الحمد لله العربيه كانت هتتسرق وربنا ستر

[احمد المصرى]

السلام عليكم


دخلت علشان اصلى الظهر فى جامع بجوار ميدان فودافون فى 6 اكتوبر ودخل صليت وخرجت لقيت الزجاج مكسور والعربيه متقلبه ولكن الحمد لله مخدش حاجه ذو قيمه حتى الكاسيت معرفش يخلعه تقريبا منن السرعه بتاعته طبعا الحمد لله ان ربنا ستر والعربيه موجوده بس ال جه فى بالى حجات تانيه من المفروض ال الصنى فيها حمايه وان المفروض ان اول لما يكسر الزجاج ويفتح الباب تزمر علشان الحمايه وتفصل كهرباء السياره ولا انا غلطان ..... يعنى هل العربيه عملت صوت وانا مخدش بالى ولا هيا اساسا مفهاش اى صوت بيطلع وهل لازم الواحد يركب انزار كنوع من انواع الوقايه مش اكتر والحافظ ربنا طبعا


سؤال جه فى بالى وحبيت نتناقش فيه



ثانيا :- الزجاج اتكلف 160 جنيه د.جريش والتركيب اخد حوالى 20 دقيقه يعنى الموضوع سهل مش صعب بس الموقف كان رخم مش اكتر بس طبعا الحمد لله على كل حال



الغلطهع بتاعتى فى الموضوع انى كنت سايب فى العربيه ظرف اى حد يشوفه يقول ان فيه فلوس وسايب نظاره شمس يمكن دى اول مره اسيب ظرف فى العربيه ويمكن دا ال خلاه يكسر الزجاج والله اعلم


السؤال الاخير انا مش متخيل اذاى الحرام دا هيستحمل عقاب ربنا على السرقه وكمان فى شهر رمضان ومش متخيل برضوا لما يفتح الظرف ويلاقى ال جواه هيقول ايه اموت واشوف منظره لما يفتحه ........ السؤال الاخير الظرف فيه ايه ؟؟؟؟؟؟؟؟؟؟ ههههههههههههه

[mego20082007]

الحمد لله انها جت على قد كده والله مش عارف الناس دي مبتخافش ربنا هم ميعرفوش التعب قد ايه عشان يجيب عربية زي دي الحمد لله
والاجابة ان شاء الله تونس

[احمد المصرى]

الحمد لله انها جت على قد كده والله مش عارف الناس دي مبتخافش ربنا هم ميعرفوش التعب قد ايه عشان يجيب عربية زي دي الحمد لله

الف حمد وشكر لله انا بسيطه بس فعلا الراجل دا صعبان عليا علشان شال على كتافه سرقه وفى شهر كريم كمان كسب ايه هم بقا غير كام دعوه حلوين فى الشهر الكريم



حسبى الله ونعم الوكيل

[omar-saad]

الحمد لله انها جات على اد كدة
بس انتا تركب انذار محترم علشان العربية تسمع الحتة كلها
وان شاء الله الموضوع مايتكررش تانى

[WalidAdel]

اولا قدر الله و ماشاء فعل
ثانيا خالي بالك العربيه فيها انذار بس الغريب انه ماضربش ليه ماعرفش و ده ليه سبب واحد و ان الريموت كان في مدي العربيه و العربيه حاسه انه قريب فلذلك العربيه مازمرتش لما الباب اتفتح و الله اعلم بس الانذار انا مجربه كذا مره و شغال ميه وميه بس لازم تكون بعيد حبه حلويييين يعني
ثالثا بقي الحرامي اصلا فاقد الجانب الديني تماما فمش فارقه معاه في رمان ولا غير رمضان اهو بيسرق لان ده شغله اللي بياكل منه عيش بس الحمد لله علي كل شئ

[eyadmorsy]

السلام عليكم


........ السؤال الاخير الظرف فيه ايه ؟؟؟؟؟؟؟؟؟؟ ههههههههههههه

الحمدلله ربنا ستر وحلى بالك متحطش فيها حتى الفكة الحديد فى مكان ظاهر..و...هو صحيح يا احمد باشا.. هو الظرف كان فيه ايه

[amazingahmed]

السلام عليكم


السؤال الاخير الظرف فيه ايه ؟؟؟؟؟؟؟؟؟؟ ههههههههههههه

فيل

[احمد المصرى]

الحمد لله انها جات على اد كدة
بس انتا تركب انذار محترم علشان العربية تسمع الحتة كلها
وان شاء الله الموضوع مايتكررش تانى

انا انهاردا لسه شايف نيسان فيها انزار لانى كنت بسمع ان تركيبه رخم بالنسبه للنيسان وان شاء الله فى اقرب فرصه هركب الانزار ان شاء الله

