كام سؤال على الماشى

[maxayma]

السلام عليكم و رمضان كريم

انا الحمد لله حجرت التيدا هاتشباك الفئة الاعلى بس من غير فتحة سقف من السبع يوم السبت اللى فات و ان شاء الله الاستلام على يوم السبت اللى جى و انا بقى عندى كام سؤال كده على الماشى

1) بالنسبة للاستلام انا لازم اشيك على كل حاجة فى العربية صح و كمان ايه اللى هاستلموا مع العربية تانى

2)هى التيدا فيها جهاز انذار و امتى بيشتغل انا عارف ان فيها امبوليزر و ايه امكانية ان عربية فيها امبوليزر و تدور من غير مفاتحها الاصلى (عندى واحد صاحبى يوم الاحد اللى فات ملقاش عربيته لما خرجنا من الشغل مع العلم انها ياريس 2008 و المفروض ان فيها امبوليزر و انا بصراحة الموضوع مخوفنى جدا لان عند الشغل بتاعى عربيات كتير بتسسرق بس دى بقي اتسرقت بحالها الباقين الازاز بيتكسر بس بتفضل مكانها)

3) بالنسبة للتامين اللى مع السبع حد جربه هو مع شركة اليانز ب 3.75% و هل ده تامين شامل يعنى ضد الحوادث و السرقة و هل هادفع حاجة زيادة و لا هى النسبة دى بس من ثمن العربية لانى بصراحة عندى عرض تامين ب 3% عن طريق الشغل اعتقد الشركة اسمها المصرية للتامين التكافلى شامل كل حاجة بس لو هاصلح حاجة فى التوكيل هدفع 10% من مبلغ التصليح و هما الباقى و فى المقابل لو امنت مع السبع عن طريق اليانز مش بدفع حاجة لو فى تصليح و ربنا هو اللى بيسترها فى الاول و فى الاخر بس الواحد يعمل اللى عليه

4) هل العربيات الجديدة برده بتكون محتاجة تلين و ان الماتور يتفتح على طريق سريع كده و هى لسة جديدة و لا خلاص المواتير بتكون متلينة جاهزرة فى المصنع و اى هى النصائح اثناء قترة التلين

5) الترخيص بيتكلف حوالى كام لو 3 سنين انا سالت فى السبع و قالولى حوالى 1400

جزاكم الله خيرا على الردود مقدما

[Bishoy.Girgis]

http://www.nilemotors.net/Nile/21042...post3873390044

http://www.nilemotors.net/Nile/212403-a.html#post3873413272

http://www.nilemotors.net/Nile/223713-a.html

[mff_629]

مبروك مقدما و ربنا يباركلك فيها

[Ahmed.TV]

الف مبروك مقدما .. وياريت تكون اخدت خصم محترم فيها .. لان اتوايجيبت عاملين خصم على اسعار التيدا فقط حوالى 4500 تقريبا

ياريت متسكتش وتكون اخدت خصم من السبع محترم

والف مبروك وربنا يعطيك خيرها ويكفيك شرها

تحياتى

[maxayma]

الف مبروك مقدما .. وياريت تكون اخدت خصم محترم فيها .. لان اتوايجيبت عاملين خصم على اسعار التيدا فقط حوالى 4500 تقريبا

ياريت متسكتش وتكون اخدت خصم من السبع محترم

والف مبروك وربنا يعطيك خيرها ويكفيك شرها

تحياتى

عيب عليك يا باشا انا نزلت فيها 3 الاف دا غير الف جنيه كوبون خصومات على الصيانة و انا كان عندى فكرة عن خصم اتو ايجبت بس ده كان تبع خدمة نيسان فينانس و كان 4 الاف بس قعد يحور عليا وديعة و لا شهادة مع بنك بي ان بى (ده البنك الوحيد الى تبع الخدمة دى) بصراحة انا ماليش فى حوارات البنوك و التقسيط دى مش بفهمها و بعدين دايما اللى بيشرح الحاجات دى مش بيدى صورة كاملة يعنى لازم تلاقى شوية مصاريف و حاجات مستخبية جواها

[maxayma]

ما فيش حد عند معلومات تانية بخصوص التامين