تيل فرامل الصنى

[Youssef.Awad]

ازيكم يا اخوانى فى الصنى
انا معايا صنى 2010 مانيوال استلام شهر يونيو وعامل بيها لحد دلوقت 50.000 كم ولسه ما غيرتش تيل الفرامل الامامى
وكل صيانة اسأل عليه يقولولى فى السبع لسه فيه ويادوب ينضفوه من التراب ويضبطوه وخلاص
ليا اصحاب كتير غيروه عند 30 و40 الف كم ومعاهم نفس عربيتى
حابب اعرف من كل واحد فيكم ياترى غير تيل الفرامل عند كام كم
على فكرة انا غيرت الكاوتش كمان وقبل ما اغيره كنت باحس بالفرامل ضعيفة شوية والعربية بتزحف وصفارة بسيطة اوى انما دلوقت لأ
الاجابة متاحة لكل مالكى الصنى من اى موديل زيرو او مستعمل مانيوال او اتوماتيك مع العلم بأن الموضوع ده نسبى وحسب استعمال كل واحد وطريقة سواقته
بس طبعا يهمنا نعرف متوسط العمر الافتراضى لتيل الفرامل

[AMRTOTI]

اعتقد ان 50000 كتير اوى لان المعتاد بيبقى 30000 الى 40000 اكتر من كدة اعتقد فيه خطورة

[szaalouk]

بسم الله ماشاء الله
انا عربيتي لانسر اوتوماتيك و اول تيل غيرته علي 27000 كم و كان فاضل فيه شويه قول لحد 30 او 35 الف بالكتير قوي .
فعلا زي ما المتوسط اللي حضرتك كاتبه المعدل من 30 الي 40 الف ده يبقي ممتاز
ياريت الكشف اللي جاي تتأكد ان التيل مش ناشف لأنه ممكن يكون ظاهريا فيه لحم في التيل لكن ناشف و بالتالي لا يؤدي الوظيفه المطلوبه منه كما يجب و ربنا يستر طريقك و طريقنا كلنا .
معلش انا اتكلمت عن عربيتي هنا في نيسان لأني باحب النيسان جدا و باحترمها و ان شاء الله العربيه التانيه حاتكون نيسان .

[Youssef.Awad]

اعتقد ان 50000 كتير اوى لان المعتاد بيبقى 30000 الى 40000 اكتر من كدة اعتقد فيه خطورة

انا مقتنع بكلامك وكنت عاوز اغيره انما فى السبع اكدولى انه كويس اوى ويكمل معايا بدون خطورة
واكيد هما اكتر ناس يهمهم تغييره عشان الفلوس طبعا

بسم الله ماشاء الله
انا عربيتي لانسر اوتوماتيك و اول تيل غيرته علي 27000 كم و كان فاضل فيه شويه قول لحد 30 او 35 الف بالكتير قوي .
فعلا زي ما المتوسط اللي حضرتك كاتبه المعدل من 30 الي 40 الف ده يبقي ممتاز
ياريت الكشف اللي جاي تتأكد ان التيل مش ناشف لأنه ممكن يكون ظاهريا فيه لحم في التيل لكن ناشف و بالتالي لا يؤدي الوظيفه المطلوبه منه كما يجب و ربنا يستر طريقك و طريقنا كلنا .
معلش انا اتكلمت عن عربيتي هنا في نيسان لأني باحب النيسان جدا و باحترمها و انشاء الله العربيه التانيه حاتكون نيسان .

شكرا لردك ونصيحتك بس خد فى اعتبارك ان الاتوماتيك بتستهلك تيل اكتر من المانيوال واللانسر استهلاكها لتيل الفرامل باحسه اكبر من المعتاد
كان صاحبى معاه كريستالة 98 مانيوال غيره اول مرة عند 30 وبعد كده كل 15 الف تقريبا بس كانت رجله تقيله ع الفرامل واغلب الاوقات بيصفر
وربنا يكتبهالك وتركب نيسان قريب عشان تنضم لينا وانا كمان باحب اللانسر جدااااااااااااا وباستمتع بركوبها

[FBIAhmed]

لو طرقك طوالي و عربيتك مانيوال يبقى هايطول معاك هو وطقم الدبرياج كمان متقلقش لو طرقك داخليه بيتغير على 40000 تقريبا

[Youssef.Awad]

لو طرقك طوالي و عربيتك مانيوال يبقى هايطول معاك هو وطقم الدبرياج كمان متقلقش لو طرقك داخليه بيتغير على 40000 تقريبا

هو فعلا انا سواقتى اغلب الوقت زراعى ودائرى وصحراوى وقليل داخل البلد بس ربنا ما يوريك السواقة ع الاول كيلوهات ورجلى ما بتسيبش الدبرياج وقت طويل فى الزحمة وقرفها

[Bishoy.Girgis]

تأكد ان مدام التوكيل قال لك ان لسة التيل فاضل فيه يبقي اصبر و متتسرعش لأنك اكيد مش بتستخدم الفرامل كتير

