سؤال بخصوص الفتيس الاوتوماتيك و الزحمة

[msalah191281]

عندى سؤال بخصوص الفتيس الاوتوماتيك و الزحمة طبعا احنا فى رمضان كل سنة و انتم طيبين و طبعا كلنا عارفين زحمة الساعة 4 فى وسط البلد بتبقى عاملة ازاى فانا فى الاوقات العادية ببقى ماشى عادى على الd و لما بقف فى اشارة او فترة طويلة شوية حوالى 30 ثنية كدة بجيب الفتيس على ال n علشان م احملش علية و غالبا الشارع بيقى مش واقف اوى فا مبعملش موضوع النقل دة كتير انما دلوقتى و خصوصا قبل الفطار طبعا كلنا عارفين ان الواحد بيمشى 3 ثوانى و يقف 10-20 ثانية كدة
فا كنت عاوز اسئل انهى الاحسن انى افضل محمل على الفتيس 20 ثنية مثلا و امشي 3 / 4 ثوانى و ادوس فرامل تانى من غير ما انقل ولة كل اما اقف اجيب الفتيس على ال n و هل كتر النقل من الn لل الd فى فترات صغيرة غلط على الفتيس ولة عادى و اية اكتر مدة ممكن افضل دايس فرامل و انا على ال d من غير ما اتعب الفتيس
معلش يا جماعة طولت عليكم بس اصل انا ماليش خبرة فى الفتيس الاوتوماتيك و مش عارف انهى طريقة فيهم الصح يا ريت تفيدونا بخبرتكم و كل سنة و انتم طيبين

[Unendlich]

أنا عن نفسي بفضل اجيبه على ال n

[m_love4me]

للاسف الموضوع دا محير فعلا

لينا عموما

انا كنت متعود دايما ف اى وقفه ياربت تكون 5 ثوانى اجيبه على n
وبعدين بقى اجيبه على d
وخصوصا ان ال n >>>> d ما بتدويش على الزرار ف بتزق الفتيس وخلاص

لكن واحد افتى انه كدا طبعا غلط جدا , لان كتر الحركه دى بتتعب عصايه الفتيس وممكن تبوظ السوسته
وانا طبعا وربنا ما انا فاهم الموضوع هيبقى ازاى
وقالى تخليك على ال d عادى جدا , علشان ما تبوظش الفتيس واهو طنابير ولا فرامل تبوظ ارخص من الفتيس


قولت الله , يعنى الواحد طالع من الاتوماتك ياما خسران فتيس او فرامل بقى :d دا ايه الهم دا


وواحد تانى لما شافنى بعمل كدا , افتى ليا , ايه ال انت بتعملوا د , حرام عليك انت كدا هتبوظ الطنابير و الفرامل
بالاضافه لانك بترهق الفتيس جدا :d


انا قولت كان معايا شيرى مانيول كانت زي الفل وما بتقولش بم :d اللاتوماتك وجع قلبى



مستنين حد يفيدنا بجد مش يفتيلنا :d

[Ahmed.TV]

ما عشان مانفتيش .. ومنطلعش اشاعات .. ومنوسوسش اتعاملوا مع الفتيس الاتوماتيك عادى جدا يا جماعة وخالوا قلبوكم قوية مش ضعيفة

طالما بتتحركوا ومشيتوا بالعربية يبقا خاليكم على ال d وحتى فى الاشارة لو حتقفوا ثوانى .. الا واذا طولته اكتر من دقيقة انقلوا الى الغيار n وخاليكوا واقفين

وحتى لو حتنقلوا قبل ما تقفوا الى الn وتقفوا ولما تطلعوا تجيبوا على الd عادى بردوا .. بس مش كل شوية حتعملوا كدا لو فى وقف كتيرررر يعنى تمشى وتقف وتمشى وقف وهكذا .. فى الحالة دى خاليك على الd عادى

ومفيش اى قلق على الفتيس ولا حاجة طالما بتنقل صح .. وانت واقف تدوس على الزرار .. وانت ماشى لو عايز تنقل يبقا تحرك العصاية عادى

مفيش احسن من سواقة الاتوماتيك فى الزحمة بصراحة

تحياتى

[harizy]

طب إذا كان الموضوع بالشكل ده يبقى إيه الفرق بين المانيوال والأتوماتيك، إنت كده كده بتنقل العصاية يبقى مالوش لازمة الأتوماتيك.
وبعدين إزاى بتحمل على الفتيس إذا كنت وإنت واقف ضاغط على دواسة الفرامل أنا شخصياً أحياناً برفع فرامل اليد عشان أشيل رجلى من على الفرامل والفتيس على (d) ومفيش مشاكل وإن شاء الله مش هيبقى فيه مشاكل.

