سؤال لولبي شويه

[adelhamed]

السلام عليكم ورحمة الله وبركاته

مبدأيا انا متطفل علي قسم نيسان لاني لسه مشترتش العربيه

بس بصراحه انا حبيت العربيه جدا
بسبب اصحابها اللي موجودين في المنتدي والروح الجميلة اللي بينهم بجد والله ما ببالغ ولو النيسان بتعمل كدا مع الناس يارب البلد كلها تركب نيسان

انا عايز استفسر عن حاجه كنت بتكلم انا وواحد صاحبي عنها
وهي تغير فتيس عربيه مانيوال لاتوماتيك

سؤالي لحضراتكوا هل التأثير خطر علي العربيه ولا عادي ممكن الضرر يحتمل ومش هيأثر

ولا مفيش ضرر اصلا ؟

معلش هتقل علي حضراتكوا بس السؤال دا مهم جد بالنسبة ليا مستقبلا

وشكرا ليكوا :)

[amdd]

متابع.

[Youssef.Awad]

بصراحة مفيش حد عاقل ينصح بكده لأن فيه اختلافات فى التركيب والتكوين وبناء العربيتين مش مجرد فتيس والغاء دبرياج وبس
اللى اعرفه ان نظام التبريد مختلف وحاجات تانية فطبيعى العربية مش هاتبقى نفس كفاءة الاتوماتيك الاصلى فالافضل تشترى العربية على حالتها ولو جزء بايظ تغيره بنفس اللى راكبله
العربيات الجديدة مختلفة عن القديمة لأنى عارف حضرتك ممكن تقول ان العملية دى تمت فى عربيات كتير مرسيدس مثلا معدل وزلموكة وغيرها وكله زى الفل بس برضه العربية اللى متغير فيها حاجات جذرية زى دى بتفرق عن الستاندرد
وانا ضد الفكرة دى تماما وضد كمان فكرة انى استورد عربيات يابانى الدركسيون يمين واقلبها هنا شمال بتغيير التابلوه وعلبة الدركسيون لأنه بيؤثر بالسلب على اتزان وكفاءة العربية

[Abdm]

بص يا سيدى على رأى المثل اللى بيقول شراء العبد ولا تربيتة . وكمان أدى العيش لخبازة حتى لو هيأخذ نصفة .

دلوقتى حتى لو كانت تكلفة التغير قليلة وكمان لو مش فارق معاك أنك هتخسر فى بيع الفتيس المانيوال وكمان التعديلات اللى ممكن تضر أو تأثر على العربية اللى هتعملها فى الشاسية أو الحوض علشان يركب الآتوماتيك وكمان لقيت اللى هيركبلك صح لكن شوف أنت هضيع وقت قد أية فى الشراء والتجربة بعد الشراء للفتيس الآتوماتيك ولو ما نفعش هتغيرة بعد ما ركبتة وتشوف واحد تانى والبهدلة والتعب .

الآفضل أنك تبيع المانيوال وتشترى أتوماتيك جاهز أحسن . أو تشترى أتوماتيك من البداية .
والله الموفق والمستعان

[SonaSteel]

انا مع الناس ديه في كل حاجة
ولو مشاويرك وسط البلد هاتها اوتوماتيك
لو طوالي يبقي مانيوال

[adelhamed]

بصراحة مفيش حد عاقل ينصح بكده لأن فيه اختلافات فى التركيب والتكوين وبناء العربيتين مش مجرد فتيس والغاء دبرياج وبس
اللى اعرفه ان نظام التبريد مختلف وحاجات تانية فطبيعى العربية مش هاتبقى نفس كفاءة الاتوماتيك الاصلى فالافضل تشترى العربية على حالتها ولو جزء بايظ تغيره بنفس اللى راكبله
العربيات الجديدة مختلفة عن القديمة لأنى عارف حضرتك ممكن تقول ان العملية دى تمت فى عربيات كتير مرسيدس مثلا معدل وزلموكة وغيرها وكله زى الفل بس برضه العربية اللى متغير فيها حاجات جذرية زى دى بتفرق عن الستاندرد
وانا ضد الفكرة دى تماما وضد كمان فكرة انى استورد عربيات يابانى الدركسيون يمين واقلبها هنا شمال بتغيير التابلوه وعلبة الدركسيون لأنه بيؤثر بالسلب على اتزان وكفاءة العربية

تمام انا فعلا ليا واحد جاري معاه بيجو كانت مانيوال وقلبها اتوماتيك وشغاله معاه ماشاء الل وزي الفل
ودا اللي كان بيقنعني انها مفيهاش ضرر بس فعلا انا كنت شايف انها مش حاجه طبيعية واكيد مش هتدي نفس الاداء

بص يا سيدى على رأى المثل اللى بيقول شراء العبد ولا تربيتة . وكمان أدى العيش لخبازة حتى لو هيأخذ نصفة .

