الرفرف الخلفي

[maay93]

[gdwl]علي عكس الرفرف الامامي تغير الرفرف الخلفي بيمثل مشكلة بالنسبة للعربية لان بعد سؤال اتوصلت والله اعلم ان الرفرف الخلفي للصني علي سبيل المثال
بيتغير قطع ولحام مش فك وتركيب
لدرجة انة في واحد قالي ان بيتغير الربع كلة وفي النهاية سواء كدة او كدة بياثر جامد في ثمن العربية اكتر من عربية مغيرة الرفرفين قدام فهل المعلومة دية صحيحة وشكرا.[/gdwl]

[fady_anis]

متابع بإهتمام

[WalidAdel]

لا طبعا مين قال الكلام ده سعتك الرفرف الخلفي زي الرفرف الامامي بيتغير عادي ولا بيأثر علي تمن العربيه و لا حاجه
هو بيتفك فعلا قطع و لحام بس عادي يعني مكان القطع معروف و اللي بيلحم بيلحمه زي لحام الفابريكه بس هو صعب في شغله فعلا علشان يعرف يساوي العالي مع الواطي و هو بيلحم و بيمعجن و يرش و في الاخر مايبانش ان كان فيها حاجه بعد الرش .... و الله اعلم

[hugan]

كل العربيات تقريبا الرفرف الخلفي بيتفك قطع ولحام
لكن اختلف مع الاخ وليد
انه شيء عادي
تغيير الرفرف الخلفي يعيب اي عربيه عند اعاده البيع عكس الرفرف الامامي
لانها بتكون راشه دواخل
الجنب اللي فيه الرفرف اترش من الداخل

[maay93]

تغيير الرفرف الخلفي يعيب اي عربيه عند اعاده البيع عكس الرفرف الامامي
لانها بتكون راشه دواخل
الجنب اللي فيه الرفرف اترش من الداخل

طيب ودي حاجة قليلة ان العربية تبقي راشة دواخل وطب بتنزل من ثمن العربية قد اية
مع ان ان احتمالية ان الرفرف الخلفي يتخبط بدون حادثة كبيرة مش قليلة

[WalidAdel]

كل العربيات تقريبا الرفرف الخلفي بيتفك قطع ولحام
لكن اختلف مع الاخ وليد
انه شيء عادي
تغيير الرفرف الخلفي يعيب اي عربيه عند اعاده البيع عكس الرفرف الامامي
لانها بتكون راشه دواخل
الجنب اللي فيه الرفرف اترش من الداخل

مش فاهم ازاي اغير رفرف و ارشه من جوه منا مغير رفرف شمال لانوس ورا و مش راشش جوه و العربيه اتباعت عادي ولا اي مشاكل ولا حتي علق عليه مع انه عارف و عرف لما كشف عليها في البنزينه كمان لان الخبطه كانت مسمعه في الكارتيره الشمال و باين فيها لحامات من جوه لكن من الشنطه مكنش في حاجه لان البلاستيك اللي في الشنطه كان مداري بس انا قايله للامانه
و اتباعت بسعر كويس الحمد لله
مش فاهم وجهة النظر معلش

[hugan]

مش فاهم ازاي اغير رفرف و ارشه من جوه منا مغير رفرف شمال لانوس ورا و مش راشش جوه و العربيه اتباعت عادي ولا اي مشاكل ولا حتي علق عليه مع انه عارف و عرف لما كشف عليها في البنزينه كمان لان الخبطه كانت مسمعه في الكارتيره الشمال و باين فيها لحامات من جوه لكن من الشنطه مكنش في حاجه لان البلاستيك اللي في الشنطه كان مداري بس انا قايله للامانه
و اتباعت بسعر كويس الحمد لله
مش فاهم وجهة النظر معلش

هو الرفرف مش بيكون جاي لونه اسود ولا جاي بلون العربيه
طبعا جاي لونه اسود
فطبيعي انه يترش بلون العربيه من الداخل والخارج
الداخل اللي هو دواخل العربيه الجنب اللي فيه الرش الجديد

هو طبعا مش عيب جامد لكنه يعيب العربيه لو بتشتري عربيه قابريكه دواخل بالكامل

[maay93]

طب انا باختصار معروض عليا سوبر صالون وفيها القصة دية ومش عارف اعمل اية خصوصا ان العربية حالتها كويسة وفابريكا معادا الرفرف دة وغطا الشنطة والاكصدامات كالعادة

[WalidAdel]

طب انا باختصار معروض عليا سوبر صالون وفيها القصة دية ومش عارف اعمل اية خصوصا ان العربية حالتها كويسة وفابريكا معادا الرفرف دة وغطا الشنطة والاكصدامات كالعادة

