إعـــــــلان

Collapse

.

,
See more
See less

مساعدة: شد نيسان باترول 1984 ديزل

Collapse
X
 
  • Filter
  • الوقت
  • Show
Clear All
new posts

  • مساعدة: شد نيسان باترول 1984 ديزل

    السلام عليكم ورحمة الله
    احب ان اهنئ الاخوة بشهر رمضان المبارك
    واحب ان اشكر كل القائمين على المنتدي وكل من ساعدني برأيه في حيرتي عند اختيار عربية مستعملة في مواضيع اخرى.

    حتي لا اطيل عليكم صرفت نظر عن شراء سيارة مستعملة وقررت ان اشد عربية اخي الباترول 1984 الديزل بالفلوس - وهو لسة عاملها عمرة بس الماتور مش بتاعها هو حاتطلها ماتور ايسوزو ديزل 1900 سي سي زي ما هو قالى
    ديه نفس سيارة اخويا بس بتاعه اخويا 2 باب والبادي مش ناقصة حاجة بس طالع عينه

    ارجو من لدية خبرة ان يساعدني في التالي:
    1- هل ينفع اغير البودي بتاعها بواحدة سفاريزي اللى في الصورة الاخيرة او باترول تسعينات؟ ومنين في مصر اقدر اشتريه؟
    2- هل ينفع اغير البودي بواحد اربعة باب علشان دية اتنين باب بس؟
    3- ايه احسن ما تور يتركبلها؟ وايه رايكوا اخليها ديزل ولا اغيرها بنزين؟ مع العلم اني ناوي اشغلها في توزيع بضاعة واللف هيبقى كتير واحتمال هيبقى فيه سفر بس مش كتير؟
    4- هل اجد في مصر تبلوه ليها ولالا؟ وبقية الاكسسوارات ممكن اجبها منين؟ انا من القاهرة
    5- الفرش بتاعها حدث ولا حرج محتاج يتغير بالكامل وعايز كنبة زيادة علشان هي فيها كنبة واحدة؟ فين ممكن اشد الفرش كويس - اقصد صنايعي محترم وشغلة نضيف وحنين في السعر؟
    6- عايز اغير الكاوتش بتاعها؟ فما المقاس اللى ممكن يتركب عليها؟ وياتري اركب كوتش عريض زي اللى في الصورة السفاري اللى تحت ولا اخليه رفيع زي اللى راكب حاليا؟
    7- هل ممكن يتركب لها تكييف ومنين اقدر اشتريه؟
    8- اماكن افضل صنايعية من وجهة نظركم في القاهرة. ميكانيكي ديزل - وسروجي - عفشجي والذي منه - علشان العربية هتتشد من الالف للياء؟

    لو امكن اماكن شراء كل الاجزاء والاكسسوارات اللى موجودة في الصورة الاخيرة من القاهرة.

    صورة لبودي السفاري:


    ولو امكن رايكم هل الموضوع ده يستاهل ولا لا؟ اقصد التكلفة دية هتوقف العربية على رجليها ولا هتبقى تضييع فلوس على افاضي؟ لاني ناوي اشتغل بيها؟

    مع العلم ان اخوكم ملهوش في العربيات خالص
    شكرا جزيلا
    وكل عام وانتم بخير
    والسلام عليكم

  • #2
    انت عشان تعمل اللى انت عايزه وتوصل لشكل العربية اللى فى الصورة التانية .. عاوز صبر ايوب .. وفلوس كتير

    والمشكلة مش فى كل ده .. المشكلة فى الناس اللى حتشتغل فى العربية .. وتعدل وتركب وتقفل الحاجة مبظوطة .. من غير اى مشاكل .. وده صعب فى مصر

    ده غير انك عاوز تتعامل مع حد يكون من بتوع قطع الغيار اللى يوفرلك الكلام ده

    حتتعب كتير
    [CENTER][COLOR=#ff7700][SIGPIC][/SIGPIC][/COLOR][/CENTER]
    [CENTER][FONT=Tahoma][COLOR=#ff7700]محرر فى دعم اتخاذ القرار بوزارة الاعلام[/COLOR][/FONT][/CENTER]
    [CENTER][FONT=Tahoma][COLOR=darkslategray]قليل المشاركة فى [COLOR=blue]الموضوعات [/COLOR]والرسائل [COLOR=blue]الخاصة[/COLOR] لانشغالى بالعمل[/COLOR][/FONT][/CENTER]
    [CENTER][FONT=Tahoma][COLOR=darkgreen][COLOR=darkred]برجاء الاتصال بى[/COLOR] :[/COLOR][COLOR=navy] [U]01288814049[/U][/COLOR][/FONT][/CENTER]

    Comment


    • #3
      المشاركة الأصلية كتبت بواسطة ahmed.tv مشاهدة المشاركة
      انت عشان تعمل اللى انت عايزه وتوصل لشكل العربية اللى فى الصورة التانية .. عاوز صبر ايوب .. وفلوس كتير

      والمشكلة مش فى كل ده .. المشكلة فى الناس اللى حتشتغل فى العربية .. وتعدل وتركب وتقفل الحاجة مبظوطة .. من غير اى مشاكل .. وده صعب فى مصر