[احمد المصرى]

اولا قدر الله و ماشاء فعل
ثانيا خالي بالك العربيه فيها انذار بس الغريب انه ماضربش ليه ماعرفش و ده ليه سبب واحد و ان الريموت كان في مدي العربيه و العربيه حاسه انه قريب فلذلك العربيه مازمرتش لما الباب اتفتح و الله اعلم بس الانذار انا مجربه كذا مره و شغال ميه وميه بس لازم تكون بعيد حبه حلويييين يعني
ثالثا بقي الحرامي اصلا فاقد الجانب الديني تماما فمش فارقه معاه في رمان ولا غير رمضان اهو بيسرق لان ده شغله اللي بياكل منه عيش بس الحمد لله علي كل شئ

ما دا ال انا مستغربه برضوا ومدى الريموت كان بعيد تقريبا 200 متر والريموت مش بيجيب المسافه دى خالص على ما اعتقد ان كان لازم يضرب زماره السياره على ال انا اعرفه ولكن محصلش كدا او يمكن حصل وانا مخدش بالى لانى مركز فى الصلاه والله اعلم

[gebreel]

الحمد لله على انها جت على قد كدة

سؤال هي الصني فيها اموبيلايزر؟!!

[fineart607]

الحمد لله ربنا سترها وربنا يحفظك انت وكل الناس

الظرف فيه ايه هههههههههههههههههههههههههههههههههههههههههههههههههه هههههه؟

[احمد المصرى]

الظرف كان فيه كيس سواريخ محدش يتريق عليا انا لقيته مع واحد فى الشغل فاخده منه قلت من باب التغيير ورحت حاطه فى ظرف علشان الشكل العام بس انا مش متخيل شكل الحرامى لما يفتح الظرف ومتخيل ان فيه فلوس كتير ويلاقى السواريخ



ثانيا :- تخيل واحد يشيل كل الذنوب دى علشان سواريخ والله الواحد مش عارف يقول ايه ولا الشخص دا هيقابل ربنا اذاى

[SonaSteel]

الظرف كان فيه كيس سواريخ محدش يتريق عليا انا لقيته مع واحد فى الشغل فاخده منه قلت من باب التغيير ورحت حاطه فى ظرف علشان الشكل العام بس انا مش متخيل شكل الحرامى لما يفتح الظرف ومتخيل ان فيه فلوس كتير ويلاقى السواريخ



ثانيا :- تخيل واحد يشيل كل الذنوب دى علشان سواريخ والله الواحد مش عارف يقول ايه ولا الشخص دا هيقابل ربنا اذاى

ههههههههههههههههههه ........ جامدة جدااااااااااااا
هو يمكن مفتحش الباب اصلا وكسر الازاز وقلب العربية من الشباك
طيب مففيش حد ماشي في الشارع ..... ولا صوت الازاز لفتنظر حد؟؟؟؟
يا اما كنت في حتة مقطوعة وبجد وبحق وحقيقي :))
ويمكن الموقف ده يخليه يتوب ..... الله أعلم :))

[WalidAdel]

ما دا ال انا مستغربه برضوا ومدى الريموت كان بعيد تقريبا 200 متر والريموت مش بيجيب المسافه دى خالص على ما اعتقد ان كان لازم يضرب زماره السياره على ال انا اعرفه ولكن محصلش كدا او يمكن حصل وانا مخدش بالى لانى مركز فى الصلاه والله اعلم

هو انا تحليلي انه ضرب و حضرتك ماسمعتوش لان بسيطه اوي لو مكنش ضرب كان الحرامي قعد و رحرح من التعب بتاع المشوار و سرق براحته و مشي لكن هو علشان حرامي حمار كسر الزجاج و مكنش عارف ان فيها انذار فاول مافتح الباب ضرب هو اتلخم و جري و مالحقش يسرق حاجه بس كون ان الريموت بعدين عن العربيه 200 متر و حضرتك متأكد ان الريموت مش هايشتغل من المسافه ديب يبقي اكيد اكيد اكيد حضرتك ماسمعتوش مش هو اللي ماضربش لان صعب مايضربش خااااااااااااااااااالص
طيب لو الكلاكس ضرب من المسافه دي وانت في الجامع تسمعه لان الانذار بيشتغل علي كلاكس العربيه و لو الكلاكس واطي مش هاتسمعه بردوا
الحمد لله انها جت علي اد كده

[Ahmed.TV]

حمد لله على سلامتك يا بوحميد .. والحمد لله انها جت على قد كدا يا حبى
ومتحطش اى حاجة فى العربية تكون مغرية للسرقة

والحمد لله انها جت على قد كدا يا حبى