عضو جديد تيداوي في منتدى النيسان ..

[_vivo_]

السلام عليكم و رحمة الله ..
أولاً أحب أتعرف على السادة أعضاء المنتدى بعد إذنكم يعني و إسمحوا لي أنضم ليكم في أسرة نيسان ..
أنا إن شاء الله إشتريت تيدا هاتش باك بلس .. بس من غير فتحة سقف و دا لأن أبويا لسة عايش في أن فتحة السقف عيب مش ميزة بس الحمد لله يعني الراجل عمل اللي عليه و زيادة ..
بس لسه ماستلمتهاش .. و مأجل موضوع الإستلام ده شوية على ما أظبط الجراج .. عشان خايف أركنها في الشارع بأمانة لأن أتعلم عليا قبل كده بسبب الموضوع ده ..
أنا كنت ناوي أجيب اللون الأحمر بس للأسف لقيت إن العربية معدش بينزل منها غير الأسود و الفضي و الشامبين .. و إن الأحمر و الأزرق معرفش راحوا فين ..
طولت عليكو بس معلش بأه إستحملوني ..
كنت بس حابب أعرف من السادة ملاك التيدا و أنا بستلم لو في أي ملاحظات أو أي حاجة أعملها عشان أتجنب أي عيوب ممكن تظهر كده في الأول ..
و لكم جزيل الشكر ..

[SonaSteel]

لولا انك سألت ملاك التيدا .... كنت هاجاوبك :))
بس المرة الجاية بقي :P:P
--------------------------------
ولا أقولك سماح المرة ديه :))
اولا الف الف مبارك عليك وربنا يرزقك خيرها ويكفيك شرها .... وقول للحاج الله يسامحك وربنا يخليهولك :))
ثانيا بقي .....عايز تعيش مع اللينك ده
نصايح
هتلاقي فيه الخير كله ان شاء الله
واي سؤال تاني ..... استني بقي ملاك التيدا ههههه
وخاصة ان صاحب اللينك هو عمدة الصقور ...... وحظك ان معاه تيدا :)))))))

[Ahmed.TV]

الف مبروك عليك التيدا .. واهلا بيك صقر معانا من صقور نيسان

عربية محترمة جدا وربنا يكيفيك شر الطريق

موضوع تركز على ايه فى الاستلام وما بعد الاستلام كله موجود فى الموضوع اللى حطلك لينكه حسين .. والموضوع ده حيفيدك

وبعدين انت مقولتش حتستلم منين .. لو من موزع معتمد يبقا اطمن ومتقلقش حيشرحولك كل صغيرة وكببيرة فى العربية

متشغلش بالك باى اسئلة او مشاكل ميكانيكية فى العربية .. لان العربية اعطالها قليلة جدا .. واتمتع بيها

والف مليون مبروك

تحياتى

[_vivo_]

ألف شكر

لولا انك سألت ملاك التيدا .... كنت هاجاوبك :))
بس المرة الجاية بقي :p:p
--------------------------------
ولا أقولك سماح المرة ديه :))
اولا الف الف مبارك عليك وربنا يرزقك خيرها ويكفيك شرها .... وقول للحاج الله يسامحك وربنا يخليهولك :))
ثانيا بقي .....عايز تعيش مع اللينك ده
نصايح
هتلاقي فيه الخير كله ان شاء الله
واي سؤال تاني ..... استني بقي ملاك التيدا ههههه
وخاصة ان صاحب اللينك هو عمدة الصقور ...... وحظك ان معاه تيدا :)))))))

أولا يا باشا ألف شكر ليك و معلش سامحني بقى ...
و الله يبارك فيك و يخليك و شكرا على ردك و أهتمامك ..

[_vivo_]

الف مبروك عليك التيدا .. واهلا بيك صقر معانا من صقور نيسان

عربية محترمة جدا وربنا يكيفيك شر الطريق

موضوع تركز على ايه فى الاستلام وما بعد الاستلام كله موجود فى الموضوع اللى حطلك لينكه حسين .. والموضوع ده حيفيدك

وبعدين انت مقولتش حتستلم منين .. لو من موزع معتمد يبقا اطمن ومتقلقش حيشرحولك كل صغيرة وكببيرة فى العربية

متشغلش بالك باى اسئلة او مشاكل ميكانيكية فى العربية .. لان العربية اعطالها قليلة جدا .. واتمتع بيها

والف مليون مبروك

تحياتى

متشكر جدا يا باشا على إهتمامك ..
و شرف ليا أني أنضم لصقور نيسان ..
أنا إن شاء الله هستلم من السبع و أعتقد أنو في مصر الجديدة ..
دعواتكم لينا بقى ...

