تكييف النيسان صنى ex 2011 صالون

[zion]

هل يعقل ان يكون تكييف النيسان صنى فى العربية الزيرو نازل من غير فلتر للتكييف

طبعا التكييف لازم يعطل

برجاء حد يؤكد هذه المعلومة علشان كدة يبقى شغل مصريين عيب اوى تكيف ينزل من غير فلتر ...

[SonaSteel]

مش عيب ولا حاجة ....... في عربيات في الخليج بتنزل من غير فلتر تكييف
وناس معاها صني من 2008 والتكييف من غير فلتر وزي الفل ..... ماشاء الله
ولو الفلتر مكانش مجاني مكنتش هاشتريه :))

[Bishoy.Girgis]

علي فكرة حضرتك هو مش عيب .. احنا كنا فاكرينه عيب لكن معظم العربيات اللي بتيجي متقفلة من بره مصر بتكون من غير فلتر تكييف و علي فكرة كان في حملة مجانيه من فترة و فلتر التكييف كان بيتوزع مجانا و عدد كبير مننا اخد الفتر المجاني فعلا
و حتة ان التكييف يعطل و العربية لسه زيرو برده مش عيب .. لأن ممكن يكون في عيب تصنيع و بتتحل المشكلة في ساعتها و لو التكييف مقصر في اي حاجه .. التوكيل مش بيتأخر ابدا و اتحدي ان التكييف يكون مقصر مع اي حد في قسم نيسان هنا و لو مقصر يبقي يروح علي التوكيل فورا و بيتم حل المشكلة من اول مرة
و اهلا بيك في قسم نيسان

[mff_629]

100 100

[م/محمد]

هل يعقل ان يكون تكييف النيسان صنى فى العربية الزيرو نازل من غير فلتر للتكييف

طبعا التكييف لازم يعطل

برجاء حد يؤكد هذه المعلومة علشان كدة يبقى شغل مصريين عيب اوى تكيف ينزل من غير فلتر ...

هو عطل من حضرتك؟ يعني دي خبره شخصيه؟
الموضوع ملوش اي علاقه بمصريين ولا هنود
في كذا عربيه بتنزل من غير فلتر تكييف

[sanad7]

يا جماعه بالراحه علي الراجل
دا الفيفا بتنزل بفيلتر
معاه حق

[mohamedbook]

يجماعة الرجل بيتكلم صح مينفعش تنزل من غير فلتر هو مش هيضر السيارة لكن هيضر سائق السيارة عشان التراب الي بيخش مباشرتا من التكييف جو العربية

[Mohamed.Ramah]

اولا العربية تقفيل مصرى ومظنش ان الصنى بتنزل برة من غير فلتر تكييف لانها مختلفة عن الموجودة هنا فكرة توزيع فلتر التكييف مجانا دة

مش اعانة من التوكيل ولاكن حاجة لازمة لان الجو مش نضيف وكمان اغلب شوارعنا مش نضيفة ومليانة تراب فاكيد حضرتك تروح التوكيل

وتطالب بالفلتر وقت الاستلام ..

[م/محمد]

طيب احنا نتكلم بالمنطق
اغلب الاستخدام بيكون بتدوير الهواء داخل الكابينه و ليس هواء خارجي
يبقي فين التراب اللي في الشوارع
انا لا انكر اهميته وليس خوفا علي البني الادم لانه مش هيتاذي خالص من التراب اللي مش موجود غير بنسبه بسيطه
و لكن خوفا علي السربنتيتنه من الانسداد
و ذلك يمكن تعويضه بتنظيفها كل 3 سنين ولا حاجه بدلا من تغيير فلتر ب200 جنيه
وبالفعل العديد من السيارات مبتنزلش بفلتر التكييف و اذكر منها الفيرنا لاني امتلكتها و اعرف ان في غيرها
و اكرر انه مهم و لابد ان اي عربيه تنزل بيه مش اوبشن و لكنه مش كارثه انه مش موجود وملوش علاقه بالتقفيل خالص لانه مش موجود اصلا و ليس موجود بجوده سيئه - مش اسطوانه هي -

[saadelden]

طيب احنا نتكلم بالمنطق
اغلب الاستخدام بيكون بتدوير الهواء داخل الكابينه و ليس هواء خارجي
يبقي فين التراب اللي في الشوارع
انا لا انكر اهميته وليس خوفا علي البني الادم لانه مش هيتاذي خالص من التراب اللي مش موجود غير بنسبه بسيطه
و لكن خوفا علي السربنتيتنه من الانسداد
و ذلك يمكن تعويضه بتنظيفها كل 3 سنين ولا حاجه بدلا من تغيير فلتر ب200 جنيه
وبالفعل العديد من السيارات مبتنزلش بفلتر التكييف و اذكر منها الفيرنا لاني امتلكتها و اعرف ان في غيرها
و اكرر انه مهم و لابد ان اي عربيه تنزل بيه مش اوبشن و لكنه مش كارثه انه مش موجود وملوش علاقه بالتقفيل خالص لانه مش موجود اصلا و ليس موجود بجوده سيئه - مش اسطوانه هي -

