صوت تخبيط في عفشه صني 2011

[FBIAhmed]

انا معايا صني مانيوال عامله 4500 كيلو انهارده بالغلط شلت رجلي مره واحده وانا واقف من على الدبرياج لقيت العربيه نتشت كده او امركت يعني العجل لف على الهوا و هي بتنتش كان فيه صوت تخبيط جامد في العفشه هل ده عادي و لا محدش جرب !!!

عشان بس اقولهم عليها في الصيانه و لا لأ

و شكرا

[FBIAhmed]

محدش عارف ؟؟؟

[FBIAhmed]

يا جدعان محدش يعرف الموضوع ده انا في مأموريه و لسا هارجع يوم اللاربع الي جاي فمش عارف اتصرف

[Youssef.Awad]

يا استاذ احمد رمضان كريم
سيبك من العربية زى الفل ومافيهاش اى حاجة وطبيعى اللى حصلك وما تعملش كده تانى

[م/محمد]

كل سنه وانت طيب يا استاذ احمد
و مستنينك المقابله الجايه ان شاء الله

[FBIAhmed]

يا استاذ احمد رمضان كريم
سيبك من العربية زى الفل ومافيهاش اى حاجة وطبيعى اللى حصلك وما تعملش كده تانى

مكنتش قاصد بس قلقت من صوت التخبيط لاني حسيت ان فيه حاجه مفكوكه في العفشه

[FBIAhmed]

كل سنه وانت طيب يا استاذ احمد
و مستنينك المقابله الجايه ان شاء الله

هي المقابله الجايه امتى انشاء الله لسا متحددتش

[Youssef.Awad]

مكنتش قاصد بس قلقت من صوت التخبيط لاني حسيت ان فيه حاجه مفكوكه في العفشه

ياريس ما تحطش فى بالك اصوات لأنك لسه ما سمعتش اى حاجة
تعالى اركب عربيتى داخلة على 45000 كم مش 4500 كم واسمع بقى كل ما لذ وطاب فى المطبات
عربيتك لسة زيرو وبخيرها

[FBIAhmed]

ياريس ما تحطش فى بالك اصوات لأنك لسه ما سمعتش اى حاجة
تعالى اركب عربيتى داخلة على 45000 كم مش 4500 كم واسمع بقى كل ما لذ وطاب فى المطبات :e_braces[1]:
عربيتك لسة زيرو وبخيرها

يا خبر دانا شاري العربيه دي لان قالولي عفشتها جامده مش معقوله على ال 45000 تطلع اصوات الا لو كان استعمالك سيئ

[Youssef.Awad]

يا خبر دانا شاري العربيه دي لان قالولي عفشتها جامده مش معقوله على ال 45000 تطلع اصوات الا لو كان استعمالك سيئ

استعمال سيىء منين !!!
عيب عليك انا بس بامشى فى مدقات وباكل مطبات على 40-50 كم/س وفواصل كبارى فوق ال100
وشهريا مرتين ع الاقل مشوار لبورسعيد اما صحراوى او زراعى والاخير بقى ما اقولكش ع المطبات اللى فيه تستاهل عربيتك بصراحة

ملاحظة مهمة انى لسه ما غيرتش تيل الفرامل ولا الكاوتش وكل اللى اتغير فى العفشة كاوتشات تراب مساعدين امامى فى صيانة ال40.000 كم

[FBIAhmed]

استعمال سيىء منين !!!
عيب عليك انا بس بامشى فى مدقات وباكل مطبات على 40-50 كم/س وفواصل كبارى فوق ال100
وشهريا مرتين ع الاقل مشوار لبورسعيد اما صحراوى او زراعى والاخير بقى ما اقولكش ع المطبات اللى فيه تستاهل عربيتك بصراحة

ملاحظة مهمة انى لسه ما غيرتش تيل الفرامل ولا الكاوتش وكل اللى اتغير فى العفشة كاوتشات تراب مساعدين امامى فى صيانة ال40.000 كم

lمطبات على 50 خلاص انا عرفت (ده لو عربيه تانيه كان زمانها شيست)

[Youssef.Awad]

lمطبات على 50 خلاص انا عرفت (ده لو عربيه تانيه كان زمانها شيست)

توضيح بسيط على 50 دى عايدة على السير فى المدقات والطرق الغير ممهدة وفيها نقر واقعد افاديها
انما المطبات فعادى باهدى واخدها ع التانى واكمل بس لبست مطبين من اول ما جبت العربية ما شوفتهمش من الضلمة وكبست فرامل ووقت تخطى المطب كنت فعلا بين 40-60 كم أنى كنت قبلها ماشى على 80-90 كم واتمنيت وقتها ان عربيتى يكون فيها abs عشان ما تزحفش

[FBIAhmed]

توضيح بسيط على 50 دى عايدة على السير فى المدقات والطرق الغير ممهدة وفيها نقر واقعد افاديها
انما المطبات فعادى باهدى واخدها ع التانى واكمل بس لبست مطبين من اول ما جبت العربية ما شوفتهمش من الضلمة وكبست فرامل ووقت تخطى المطب كنت فعلا بين 40-60 كم أنى كنت قبلها ماشى على 80-90 كم واتمنيت وقتها ان عربيتى يكون فيها abs عشان ما تزحفش :e_braces[1]:

تقريبا بيبقى رجلاش علبة الدريكسيون هو الي بيخبط كده لاني حسيت ان الخبط جاي من عند العلبه و سمع في الطاره كده و كمان لسه معملتش صيانة ال 5000 و الدركسيون خف اوي

[Youssef.Awad]

تقريبا بيبقى رجلاش علبة الدريكسيون هو الي بيخبط كده لاني حسيت ان الخبط جاي من عند العلبه و سمع في الطاره كده و كمان لسه معملتش صيانة ال 5000 و الدركسيون خف اوي

يا استاذ احمد
تفتكر لو العربية بتفضل زى ما هى من اول ما تشتريها لحد اما تزهق منها وتبيعها ولا ترميها
يبقى بيعلموا مراكز خدمة ليه وقطع غيار وبيع وتركيب واستبدال الاجزاء التالفة وتصليح وخلافه
طبيعى فى الاول تتابع فى الصيانات الدورية كل 10.000كم او حتى كل 5000كم لأنها مش مكلفة وبيشيك على كل اجزاء العربية والشكاوى ان وجدت