[essa]

انا عن نفسى لما بمشى واقف كتير لمسافات قصيره ( اٍشاره مثلا ) بجيبها على 1 ولما الطريق يتفتح بمشى على 2 وبعد كده على d
ولما بقف كتير بجيبها على n -- الوقوف لمده 30 ثانيه تقريبا ( وبحاول على قد ما اقدر اني اسيب العربيه اللى قدامى تمشى شويه بحيث اني مفضلش ماشى وراها ولما تقف اقف ولما تمشى امشى بمعنى اني اسيب لنفسى مسافه علشان اريح العربيه ! )

[egypt0777]

طب إذا كان الموضوع بالشكل ده يبقى إيه الفرق بين المانيوال والأتوماتيك، إنت كده كده بتنقل العصاية يبقى مالوش لازمة الأتوماتيك.
وبعدين إزاى بتحمل على الفتيس إذا كنت وإنت واقف ضاغط على دواسة الفرامل أنا شخصياً أحياناً برفع فرامل اليد عشان أشيل رجلى من على الفرامل والفتيس على (d) ومفيش مشاكل وإن شاء الله مش هيبقى فيه مشاكل.

حضرتك شكلك كده ما جربتش سواقة الاتنين

[Bishoy.Girgis]

بصوا يا جماعة و من الاخر رأيي الشخصي :

اللي عايز يحافظ علي تيل الفرامل اطول فترة ممكنة لازم ميتغطش فترة كبيرة علي الفرامل اثناء الوقوف بالعربية
يعني لو الموضوع اشارة او وقوف متكرر لفترات طويلة يبقي بدل بين الـ d و الـ n عادي جدا و كمان عشان اللي ميعرفوش انك ممكن تبدل بينهم عادي جدا جدا بدون الضغط علي الزرار الفضي
و بكده بتزود عمر تيل الفرامل و كمان بتريح العربية في نفس الوقت و كمان بتوفر في استهلاك البنزين
و برده منتظر رأي الاعضاء الاحباء

[WalidAdel]

هو الموضوع ده مش هايفرق الفرق الفظيع ده علي فكره سواء في تيل او فيتيس او اي حاجه اخري مش عارف الناس محسساني ان العربيه من الهوا دوبنا يعني
ياباشا اركب و استمتع و عيش بقي فتيس مش هايبوظ ولا تيل هيتاكل لما تعمل كده او عكس كده ماتحطش في دماغك و بعدين اصلا اصلا الفرامل دي لما حضرتك بتدوس عليها بتفصل الحركه عن الموتور كأنك دايس دبرياج ياجدعاااااااااااااااان و دا اللي بيتيح لحضرتك انك تنقل بين ال d و ال r عادي كانك دايس دبرياج في المانيوال
علي كلامكوا ده ان الاوتوماتيك و انت علي ال d و دايس فرامل هايبقي كأنه عايز يتحرك و انت ماسكه بالفرامل لكن الموضوع مش كده خاااااااااااااااااالص
الفرامل دي لما بتدوس عليها في الاوتوماتيك كانك دايس فرامل و دبرياج في المانيوال بالظبط بيفصل الحركه عن الفتيس خالص يعني ولا فرامل هاتتأثر و لا فتيس ولا اي حاجه هو الموضوع كله هايبقي في العصايه و السوسته بتاعة الزورار لو بتستخدمها في النقل فقط
هاقولك تجربه بسيطه علشان تتأكد هات الفتيس علي ال D و في نفس ذا الوقت دوس فرامل برجلك الشمال و اليمين حطها علي البنزين و زرود بنزين و شوف ايه اللي هايحصل ..... و ابقي قولنا حصل ايه
حركة الفصل دي موجوده في عربيات كتيييييييييير و كمان في التيدا بس ماعرفش بالامانه موجوده في الصني ولا لأ هيا هاتعرفها لما تبقي قافل الزجاج بتاع العربيه كله و انت علي ال N دوس فرامل هاتسمع صوت تكه صغيره اوي كده جايه من تحت الكونسول او من تحت الدركسيون هيا دي
اجو اكون افدتك

