يا خبراء الصني ... العفشه فيها مشكله

[noon_eg]

كلام زى الفل بس اكيد هما كشفوا على كل الحاجات دى ولقوا علبة الدركسيون السبب

الحقيقه ثقتى فى توكيل نيسان مهزوزه تماما

علشان تاخد خدمه صح عندهم لازم يتوفر شويه حاجات

1- ما يكونش عندك عيب صعب اكتشافه
2- تعرف حد جوه يكون كويس فيسهل الدنيا و بختصر الوقت والجهد
3- يحالفك جانب كبير من التوفيق

[gravedigger]

والله يا أخ noon_eg انا لسه مغير بارات الدريكسيون في ال 110000 كم وفي التوكيل. وعلبة الدريكسيون مش مخبوطه.

بالنسبه لرجلاش علبة الريكسيون, ربطوه ولكن في برضه تخبيط لما تمشي مثلا فوق رمل عدى عليه حفار بجنزير (الجنزير بيعمل على الرمل مطبات صغيره بين كل واحد والتاني 3 سم تقريبا) لكن على الطريق الاسفلت المستوي الدنيا زي الفل.

اما جلد التراب لسه مغيرهفي ال 10000 كم اللي فاتوا.


اعتقد انك عامل 290000 في طرق مفتوحه لكن انا للاسف معظم مشاويري داخل القاهره ومطبات وحفر ونقر القاهره (منه لله اللي سايب الشوارع مخربئه كده).

اما التوكيل - انا يا اتعامل مع السبع وهم ناس محترمين, انت بتتعامل معاهم ولا مودرن موتورز ؟ لان انا اتعملت مع مودرن موتورز سنتين وهو مركز صيانه سئ للغايه.

وربنا يباركلك في عربيتك ومتغيرش علبة الدريكسيون ولا اي حاجه تانيه :)

وشكرا على ردودكم يا شباب

[Youssef.Awad]

الحقيقه ثقتى فى توكيل نيسان مهزوزه تماما

علشان تاخد خدمه صح عندهم لازم يتوفر شويه حاجات

1- ما يكونش عندك عيب صعب اكتشافه
2- تعرف حد جوه يكون كويس فيسهل الدنيا و بختصر الوقت والجهد
3- يحالفك جانب كبير من التوفيق

والله مش عارف اقولك ايه
بس الكلام ده مش كلامى وبس ده كلام اغلب اعضاء المنتدى
وهو ان توكيل السبع غير الباقى يعنى بلاش نعمم
وفعلا معاك فى حتة التوفيق دى لأنها قرف بصراحة
بس انا من 6-2010 و48000 كم اتعاملت مع 3 توكيلات ومتابع اخبار الباقيين وهم ابو غالى - يونايتد جروب - السبع ومودرن
وبحق ربنا السبع انضفهم
وغير الصيانة الدورية غيرت ضفيرة الكهرباء فى الضمان عند 40.000 كم وكنت صابر عليها لحد اما جابت اخرها وزهقت من عمايلها وارتفاع الrpm
كمان لسه مغير فردتين الكلاكس فى صيانة ال45.000كم فى الضمان
غيرت كاوتش تراب المساعدين الامامى ب300ج فى صيانة ال40 الف
ركبت فلتر التكييف فى الحملة المجانية فى 6-2011
غير كده مفيش اى تغيير فى العربية من ساعة الزيرو غير تغيير زيوت وفلاتر وسيور وبس
والعربية الحمد لله زى الفل
فاضلى عند 50 الف كم باذن الله تغيير الكاوتشات وتيل الفرامل الامامى بتاع الزيرو

[ABOSHEHAB]

سؤال خارج الموضوع
ايه حكاية موقع التعارف دا اللى فى الموضوع و علم اسرائيل دا من الموقع و لا دا لوجو من الاعضاء
ارجو سرعة الرد علشان اكون فاهم صح الله يكرمكم جميعا

[anasnora]

ممكن يكون جلب المقصات عاوزة تتغير .. ولو طلع من جلب المقصات .. فى التوكيل مش بيغيروها .. ولما بيغيروا بيغيروا المقص كامل بالجلب بتعته ..

ياريت تروح لواحد عفشجى كويس .. لان حضرتك خرجت من الضمان .. خاليه يبصلك على العفشة والمقصات .. ولو الجلب بايظة حتغيرها
بس شوف الجلب الكبيرة ولا الصغيرة

الكبيرة ب75 جنيه والصغيرة ب50 تايوانى ..

ده رائى فى الموضوع لو طلع من جلب المقصات .. لان احيانا لو فيها مشكلة بتحس بالاعراض اللى حضرتك قولت عليها وانت ماشى

تحياتى وطمنا عليك


الكلام ده هوه المظبوط جلب المقصات وكمان مسمار ربط التيل

[FBIAhmed]

اكشف على جلب المقصات و بيض المقصات و لو فيهم حاجه غير المقص كله بيض و جلب و هاتدعيلي

[Youssef.Awad]

ازيك يا فندم واخبار العربية معاك ايه؟
طمنا عليك وعلى العربية غيرت علبة الدركسيون ولا لأ ؟
وياترى لسه فيه مشكلة عندك فى العفشة ولا اتزبطت ؟

[Dr'AhmZZong]

اكشف على جلب المقصات و بيض المقصات و لو فيهم حاجه غير المقص كله بيض و جلب و هاتدعيلي

[gravedigger]

السلام عليكم,

شكرا على سؤالكم يا رجاله واعذروني على طول الغياب .... الحقيقه الضع لسه زي ما هو بس بعد بحث نويت اغير علبة الدريكسيون بواحده استيراد هاوافيكم بالتفاصيل بعد الانتهاء ان شاء الله

وشكرا على اهتمامكم

[Youssef.Awad]

فى انتظار ردك وتجربتك باذن الله