بدوس فرامل براحة والعربية بترعش

[mikeatef]

انا معايا صني 2011 اتوماتيك abs لسه مكمل 1000 من يومين
المشكلة اللي ميضيقاني اني اوقات كتير وقت لما بدوس فرامل والعربية بتكون ماشية براحة وانا بدوس فرامل براحة العربية بترعش وانبارح مره واحده اتهزت جامد وال rpm نزل وطلع بسرعة
حد يفيدني ده ممكن يكون عيب ضفيرة؟

[Sehsss]

اطلع على التوكيل على طول ياباشا وقلهم على ملاحظات وإن شاء الله تطلع حاجة بسيطة

[samsong]

جمع كل الملاحظات واكتبها وهيعملوها لك سواء في خدمة 1000 دلوقتي
او مايستجد في 5000
ومبروك

[Ahmed.TV]

مش كل حاجة نرمى ونوسوس على موضوع الضفيرة .. احنا قولنا الموديلات القديمة اللى كان فيها مشاكل .. والموديلات اللى فى 2011 قلت خالص ولو كان فى مشاكل بتكون قليلة جدا جدا .. ولو ظهرت لحد بتكون من حظ الواحد .. وليها اعراض مختلفة

وبعدين احيانا كاصحاب المشاكل بنشخص المشاكل اللى عندنا احيانا غلط .. وخير التجارب عندنا فى القسم كتير .. واحد تلاقى عنده مشكلة يقولك ممكن تكون من كذا كذا وحخليهم يغيروا كذا وكذا ويكبر ويصعد المواضيع .. وفى الاخر يطلع مفيش حاجة .. فعشان كدا روح التوكيل وخالى عندك ثقة فى توكيل نيسان .. وحيقوموا بالازم وتاكد انهم مش بيتاخروا على عليك

وابعد عن يوم السبت او يوم الخميس

ومش حيكون فى حاجة فى الضفيرة ان شاء الله .. وهما حيكشفوا على الطنابير وحيبصوا على منظومة الفرامل

وان شاء الله خير

[Youssef.Awad]

روح اعمل صيانة ال1000 فوراااااااا لو ما كنتش عملتها وقولهم على اللى بيحصل وهما هايعملوا اللازم
حتى لو طلعت ضفيرة هاتتغير ولا تقلق نفسك خالص

[goudamahdy]

السلام عليكم ورحمة الله وبركاته

مش عارف ايه حكاية " البعبع " بتاع الضفيرة اللي بدأ يخوف ناس كتير هنا في المنتدي ....

ديا يا باشا أعتقد مالهاش علاقة بالضفيرة .... دي في الغالاب طنابير .....

بس حضرتك جرب تمشي بسرعة فوق الـــ 100 كم وقولنا ايه اللي بيحصل .... علشان فيه مشكلة بتواجه كل الناس اللي شاريين صني جديدة هنا في المنتدى ( ومنهم أنا شخصيا ) وهي الترصيص : لو حضرتك زودت السرعة فوق ال100 وفيه رعشة في العجل بتزيد مع السرعة يبقي ده 100% ترصيص .... ولو غير كده يبقى طنابير .... والله أعلم

ويا باشا ما تقلقش احجز في السبع بتاع المعادي وهم يظبطولك كل حاجة ان شاء الله ...

وكل سنة وانت طيب

[mohamedbook]

السلام عليكم ورحمة الله وبركاته

مش عارف ايه حكاية " البعبع " بتاع الضفيرة اللي بدأ يخوف ناس كتير هنا في المنتدي ....

ديا يا باشا أعتقد مالهاش علاقة بالضفيرة .... دي في الغالاب طنابير .....

بس حضرتك جرب تمشي بسرعة فوق الـــ 100 كم وقولنا ايه اللي بيحصل .... علشان فيه مشكلة بتواجه كل الناس اللي شاريين صني جديدة هنا في المنتدى ( ومنهم أنا شخصيا ) وهي الترصيص : لو حضرتك زودت السرعة فوق ال100 وفيه رعشة في العجل بتزيد مع السرعة يبقي ده 100% ترصيص .... ولو غير كده يبقى طنابير .... والله أعلم

ويا باشا ما تقلقش احجز في السبع بتاع المعادي وهم يظبطولك كل حاجة ان شاء الله ...

وكل سنة وانت طيب

الكتابة باللون الاحمر خاص بالادرارة فقط

[goudamahdy]

الكتابة باللون الاحمر خاص بالادرارة فقط

[COLOR="DarkRed"]أعتقد ده مش لون أحمر[/COLOR]

[Youssef.Awad]

الكتابة باللون الاحمر خاص بالادرارة فقط

ده لون نبيتى لون الصنى بتاعتى

[goudamahdy]

ده لون نبيتى لون الصنى بتاعتى

بالظبط هو ده اللي كنت عاوز أقوله

[omar-saad]

على فكرة يا جماعة
الموضوع ملوش اى علاقة بالضفيرة
المشكلة دى غالبا طنابير
لان الرعشة مع دوسة الفرامل بس
وحضرتك ماتقلقش الموضوع دة حصل قبل كدا
والطنابير اتغيرت على طول فى الضمان
وان شاء الله تكون حاجة بسيطة

[mikeatef]

بس الرعشة مش في الدركسيون الرعشة في جسم السيارة نفسه هو بعد ال ١٠٠ فعلا العربية بتترج من قدام انا عارف اني لازم اروح ارصص بس اللي انا اعرفو ان الترصيص مش بيأثر علي السرعات المنخفضة انا بكلم وانا ببقي شايل رجلي من علي الدي من غير بنزين وبعدين اجي ادوس فرامل احس بالرعشة في جسم السيارة

[yoko]

روحلهم هيكشفوا بالكومبيوتر ليها كذا إحتمال (غالبا حساس من حساسين) ومش هططلع ضفيرة إن شاء الله ودي مش طنابير خالص الطنابير أعراضها مختلفة

[mikeatef]

انا روحت انبارح مودرن موتوز الدقي وقولتلهم علي المشكلة المهم المهندس جالي بعد ماخلص الصيانة العادية وسالني علي المشكلة وبعدين راح ورجع وقالي ان العربية كانت عايزة تتظبط علي الكمبيوتر وظبطناها خلاص
وانا راجع انبارح كان الطريق فاضي بس انا هشوف خلال الاسبوع وابلغكم