Tweet
آخر مرة أروح مودرن أبورواش
يوم الأربعاء الماضي قررت (للأسف الشديد) أعمل صيانة الـ 5 آلاف في مودرن موتورز أبورواش، كان معاد الحجز الساعة 11 وصلت 11 إلا ربع وسلمت العربية للمهندس محمد حسن، أول صدمة بقوله عاوز أظبط زوايا قالى الكوريك اتسرق (!!!) مش عارف ازاي، قلتله خلاص بلاش اضبطلي الطارة علشان معووجة يمين شوية، تخيلوا يرد يقول إيه، "بص هاحاول أخليهم يظبطوها يدوي لو ما عرفوش يبقى معلش بقى) دا على أساس إنهم مش عارفين بتتظبط ازاي، المهم كنت تعبان ومش نايم ومكدر واحد صاحبي معايا قولت يالله خلاص اعمل صيانة الخمسة وخلصني، استلم العربية 11 إلا ربع تخيلوا جابها الساعة كام، الساعة 3 ونص بعد خناق كمان، يعني صيانة 5 آلاف اللي هي عبارة عن تربيط عفشة وكشف على السوائل والأنوار والكلام الفاضي ده يقعدوا فيها 4 ساعات ونص أمال لو كان الواحد هايعمل حاجة كان هايبات هناك، المهم اتخنقت وقولت لمهندس الاستقبال اتصرف وهاتلى العربة دلوقتي وشوفلي المهندس اللي استلم العربية فين ومش عاوزها تتغسل كمان بعد مناهدة واتصالات جاب العربية وقال إيه عملي خصم 20 جنيه علشان العطلة المهم أخدت العربية بترابها بسلطاتها ببابا غنوجها وخلعت أفاجأ تاني يوم إن الإنذار اللي لسه مركبه عندهم من شهرين بيعلق وفضحني في الشارع والناس كانت هاتتلم عليا فاكرنني سارقها، ما تفهمش عملوا فيها إيه لدرجة إني اتجننت وقطعت سلك السرينة علشان العربية مش عاوزة تسكت، يعني العربية رايحة سليمة وراجعة بايظة، المهم حسبنا الله ونعم الوكيل، وأبقى عيل لو روحت التوكيل ده تاني.gif "Majd(4)")
Comment