صوت غريب

[Dr'AhmZZong]

سلام عليكم
بعد اذنكم أنا معايا نيسان صني 2011 جبتها في آخر 2010
و بسمع صوت تكتكة حاجة زي طرقعة كده جاية من وراية مش عارف دي منين ودايما بتظهر لما بمشي على طريق مش ممهد أو بطب صغير .
لكن لو طريق عادي مش بسمعها خاااااااااالص
ياريت حد يفيدني عشان مش عارف إيه ده ؟؟؟؟؟
اخوكم أحمد

[SonaSteel]

هو الصوت اللي بسمعه عندي شبه الصوت ده ... بيبقي حصي صغير بيخبط في رفرف العربية الخلفي و بسمعه فعلا لو ماشي علي طريق في حصي صغير او ماشي علي ركام صغير كده .

[Dr'AhmZZong]

بس أنا برده لو ماشي براحة بسمعه ...
موضوع الحصى ده لو أنا ماشي بسرعة على الطريق الغير ممهد آه ممكن الحصى يضرب من تحت ..
لكن لو ماشي براحة عمره ماهيضرب من تحت ..
والله اعلم !!!

[Dr'AhmZZong]

أنا كمان عندي فيرنا 2007 وبمشي على نفس الطريق بنفس السرعة وحتى لو جريت عليه مش باسمع الصوت ده !!!!

[amr_love523]

حاول تبص علي الغفشة ورا نفس الصوت كان عندي ولما روحت التوكيل قالولي من الغفشة وفعلا الصوت مبقاش موجود خالص

[atefadel]

نفس المشكلة صوت طرقعة جاي من الخلف يمين
العربية سوبر صالون 2010 بردو
وكنا عاملين موضوع هنا عن الطرقعة
في الطريق العادي مش بتظهر ومش كل المطباط
يعني سعات مش بسمعها
س}ال لحضرتك امتي الصوت دة ظهر
هل ركبت فرش والكنبة اتشالت
ارجو الي يلاقي حل يفيدنا

[atefadel]

http://www.nilemotors.net/Nile/234621-2010.html

[atefadel]

كدة انا شايف ان العيب بيظهر في
السوبر صالون و 2010
دة عامل مشترك في كل الي عندة الطرقعة

[Youssef.Awad]

ممكن يكون من الكراسى او الكنبة
انا عندى بقى صوت خروشة عند بدء التحرك من عند غطاء علبة الفيوزات ورجلى الشمال
بس مش باحطه فى بالى

[Dr'AhmZZong]

أيوه أنا فعلا مركب فرش

[atefadel]

انا بشك يكون الصوت من ظهر الكنبة علشان الجلد ممكن يكون عامل فاصل
هحاول افك ظهر الكنبة واعمل مشوار كلة حفر ومطبات واجرب
بس مش عارف الاقي الحفر والمطبات فين في مصر
حضرتك حاول تشوف الجزء الفبر الي راكب فية السماعات وضعة مستريح ولا لاء

[Dr'AhmZZong]

بص .. أنا المفروض النهردة الساعة 9:30 بليل عندي صيانة في مودرن الدقي .. هرُوح وهاقولهم علي فيها .. وربنا يقدم اللي فيه الخير .. عشان فعلا الصوت ده مستفز قوي :((((

[Dr'AhmZZong]

و كمان إنت بتقول < بس مش عارف الاقي الحفر والمطبات فين في مصر > ... ههههههههههه .. قصدك في مكان في مصر مفيهوش حفر و مطبات .. ده ختم النسر بتاع شوارع مصر :)))

[atefadel]

طيب ياريت توصل لحل وتقولنا
اصلي انا صيدلي سيكو شوية
وعندي وسواس قهري

[SonaSteel]

و كمان إنت بتقول < بس مش عارف الاقي الحفر والمطبات فين في مصر > ... ههههههههههه .. قصدك في مكان في مصر مفيهوش حفر و مطبات .. ده ختم النسر بتاع شوارع مصر :)))

ياحبيبي اللي عندنا في مصر ...يا هضاب او تلااااااال ... يا اما سهوووووووول
الراجل نفسه يشوف حفرة من بتوع بلاد بره دول اللي بيبقي قطرها 10 سم مثلا وعمق 3-4 سم
بس هو تلاقيه مش مركز ... هي السهول عندنا عبارة عن حزمة حفر مربوطين بحتة سلكة ... انت حاول بقي تنقي حفرة واحده وامشي عليها بالجنط ال15 بتاعك ده ...... ههههههههه