ساعدوني في تسعير نيساااااان صني 2003

[m6r1282]

يا جماعة أنا اشتريت بعد عيد الفطر 1432 نيسان صني 2003 أوتوماتيك 1300 سي سي ياباني خالص
فابريكة بره وجوه، وفي التوكيل قالولي الفتيس والمكنه كاكل ممتازه والعربيه من بره كويسه بنسبة 90%
ولكن العفشه فيها شوية مشاكل هاتكلفني شويه

أنا بسأل سعرها كام لأني اشتريتها من تاجر ب 66000 جنيه

أرجوكم طمنوني، يعني انضحك عليا في كم تقريبا ؟؟؟؟؟؟؟؟؟؟؟؟
----------
ممنوع الكتابة باللون الاحمر .. لانه مخصص للمداخلات الادارية
يرجى مراجعة قواعد وقوانين المنتدى

م15ب

[FBIAhmed]

60000

[m6r1282]

ياخبر احود شمال
يعني اتلهف مني 6 أساتك ؟؟

[m6r1282]

على العموم أنا بشكرك على المرور
بس أنا شاريها من المنوفية والعربيات عامتا عندنا بتكون غالية شوية

وشرائي كان على طريقة إدخال سيارة في سيارة
أنا مدخل سيارة لانوس 99 فول أوبشن وحاله جيدة
في العربية النيسان السابق ذكرها، وحسب السيارة لانوس على 44.500 جنيه
وكملت 60000 جنيه والباقي 6000 تقسيط بدون فائدة على 12 شهر

فما القول الآن ؟؟؟؟؟؟؟؟؟؟؟؟؟؟

[M.Elgergawy]

يا باشا العربية دي لو نظيفة اوي وفابريكة برا وجوا تعمل بالكتير 50 الف جنيه
انما 66 الف دول يجيبولك لانسر بومه 1600 كاملة اوتو 2005

[m6r1282]

حضرتك ممكن تطلع على اللينك ده

وعلى العموم فيه واحد زميلي اشترى عربية فيرنا بفصال بطلوع الروح وحالتها من بره تحس إنها مستعمله أوي
ومن جوه كويسه
والمكنه متبهدله ولكن آدائها كويس إلى حد ما
((هي أوتوماتيك فول أوبشن))
وبـ 50500

ازاي يكون نيسان صني ياباني وحالة ممتازه تكون كبيره 50000 راجع اللينك كده وقولي


-----------
تحذير للعضو :
- ممنوع وضع روابط لمنتديات أو مواقع أو أي وسيلة مقروءة أخرى منافسة.
وده مخالف للقاعدة 17 من قواعد وقوانين المنتدى
يرجى مراجعة قواعد وقوانين المنتدى

(اضغط هنا للاطلاع على القواعد)

مشرف القسم

م 1 ب

[m6r1282]

بالنسبة للكتابة باللون الأحمر فغير متعمد وتقبلوا اعتذاري
وللعلم أنا أحب هذا المنتدى جدا وكم أفادني قبل أن أقرر المشاركة معكم حتى ولو بالأسئلة

[yyy]

لو 2003 الشكل القديم زي دي
يبقي اخرها 55

ولو تعرف ترجعها يبقي احسن علشان كده سعرها زايد 10 الاف تقريبا



بس لو مش هتعرف ترجعها يبقي انسي ال دفعتو و استمتع بعربيتك

[m6r1282]

طيب هو ممكن يكون ضحك علي في سعر اللانوس 99 بحيث إنها ماتجيبش 44.500
ولا هو أخذها بسعر كويس ولكن ضحك علي في النيسان 2003
وعلى العموم هو أنا مش هارجع السيارة لأني خلصت وعملت رخصة وكنت بحثت قبل الشراء على كونتاك كارز وكان أقل سعر 60000 وأعلى سعر 65000

وأنا آسف للإطاله عليكم
وأشكر كل من رد ومن ينوي الرد

[yyy]

طيب هو ممكن يكون ضحك علي في سعر اللانوس 99 بحيث إنها ماتجيبش 44.500
ولا هو أخذها بسعر كويس ولكن ضحك علي في النيسان 2003

هوا سعر اللانوس كده ممتاز يعني اللانوس 99 فابريكا برا و جوا بتبقي من 42-44

لكن هوا مزود عليك في سعر الصني جدا

[m6r1282]

بس أنا والله بحثت على المواقع الخاصة ببيع السيارات وده كان في رمضان قريبا جدا يعني
وكان سعر السيارة اللي فحالة بتاعتي كان أقل حاجة قرأتها 63000 وأعلى حاجه 65000

وإن كان فعلا فارق السعر كده، فحسبي الله ونعم الوكيل فيه
والسيارة أنا طبعا مش هاينفع أفرط فيها عشان أنا حاببها وناوي أقتنيها

[yyy]

معظم المعلنين علي النت بيبقوا مزودين في السعر علشان يعملوا حساب الفصال


بس مدام دفعت و العربيه عاجباك يبقي انسي الفلوس ومتفكرش فيها و استمتع بالعربيه و ربنا يحفظهالك

[m6r1282]

جزاك الله خيرا على متابعتك لي،
وللأسف أنا عملت حادثة الحمد لله جت في الإكصدام أمامي وهاتكلفني 500 تغيير اكصدام لأنه اتكسر

وحسبنا الله ونعم الوكيل في المتعمد النصب على المسلمين

والحمد لله على كل حال

[egyptiandiver]

ألف مبروك على العربية و الحمد لله على سلامتك، و يا سيدي كبر دماغك من أي فرء سعر... الحمدلله إنت جبت عربية مريحاك و كويسة و في غيرك كتير مثلاً جابو عربيات مضروبة و بردو غالية... يعني من الاخر يا سيدي طنش.. تعش.. تنتعش! أحمد سامي

[M.FOUAD]

ألف مبروك على العربية و الحمد لله على سلامتك، و يا سيدي كبر دماغك من أي فرء سعر... الحمدلله إنت جبت عربية مريحاك و كويسة و في غيرك كتير مثلاً جابو عربيات مضروبة و بردو غالية... يعني من الاخر يا سيدي طنش.. تعش.. تنتعش! أحمد سامي

111111111111
و متنساش كمان انك بايع الانوس بسعر ممتاز و مقسط الباقي كمان
هي عموما زي ما الاخوة قالولك بتعمل في رانج 55 الف فخسارتك مش كبيرة الحمد للة