[Sehsss]

طبعا لو التوكيل قالك لسه يبقى لسه لأن من مصلحتهم التغيير ، والموضوع نبي من شخص للثاني وأسلوب سواقة بس أعتقد إن كبيره معاك هايوصل لـ 55 ألف

[Elshennawy]

السلام عليكم ورحمة الله وبركاته

انا في رأيي المتواضع
اشتري الامان والضمانه ان التيل جديد
افضل من تأخير ما لا بد منه شهر ولا شهرين
ومتقصرش في حاجه زي كده عشان التقصير ممكن يبقى خطر بعد كده

وانا معاك ان التيل ممكن يكون لسه مليان بس ممكن من كتر تعرضه للحراره خاماته واحتكاكه اختلف

وصدقني حضرتك بتكلم في حاجه فرقها بسيط جدا مقابل حاجه كبيره جدا وهي الامان

[Youssef.Awad]

تأكد ان مدام التوكيل قال لك ان لسة التيل فاضل فيه يبقي اصبر و متتسرعش لأنك اكيد مش بتستخدم الفرامل كتير

طبعا لو التوكيل قالك لسه يبقى لسه لأن من التغيير ، والموضوع نبي من شخص للثاني وأسلوب سواقة بس أعتقد إن كبيره معاك هايوصل لـ 55 ألف

فعلا انا مقتنع وواثق من كده بس شكله بحالة فوق المتوسطة لأن رجلى خفيفة ع الفرامل وباعمل حساب الفرملة من على بعد ع الطرق السريعة

[Youssef.Awad]

السلام عليكم ورحمة الله وبركاته

انا في رأيي المتواضع
اشتري الامان والضمانه ان التيل جديد
افضل من تأخير ما لا بد منه شهر ولا شهرين
ومتقصرش في حاجه زي كده عشان التقصير ممكن يبقى خطر بعد كده

وانا معاك ان التيل ممكن يكون لسه مليان بس ممكن من كتر تعرضه للحراره خاماته واحتكاكه اختلف

وصدقني حضرتك بتكلم في حاجه فرقها بسيط جدا مقابل حاجه كبيره جدا وهي الامان

والله انا ما قصرت وما استخصرتش فى الكاوتش يبقى هاجى على 300 ج تمن التيل واقول بلاش بس فعلا اداء الفرامل كويس اوى بعد تغيير الكاوتش
وبعدين عمر التيل من الزيرو سنة و3 شهور مش مركون جامد ولا حاجة بس انا استهلاكى عالى للكيلومترات

[WalidAdel]

هاقولك اللي حصل معايا بالظبط و احنا تقريبا نفس الظروف من حيث السفر و كده
انا اول تيل غيرته علي 65000 و قعدت 20 الف بالتيل الفاشل التايواني و رجعت باني لتيل التوكيل من 86 الف و عيرته علي 140 الف بس مش علشان خلص لأ علشان نشف و مابقاش اداء الفرامل زي الاول
نصيحه مني لو التيل اداءه اتغير او في صوت عند الفرمله او الفرامل علي سرعات عاليه مش بتقفش كويس غيره و طالما مافيش شكوي يبقي بلاش تغيره تكلفه علي الفاضي

[Youssef.Awad]

هاقولك اللي حصل معايا بالظبط و احنا تقريبا نفس الظروف من حيث السفر و كده
انا اول تيل غيرته علي 65000 و قعدت 20 الف بالتيل الفاشل التايواني و رجعت باني لتيل التوكيل من 86 الف و عيرته علي 140 الف بس مش علشان خلص لأ علشان نشف و مابقاش اداء الفرامل زي الاول
نصيحه مني لو التيل اداءه اتغير او في صوت عند الفرمله او الفرامل علي سرعات عاليه مش بتقفش كويس غيره و طالما مافيش شكوي يبقي بلاش تغيره تكلفه علي الفاضي

ربنا يطمنك يا غالى
انا فعلا ناوى باذن الله فى الصيانة الجاية عند 60 الف كم اغيره او اول ما يظهر منه اى مشكلة بس تقريبا نفس الاداء بدون مبالغة لانهم فى كل صيانة بيسحبوا الهواء من دورة الفرامل وطبعا اداء المساعدين من الطرق العسل بتاعتنا مأثر شوية يعنى مقدمة العربية بقت تهبط بسيط عند الفرملة بس طبيعى مش هاتفضل زيرو طول عمرها
وطبعا التقليد فى السوق تعبان جداااااا ليا زميل كان معاه كريستالة مو98 كان التيل بيصفر بعد 10 الاف كم !!!

[Sehsss]

فعلا انا مقتنع وواثق من كده بس شكله بحالة فوق المتوسطة لأن رجلى خفيفة ع الفرامل وباعمل حساب الفرملة من على بعد ع الطرق السريعة

طيب يا عم يا بختك برجلك، هههههههههههه

[Youssef.Awad]

طيب يا عم يا بختك برجلك، هههههههههههه

هههههههههه ماشى يا معلم