أيه هو نظام نيسان ضد السرقه للصني؟؟؟

[M.Nabeeh]

يارجاله نيسان

عايز أعرف أيه هو نظام نيسان ضد السرقه للصني؟؟؟


وفي ناس طلعت مفتاح مع الكيت الجديد!!!!!! وشغال زي البقلاوه

والعربيه عمرها مبتدي أنزار مع فتح الباب من جوه ,ولو حطيت مفتاح تاني مختلف!!!

[WalidAdel]

كل ده بيحصل فعلا
الفكره كلها في الريموت اللي لو مش موجود في محيط العربيه (زياده عن 50 متر) و فتحت العربيه من جوه و فتحت الباب الانذار هايشتغل و مش هايقفل الا بالريموت او بالمفتاح لما يدخل في الكونتاكت

[ashouhdy]

مدى شغل ابانبوليزر 15سنتى

[WalidAdel]

مدى شغل ابانبوليزر 15سنتى

.....................؟
ده ايه ده ال "ابانبوليزر"
و ال 15 سنتي دول منين لمنين

[M.Nabeeh]

يعني لو حد كسر الازاز وفتح الباب من جوه العربيه حتدي انزار

طيب ازاي المفتاح مشفر ولازم تطلع عليه في التوكيل والناس طلعت واحد للكيت الجديد!!!!

[mohamedbook]

مفيش تشفير في الصني
الفكرة كلها ان جوها انذار لو اتفتح الباب عن طريق الكسر او منجوة بيشتغل الانذار
اما موضوع الامبوليزر الي هو المفتاح المشفر وهو انك لو طلعت مفتاح من اي مكان صورة طبق الاصل من المفتاح الاصلي السيارة مش هدور
اما لو السيارة مفيهاش الخاصية دي زي الصني وطلعت مفتاح من عند اي حد بتاع مفاتيح السيارة هتشتغل حلاوة وهتدور معاك عادي

[WalidAdel]

يعني لو حد كسر الازاز وفتح الباب من جوه العربيه حتدي انزار

طيب ازاي المفتاح مشفر ولازم تطلع عليه في التوكيل والناس طلعت واحد للكيت الجديد!!!!

حضرتك ماحدش قال ان مفتاح الصني مشفر و لو حد قال اكيد بيفتي لانه فعلا مش مشفر
ماسهل الفتي يعني ياباشا انت مش عايش في مصر ولا ايه اذا كان واحد بتاع المفاتيح روحتله و هو مقتنع انه مشفر وانا اقوله ياعم مش مشفر و هو ابدا لحد مازهقت و قولتله طيب انت عندك الجهاز قالي لأ قومت واخد المفتاح و ماشي علشان ارتاح

[M.Nabeeh]

حضرتك ماحدش قال ان مفتاح الصني مشفر و لو حد قال اكيد بيفتي لانه فعلا مش مشفر
ماسهل الفتي يعني ياباشا انت مش عايش في مصر ولا ايه اذا كان واحد بتاع المفاتيح روحتله و هو مقتنع انه مشفر وانا اقوله ياعم مش مشفر و هو ابدا لحد مازهقت و قولتله طيب انت عندك الجهاز قالي لأ قومت واخد المفتاح و ماشي علشان ارتاح

شكراً ياوليد

صباح الفتي للمصريين!

[Youssef.Awad]

مفتاح الصنى مش مشفر فعلا بس واحد قالى حاجة الصنى ما يتفعش تدور بوصلة خارجية بدون مفتاحها فى الكونتاك يعنى سرقتها صعبة ايه رأيكم فى الكلام ده ؟
التيدا هو اللى مشفر وفيه فحماية بتتبرمج بعد عمل النسخة

[wesam_salom]

معايا صنى خليجى وعملت نسخه مفتاح عاديه
طلع المفتاح مشفر
والعربيه مرضيتش تدور تانى الا بعد ما فصلت الكهربا وشغلتها

[fady_anis]

اللى اعرفه ان نظام الايموبلايزر ده اللى الاستيكر بتاعه على ازاز باب السواق انه بيمنع تشغيل العربيه بدون المفتاح الاصلى

اما فى نظام موجود فى العربيه nissan nats ده مكتوب فى الكتالوج ان العربيه متديش panic سرينه يعنى إلا فى حالة فتح العربيه بطريقة مش سليمه زى الطفاشه او تشغل العربيه من الاسلاك اللى فى علبة الدركسيون

[Sehsss]

اللى اعرفه ان نظام الايموبلايزر ده اللى الاستيكر بتاعه على ازاز باب السواق انه بيمنع تشغيل العربيه بدون المفتاح الاصلى

اما فى نظام موجود فى العربيه nissan nats ده مكتوب فى الكتالوج ان العربيه متديش panic سرينه يعنى إلا فى حالة فتح العربيه بطريقة مش سليمه زى الطفاشه او تشغل العربيه من الاسلاك اللى فى علبة الدركسيون

كلام سليم ومافيش كلام بعد كده

[Bishoy.Girgis]

من الاخر كده عشان منقعدش نلف في الموضوع ده كتير .. النيسان صني لا يمكن تتسرق كعربية علي بعضها لأن نظام الانذار فيها اول ما الحرامي هيفتح الباب .. هتقوم العربية مصوتة في وشه و بعدين تقوم فاصلة الكهرباء عن الكونتاكت مباشرة و لا يمكن تدويرها
و كفاية بقي كلام في الموضوع ده

[Youssef.Awad]

يارب يكون كلامك صح يا بيشوى
لأنه ممكن اوى تتفتح لو حد دخل سلكة من باب السواق من فوق ووصلت لزرار السنترلوك وفتح الابواب كلها وده مش هايخليها تزمر وساعتها اقل واجب يقلبها او يفتح الشنطة من جوة برضه عشان كده انا قافل لوك الشنطة اغلب الوقت اليومين دول
وربنا يسترها علينا جميعا

[Bishoy.Girgis]

يارب يكون كلامك صح يا بيشوى
لأنه ممكن اوى تتفتح لو حد دخل سلكة من باب السواق من فوق ووصلت لزرار السنترلوك وفتح الابواب كلها وده مش هايخليها تزمر وساعتها اقل واجب يقلبها او يفتح الشنطة من جوة برضه عشان كده انا قافل لوك الشنطة اغلب الوقت اليومين دول
وربنا يسترها علينا جميعا

لأ معلش المعلومة واصلة غلط ليك خالص ..

دا الاسهل له ان يكسر الزجاج و يدخل عيل صغير جوا العربية و يقلبها زي ما حصل لعضو قبل كده .. لأن الانذار مش بيشتغل الا لو عمل زي ما انت كاتب كده بالظبط .. يعني يفتح السنترلوك و الابواب .. كده الانذار هيضرب علي طول