دلوقتى حتى لو كانت تكلفة التغير قليلة وكمان لو مش فارق معاك أنك هتخسر فى بيع الفتيس المانيوال وكمان التعديلات اللى ممكن تضر أو تأثر على العربية اللى هتعملها فى الشاسية أو الحوض علشان يركب الآتوماتيك وكمان لقيت اللى هيركبلك صح لكن شوف أنت هضيع وقت قد أية فى الشراء والتجربة بعد الشراء للفتيس الآتوماتيك ولو ما نفعش هتغيرة بعد ما ركبتة وتشوف واحد تانى والبهدلة والتعب .

الآفضل أنك تبيع المانيوال وتشترى أتوماتيك جاهز أحسن . أو تشترى أتوماتيك من البداية .
والله الموفق والمستعان

يعني هيبئا الموضوع كله حظوظ بئا انت وحظك في اللي ركبهولك وانت حظك في عربيتك هتطبع معاه كويس ولا لا وانت وحظك في الفتيس نفسه
كلام حضرتك مظبوط جدا

انا مع الناس ديه في كل حاجة
ولو مشاويرك وسط البلد هاتها اوتوماتيك
لو طوالي يبقي مانيوال

تمام يا استاذ حسين حضرتك جبت من الاخر

متشكر جدا لحضراتكوا علي الشرح والمعلومات

[M.Nabeeh]

25000 l.e

[adelhamed]

25000 l.e

???

[Youssef.Awad]

25000ج تمن الفتيس الاتوماتيك زيرو

[M.Nabeeh]

غير المصنعيه

[adelhamed]

25000ج تمن الفتيس الاتوماتيك زيرو

غير المصنعيه

لا وعلي ايه بئا الي عايز مانيوال يفضل مانيوال واللي عايز اتوماتيك يجيب من الاول بدل القلق دا كله

شكرا يا اساتذة علي معلوماتكوا :)

[Ahmed.TV]

احنا اتناقشنا فى الموضوع ده قبل كدا كتير

وحسبنا التكلفة لو حتدخل مثلا فى حدود من 7000 الى 10000 الاف جنيه .. فالافضل تبيع العربية الصنى المانيول وتجيب اتوماتيك او من الاول وانت بتختار فى بداية شرائك العربية تجيب اتوماتيك على طول

لانك لما حتغير .. حتغير بدلات وحتغير فتيس وحتغير كنترول وحتغير حاجات كتير جدا .. الله واعلم غير التكلفة حتتركب صح ولالا

فاعمل زى ما قولتلك وزى ما قالولك الاعضاء اريح

تحياتى

[Bishoy.Girgis]

رأيي الشخصي ان الميكانيكا بالذات لازم تبقي طالعة من المصنع افضل من اللعب .. عشان يعطي اداء افضل
انا شايف ان تكنولوجية ماتور الصني و الفتيس الاوتوماتيك عالية جدا فالافضل انها زي ماهي طالعة من المصنع

[adelhamed]

احنا اتناقشنا فى الموضوع ده قبل كدا كتير

وحسبنا التكلفة لو حتدخل مثلا فى حدود من 7000 الى 10000 الاف جنيه .. فالافضل تبيع العربية الصنى المانيول وتجيب اتوماتيك او من الاول وانت بتختار فى بداية شرائك العربية تجيب اتوماتيك على طول

لانك لما حتغير .. حتغير بدلات وحتغير فتيس وحتغير كنترول وحتغير حاجات كتير جدا .. الله واعلم غير التكلفة حتتركب صح ولالا

فاعمل زى ما قولتلك وزى ما قالولك الاعضاء اريح

تحياتى

لا وعلي ايه بئا تضييع الوقت والفلوس والجهد وياعالم هيتركب كويس ولا لا
شكرا لحضرتك يا استاذ احمد :)

رأيي الشخصي ان الميكانيكا بالذات لازم تبقي طالعة من المصنع افضل من اللعب .. عشان يعطي اداء افضل
انا شايف ان تكنولوجية ماتور الصني و الفتيس الاوتوماتيك عالية جدا فالافضل انها زي ماهي طالعة من المصنع

انا بسمع من حضراتكوا في المنتدي كلام جميل عن الصني اوتو وواضح فعلا انها مينفعش يتعلب فيها

شكرا لحضرتك يا استاذ بشوي :)