[essa]

ه بس ماعرفش بالامانه موجوده في الصني ولا لأ هيا هاتعرفها لما تبقي قافل الزجاج بتاع العربيه كله و انت علي ال n دوس فرامل هاتسمع صوت تكه صغيره اوي كده جايه من تحت الكونسول او من تحت الدركسيون هيا دي
اجو اكون افدتك

اة دى موجوده فى الصني بس صوت التكه دي على ما اعتقد انك لما بتدوس فرامل بتظهر التكه دي ومنها تقدر تدوس على زرار الفتيس علشان تقدر تجيبه على ال n او ال r او ال d .. الخ
يعنى لو مادوستش فرامل مش هيتحرك معاك الفتيس ~> الفكره انها بس بتفتح لنقل الغيار مش اكتر

ولما ندوس فرامل برجلنا الشمال ونجيب ال d وندوس بنزين بـ اليمين بيظهر معانا دفعه الغيار الاول
يعنى بمعنى اصح العربيه بتتحرك واحنا ماسكين فرامل يبقى ازاى لما بدوس فرامل يبقى كانى دايس دبرياج
انا معاك انه فعلا الفرامل فى الاوتوماتيك بتحل محل الدبرياج بس لما العربيه تقف لفتره معينه وبعد الفتره دي ما تخلص بتبقى فى وضع المور -- -- تقريبا الفتره دي بتبقى 10 ثوانى
بمعنى انك لما تيجي تقف مره واحده بتحس ان الار بي ام عالى وبعد كده بينزل واحده واحده
والله اعلم

[maxayma]

السلام عليكم

انا الحمد لله لسة مستلم تيدا امبارح و مكتوب فى المانيوال بتاعها ضمن ارشادات توفير استهلاك البنزين "تجنب الانتقال الى وضع اللا تعشيق من دون داعى" مش اللاتعشيق دا هو n

انا مش عاوز اكون بلخبط صاحب الموضوع بس انا برده لسه مستجد و ادينا كلنا بتعلم من خبرة بعض

[samsong]

والله ياجماعه انا بسوق اوتوماتيك من 1985 وفي الاشارات والوقفه الممتده بيبقي علي n وفي الزحمه العاديه يبقي فرامل واكتر من تغير الزيت والفلتر للفتيس في ميعاده لاشئ ولاتقلقوا وسوق عادي وزي مقال وليد......
اهم حاجه في الاوتوماتيك ان الرجوع للخلف او الطلوع الي الامام لازم تبقي واقفه العربيه تماما غير كده لم اواجه طوال المده دي اي مشاكل نهائيا والعربيات كانت تويوتا كريسيدا-مذدا 929-كابرس-صني-تيدا
وكله اوتوماتيك
لاتقلقوا واستمتعوا بقياده الاوتوماتيك زي ماقال اخي احمد
ورمضان كريم

[msalah191281]

شكرا للرد يا جماعة يعنى نفهم من كدة ان الواحد ما بنقليش على ال n الا فى الوقفات الطويلة فقط انما فى الوقفات العادية الى تحت 60 ثانية مثلا عادى مش كدة ولة انا فهمت غلط

[essa]

لا هو كده صح ,امشى وعيش حياتك ومايهمكش
وبعدين اللى ليك نصيب تشوفه فى عربيتك هتشوفه حتى لو مشيت بالكتالوج !
ربنا يديك خيرها ويكفيك شرها

[ahmedhawas]

