د/ جريش

[AYMANEZZE]

كل عام وانتم بخير
امبارح روحت مصنع د/جريش فى العاشر عشان اغير الزجاج الامامى لانه كان مشروخ المهم
كونت سالت عليه من 10 ايام هناك قاللولى ب 245 جنية انما المفاجاة لما روحت امبارح لاقيته ب 300 جنية لانه غلى فى خلال الاسبوع اللى فات بس بصراحة حسيت ان هناك افضل من اى مكان برة
لانهم خبرة لان كل عامل هناك احتمل يركب حوالى 50 عربية فى اليوم فاكيد خبرة
علمأ بانى سألت فى توكيل السبع قاللولى فى حدود 900 او اكتر طبعأ فرق رهيب

[alaasaid]

دكتور جريش شركة محترمة و التركيب عندهم ممتاز و كمان بتاخد ضمات على الزجاج و الف مبروك على الزجاج الجديد

[mff_629]

مبروك الزجاج الجديد
بس السؤال بقه 300 جنيه ده سعر الإزاز العادي و لا بتاع ال هاي لاين
قصدي اللي مش متفيم خالص و الا غاللي فيه حتة متفيمة فوق ؟؟

[AYMANEZZE]

دكتور جريش شركة محترمة و التركيب عندهم ممتاز و كمان بتاخد ضمات على الزجاج و الف مبروك على الزجاج الجديد
الله يبارك فيك بس يعنى ايه اخد ضمان على الزجاج بصراحة مش فاهم الحتة دا

[AYMANEZZE]

مبروك الزجاج الجديد
بس السؤال بقه 300 جنيه ده سعر الإزاز العادي و لا بتاع ال هاي لاين
قصدي اللي مش متفيم خالص و الا غاللي فيه حتة متفيمة فوق ؟؟

بص هو الازاز بتاعها الاصلى الا بينزل فيها

[wesam_salom]

مبروك الزجاج الجديد
بس السؤال بقه 300 جنيه ده سعر الإزاز العادي و لا بتاع ال هاي لاين
قصدي اللي مش متفيم خالص و الا غاللي فيه حتة متفيمة فوق ؟؟

انا ركبته فى طنطا ودفعت 325 فى محل لتركيب الزجاج
اللى هو فيه شماسه صغيره ملونه من فوق
وكان فيه نوع تانى مستورد ارخص بس انا فضلت دكتور جريش

[maged george]

الف مبروك على الزجاج الجديد ولو ممكن توصفلنا مكان دكتور جريش فين في العاشر.

[fady_anis]

مبروك عليك الازاز الجديد بس سؤال هل فى درجات فى الجوده ولا كله واحد ؟؟ اصل مش معقول فرق ال 600 جنيه عن التوكيل بصراحه مش قادر اقنتع

[Ahmed.TV]

تسلم على سرد تجربتك وياريت الناس والله زيك

وبخصوص العنوان كان فى موضوع فى القسم .. عن العنوان وكل شى عن زجاج جريش .. وكان كاتب العنوان زميلنا محمد نجيب وشارح وواصف عنوان فى العاشر .. ودكتور جودة كان كاتب ارقام التليفونات كلها

[SonaSteel]

جزاك الله خيرا علي نقل التجربة
وربنا يكفيك شر الطريق ........ اقعد بالعافية :))

[alaasaid]

السلام عليكم

الضمان بيكون ضد عيوب الصناعة

[szaalouk]

الف مبروك علي الزجاج الجديد، هما هناك ناس محترمه جدا
و ربنا يكفيك شر الطريق و شر زلط لواري الطريق

[AYMANEZZE]

[مبروك عليك الازاز الجديد بس سؤال هل فى درجات فى الجوده ولا كله واحد ؟؟ اصل مش معقول فرق ال 600 جنيه عن التوكيل بصراحه مش قادر اقنتع
اخى العزيز لو انتى بصيت على الزجاج عربيتك الاصلى اللى نزلة بيه العربية هتلاقى مكتوب عليه د/ جريش بمعنى ان اللى انا ركبته بتاعها الاصلى ولو ركبته فى التوكيل بردو هو هو د / جريش
اقتنعت ولا ايه

[aymansaad]

احنا عايزين فرع له غلى طريق السويس بسبب العربيات النقل بتاعت المحاجر

[Youssef.Awad]

1000 مبرووووووووووك يا باشا ع الزجاج الجديد
اولا: الزجاج الاصلى بتاع العربية واغلب العربيات المجمعة فى مصر محلى بيتورد من د.جريش يعنى هو هو الاصلى بتاع الصنى
ثانيا: سعر التوكيل اكيد فيه حاجة غلط لأنه فى قائمة الاسعار وقطع الغيار كان سعره من 500 - 600 ج وليس 900ج !!!! وقريب كنت قارى عن عضو سأل عليه فى مودرن تقريبا قاله 250ج تمنه و250 مصنعية التركيب وزود 10% ضريبة مبيعات كمان !!!
ثالثا: التركيب فى المصنع نفسه افضل ونفس كفاءة التوكيل ان ما كانش افضل كمان لأنهم تخصص زجاج عربيات اشكال ومقاسات واحجام وكل حاجة ومكانهم من القاهرة طريق الاسماعيلية الصحراوى كوبرى العاشر من رمضان التانى تدخل من تحته يمين هتلاقى مبنى ويافطة كبيرة والزمن من موقف السلام تقريبا ربع - نص ساعة