجيب الخرطوم بتاع الطفايه وتحطه فى كيس
او شنطه

يفضل تكون من النوع المتين جدا
زي الشنط مثلا القماش ال بيتحط فيها التعابين

والكلام دا


وبعدين حضرتك هتفتح الطفايه
كل شويتين تفتح
وتستنى لحد ما الغاز يطلع من المسام بتاعت الشنطه
وتخبط الشنطه لعى الارض
هيتفضل جوا الشنطه بعد خروج الغاز بقايا صلبه

هي دى بقى الثلج الجاف

حضرتك هتكرر العمليه كذا مره
على حسب الكميه ال حضرتك محتاجها



تحياتى لك

[moudy99]

ده ايه الحل العبقرى ده ؟ !!!
وياترى هو ده الفرد ع الساخن
وكمان الco2 بيتباع فين ؟
وفعلا بترجع لأصلها كده انا تقريبا خبطتى فى نفس المكان اللى فى الفيديو

حضرتك ممكن تجيب السبراي بتاع تنظيف هيد الفيديو من radio shack هوا المهم يبقي سبراي ضغط عالي و مبرد (لازم ترج العلبة لحد اما حتحس انها بقت ساقعة في ايدك) مش شرط المحتوى و ممكن تلاقيها في محلات الكمبيوتر انا كان عندي كذا سبراي من النوع ده على مر السنين تنظيف سي دي و فيديو و 100% يباع هنا في مصر و فيه كذا فيديو على youtube بيوضح نجاح العملية ديه ولا سمكري و لا عضضة الصاج و لا شغل نص كم :) و ربنا يوفقك

[Youssef.Awad]

لو الخبطه عند حضرتك زي اللي في الفيديو كده عدي علي أي سمكري هايظبطها بأيده رد بأيده مش هايدق فيها حاجه
أما اللي أترش ده علي ما أظن أسمه ثلج جاف (تقريبا) و الموضوع ده قتل بحثا في المنتدي و محدش عرف بيتباع فين و لا بيجي منين

هى زيها بالزبط ونفس المكان والحجم كمان بس الاسبراى ده سحر