      ده غير انك عاوز تتعامل مع حد يكون من بتوع قطع الغيار اللى يوفرلك الكلام ده

      حتتعب كتير
      +11111

      كل الكلام ده صح بالاضافه الي انك باين عليك مش بتاع بهدله و لامؤخذه في الكلمه و و مالكش في العربيات يعني كمان هاتتعب نفسك في حاجه مش فاهمها خاااااالص و بالتالي مش هاتعرف تتصرف و تلف و تروح و تنزل السوق تدور علي قطع الغيار و كده زائد ان الصنيعي اللي هايشتغل هايبقي في ايده انه يرجعلك العربيه دي زيرو تركبها و تنسي او انه يكرهك في اليوم اللي خالاك تفكر التفكير ده اصلا
      العربيه تتعمل مافيش حاجه ماتتعملش بس محتاجه لف كتير علي الصنيعيه و تشوف انهي الاحسن و تشوف قطع الغيار تجيبها منين و تحضرها الاول قبل مايشتغل و بعدين اصلا اصلا محتاجه واحد فاهم اوي اوي في العربيات علشان يعملها و يعمللها صح زي مابقول الكتاب
      عموما يعني من خلال لفي في دهاليز القاهره الكبري و ضواحيها ماشوفتس ناس بتشد العربيات دي احسن من المنطقه الصناعيه اللي في العامريه - بعد كارتة الاسكندريه الصحراوي و قبل كوبري العامريه
      الناس اللي هناك دول عفاريت تويوتا بكل اشكاله القيدمه نص نقل دوبل كابينه باترول كله كله لان المنطقه كلها عرب و هما بيعشقوا العربيات دي اوي و عندهم قطع غيار ليها و كل حاجه من الالف للياء و كنت باشوف عربيات بتتتشد هناك بترجع زيروووو بمعني الكلمه
      بس هاتحتاج حد معاك فاهم يقلب في قطع الغيار و يشوف الصنايعيه هناك و كده ..... علشان كده بقولك محتاجه مجهود جبار بس هابقي كداب لو قولتلك تحتاج اد ايه فلوس بس اعمل حسابك تقدير مبدئي 15-20 الف مش اقل من كده
      عادي جدا انك تشوف عربيات هناك في العامريه بالحالات دي







      او ممكن حل اخر بردوا تشوف قسم الورشة عايفيدوك اكتر مننا بردوا

      دي مجرد اقتراحات بس علشان احاول اوجهك في الطريق الصح و لك حرية الاختيار

      Comment


      • #4
        السلام عليكم
        جزاكم الله خيرا على الرد
        شكرا اخي ahmed.tv على النصيحة ولكن انا فكرت فيها وقلت اصرف عليها 15000 اللى معايا علشان هتبقى احسن من اي عربية بالفلوس دية ولا ايه رايك؟ وكمان كنت ناوي اشغلها في نقل/توزيع بضاعة.

        بارك الله فيك اخي walidadel وجزيت خيرا على النصيحة وفعلا انا مليش في العربيات خالص ودية اول عربية اركبها واعمل فيها حاجة بس خالى في موضوع العربيات دية بقالة فوق 30 سنة تعامل في كل الانواع حتى لما كان في الجيش وخال اخر بتاع دوكوا سيارات فعارف صنايعية ممكن يقفوا معايا في الشغل مش هما اللى يعملوها علشان كدة فكرت في الموضوع
        وانا عارف ان الموضوع مكلف بس هل التكلفة وخروج عربية زي الباترول احسن ولا اشوفلى حاجة في حدود 15000 الف.

        وان شاء الله هعمل نفس الموضوع في قسم الورشة

        وكل عام وانتم بخير وتقبل الله منا ومنكم الصيام
        السلام عليكم

        Comment


        • #5
          المشاركة الأصلية كتبت بواسطة alameldeen مشاهدة المشاركة

          بارك الله فيك اخي [/b]walidadel وجزيت خيرا على النصيحة وفعلا انا مليش في العربيات خالص ودية اول عربية اركبها واعمل فيها حاجة بس خالى في موضوع العربيات دية بقالة فوق 30 سنة تعامل في كل الانواع حتى لما كان في الجيش وخال اخر بتاع دوكوا سيارات فعارف صنايعية ممكن يقفوا معايا في الشغل مش هما اللى يعملوها علشان كدة فكرت في الموضوع
          وانا عارف ان الموضوع مكلف بس هل التكلفة وخروج عربية زي الباترول احسن ولا اشوفلى حاجة في حدود 15000 الف.
          ياباشا الله يخاليك

          لا لو علي كده يبقي اتكل علي الله فيها طالما معاك ناس فاهمه كده
          و هيا لو قامت فعلا هاتبقي احسن من اي عربيه في السعر ده و خدهم بقي معاك و روح العامريه بالمره تجيب الحاجات اللي ناقصه فيها سواء فوانيش او شبكه او مرايات كده يعني لقت الحاجات بتاعتها قبل ماتشتغلوا فيها و الله الموفق

          Comment


          • #6
            شكرا استاذ walidadel
            وان شاء الله هستعين بالله وهاخد خالى وهروح العامرية
            سؤال: لو حبيت ادور على واحدة سفاري على طول وتكون ديزل تبقى في حدود كام؟؟

            Comment


            • #7
              المشاركة الأصلية كتبت بواسطة alameldeen مشاهدة المشاركة
              شكرا استاذ walidadel
              وان شاء الله هستعين بالله وهاخد خالى وهروح العامرية
              سؤال: لو حبيت ادور على واحدة سفاري على طول وتكون ديزل تبقى في حدود كام؟؟
              لا والله يابيه مقدرش افيد سعتك في العجل ده لاني بامانه عمري مافكرت فيه

              Comment

              Working...
              X