طالب كام فيها و العداد اد ايه
و بعدين بيني و بينك اهم حاجه الحوض و ممكن تكون الخبطه معموله بطريقه نضيفه يعني دواخل مش ملعوب فيها جامد رفرف منفخ ولا حاجه او كارتيره شمال متكنش رحلت من الخبطه و مستعدلها مثلا الحصيره بتاعة الشنطه مش بايظه و مزرجنها و مظبتها من ناحية الشمال كده يعني و دا كله توكيل يقولك عليه تخش ورشة السمركه ب 300 جنيه هايجيبلك العربيه دواخل و خوارج و كله
و بعدين انا مش عارف ليه ارش رفرف من جوه اول مره اسمع عنها للامانه اصل مش هاستفيد حاجهمن رشه زي الرفرف الامامي هاستفاد ايه لما ارشه من جوه

[maay93]

طالب كام فيها و العداد اد ايه
و بعدين بيني و بينك اهم حاجه الحوض و ممكن تكون الخبطه معموله بطريقه نضيفه يعني دواخل مش ملعوب فيها جامد رفرف منفخ ولا حاجه او كارتيره شمال متكنش رحلت من الخبطه و مستعدلها مثلا الحصيره بتاعة الشنطه مش بايظه و مزرجنها و مظبتها من ناحية الشمال كده يعني و دا كله توكيل يقولك عليه تخش ورشة السمركه ب 300 جنيه هايجيبلك العربيه دواخل و خوارج و كله
و بعدين انا مش عارف ليه ارش رفرف من جوه اول مره اسمع عنها للامانه اصل مش هاستفيد حاجهمن رشه زي الرفرف الامامي هاستفاد ايه لما ارشه من جوه

طالب فيها 72000 والعربية صيانه دائمة في التوكيل خصوصا ان كان متأمن عليها فكل حاجة بيغرها هناك وعاملة62000 في العداد العربية باين عليها استخدام نظيف بس القصة بتاعت الرفرف دية مخلية الواحد قلقان لان متغير غشان خبطة ورا غيرت معاة باب الشنطة بس الدكتور صاحبها بيقول انة مفهاش اكتر من كدة في اي شي والله اعلم فلو الكلام دة صح تسوا كام

[MASERATI]

السلام عليكم و رحمة الله و بركاته

أنا متهيألى أن الرفرف الورانى لأنه بيتركب بالقطع و اللحام, هو فعلا, بيعيب العربية و بينزل من تمنها, غير الرفرف الأمامى اللى بيركب فى جمب الحوض بصواميل.

[WalidAdel]

والله ياباشا انا مش عارف توبها كام علي الحاله دي بس عموما شوف هيا موديل كام و مايماثلتها علي كونتكت كارز بقي و قيمها سعر مبدئي يعني
و بعدين انا شايف من وجهة نظري ان حتة الرفرف دي لا تعيب العربيه و ان فعلا عابتها يبقي دا اشاعات تجار و خلاص علشان ينزل اي حاجه انا من وجهة نظري مش شايفها عيب خالص و عموما البيع عرض و طلب ياتناسبك العربيه كده ياما تشوف غيرها و هيا مسالة كلام في الهوا و مش هاتوصل لراي واضح و ثابت في الموضوع ده
مافيش غير ورشة السمكره هيا اللي هاتفيدك و تقريبا تقريبا طالما زي ماحضرتك بتقول انها متأمن عليها ي التوكيل يبقي الحادثه معموله في التوكيل بردوا و دا شئ مطمئن نوعا ما
و الله اعلم بقي بس هابقي اسال كده و ارد عليك يمكن يكون في كلام جديد ونا ماعرفش

[maay93]

والله ياباشا انا مش عارف توبها كام علي الحاله دي بس عموما شوف هيا موديل كام و مايماثلتها علي كونتكت كارز بقي و قيمها سعر مبدئي يعني
و بعدين انا شايف من وجهة نظري ان حتة الرفرف دي لا تعيب العربيه و ان فعلا عابتها يبقي دا اشاعات تجار و خلاص علشان ينزل اي حاجه انا من وجهة نظري مش شايفها عيب خالص و عموما البيع عرض و طلب ياتناسبك العربيه كده ياما تشوف غيرها و هيا مسالة كلام في الهوا و مش هاتوصل لراي واضح و ثابت في الموضوع ده
مافيش غير ورشة السمكره هيا اللي هاتفيدك و تقريبا تقريبا طالما زي ماحضرتك بتقول انها متأمن عليها ي التوكيل يبقي الحادثه معموله في التوكيل بردوا و دا شئ مطمئن نوعا ما
و الله اعلم بقي بس هابقي اسال كده و ارد عليك يمكن يكون في كلام جديد ونا ماعرفش

اولا شكرا علي اهتمامك بالموضوع وهي صني سوبر صالون 2008 وثمنها بالنسبة للفابريكا بالكامل ممكن نقول انة 72 الي75 والله اعلم لان معرفش العرض و الطلب بتعها علي عكس الانسر

[Youssef.Awad]

سعرها كده عالى ولازم تنزل عن ال70
لأن قدامى عربية واحد صاحبى كانت عاملة 16500 كم سوداء مانيوال 2010 واتفصلتله ب72 بالعافية وكانت جايبة 70 كمان