مساعدة لتسعير واصلاح صني -2007 - فين الشباب ؟؟؟

[gmslem]

السلام عليكم ورحمة الله وبركاته
السادة الأحباب زملاء نايل موتورز .... بصراحة معروضه علي سيارة صني موديل 2007 بتاعت صديقي وهو مهندس في شركة وكان بيسافر بيها كثير ؛ لهذا عدادها 139 الف كيلو وكان عمل بيها حادثة من سنة تقريبا وطبعا فرقعت ايرباجز و" السلاح اليميني اتعفص وطبعا استعدله و رش ربع الحوض اليمين ... العربية مرشوشة بره حزام وجوه جنب الحوض اليمين وكاوتش و تكييف و موتور حالة 80 % و رخصة سنة والعربية حالتها من برة 80 % يعني ممكن تحتاج سمكرة و دوكو ... المطلوب : 1- تسعير هذه العربية
2 هل ممكن استعدل فردة السلاح بحيث تكون اقرب للسليمة ؟ وفين المكان وكم تكلف ؟
3 فين افضل مكان الاقي فيه 2 فانوس امامي وكمان اكصدام امامي يكون سعرهم حنين ؟ وبكام ؟
شكرا جزيلا لكم جميعا للمرور وللمساعدة
تقبلوا اسفي ؛ لاني اول مرة احاول اركب صني
وايه رأيكم فيها ؟؟؟

--------------
الكتابة باللون الاحمر مخالف لقواعد وقوانين المنتدى فهو مخصص للمدخلات الادارية من الادارة فقط

يرجى مراجعة قواعد وقوانين المنتدى

مشرف القسم

15 ب

[FBIAhmed]

50 الف و الحوض صعب يرجع كده كده بيبان

[aboamr]

موديل 2007 سليم وعداد فى السبعينات تعمل 65 الف
بالنسبه للعربيه اللى حضرتك بتسأل ياريت تصرف نظر عنها بسبب فرقعة الايرباجز ودا يتكلف لوحده مبلغ تقريبا 20 الف
غير الخبطه كانت شديده جدا واثرت على شاسيه العربيه ومهما صرفت عليها ستظل العربيه معيوبه
لو بتحب الصنى ومش بتفضل جديد تقدر تجيب موديل 2001 او 2002 وسعره اول الخمسينات او 99 و2000 وسعرهم وسط
الاربعينات وممتازين
وربنا يوفقك

[beckeryahia]

العربية دي هاتديك فكره وحشة عن الصني عشان هاتحس انك راكب 128 مخلعة مش صني , ده عن تجربة في صني 2006 ليها تقريبا نفس ظروف العربية اللي بتقول عليها , مخلعة وكل حاجة فيها بتزيق والطابلوه مكسر وهوايات التكييف مكسره والدركسيون معووج وفي فرق بين الطابلوه والقوايم مكان حلو كده ممكن تدخل فية ايدك ومش ثابتة خاااااالص علي الطريق تحس انك هاتتقلب من اقل مطب والفرش متبهدل والموتور كان بينقط زيت والباور كان تقيييييل جدا وبيعمل صوت والتكييف ضعيف لانة كان فية تسريب ومش راضي يتصلح ومية الريداتير كانت بتنقص مش عارفين من اية والعفشة من قدام كانت سايبة خااالص مهلبية والازاز اللي قدام مكانش راكب مضبوط والكابوت مكانش بيقفل الا اما تقعد علية والفوانيس كانت مش اصلي اضائتها ضعيييفة جدا وشكلها مش حلو , وكنت بشم ريحة شياط من وقت للتاني ده غير عفريت الراجل اللي كان فيها d: , مع ان اللي يشوف العربية من بره مشدوده شده صح يقول دي زيرو , اول اما تركب وتقفل الباب هاتتقرف من العيشة والعربيات كلها , العربية دي كانت مانيوال وراشة نص الحوض اليمين والقائم اليمين والشنب وواحد صاحبي كان شاريها للايجار والافراح , كانت ب52500

[احمد المصرى]

اهرب يا راجل ليه تشترى حاجه معيوبه كدا اهرب يا باشا


اشترى اى عربيه حتى لو 128 بس تكون حالتها حلوه افضل من مرسيدس تعبانه

[gmslem]

50 الف و الحوض صعب يرجع كده كده بيبان

السلام عليكم ورحمة الله وبركاته

الف شكر يا باشا ... رمضان كريم

[gmslem]

العربية دي هاتديك فكره وحشة عن الصني عشان هاتحس انك راكب 128 مخلعة مش صني , ده عن تجربة في صني 2006 ليها تقريبا نفس ظروف العربية اللي بتقول عليها , مخلعة وكل حاجة فيها بتزيق والطابلوه مكسر وهوايات التكييف مكسره والدركسيون معووج وفي فرق بين الطابلوه والقوايم مكان حلو كده ممكن تدخل فية ايدك ومش ثابتة خاااااالص علي الطريق تحس انك هاتتقلب من اقل مطب والفرش متبهدل والموتور كان بينقط زيت والباور كان تقيييييل جدا وبيعمل صوت والتكييف ضعيف لانة كان فية تسريب ومش راضي يتصلح ومية الريداتير كانت بتنقص مش عارفين من اية والعفشة من قدام كانت سايبة خااالص مهلبية والازاز اللي قدام مكانش راكب مضبوط والكابوت مكانش بيقفل الا اما تقعد علية والفوانيس كانت مش اصلي اضائتها ضعيييفة جدا وشكلها مش حلو , وكنت بشم ريحة شياط من وقت للتاني ده غير عفريت الراجل اللي كان فيها d: , مع ان اللي يشوف العربية من بره مشدوده شده صح يقول دي زيرو , اول اما تركب وتقفل الباب هاتتقرف من العيشة والعربيات كلها , العربية دي كانت مانيوال وراشة نص الحوض اليمين والقائم اليمين والشنب وواحد صاحبي كان شاريها للايجار والافراح , كانت ب52500

السلام عليكم ورحمة الله وبركاته
الف شكر يا باشا علي النصيحة الغالية ... رمضان كريم وانت كمان كريم

[gmslem]

اهرب يا راجل ليه تشترى حاجه معيوبه كدا اهرب يا باشا


اشترى اى عربيه حتى لو 128 بس تكون حالتها حلوه افضل من مرسيدس تعبانه

السلام عليكم ورحمة الله وبركاته

الف شكر يا باشا ... كلام صحيح فعلا ... انا هعمل بيه فورا ان شاء الله