[Bishoy.Girgis]

الف مبروك عليك مقدما يا باشا العربية الجديدة و مبروك علينا صقر جديد من صقور نيسان

[mohaismail]

الف مبروك ى باشا عربية محترمة جدا وصعب جدا تشتكى منها وتقريبا ملهاش عيوب وربنا يباركلك فيها
وبخصوص اللون شوف انت ساكن فين ومشاويرك فين لو بتمشى فى طرق نضيفة ومفهاش تراب كتير هات الاسود لانه شيك جدا لو غير كده هات فضى .

[zenda]

اللون الأحمر موجود للتيدا شايفة امبارح عندنا فى الاسكندرية عند موزع نيسان احمد مرعى كانت هاتشباك بس بفتحة سقف :d
انما اللون الازرق هو اللى فعلا مش بينزل.

[Sehsss]

ألف مبروك يا باشا وربنا يديك خيرها ويكفيك شرها

[szaalouk]

الف مبروك عليك التيدا و ربنا يحميها لك و يكفيك شر الطرق
العربيه زي ما الأخ mohaismail قال خاليه تماما من العيوب بأذن الله و لا تشتكي من شيء الا اذا
انت عاملتها بافترا لكن لو عاملتها بحنيه حاتشيلك جوا عنيها الاتنين و عمرها ما حاتكل ولا تمل .
و اختيار موفق بأذن الله و الف مليون مبروك مره تانيه .

رمضان كريم

[BassamHafez]

مبروك واهلا بيك معانا في نيسان

[ahmedamir78]

ألف مبروك عليك السيارة وربنا يبارك لك فيها إن شاء الله،
أنا لسة حالاً راجه من معرض مرعي في إسكندرية عندنا في منطقة مصطفى كامل وموجود عنده اللون الأحمر الهاتشباك، وبصراحة بسم الله ما شاء الله العربية تحفة تحفة تحفة لدرجة إني لم أصدق أن الهاتشباك بتاعت التيدا شنطتها واسعة كده ، وفي أمكانية دفع الكنبة الخلفية إلي الأمام لتوسيع الشنطة الخلفية مع الأحتفاظ بوضع الكنبة كما هو، ودي خلتني أعيد تفكير تاني من الأول، عشان أنا كنت ناوي بصراحة أجيب الصني السوبر صالون هاي لاين أعلى فئة، وبعد ما شفت التيدا ، الموضوع لعب في دماغي من تاني ، رغم ان الفرق كبير في السعر ولكن التقسيط مغري برضه، بس المشكلة دلوقتي إني بحب العربية إللي بشنطة وما كنتش ناوي أدفع أكتر من 100000جم في هاتشباك، ولكن السيدان منها بصراحة شكلها فكسان أوي، على العموم ساعة التنفيذ هصلي أستخارة وربنا يعمل إللي في الخير إن شاء الله.
يا ريت إذا عندكم أي نصيحة تفيدوني بيها في حسم الأختيار

[Elsayed]

ألف مبروك وربنا يديك خيرها ويكفيك شرها وهى فعلا عربية محترمه جدا

[_vivo_]

الف مبروك عليك مقدما يا باشا العربية الجديدة و مبروك علينا صقر جديد من صقور نيسان

الله يبارك فيك يا باشا .. و شرف ليا يا باشا الإنضمام ليكم ...

[_vivo_]

الف مبروك ى باشا عربية محترمة جدا وصعب جدا تشتكى منها وتقريبا ملهاش عيوب وربنا يباركلك فيها
وبخصوص اللون شوف انت ساكن فين ومشاويرك فين لو بتمشى فى طرق نضيفة ومفهاش تراب كتير هات الاسود لانه شيك جدا لو غير كده هات فضى .

أولا ألف شكر ليك على إهتمامك ..
أنا فكرت في اللون الأسود ... هو شيك جدا .. بس بصراحة عايز طبطبة أنا كان نفسي في الحمرا بصراحة بس الحمد لله بقى ..