مساعده فى رش نيسان صنى

[Dewo]

إخوانى الأعزاء أرجو المساعده فى الأتى
أنا معايا نيسان صنى 2007. العربيه بعملها الصيانات الدوريه فى التوكيل مبتأخرش عن أى حاجه محتاجه تغيير ومبستخسرش فى أى حاجه محتجاها مشكلتى فى شكل العربيه

1. العربيه بقت مليانه خرابيش فى الأكصدامات فى الأبواب والرفرف
2. الأكصدامات مش متظبطه كويس تحس انها فارقه شويه
3. الجريده الى فى الأبواب معظمهم بدأ يفك .

بفكر ارش حزام العربيه (العربيه كلها ماعدا الكبوت والسقف) طبعا لو عليا أرش العربيه كلها بس انتو عارفين فى البيع طبعا هيتقال انها عامله حادثه وده هيقلل من تمنها كتير
مشكلتى أعمل ايه فى الأكصدامات والجريده هل ممكن حد يظبطهم كويس ولا بعد ما رش بشهى الأقيهم فرقو تانى

ياريت تفيدونى فى الأتى
1. رش العربيه . لو حد يعرف حد كويس ويكون مجربه
2. موضوع الأكصدام والجريده هل أغيرهم قبل ما ارش . ولا ايه رأيكم انتو عارفين طبعا انهم مكلفين جامد
تحياتى للجميع

[atefadel]

http://www.nilemotors.net/Nile/193804-a.html

[Youssef.Awad]

شكراااااااا يا اخ عاطف وياريت حضرتك تروح وتجرب وترجع تقولنا عملت ايه ؟

[Dewo]

شكرا عاطف على إهتمامك انا بس كنت عايز أعرف رأي الأعضاء فى موضوع الأكصدامات هل ممكن يتصلح ويتزبط زى الزيرو ولا لازم يتغير
هوه المشكله ان فيه كلبسات مكسوره ومش عارف ليه حل ولا لأ

[WalidAdel]

رأي الأعضاء فى موضوع الأكصدامات هل ممكن يتصلح ويتزبط زى الزيرو ولا لازم يتغير
هوه المشكله ان فيه كلبسات مكسوره ومش عارف ليه حل ولا لأ

بما اني خبره في موضوع الاكصدامات و بالاخص الامامي لان متشلفط عندي علي الاخر
المهم الكلبسات دي بيتجاب غيرها من عند اي حد في الحرفيين او لو عايزها خامتها كويسه و تستخمل يبقي التوكيل موجوده فيهم الواحد ب 5 جنيه حاجه كده و اللي بره التوكيل هتلاقيها بنص جنيه او جنيه علي حسب ذمة الراجل اللي بيبعهم
دي حاجه تاني حاجه الاكصدام لو في عفريييييييييييت هايطلع او بمعني اخر لو متخربش منجرح معوج حاجات بسيطه في حته متكسر مطرح ااكلبسات القديمه مثلا كل ده بيتعمل في الحرفيين عند واحد بتاع بلاستيك و السمكري اللي هايركبه هايبقي عارف فين الكلبسات بتتباع او هايقولك امشي كذا كذا كذا كده يعني او الكلبسات من التوكيل كله متاح
بالنسبه للرش بقي عادي بيترشوا بردوا بس غالي ممكن الاكصدام تدفع عليه 200 جنيه بس هايرجع جديد
ارجوا اكون افدتك

[Dewo]

بما اني خبره في موضوع الاكصدامات و بالاخص الامامي لان متشلفط عندي علي الاخر
المهم الكلبسات دي بيتجاب غيرها من عند اي حد في الحرفيين او لو عايزها خامتها كويسه و تستخمل يبقي التوكيل موجوده فيهم الواحد ب 5 جنيه حاجه كده و اللي بره التوكيل هتلاقيها بنص جنيه او جنيه علي حسب ذمة الراجل اللي بيبعهم
دي حاجه تاني حاجه الاكصدام لو في عفريييييييييييت هايطلع او بمعني اخر لو متخربش منجرح معوج حاجات بسيطه في حته متكسر مطرح ااكلبسات القديمه مثلا كل ده بيتعمل في الحرفيين عند واحد بتاع بلاستيك و السمكري اللي هايركبه هايبقي عارف فين الكلبسات بتتباع او هايقولك امشي كذا كذا كذا كده يعني او الكلبسات من التوكيل كله متاح
بالنسبه للرش بقي عادي بيترشوا بردوا بس غالي ممكن الاكصدام تدفع عليه 200 جنيه بس هايرجع جديد
ارجوا اكون افدتك

ألف شكر وليد باشا على إهتمامك ومعلوماتك ربنا ييسر وأشوف حد محترم أعمله عنده وهفكر جديا فى ورشة نايل موتورز
المشكله انى كنت وديتو لسمكرى من فتره زبطه ورش لاكن مكملش ورجع تانى لأنه كان غالبا عيب صانعه فمش عايز اواجه نفس الموقف تانى

تقبل تحياتى وتقديرى لإهتمامك