تصليح خبطة

[ahmedman]

السلام عليكم ورحمة الله وبركاته

وكل عام وانتم بخير بمناسبة الشهر الفضيل

الحمد لله على كل حال لكن العربيه بتاعتي صني 2010 خدت خبطه خفيفه في الباب الامامي الشمال

الحمد لله مجرد تنيه في الصاج و الويه محصلهاش حاجه
وطبعا لازم هاعملها ان شاء الله في اقرب فرصة

السؤال بس لو عملتها بره التوكيل هل دا بيبوظ الضمان وانا تبع توكيل السبع ومحافظ على الصيانات كلها في التوكيل لحد الان

ولو هاعملها في التوكيل ممكن تكلف كام تقريبا

وجزاكم الله خيرا

[ahmedman]

هيا الناسمكسله ترد ولا ايه

[Rahman]

اعمال السمكرة ليس لها علاقة بالضمان
واعتقد حسب كلامك انها هتترد علي البارد وبالتالي حتي لو صلحتها في التوكيل اخرها 200 جنية
بالتوفيق ان شاء الله

[K_Morsy]

للاسف التوكيل غالبا بيغير الحاجة المخبوطة على طول ..

[ahmedman]

جزاكم الله خيرا

[aboamr]

دى حصلت معايا فى باب السائق والسمكرى ردها زى الفل بس للاسف البويه اتجرحت من الخبطه واهو حاجه تاخد العين

[Youssef.Awad]

ما تخافش الضمان مالوش دعوة خالص
واعملها ع البارد برة عند سمكرى نضيف ويحاول ما يقشرش البوية وهو بيردها عشان ما ترشش لأن التوكيل غالبا بيغير او يسمكر ويرش وكلتا الحالتين هاتبقى مكلفة

[samooo_205]

اعملها في التوكيل لو مأمن علي العربية-وعامة لو خبطة خفيفة التوكيل مش هيغير الباب عشانها

[Bishoy.Girgis]

ما تخافش الضمان مالوش دعوة خالص
واعملها ع البارد برة عند سمكرى نضيف ويحاول ما يقشرش البوية وهو بيردها عشان ما ترشش لأن التوكيل غالبا بيغير او يسمكر ويرش وكلتا الحالتين هاتبقى مكلفة

[omar-saad]

سيبها تاخد العين
البلد دى ماينفعش فيها عربيية زى الكتاب مابيقول

[mff_629]

أنا ممكن أقولك على أسعار الرش في التوكيل
أنا سألت عليها في السبع
أي باب من الأبواب الأربعة 250 جنيه
أي اكصدام 250 جنيه
الكبوت 500 جنية
السقف 500 جنيه
مش فاكر الشنطة بكام

[Ahmed.TV]

اولا سبق ونبهنا اكثر من مرة ان اى شغل سمكرة او رش حتعمله بره التوكيل مش بيخرج العربية من الضمان

الحاجة التانية

لو حضرتك مامن على العربية .. اعملها تبع التامين وهما حيتكفلوا بكل شى

ولو كانت بسيطة اوى وخبطة صغنونة .. اطلع على اى سمكرى محترف .. وقوله انا عاوز اعمل الخبطة دى بس مش عاوز بوية تتجرح ولا تقشر .. وفاصل معاه .. وتقريبا ممكن تدخلها فى حدود من 50 الى 100 تقريبا

وربنا يوفقك باذن الله

وقدر الله ماشاء فعل .. والحمد لله انها جت على قد كدا

[Youssef.Awad]

أنا ممكن أقولك على أسعار الرش في التوكيل
أنا سألت عليها في السبع
أي باب من الأبواب الأربعة 250 جنيه
أي اكصدام 250 جنيه
الكبوت 500 جنية
السقف 500 جنيه
مش فاكر الشنطة بكام

متشكرين يا باشا بس اكيد الشنطة تعملها 500ج كمان

[eyadmorsy]

اعتقد لو تنية بسيطة زى مبتقول كفاية عليها لموأخذه الشفاط بتاع البلاعات ممكن تشفط بيه الخبطة وتترد . وابقى قولنا الأخبار..
وابقى خللى بالك لو وديتها لسمكرى ابقى بطل العربية عشان لو دق جامد على الصاج وهى شغالة ممكن الأير باج تفتح. وكل عام وانت بخير

[Youssef.Awad]

وابقى خللى بالك لو وديتها لسمكرى ابقى بطل العربية عشان لو دق جامد على الصاج وهى شغالة ممكن الأير باج تفتح. وكل عام وانت بخير

ازاى يعنى لو خبط ع الصاج يفتح الاير باج
هى شغالة باللمس ولا ايه
ياترى حضرتك شوفت كده بنفسك ولا تعرف حد حصله كده
اللى اعرفه انه بيفتح بس لو وصلت نسبة التدمير لحد معين من مقدمة العربية يعنى لحد مكان السينسور المسؤول عن الاير باج
وبعدين يعنى ما فتحتش من الخبطة نفسها هاتفتح من ردها وسمكرتها