ينفع هرمى الفانوس الاصلى ؟؟؟؟؟؟؟؟؟

[AMRTOTI]

صنى 2007 كان فى خبطة بسيطة كدة كسرت الفانوس الاصلى الشمال وغيرته بواحد تايوانى
وبعدها بفترة كدة ربنا رزقنا بقرشين فركبت زينون المهم ان الفانوس القديم لونة باين واضاءته مش زى الجديد .
فما قعدت افكر اازاى احل المشكلة دى لاقيت ان الفانوس الباغة بتاعته الى برا دى ينفع تتشال
فالسوال بيقول ؟

هل فى حد ممكن الاقى عنده الباغة بس بدال ما اغير الفانوس كله علشان الاضاءة تبقى مظبوطة مع العلم ان الفانوس الى هيتغير ده الاصلى وانا زعلان عليه جدا
كمان اضاءة الفانوس التايوانى مش فارشة على الارض زى الاصلى ؟.

كمان انا عندى فانوس خلفى اتشرخ كدة وعلشان يفضل ماسك نفسة اضطريت انى افيم عليه لون احمر بس عايز اغيرة بس خايف اجيب واحد يطلع لونه مختلف عن التانى والموضوع ده بشوفه فى عربيات كتير فهل لازم اغير الاتنين مع بعض ولا فى حل انى اجيب واحد جديد بس يبقى زى التانى مع العلم ان الشرخ فى الباغة الى برا بس يا سلام لو بتتباع لوحدها اغير الاتنين وتبقى زى الفل

[AMRTOTI]

مهم جدا الموضوع ده واتمنى الناس تشارك لانى اعتقد ان فى ناس كتير يتعانى من نفس المسكلة اصله حرام ارمى فانوس كامل علشان باغة مشروخة ولا لونها انطفى ولا ايه ؟

[AMRTOTI]

هل الباغة بتا ع الفانوس دى بتتباع ولا لا ؟

[Dewo]

والله عن تجربه انا من سنتين حصل معايا نفس الموقف الفانوس الأصلى إتكسر وغيرته بواحد تايوانى

بع سنتين التايوانى كان زى الفل والفانوس التانى كان فيه شرخ فلم تراب كتير جواه

حاليا أنا هغير الأتنين مع بعض بالتيوانى لأن فعلا كفاءتة ممتازه ومغيرش لونه خالص

بس لاحظ ان فى بعض الأعضاء أشتكو ان التيوانى فى فرق بسيط فى المقاس بينه وبين الأصلى

[AMRTOTI]

كلام جميل بس الفكرة انى مستحرم ارمى فانوس اصلى علشان فيه شرخ ربنا هيحاسبنى على الكلام ده اكيد اخواتنا هيشوفولنا حل خصوصا ان الباغة بتاعة الفانوس مصممة انها تتغير

[MOK3336]

يا سيدي هات واحد تيواني و ركبة و بيع الأصلي لأى حد لو ممكن يتباع او خليه عندك و خلاص

[Dewo]

كلام جميل بس الفكرة انى مستحرم ارمى فانوس اصلى علشان فيه شرخ ربنا هيحاسبنى على الكلام ده اكيد اخواتنا هيشوفولنا حل خصوصا ان الباغة بتاعة الفانوس مصممة انها تتغير

والله أنا مقدر وجهة نظرك جدا لأنى أوقات بقول حرام الواحد يرمى الحاجه وممكن يكون فى حل وسط مقبول

على العموم فى ناس الحاجات دى عندها عادى وفى ناس متستحملش أى غلطة فى العربيه

أنا رأى لو هوه شرخ بس ومفيش كسر ممكن تروح لواحد بتاع فوانيس يفتحة وينضفه كويس ويلحمه أهو يمشى معاك شويه فى بلدنا دى مفيش فانوس يعيش فى عربيه شخصيا 3 مرات أكون راكن العربيه وأرجع ألاقى وش الفانوس على الأرض

[Amr2004IBM]

انا شوفت الباغه بتتباع لوحدها عند واحد متخصص فى الحجات دى فى التوفيقيه المول الى هناك الدور الثانى تقريبا بس مش عارف جودتها ايه
ونصيه خد معاك الفانوس علشان يلزقو كويس و ميدخلش تراب ويرجع يغمق تانى

[Ahmed.TV]

مبدئيا هو ناس كتير جدا بتشتغل فى عمل الباغات للفوانيس ومنتشرين فى مصر واغلبهم فى منهم فى الحرفين
بياخد الباغة الاصلى ويعملك وصبلك واحدة .. وبيكون سعر الجوز اعتقد فى حدود من 100 الى 150 على ما اعتقد وحسالك قريب لما انزل الحرفين الاسبوع الجى

تحياتى

[Youssef.Awad]

سواء غيرت الباغة او الفانوس كله احتفظ بأى حاجة تغيرها من العربية

[AMRTOTI]

انا شوفت الباغه بتتباع لوحدها عند واحد متخصص فى الحجات دى فى التوفيقيه

دا كلام جميل انا هسال بردوا هناك وابقى اقولكم اعتقد هتبقى حاجة جميلة لكل الناس