هو الموضوع ده مش هايفرق الفرق الفظيع ده علي فكره سواء في تيل او فيتيس او اي حاجه اخري مش عارف الناس محسساني ان العربيه من الهوا دوبنا يعني
ياباشا اركب و استمتع و عيش بقي فتيس مش هايبوظ ولا تيل هيتاكل لما تعمل كده او عكس كده ماتحطش في دماغك و بعدين اصلا اصلا الفرامل دي لما حضرتك بتدوس عليها بتفصل الحركه عن الموتور كأنك دايس دبرياج ياجدعاااااااااااااااان و دا اللي بيتيح لحضرتك انك تنقل بين ال d و ال r عادي كانك دايس دبرياج في المانيوال
علي كلامكوا ده ان الاوتوماتيك و انت علي ال d و دايس فرامل هايبقي كأنه عايز يتحرك و انت ماسكه بالفرامل لكن الموضوع مش كده خاااااااااااااااااالص
الفرامل دي لما بتدوس عليها في الاوتوماتيك كانك دايس فرامل و دبرياج في المانيوال بالظبط بيفصل الحركه عن الفتيس خالص يعني ولا فرامل هاتتأثر و لا فتيس ولا اي حاجه هو الموضوع كله هايبقي في العصايه و السوسته بتاعة الزورار لو بتستخدمها في النقل فقط
هاقولك تجربه بسيطه علشان تتأكد هات الفتيس علي ال D و في نفس ذا الوقت دوس فرامل برجلك الشمال و اليمين حطها علي البنزين و زرود بنزين و شوف ايه اللي هايحصل ..... و ابقي قولنا حصل ايه
حركة الفصل دي موجوده في عربيات كتيييييييييير و كمان في التيدا بس ماعرفش بالامانه موجوده في الصني ولا لأ هيا هاتعرفها لما تبقي قافل الزجاج بتاع العربيه كله و انت علي ال N دوس فرامل هاتسمع صوت تكه صغيره اوي كده جايه من تحت الكونسول او من تحت الدركسيون هيا دي
اجو اكون افدتك

انا عندي تعليق صغير بعد إذنك طبعا:
1- هو ممكن يبان للي سايق ان الفرامل بتحل محل الدبرياج ، لكن الحقيقة ان التورك كونفرتر هو اللي بيحل محله.
2- بالنسبة لصوت التكة لما تدوس عالفرامل .. فده اللوك بتاع عصاية الفتيس (BTSI) وده معمول للحفاظ على تروس الفتيس.
3- وانت عال D ودايس فرامل .. العربية بتكون عايزة تتحرك فعلا وانت مكلبشها ويفضل متقعدش عالوضع ده لفترة طويلة.
4- وبالنسبة للتجربة اللي حضرتك قولت عليها .. فانا مبنصحش حد انه يجربها وده حفاظا عالتورك كونفرتر
(لان من اهم أسباب تلف الكونفرتر ... هو انك تدوس بنزين وفرامل مع بعض والفتيس جايب غيار)
ليه ؟؟ عشان العربية عايزة تجري وانت مكلبشها بالفرامل وبالتالي لازم يحصل slipping في الكونفرتر وده بيخلي الزيت يسخن جدا ويفقد خواصه وكنتيجة للسخونة المفرطة : الأولسيهات بتضرب والكونفرتر يجيب زيت من كل حتة.

5- في حاجة شبيهة بالتجربة بتاعة حضرتك وهي سيستم أمان موجود في نيسان إسمه BOT أو (Brake Override Technology) ونيسان منزلاه من زمان في معظم عربياتها في أمريكا .. هل موجود في التيدا ..معرفش!!
وهو انك لما تكون ماشي بالعربية وتضطر تفرمل فجأة ..فلو حصل وانك اتلخبطت ودوست عالفرامل برجلك الشمال (ومازالت رجلك اليمين عالبنزين أو زودت بنزين) .. فالعربية بتستجيب للفرامل فقط ولا كأنك دايس بنزين.
وبيستخدم في الطواريء فقط .. (يعني لو العربية واقفة و عملت التجربة اياها برضو هتأثر على عمر الكونفرتر لان السيستم ده مش هيشتغل)
نفس السيستم موجود في هوندا باسم تاني Brake Priority Logic إلا ان نيسان مطبقة النظام ده في عربياتها (في أمريكا) قبل هوندا وتويوتا بسنين.

والله أعلم.