أنا حاسس إنكم من سكان المدن الجديدة الرايقة .. !!

[elbannhawy]

بسم الله ما شاء الله

أنا حاسس إنكم من سكان المدن الجديدة الرايقة (حيث الدنيا واسعة ومافيش زحام .. والناس والعمارات كلها نضيفة ورايقة) .. هل ده لأن العربية كلاسيك ؟ وبالتالى هايحبها الناس التى تمتاز بهدوء الطباع وروقان البال ؟

ولا اللى بيركب نيسان أعصابه بتهدى ويبقى ريلاكس .. بعكس عربيات تانية كتير .. :

الكلام هناك على الشد والتسارع والعزم وتعديل وتنفيخ السيارة .. والغرز وتقفيل العداد .. وتخييط البى إم أثناء الشد معها .. وأبصر إيه

هههههه

أنا طبعاً جوايا شوية شقاوة فى السواقة .. بس أنا أميل للهدوء والالتزام بالقواعد والأصول .. وده اللى حسيته فى ممتلكى سيارات نيسان .. خصوصاً الصنى

أنا اتشرفت بمعرفتكم جميعاً .. وخصوصاً الاستاذ أحمد tv اللى ربنا بعتهولكم علشان يحببكم فى النيسان

ربنا يديم المحبة والمعروف بينكم جميعاً

وادعولى إنى أنضم لفريق النيسان صنى معاكم عن قريب بإذن الله

وبعد إذنكم هابقى أدايقكم بشوية أسئلة عن العربية لما يحصل نصيب وأجيبها إن شاء الله

تحياتى للجميع

[Ali_Abo_Amr]

نورتنا يا باشا والله ونورت القسم ...
وفعلا معاك حق مالكى الصنى والتيدا فئة هادئة الطباع دى حقيقة
وان شاء الله تشترى الصنى على خير ونشوفك فى اول مقابلة معانا ونتعرف عليك

[hanyemad123]

فى اعتقادى معظم الناس اللى بتقبل على شراء النيسان صنى

مش بتاعت شد ولا جرى و لا سباق و لا شكل واو تحفه و شكل جامد جدى

طبعا لان العربيه زى ما انت قولت كلاسيك و شكلها مش جديد و مش بتجدد زى الكورى فالطبيعيى يبقى

المقبل على شراء العربيه مش فى باله النقطه دى

اللى بيشريها بيكون عايز عربيه تستحمله و تصونه و ما تتعبوش فى مصاريف كل شويه و لما تصرف تصرف بالعقل

و فى نفس الوقت تديله اداء و خدمه و اعتماديه عاليه + كماليات مقبوله \

ولا انت رأيك ايه

[Youssef.Awad]

هههههههههههههههههه
التفسير حاجة بسيطة خالص
النيسان عربية تقيلة واللى يركبها لازم يكون تقييييييييييل
بس وقت الجد لو حد قل اصله معاك ع الطريق هاتتحول من حمل وديع الى وحش كاسر

[yassal]

هههههههههههههههههه
التفسير حاجة بسيطة خالص
النيسان عربية تقيلة واللى يركبها لازم يكون تقييييييييييل
بس وقت الجد لو حد قل اصله معاك ع الطريق هاتتحول من حمل وديع الى وحش كاسر

ههههههههههههههههه
+11111111111111111

[newbebo]

[frame="2 90"]
هههههههههههههههههه
التفسير حاجة بسيطة خالص
النيسان عربية تقيلة واللى يركبها لازم يكون تقييييييييييل
بس وقت الجد لو حد قل اصله معاك ع الطريق هاتتحول من حمل وديع الى وحش كاسر
[/frame]+11111111111111111

[Ahmed.TV]

أنا اتشرفت بمعرفتكم جميعاً .. وخصوصاً الاستاذ أحمد tv اللى ربنا بعتهولكم علشان يحببكم فى النيسان

يا فندم اهلا بيك معانا وشرف لينا وجود اخ محترم زى حضرتك بيقدر الصقور جميعا .. وشرف ليه تقديرك وكلامك الطيب عنى .. وصدقنى اللى خالانى احب نيسان جدا هو ملاكها واعضائها .. اللى كل ما تعرفهم عن قرب .. تحب تحبهم وتحب نيسان جدا .. وحتحس ان ربنا كرمك بسيارة وتوكيل محترم .. و بموقع نايل اللى ماليان اخوة ليك فى الله بينهم محبة وروح وتعاون وود لبعضهم البعض

وفعلا اغلب ملاك نيسان اعضاء هاديين .. اولا توكيل نيسان .. وقوة مراكز خدمة نيسان .. وقوة ومميزات سيارات نيسان اللى معانا

واهلا بيك معانا
وتحت امرك فى اى استفسار

تحياتى

[SonaSteel]

ربنا ييسرلك كل خير وتستلم علي خير ان شاء الله
وجزاك الله عنا خيرا علي الكلام الجميل الطيب ده .... وشرف لينا انضمام عضو و صقر محترم زي حضرتك \
وياسلام بقي لو تشرفنا كمان بالاسم والمهنة ورقم البطاقة و الحالة الاجتماعية ومتنساش تمضي الوصل علي بياض ههههههههههههه
ونشوفك بقي في الكافية و البيت بيتك :)))

[FBIAhmed]

انا من ملاك الصني الي مش هاديين و بخيط بيها سيراتو اذا لزم الامر بس انا عاوز احافظ على العربيه فمبزيدش عن 130 على الدائري و 175 على مصر اسكندريه

[Bishoy.Girgis]

الف الف مبروك علينا صقر و عضو جديد محترم زي حضرتك و فعلا زي ما قولت القسم اعضاءه فعلا يمتاز بيهم الهدوء و الدليل فعلا استخدام النيسان الكلاسيك بس برده في شقاوة في القسم هتحبها اوي لما تتعامل معنا
اهلا بيك في قسم نيسان و الف مبروك مقدما علي العربية الجديدة ان شاء الله

[WalidAdel]

ايه الموضوع اللي كله روقاااااااااااان ده
عموما عموما العربيه مش شايفها كده خاااااااااااالص بقي و بتجري و شكلها ظريف و كله في التمام حتي اسأل حسين اللي بتقولوا انه رايق اوي
دا منظر واحد رايق بالذمه دا بينقل الغيار الاول علي 4.5 و علي يدي كمان
فاما انا فحدث ولا حرج بقي بس انا اللي مابحبش اتكلم عن نفسي كتييييييييييير

[hugan]

انا ليا راي في موضوع النيسان واللي انا شايفه من ركباها
النيسان جزء كبير من ملاكها من تخطي مرحله العشرينات
يعني من 35 وانت طالع
في اتنين جيراني في الشارع واحد جايب سوبر صالون والتاني جايب اي اكس والاتنين معديين ال 45
وبصراحه هي كانت الاختيار الاول ليا لما فكرت اشتري عربيه تانيه في 2008
لكن الاتجاه تحرك الي الاسبرانزا
وكان عمري 37 سنه

[essa]

هههههههههههههههههه
التفسير حاجة بسيطة خالص
النيسان عربية تقيلة واللى يركبها لازم يكون تقييييييييييل
بس وقت الجد لو حد قل اصله معاك ع الطريق هاتتحول من حمل وديع الى وحش كاسر

حبيب قلبى

[tarekmomo]

دة انا ساكن فى الهرم يعنى من اكتر المناطق الزحمة فى مصر بس العربية بتشد وبتقرص بس هيا مش رياضية اوووووووووووى

[Sehsss]

أهلا بيك مع صقور نيسان