المروحه بتسحب الهوا من عند الدواسه و الدواسه دايما عليها تراب
فلتر الهوا بيلم التراب عشان مايسدش التلاجه
و عشان توصل للتلاجه و تنضفها قصه طويله و فك حاجات كتير
يعني اشتري فلتر ب 140 جنيه و اغيره كل سنه و اريح دماغي و احافظ علي نفسي و علي التكيف
ولا اشيل الفلتر و اغسل التلاجه كل سنه ولا كل سنتين و ادفع ع الاقل 200 جنيه ؟

انا بتكلم من واقع تجربه في الكورولا الي معانا
هي موديل 2006 و نازله في السعوديه من غير فلتر
التكيف كان شغال تمام بس كان ادائه بيقل و قعد حوالي سنه ادائه ضعيف كدا
لحد ف مره مفيش تبريد و الهوا طالع بالعافيه
التلاجه مسدوده كلها و كانت بتعمل تلج لغايه ما بوظت الكباس
بعد الكشف مطلوب تلاجه جديده و كباس جديد و خراطيم جديده يعني تكيف من اول وجديد
و كله اتغير طبعا بسبب حاجه تافهه جدا و هي الفلتر

[eyadmorsy]

كل عام وانتم بخير ، انا فوجئت فى صيانة ال5000 كم ان العربية مشت الفترة دى كلها من غير الفلتر لما المندوبة فى السبع قالتلى انه فيه عرض اخذ الفلتر ب 170 جم طبعا انا قلت ها وفتحت بقى من الصدمة ان الفلتر مكنش موجود لكن المسألة خلصت ببق ميه.

[م/محمد]

المروحه بتسحب الهوا من عند الدواسه و الدواسه دايما عليها تراب
فلتر الهوا بيلم التراب عشان مايسدش التلاجه
و عشان توصل للتلاجه و تنضفها قصه طويله و فك حاجات كتير
يعني اشتري فلتر ب 140 جنيه و اغيره كل سنه و اريح دماغي و احافظ علي نفسي و علي التكيف
ولا اشيل الفلتر و اغسل التلاجه كل سنه ولا كل سنتين و ادفع ع الاقل 200 جنيه ؟

انا بتكلم من واقع تجربه في الكورولا الي معانا
هي موديل 2006 و نازله في السعوديه من غير فلتر
التكيف كان شغال تمام بس كان ادائه بيقل و قعد حوالي سنه ادائه ضعيف كدا
لحد ف مره مفيش تبريد و الهوا طالع بالعافيه
التلاجه مسدوده كلها و كانت بتعمل تلج لغايه ما بوظت الكباس
بعد الكشف مطلوب تلاجه جديده و كباس جديد و خراطيم جديده يعني تكيف من اول وجديد
و كله اتغير طبعا بسبب حاجه تافهه جدا و هي الفلتر

انا متفق مع سيادتك تماما واكدت علي كلامي ده في مشاركتي
ومقتنع انه بدون فلتر او تنظيف هتكون العواقب وخيمه علي المكيف اكتر من البني ادم
ولكني كنت اؤكد انه هناك سيارات كتير بتنزل من غير فلتر و اديك اكدت كلامي الحمد لله
وطلعت كورولا مش الفيرنا بتاعتي - يبقي الناس تبطل الاسطوانه المشروخه بتاعه ده عيب تقفيل مصري حقير حقير حقير-

[zion]

انا شاكر لكل الردود حتى الردود الساخرة

ولكن وجودى هنا فى المنتدى علشان نكون مجموعه تحافظ على جودة الخدمة المقدمة لاننا بنقيم منتج ونحن مستهلكين وعملاء ولسنا بمندوبين مبيعات ولا نمثل الشركة او ندافع عن الشركة وفقط نحن شركاء فى اننا عندنا عربية نيسان ونتناقش عن جودة هذا االمنتج واللى يحب يشترك بشكل لائق اهلا وسهلا

ياريت نكون نتيجة مناقشاتنا نتائج جية مثمرة

وبخصوص فلتر التكييف معلوماتى ان فلتر التكييف هام جدا وبدونه يقصر عمرة على فكرة التكييف عندى مش عطلان ولكن لما عرفت انه من غير فلتر قولت ان دة يقصر عمرة دة غير وجود الهواء الغير نقى

عموما انا بدأت فى فكرة انى اقدم شكوى لشركة نيسان نفسها

وبعد كدة نشوف نوصل الشكوى لمين علشان لما تكون عربية ب 95000 جم ليه يستخسرو 180 ثمن فلتر التكييق
..

[Sehsss]

أنا اتفاجئت لما عرفت الموضوع بتاع فلتر التكييف ده .. وناوي إن شاء الله أركبه في صيانة الـ 5 آلاف بس مش عارف سعره هايبقى كام بالضبط

[SonaSteel]

تقريبا 170 جنيه ...... و37 جنيه مصنعية التركيب